- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
FIFA World Cup 2026 : ਟਿਊਨੀਸ਼ੀਆ ਨੂੰ 3-1 ਨਾਲ ਹਰਾ ਕੇ ਨੀਦਰਲੈਂਡ ਨਾਕਆਊਟ 'ਚ, ਜਾਪਾਨ ਤੇ ਸਵੀਡਨ ਵੀ ਅਗਲੇ ਦੌਰ 'ਚ ਪਹੁੰਚੇ
ਨੀਦਰਲੈਂਡ ਨੇ ਸ਼ੁੱਕਰਵਾਰ ਨੂੰ ਟਿਊਨੀਸ਼ੀਆ ਨੂੰ ਮਾਤ ਦੇ ਕੇ ਗਰੁੱਪ-ਏ 'ਚ ਪਹਿਲੇ ਸਥਾਨ 'ਤੇ ਰਹਿੰਦੇ ਹੋਏ ਫੀਫਾ ਵਰਲਡ ਕੱਪ-2026 ਦੇ ਨਾਕਆਊਟ ਦੌਰ 'ਚ ਜਗ੍ਹਾ ਬਣਾ ਲਈ ਹੈ। ਉੱਥੇ ਹੀ ਜਾਪਾਨ ਅਤੇ ਸਵੀਡਨ ਵੀ ਡਰਾਅ ਖੇਡਣ ਤੋਂ ਬਾਅਦ ਅਗਲੇ ਦੌਰ 'ਚ ਪਹੁੰਚਣ 'ਚ ਸਫ਼ਲ ਰਹੇ ਹਨ।
Posted By Sunita
Publish Date: Fri, 26 Jun 2026 10:15 AM (IST)
Updated Date: Fri, 26 Jun 2026 10:16 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ - ਨੀਦਰਲੈਂਡ ਨੇ ਸ਼ੁੱਕਰਵਾਰ ਨੂੰ ਟਿਊਨੀਸ਼ੀਆ ਨੂੰ ਮਾਤ ਦੇ ਕੇ ਗਰੁੱਪ-ਏ 'ਚ ਪਹਿਲੇ ਸਥਾਨ 'ਤੇ ਰਹਿੰਦੇ ਹੋਏ ਫੀਫਾ ਵਰਲਡ ਕੱਪ-2026 ਦੇ ਨਾਕਆਊਟ ਦੌਰ 'ਚ ਜਗ੍ਹਾ ਬਣਾ ਲਈ ਹੈ। ਉੱਥੇ ਹੀ ਜਾਪਾਨ ਅਤੇ ਸਵੀਡਨ ਵੀ ਡਰਾਅ ਖੇਡਣ ਤੋਂ ਬਾਅਦ ਅਗਲੇ ਦੌਰ 'ਚ ਪਹੁੰਚਣ 'ਚ ਸਫ਼ਲ ਰਹੇ ਹਨ।
