Fifa World Cup 2026 : 12 ਸਾਲ ਬਾਅਦ ਵਿਸ਼ਵ ਕੱਪ ਖੇਡ ਰਹੇ ਆਈਵਰੀ ਕੋਸਟ ਦੀ ਜੇਤੂ ਸ਼ੁਰੂਆਤ, ਇਕਵਾਡੋਰ ਨੂੰ 1-0 ਨਾਲ ਹਰਾਇਆ; ਆਖਰੀ ਮਿੰਟ ’ਚ ਡਿਏਲੋ ਨੇ ਤੋੜਿਆ ਇਕਵਾਡੋਰ ਦਾ ਡਿਫੈਂਸ

ਫਿਲਾਡੇਲਫੀਆ, ਏਪੀ : ਅਮਾਦ ਡਾਇਲੋ ਨੇ 90ਵੇਂ ਮਿੰਟ ’ਚ ਗੋਲ ਕਰ ਕੇ ਆਈਵਰੀ ਕੋਸਟ ਨੂੰ ਇਕਵਾਡੋਰ 'ਤੇ 1-0 ਦੀ ਜਿੱਤ ਦਿਵਾਈ, ਜੋ 12 ਸਾਲਾਂ 'ਚ ਪਹਿਲੀ ਵਾਰ ਵਿਸ਼ਵ ਕੱਪ ’ਚ ਹਿੱਸਾ ਲੈ ਰਹੀ ਹੈ। ਦੋਵੇਂ ਟੀਮਾਂ ਨੇ ਮਿਲ ਕੇ 3 ਵਾਰ ਕਰਾਸਬਾਰ ’ਤੇ ਗੇਂਦ ਨੂੰ ਮਾਰਿਆ ਪਰ ਗੋਲ ਕਰਨ 'ਚ ਨਾਕਾਮ ਰਹੀਆਂ। ਅਜਿਹੇ ’ਚ ਜਦੋਂ ਮੈਚ ਗੋਲ ਰਹਿਤ ਡਰਾਅ ਵੱਲ ਵਧ ਰਿਹਾ ਸੀ ਤਾਂ ਮੈਨਚੈਸਟਰ ਯੂਨਾਈਟਿਡ ਲਈ ਖੇਡ ਰਹੇ ਵਿੰਗਰ ਡਾਇਲੋ ਨੇ ਪੈਨਲਟੀ ਖੇਤਰ ਦੇ ਅੰਦਰ ਹੀ ਗੋਤਾ ਲਾਇਆ ਤੇ ਆਪਣੇ ਖੱਬੇ ਪੈਰ ਨਾਲ ਜ਼ਬਰਦਸਤ ਸ਼ਾਟ ਮਾਰਦੇ ਹੋਏ ਗੋਲਕੀਪਰ ਹਰਨਾਨ ਗਲੀਂਡੇਜ਼ ਨੂੰ ਚਕਮਾ ਦੇ ਕੇ ਗੋਲ ਕਰ ਦਿੱਤਾ। ਵਿਲਫ੍ਰੇਡ ਸਿੰਗੋ ਨੇ ਸੱਜੇ ਪਾਸੇ ਤੋਂ ਸ਼ਾਨਦਾਰ ਦੌੜ ਨਾਲ ਇਸ ਗੋਲ ਦੀ ਨੀਂਹ ਰੱਖੀ ਸੀ।

