ਬ੍ਰਾਜ਼ੀਲ ਨੇ ਹੈਤੀ ਨੂੰ 3-0 ਨਾਲ ਹਰਾਇਆ, ਹੈਤੀ 2026 ਫੀਫਾ ਵਿਸ਼ਵ ਕੱਪ ਤੋਂ ਬਾਹਰ ਹੋਣ ਵਾਲੀ ਪਹਿਲੀ ਟੀਮ ਬਣੀ

ਜਾਗਰਣ ਨਿਊਜ਼ ਨੈੱਟਵਰਕ, ਨਵੀਂ ਦਿੱਲੀ: ਬ੍ਰਾਜ਼ੀਲ ਪਹਿਲਾਂ ਮੋਰੱਕੋ ਖਿਲਾਫ਼ ਜਿੱਤ ਹਾਸਲ ਕਰਨ ’ਚ ਅਸਫਲ ਰਿਹਾ ਸੀ ਕਿਉਂਕਿ ਉਨ੍ਹਾਂ ਦੇ ਹਮਲਾਵਰ ਗੋਲ ਨਹੀਂ ਲੱਭ ਸਕੇ ਸਨ। ਉਸ ਤਜਰਬੇ ਤੋਂ ਸਿੱਖਦੇ ਹੋਏ, ਬ੍ਰਾਜ਼ੀਲ ਦੇ ਮੈਨੇਜਰ ਕਾਰਲੋ ਐਂਸੇਲੋਟੀ ਨੇ ਹੈਤੀ ਖਿਲਾਫ਼ ਸਟ੍ਰਾਈਕਰ ਵਜੋਂ ਮੈਥੀਅਸ ਕੁਨਯਾ ਨੂੰ ਮੈਦਾਨ ’ਚ ਉਤਾਰਿਆ। ਪਹਿਲੇ ਹਾਫ ’ਚ ਇਕੱਲੇ ਦੋ ਗੋਲ ਕਰਕੇ ਕੁਨਯਾ ਨੇ ਨਾ ਸਿਰਫ ਐਂਸੇਲੋਟੀ ਦੇ ਫੈਸਲੇ ਨੂੰ ਸਹੀ ਠਹਿਰਾਇਆ ਬਲਕਿ ਬ੍ਰਾਜ਼ੀਲ ਲਈ ਅਗਲੇ ਗੇੜ ’ਚ ਜਾਣ ਦਾ ਰਾਹ ਵੀ ਪੱਧਰਾ ਕੀਤਾ। ਸ਼ਨਿਚਰਵਾਰ ਸਵੇਰੇ, ਫੀਫਾ ਵਿਸ਼ਵ ਕੱਪ ਦੇ ਆਪਣੇ ਦੂਜੇ ਗਰੁੱਪ ਗੇੜ ਦੇ ਮੈਚ ’ਚ ਬ੍ਰਾਜ਼ੀਲ ਨੇ ਹੈਤੀ ਨੂੰ 3-0 ਨਾਲ ਹਰਾ ਕੇ ਗੋਲ ਅੰਤਰ ਦੇ ਆਧਾਰ ’ਤੇ ਗਰੁੱਪ ਸੀ ’ਚ ਸਿਖਰਲਾ ਸਥਾਨ ਹਾਸਲ ਕੀਤਾ। ਵਿਨੀਸੀਅਸ ਜੂਨੀਅਰ ਨੇ ਟੀਮ ਲਈ ਤੀਜਾ ਗੋਲ ਕੀਤਾ।