ਨੀਦਰਲੈਂਡ ਨੇ ਗਰੁੱਪ ਸਟੇਜ 'ਚ ਅਜੇਤੂ ਰਹਿੰਦੇ ਹੋਏ ਅਗਲੇ ਦੌਰ 'ਚ ਜਗ੍ਹਾ ਬਣਾਈ। ਉਸ ਦਾ ਸਾਹਮਣਾ ਰਾਊਂਡ ਆਫ਼ 32 'ਚ ਸੋਮਵਾਰ ਨੂੰ ਮੋਰੱਕੋ ਨਾਲ ਹੋਵੇਗਾ। ਉੱਥੇ ਹੀ ਜਾਪਾਨ ਦੀ ਟੀਮ ਪੰਜ ਅੰਕਾਂ ਦੇ ਨਾਲ ਦੂਜੇ ਸਥਾਨ 'ਤੇ ਰਹੀ। ਅਗਲੇ ਦੌਰ 'ਚ ਉਸ ਦੇ ਸਾਹਮਣੇ ਬ੍ਰਾਜ਼ੀਲ ਦੀ ਟੀਮ ਹੋਵੇਗੀ। ਸਵੀਡਨ ਨੇ ਤੀਜੇ ਸਥਾਨ ਦੀਆਂ ਅੱਠ ਸਰਵੋਤਮ ਟੀਮਾਂ 'ਚੋਂ ਇੱਕ ਰਹਿੰਦੇ ਹੋਏ ਅਗਲੇ ਦੌਰ ਦੀ ਟਿਕਟ ਪੱਕੀ ਕੀਤੀ।
ਨੀਦਰਲੈਂਡ ਰਹੀ ਹਾਵੀ
ਕੰਸਾਸ ਸਿਟੀ 'ਚ ਖੇਡੇ ਗਏ ਮੈਚ 'ਚ ਨੀਦਰਲੈਂਡ ਦੀ ਟੀਮ ਸ਼ੁਰੂ ਤੋਂ ਹੀ ਟਿਊਨੀਸ਼ੀਆ 'ਤੇ ਹਾਵੀ ਰਹੀ। ਉਸ ਨੇ 3-1 ਨਾਲ ਸ਼ਾਨਦਾਰ ਜਿੱਤ ਹਾਸਲ ਕੀਤੀ। ਤੀਜੇ ਮਿੰਟ 'ਚ ਟਿਊਨੀਸ਼ੀਆ ਦੇ ਕਪਤਾਨ ਐਲਿਸ ਸ਼ਕੀਰੀ ਨੇ ਗਲਤੀ ਨਾਲ ਆਤਮਘਾਤੀ (ਸੈਲਫ) ਗੋਲ ਕਰ ਦਿੱਤਾ ਅਤੇ ਨੀਦਰਲੈਂਡ ਨੂੰ ਬੜ੍ਹਤ ਦਿਵਾ ਦਿੱਤੀ। ਚਾਰ ਮਿੰਟ ਬਾਅਦ ਬ੍ਰਾਇਨ ਬੋਬੇ ਨੇ ਦੂਜਾ ਗੋਲ ਕਰ ਦਿੱਤਾ। ਸ਼ੁਰੂਆਤੀ ਅੱਠ ਮਿੰਟਾਂ 'ਚ ਹੀ ਨੀਦਰਲੈਂਡ ਦੀ ਟੀਮ 2-0 ਨਾਲ ਅੱਗੇ ਸੀ। ਪਹਿਲੇ ਹਾਫ ਦੀ ਸਮਾਪਤੀ ਤੱਕ ਇਹੀ ਸਕੋਰਲਾਈਨ ਰਹੀ।
ਦੂਜੇ ਹਾਫ 'ਚ ਟਿਊਨੀਸ਼ੀਆ ਨੇ ਆਪਣਾ ਖਾਤਾ ਖੋਲ੍ਹਿਆ। ਉਸ ਦੇ ਲਈ ਇਹ ਗੋਲ ਹਜ਼ੀਮ ਮਾਸਤਾਉਰੀ ਨੇ ਕੀਤਾ। ਇਹ ਗੋਲ 54ਵੇਂ ਮਿੰਟ 'ਚ ਆਇਆ। ਨੀਦਰਲੈਂਡ ਨੂੰ ਆਪਣੇ ਗੋਲਾਂ ਦੀ ਗਿਣਤੀ ਵਧਾਉਣ 'ਚ ਜ਼ਿਆਦਾ ਸਮਾਂ ਨਹੀਂ ਲੱਗਿਆ। ਜਿਆਂ ਪੌਲ ਵਾਨ ਹੇਕੀ ਨੇ 62ਵੇਂ ਮਿੰਟ 'ਚ ਟੀਮ ਲਈ ਗੋਲ ਕਰ ਦਿੱਤਾ। ਇਹ ਇਸ ਮੈਚ ਦਾ ਆਖਰੀ ਗੋਲ ਸਾਬਤ ਹੋਇਆ ਅਤੇ ਨੀਦਰਲੈਂਡ ਨੇ ਟਾਪ 'ਤੇ ਰਹਿੰਦੇ ਹੋਏ ਅਗਲੇ ਦੌਰ 'ਚ ਜਗ੍ਹਾ ਬਣਾਈ।
ਜਾਪਾਨ-ਸਵੀਡਨ ਨੇ ਖੇਡਿਆ ਡਰਾਅ
ਜਾਪਾਨ ਅਤੇ ਸਵੀਡਨ ਦੇ ਲਈ ਵੀ ਇਹ ਮੈਚ ਅਹਿਮ ਸੀ। ਜਾਪਾਨ ਦੀ ਕੋਸ਼ਿਸ਼ ਹਾਰ ਤੋਂ ਬਚਣ ਦੀ ਸੀ ਤਾਂ ਸਵੀਡਨ ਦੀ ਚਾਹਤ ਵੀ ਇਹੀ ਸੀ। ਹਾਲਾਂਕਿ, ਦੋਵਾਂ ਨੂੰ ਅੰਕ ਵੰਡਣ ਲਈ ਮਜਬੂਰ ਹੋਣਾ ਪਿਆ, ਪਰ ਦੋਵੇਂ ਹੀ ਟੀਮਾਂ ਅਗਲੇ ਦੌਰ 'ਚ ਪਹੁੰਚਣ ਦੇ ਆਪਣੇ ਮਿਸ਼ਨ 'ਚ ਸਫ਼ਲ ਜ਼ਰੂਰ ਹੋ ਗਈਆਂ। ਪਹਿਲੇ ਹਾਫ 'ਚ ਜਾਪਾਨ ਕੋਲ ਕਈ ਮੌਕੇ ਆਏ ਜਿਨ੍ਹਾਂ ਨੂੰ ਉਹ ਗੋਲ 'ਚ ਤਬਦੀਲ ਨਹੀਂ ਕਰ ਸਕੀ।
ਪਰ ਦੂਜੇ ਹਾਫ 'ਚ ਉਸ ਨੂੰ ਸਫ਼ਲਤਾ ਮਿਲੀ। 56ਵੇਂ ਮਿੰਟ 'ਚ ਰਿਤਸੂ ਡੋਨ ਨੇ ਆਇਸੇ ਯੂਡੇ ਨੂੰ ਪਾਸ ਦਿੱਤਾ। ਉਨ੍ਹਾਂ ਨੇ ਡਾਇਜੇਨ ਮੇਏਡਾ ਨੂੰ ਗੇਂਦ ਦਿੱਤੀ ਜਿਨ੍ਹਾਂ ਨੇ ਸ਼ਾਨਦਾਰ ਗੋਲ ਕਰਕੇ ਜਾਪਾਨ ਨੂੰ 1-0 ਨਾਲ ਅੱਗੇ ਕਰ ਦਿੱਤਾ। ਹਾਲਾਂਕਿ, ਛੇ ਮਿੰਟ ਬਾਅਦ ਹੀ ਐਂਥਨੀ ਇਲਾਂਗਾ ਨੇ ਸਵੀਡਨ ਦੇ ਲਈ ਗੋਲ ਕਰ ਦਿੱਤਾ ਅਤੇ ਸਕੋਰ ਬਰਾਬਰ ਹੋ ਗਿਆ। ਅੰਤ ਤੱਕ ਇਹ ਸਕੋਰ ਬਰਾਬਰ ਹੀ ਰਿਹਾ ਅਤੇ ਦੋਵੇਂ ਟੀਮਾਂ ਅਗਲੇ ਦੌਰ 'ਚ ਜਾਣ 'ਚ ਸਫ਼ਲ ਰਹੀਆਂ।