ਕੀ ਤੁਹਾਡੀ ਰਾਸ਼ੀ ਲਈ ਸ਼ੁੱਭ ਹੈ ਪੀਲਾ ਪੁਖਰਾਜ? ਪਹਿਨਣ ਨਾਲ ਕਰੀਅਰ 'ਚ ਹੋਵੇਗੀ ਖ਼ੂਬ ਤਰੱਕੀ

ਧਰਮ ਡੈਸਕ, ਨਵੀਂ ਦਿੱਲੀ: ਵੈਦਿਕ ਜੋਤਿਸ਼ 'ਚ ਪੀਲੇ ਪੁਖਰਾਜ ਨੂੰ ਬੇਹੱਦ ਸ਼ੁਭ ਤੇ ਪ੍ਰਭਾਵਸ਼ਾਲੀ ਰਤਨ ਮੰਨਿਆ ਗਿਆ ਹੈ। ਇਹ ਦੇਵਗੁਰੂ ਬ੍ਰਹਸਪਤੀ ਦਾ ਮੁੱਖ ਰਤਨ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਪੀਲਾ ਪੁਖਰਾਜ ਪਾਉਣ ਨਾਲ ਭਗਵਾਨ ਵਿਸ਼ਨੂੰ ਤੇ ਗੁਰੂ ਬ੍ਰਹਿਸਪਤੀ ਦੀ ਕਿਰਪਾ ਪ੍ਰਾਪਤ ਹੁੰਦੀ ਹੈ ਅਤੇ ਵਿਅਕਤੀ ਦੇ ਜੀਵਨ ਵਿਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ।

ਇਸ ਰਤਨ ਨੂੰ ਸਕਾਰਾਤਮਕ ਊਰਜਾ ਦਾ ਸਰੋਤ ਮੰਨਿਆ ਜਾਂਦਾ ਹੈ। ਕੁਝ ਰਾਸ਼ੀਆਂ ਲਈ ਪੀਲਾ ਪੁਖਰਾਜ ਬੇਹੱਦ ਸ਼ੁੱਭ ਮੰਨਿਆ ਜਾਂਦਾ ਹੈ। ਅਜਿਹੇ ’ਚ ਆਓ ਇਸ ਆਰਟੀਕਲ 'ਚ ਤੁਹਾਨੂੰ ਦੱਸਦੇ ਹਾਂ ਕਿ ਕਿਹੜੀਆਂ ਰਾਸ਼ੀਆਂ ਨੂੰ ਪੀਲਾ ਪੁਖਰਾਜ ਪਹਿਨਣਾ ਚਾਹੀਦਾ ਹੈ ਅਤੇ ਇਸ ਨਾਲ ਜੁੜੇ ਨਿਯਮਾਂ ਬਾਰੇ।

ਇਨ੍ਹਾਂ ਰਾਸ਼ੀਆਂ ਨੂੰ ਪਹਿਨਣਾ ਚਾਹੀਦਾ ਹੈ ਪੀਲਾ ਪੁਖਰਾਜ?

ਧਨੁ- ਤੁਹਾਡੀ ਰਾਸ਼ੀ ਦਾ ਸੁਆਮੀ ਗ੍ਰਹਿ ਬ੍ਰਹਿਸਪਤੀ ਹੈ। ਇਸ ਲਈ ਧਨੁ ਰਾਸ਼ੀ ਲਈ ਪੀਲਾ ਪੁਖਰਾਜ ਕਾਫੀ ਲਾਭਦਾਇਕ ਮੰਨਿਆ ਜਾਂਦਾ ਹੈ। ਇਸ ਨੂੰ ਧਾਰਨ ਕਰਨ ਨਾਲ ਵਿਅਕਤੀ ਦੇ ਕਰੀਅਰ 'ਚ ਤਰੱਕੀ ਹੁੰਦੀ ਹੈ ਅਤੇ ਆਤਮ-ਵਿਸ਼ਵਾਸ ਵਿੱਚ ਵਾਧਾ ਹੁੰਦਾ ਹੈ।

ਮੀਨ- ਮੀਨ ਰਾਸ਼ੀ ਦੇ ਸੁਆਮੀ ਵੀ ਬ੍ਰਹਿਸਪਤੀ ਹਨ। ਇਸ ਲਈ ਮੀਨ ਰਾਸ਼ੀ ਦੇ ਲੋਕਾਂ ਨੂੰ ਪੀਲਾ ਪੁਖਰਾਜ ਪਹਿਨਣ ਨਾਲ ਅਧਿਆਤਮਕ ਉੱਨਤੀ ਹੁੰਦੀ ਹੈ ਤੇ ਜੀਵਨ ਵਿਚ ਸਫ਼ਲਤਾ ਪ੍ਰਾਪਤ ਹੁੰਦੀ ਹੈ। ਨਾਲ ਹੀ ਰੁਕੇ ਹੋਏ ਕੰਮ ਪੂਰੇ ਹੁੰਦੇ ਹਨ। ਇਸ ਤੋਂ ਇਲਾਵਾ ਪੀਲਾ ਪੁਖਰਾਜ ਧਾਰਨ ਕਰਨ ਲਈ ਤੁਸੀਂ ਕਿਸੇ ਜੋਤਸ਼ੀ ਦੀ ਸਲਾਹ ਵੀ ਲੈ ਸਕਦੇ ਹੋ।