ਮੈਚ ਤੋਂ ਬਾਅਦ ਆਪਣੀ ਟੀਮ ਦੀ ਪ੍ਰਸੰਸਾ ਕਰਦੇ ਹੋਏ, ਐਂਸੇਲੋਟੀ ਨੇ ਕਿਹਾ, ਅਸੀਂ ਘੱਟ ਗਲਤੀਆਂ ਕੀਤੀਆਂ। ਫਾਰਵਰਡਾਂ ਨੇ ਬਿਹਤਰ ਪ੍ਰਦਰਸ਼ਨ ਕੀਤਾ ਤੇ ਡਿਫੈਂਸ ਜ਼ਿਆਦਾ ਕੰਟਰੋਲ ’ਚ ਸੀ। ਮੈਨੂੰ ਲੱਗਦਾ ਹੈ ਕਿ ਇਹ ਇੱਕ ਚੰਗਾ ਮੈਚ ਸੀ। ਇਸ ਹਾਰ ਤੋਂ ਬਾਅਦ, ਹੈਤੀ ਫੀਫਾ ਵਿਸ਼ਵ ਕੱਪ ਤੋਂ ਬਾਹਰ ਹੋਣ ਵਾਲੀ ਪਹਿਲੀ ਟੀਮ ਬਣ ਗਈ ਤੇ ਦੋ ਮੈਚਾਂ ਤੋਂ ਬਾਅਦ ਉਨ੍ਹਾਂ ਦਾ ਕੋਈ ਅੰਕ ਨਹੀਂ ਹੈ। ਹਾਲਾਂਕਿ 1974 ਤੋਂ ਬਾਅਦ ਪਹਿਲੀ ਵਾਰ ਵਿਸ਼ਵ ਕੱਪ ’ਚ ਖੇਡਣ ਵਾਲੀ ਟੀਮ ਲਈ ਇਹ ਯਕੀਨੀ ਤੌਰ ’ਤੇ ਇੱਕ ਕੀਮਤੀ ਸਿੱਖਣ ਦਾ ਮੌਕਾ ਸੀ। ਹੈਤੀ ਨੇ ਸ਼ੁਰੂਆਤੀ ਪੰਦਰਾਂ ਮਿੰਟਾਂ ’ਚ ਬਹੁਤ ਊਰਜਾ ਦਿਖਾਈ, ਫਿਰ ਵੀ ਉਸ ਊਰਜਾ ਦੇ ਵਿਚਾਲੇ ਬ੍ਰਾਜ਼ੀਲ ਦਾ ਹਮਲਾ ਵੱਖਰਾ ਸੀ। ਰਾਫਿਨਹਾ ਜੋ ਕਿ ਕੁੰਹਾ ਦੇ ਨਾਲ ਇਕ ਸਟਰਾਈਕਰ ਵਜੋਂ ਖੇਡ ਰਿਹਾ ਸੀ, ਨੇ ਸ਼ੁਰੂਆਤ ’ਚ ਗੋਲ ਕੀਤਾ ਪਰ ਉਸ ਨੂੰ ਆਫਸਾਈਡ ਕਰ ਦਿੱਤਾ ਗਿਆ, ਜਦ ਕਿ ਉਸ ਦੇ ਇੱਕ ਹੋਰ ਸ਼ਾਟ ਵਾਈਡ ਹੋ ਗਏ। ਬ੍ਰਾਜ਼ੀਲ ਦੇ ਲਗਾਤਾਰ ਹਮਲੇ 23ਵੇਂ ਮਿੰਟ ’ਚ ਰੰਗ ਲਿਆਏ ਜਦੋਂ ਹੈਤੀ ਦੇ ਗੋਲਕੀਪਰ ਜੌਨੀ ਪਲਾਸਾਈਡ ਵਿਨੀ ਦੇ ਇੱਕ ਸ਼ਾਟ ਨੂੰ ਫੜਨ ’ਚ ਅਸਫ਼ਲ ਰਹੇ ਰੀਬਾਉਂਡ ਕੁੰਹਾ ਨੂੰ ਪਿਆ, ਜਿਸ ਨੇ ਡਿਫੈਂਡਰ ਹੈਨਸ ਡੇਲਕ੍ਰੋਇਕਸ ਦੀ ਮਦਦ ਨਾਲ ਗੇਂਦ ਨੂੰ ਨੈੱਟ ’ਚ ਭੇਜ ਦਿੱਤਾ।