ਆਈਵਰੀ ਕੋਸਟ ਲਈ ਏਲੀ ਵਾਹੀ ਨੇ 52ਵੇਂ ਮਿੰਟ ’ਚ ਕਰਾਸਬਾਰ ’ਤੇ ਗੋਲ ਕੀਤਾ। ਇਸ ਤੋਂ ਪਹਿਲਾਂ ਇਕਵਾਡੋਰ ਦੇ ਜੌਹਨ ਯੇਬੋਹ ਤੇ ਨਿਲਸਨ ਐਂਗੁਲੋ ਨੇ ਪਹਿਲੇ ਹਾਫ ’ਚ ਅਜਿਹਾ ਕਰ ਕੇ ਗੋਲ ਕਰਨ ਦੇ ਸੁਨਹਿਰੀ ਮੌਕੇ ਗੁਆ ਦਿੱਤੇ ਸਨ। ਪੰਜਵੀਂ ਵਾਰ ਵਿ•ਸ਼ਵ ਕੱਪ ’ਚ ਹਿੱਸਾ ਲੈ ਰਹੇ ਇਕਵਾਡੋਰ ਲਈ ਲਿੰਕਨ ਫਾਈਨੈਂਸ਼ੀਅਲ ਫੀਲਡ ਦਾ ਮਾਹੌਲ ਘਰ ਵਰਗਾ ਸੀ, ਕਿਉਂਕਿ 68,274 ਦਰਸ਼ਕਾਂ ’ਚੋਂ ਜ਼ਿਆਦਾਤਰ ਨੇ ਇਕਵਾਡੋਰ ਦੀ ਪੀਲੀ ਜਰਸੀ ਪਹਿਨੀ ਹੋਈ ਸੀ। ਡਾਇਲੋ ਦੇ ਗੋਲ ਤੋਂ ਪਹਿਲਾਂ ਇਕਵਾਡੋਰ ਦੀ ਟੀਮ ਮਜ਼ਬੂਤ ਨਜ਼ਰ ਆ ਰਹੀ ਸੀ। ਅੱਧੇ ਸਮੇਂ ਤੋਂ ਬਾਅਦ ਉਨ੍ਹਾਂ ਦਾ ਸਭ ਤੋਂ ਵਧੀਆ ਮੌਕਾ 68ਵੇਂ ਮਿੰਟ ’ਚ ਆਇਆ ਜਦੋਂ ਗੋਂਜ਼ਾਲੋ ਪਲਾਟਾ ਨੇ ਲਗਭਗ 25 ਗਜ਼ ਤੋਂ ਇੱਕ ਸ਼ਕਤੀਸ਼ਾਲੀ ਸ਼ਾਟ ਦਾਗਿਆ, ਜਿਸ ਨੂੰ ਗੋਲਕੀਪਰ ਯਾਹੀਆ ਫੋਫਾਨਾ ਨੇ ਰੋਕ ਦਿੱਤਾ। ਆਈਵਰੀ ਕੋਸਟ ਨੂੰ ਯੈਨ ਡਾਇਓਮਾਂਡੇ ਦੇ ਹਮਲਾਵਰ ਖੇਡ ਨਾਲ ਕਾਫੀ ਮਜ਼ਬੂਤੀ ਮਿਲੀ।

ਉਸ ਨੇ ਗੋਲ ਕਰਨ ਦੇ ਕੁਝ ਚੰਗੇ ਮੌਕੇ ਬਣਾਏ। ਇਨ੍ਹਾਂ ’ਚੋਂ ਵਾਹੀ ਦਾ ਡਿਓਮੈਂਡੇ ਦੇ ਸ਼ਾਨਦਾਰ ਕਰਾਸ ਤੋਂ ਸ਼ਾਨਦਾਰ ਸ਼ਾਟ ਸੀ, ਜੋ ਗੋਲ ਕਰਨ ਤੋਂ ਖੁੰਝ ਗਿਆ। ਆਈਵਰੀ ਕੋਸਟ ਨੇ 10 ਕੁਆਲੀਫਾਇੰਗ ਮੈਚਾਂ ’ਚ 8-0-2 ਦਾ ਰਿਕਾਰਡ ਬਣਾਉਂਦੇ ਹੋਏ ਇੱਕ ਗੋਲ ਨਙੀਂ ਖਾਧਾ। ਹੁਣ ਉਨ੍ਹਾਂ ਦਾ ਸਾਹਮਣਾ ਚਾਰ ਵਾਰ ਦੇ ਵਿਸ਼ਵ ਕੱਪ ਚੈਂਪੀਅਨ ਜਰਮਨੀ ਨਾਲ ਹੋਵੇਗਾ, ਜਿਸ ਨੇ ਐਤਵਾਰ ਨੂੰ ਗਰੁੱਪ ਈ ’ਚ ਕੁਰਕਾਓ ਨੂੰ 7-1 ਨਾਲ ਹਰਾਇਆ ਸੀ।

ਗੋਲ ਸਕੋਰ

ਆਈਵਰੀ ਕੋਸਟ : 1

ਅਮਾਦ ਡਿਆਲੋ : 90ਵਾਂ ਮਿੰਟ

ਇਕਵਾਡੋਰ : 0

ਆਈਵਰੀ ਕੋਸਟ ਇਕਵਾਡੋਰ

49% ਬਾਲ ਕੰਟਰੋਲ 51%

4 ਕੁੱਲ ਸ਼ਾਟ 1

7 ਟੀਚੇ 'ਤੇ ਸ਼ਾਟ 3

441 ਕੁੱਲ ਪਾਸ 503

10 ਫਾਊਲ 13

3 ਪੀਲੇ ਕਾਰਡ 1

0 ਲਾਲ ਕਾਰਡ 0

3 ਕਾਰਨਰ 5