ਕਿਹੜੀਆਂ ਰਾਸ਼ੀਆਂ ਨੂੰ ਪੁਖਰਾਜ ਪਹਿਨਣ ਤੋਂ ਬਚਣਾ ਚਾਹੀਦਾ ਹੈ?

ਬ੍ਰਿਖ, ਮਿਥੁਨ, ਕੰਨਿਆ, ਤੁਲਾ, ਮਕਰ ਤੇ ਕੁੰਭ ਰਾਸ਼ੀ ਵਾਲੇ ਜਾਤਕਾਂ ਨੂੰ ਪੀਲਾ ਪੁਖਰਾਜ ਨਹੀਂ ਪਹਿਨਣਾ ਚਾਹੀਦਾ, ਕਿਉਂਕਿ ਇਨ੍ਹਾਂ ਰਾਸ਼ੀਆਂ ਦੇ ਸੁਆਮੀ ਗ੍ਰਹਿਆਂ ਦੀ ਬ੍ਰਹਿਸਪਤੀ ਨਾਲ ਦੁਸ਼ਮਣੀ ਹੁੰਦੀ ਹੈ।

ਪੀਲਾ ਪੁਖਰਾਜ ਪਹਿਨਣ ਦੇ ਨਿਯਮ

• ਪੀਲਾ ਪੁਖਰਾਜ ਪਹਿਨਣ ਲਈ ਵੀਰਵਾਰ ਦਾ ਦਿਨ ਸ਼ੁਭ ਮੰਨਿਆ ਜਾਂਦਾ ਹੈ।
• ਇਸ ਦਿਨ ਇਸ਼ਨਾਨ ਕਰਨ ਤੋਂ ਬਾਅਦ ਮੰਦਰ 'ਚ ਪੂਰਬ ਜਾਂ ਉੱਤਰ ਦਿਸ਼ਾ ਵੱਲ ਮੂੰਹ ਕਰ ਕੇ ਬੈਠ ਜਾਓ।
• ਇਸ ਤੋਂ ਬਾਅਦ ਪੀਲੇ ਪੁਖਰਾਜ ਦਾ ਪੰਚਾਮ੍ਰਿਤ ਨਾਲ ਸ਼ੁੱਧੀਕਰਨ ਕਰੋ।
• ਇਸ ਨੂੰ ਕੁਝ ਦੇਰ ਲਈ ਗੰਗਾਜਲ, ਕੱਚਾ ਦੁੱਧ, ਸ਼ਹਿਦ, ਘਿਓ ਵਿੱਚ ਪਾ ਕੇ ਰੱਖੋ। ਇਸ ਨਾਲ ਸਾਰੀਆਂ ਅਸ਼ੁੱਧੀਆਂ ਦੂਰ ਹੋ ਜਾਂਦੀਆਂ ਹਨ।
• ਇਸ ਤੋਂ ਬਾਅਦ ਅੰਗੂਠੀ ’ਤੇ ਚੰਦਨ ਜਾਂ ਹਲਦੀ ਦਾ ਤਿਲਕ ਲਗਾਓ, ਪੀਲੇ ਫੁੱਲ ਭੇਟ ਕਰੋ। ਹੁਣ ਕੁਝ ਦੇਰ ਲਈ ਰਤਨ ਨੂੰ ਮੰਦਰ ਵਿੱਚ ਰੱਖੋ।
• ਜਲ ਲੈ ਕੇ ਗੁਰੂ ਦੇਵ ਦਾ ਧਿਆਨ ਕਰੋ। ਇਸ ਤੋਂ ਬਾਅਦ "ॐ ग्रां ग्रीं ग्रौं सः गुरवे नमः" ਮੰਤਰ ਦਾ ਜਾਪ ਕਰਦੇ ਹੋਏ ਸੱਜੇ ਹੱਥ ਦੀ ਤਰਜਨੀ ਉਂਗਲ 'ਚ ਪਹਿਨੋ।
• ਇਸ ਤੋਂ ਬਾਅਦ ਗੁਰੂ ਨੂੰ ਪ੍ਰਸੰਨ ਕਰਨ ਲਈ ਮੰਦਰ ਜਾਂ ਗਰੀਬ ਲੋਕਾਂ ਨੂੰ ਅੰਨ-ਧਨ ਸਮੇਤ ਆਦਿ ਚੀਜ਼ਾਂ ਦਾ ਦਾਨ ਕਰੋ।