ਬ੍ਰਾਜ਼ੀਲ ਨੂੰ 36ਵੇਂ ਮਿੰਟ ’ਚ ਦੁਬਾਰਾ ਜਾਲ ਮਿਲਿਆ। ਵਿਨੀ ਨੇ ਨਿਰਸੁਆਰਥ ਹੋ ਕੇ ਗੇਂਦ ਨੂੰ ਕੁਨਯਾ ਨੂੰ ਪਾਸ ਕੀਤਾ ਜਿਸ ਨੇ ਇਸ ਨੂੰ ਇੰਨੀ ਤਾਕਤ ਨਾਲ ਮਾਰਿਆ ਭਾਵੇਂ ਕਿ ਠੋਕਰ ਖਾਂਦੇ ਹੋਏ ਵੀ ਕਿ ਇਹ ਪਲਾਸਾਈਡ ਦੀ ਬਚਾਉਣ ਦੀ ਸਮਰੱਥਾ ਤੋਂ ਬਾਹਰ ਸੀ। 2-0 ਦੀ ਅਗੇਤ ਲੈਣ ਤੇ ਰਾਫਿਨਹਾ ਨੂੰ ਸੰਭਾਵੀ ਸੱਟ ਕਾਰਨ ਗੁਆਉਣ ਦੇ ਬਾਵਜੂਦ, ਬ੍ਰਾਜ਼ੀਲ ਹੈਤੀਆਈ ਗੋਲ ਨੂੰ ਦਬਾਉਂਦਾ ਰਿਹਾ ਤੇ ਉਨ੍ਹਾਂ ਦੀ ਦ੍ਰਿੜਤਾ ਦਾ ਫਲ ਪਹਿਲੇ ਅੱਧ ਦੇ ਸਟਾਪੇਜ ਟਾਈਮ ’ਚ ਮਿਲਿਆ। ਵਿਨੀ ਨੇ ਕੁਨਹਾ ਦੇ ਦੋਵੇਂ ਗੋਲਾਂ ’ਚ ਸਹਾਇਤਾ ਕਰਨ ਤੋਂ ਬਾਅਦ ਇਸ ਵਾਰ ਖੁਦ ਇੱਕ ਗੋਲ ਕਰਨ ਦਾ ਫੈਸਲਾ ਕੀਤਾ।

ਲੂਕਾਸ ਪਾਕੇਟਾ ਤੋਂ ਪਾਸ ਪ੍ਰਾਪਤ ਕਰਦੇ ਹੋਏ, ਵਿਨੀ ਨੇ ਇਕ ਨੀਵਾਂ ਸ਼ਾਟ ਮਾਰਿਆ ਜਿਸ ਨਾਲ ਅੱਗੇ ਵਧ ਰਹੇ ਹੈਤੀਆਈ ਗੋਲਕੀਪਰ ਨੂੰ ਕੋਈ ਮੌਕਾ ਨਹੀਂ ਮਿਲਿਆ, ਜਿਸ ਨਾਲ ਸਕੋਰ 3-0 ਹੋ ਗਿਆ। ਹਾਲਾਂਕਿ ਹੈਤੀ ਦੂਜੇ ਅੱਧ ’ਚ ਕੋਈ ਹੋਰ ਗੋਲ ਨਾ ਦੇ ਕੇ ਮੈਚ ਦਾ ਸਨਮਾਨਜਨਕ ਢੰਗ ਨਾਲ ਅੰਤ ਕਰਨ ’ਚ ਕਾਮਯਾਬ ਰਿਹਾ। ਹੈਤੀ ਹੁਣ 25 ਜੂਨ ਨੂੰ ਮੋਰੋਕੋ ਦੇ ਖਿਲਾਫ ਆਪਣੇ ਆਖਰੀ ਮੈਚ ’ਚ ਮਾਣ ਲਈ ਖੇਡੇਗਾ, ਜਦ ਕਿ ਬ੍ਰਾਜ਼ੀਲ ਉਸੇ ਦਿਨ ਸਕਾਟਲੈਂਡ ਦਾ ਸਾਹਮਣਾ ਕਰੇਗਾ।

----------------------

ਬ੍ਰਾਜ਼ੀਲ ਬਨਾਮ ਹੈਤੀ

9 ਸ਼ਾਟ 8

5 ਟਾਰਗੇਟ ’ਤੇ 4

57 ਬਾਲ ਰੱਖੀ (%) 43

533 ਪਾਸ 387

13 ਫਾਊਲ 15

1 ਪੀਲੇ ਕਾਰਡ 3

0 ਲਾਲ ਕਾਰਡ 0

8 ਆਫਸਾਈਡ 4

4 ਕਾਰਨਰ 4