ਸ਼ੁੱਕਰ ਦੇ ਮਹਾਗੋਚਰ ਨਾਲ ਤੁਹਾਡੀ ਰਾਸ਼ੀ ਨੂੰ ਹੋਵੇਗਾ ਲਾਭ ਜਾਂ ਵਧਣਗੀਆਂ ਚੁਣੌਤੀਆਂ? ਜਾਣੋ 1 ਜਨਵਰੀ ਤਕ ਕਿਹੜੀਆਂ ਰਾਸ਼ੀਆਂ ਨੂੰ ਰਹਿਣਾ ਪਵੇਗਾ ਸਾਵਧਾਨ
Jyotish Shastra ਅਨੁਸਾਰ, ਕਿਸੇ ਵੀ ਗ੍ਰਹਿ ਦਾ ਆਪਣੀ ਸਵੈ-ਰਾਸ਼ੀ 'ਚ ਗੋਚਰ ਕਰਨਾ ਬੇਹੱਦ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। ਸ਼ੁੱਕਰ ਦੇ ਇਸ ਰਾਸ਼ੀ ਪਰਿਵਰਤਨ ਦਾ ਸਿੱਧਾ ਅਸਰ ਵਿਅਕਤੀ ਦੀ ਆਰਥਿਕ ਸਥਿਤੀ, ਪਰਿਵਾਰਕ ਸੁੱਖ ਅਤੇ ਵਿਆਹੁਤਾ ਸਬੰਧਾਂ 'ਤੇ ਪੈਂਦਾ ਹੈ। ਇਸ ਗੋਚਰ ਨਾਲ ਖ਼ਾਸ ਤੌਰ 'ਤੇ ਮਿਥੁਨ, ਕੰਨਿਆ, ਧਨੁ ਅਤੇ ਕੁੰਭ ਸਮੇਤ ਕੁਝ ਰਾਸ਼ੀਆਂ ਨੂੰ ਧਨ ਲਾਭ ਅਤੇ ਕਿਸਮਤ ਚਮਕਣ ਦੇ ਮਜ਼ਬੂਤ ਮੌਕੇ ਮਿਲਣਗੇ।
Publish Date: Sun, 22 Nov 2026 02:56 PM (IST)
Updated Date: Sun, 22 Nov 2026 03:06 PM (IST)
ਧਰਮ ਡੈਸਕ : ਵੈਦਿਕ ਜੋਤਿਸ਼ 'ਚ ਸੁੱਖ, ਵਿਭਵ, ਐਸ਼ੋ-ਆਰਾਮ, ਪ੍ਰੇਮ ਅਤੇ ਵਿਆਹੁਤਾ ਜੀਵਨ ਦੇ ਕਾਰਕ ਮੰਨੇ ਜਾਣ ਵਾਲੇ ਸ਼ੁੱਕਰ ਗ੍ਰਹਿ ਅੱਜ, ਐਤਵਾਰ 22 ਨਵੰਬਰ 2026 ਨੂੰ ਸ਼ਾਮ 5 ਵੱਜ ਕੇ 38 ਮਿੰਟ 'ਤੇ ਆਪਣੀ ਹੀ ਰਾਸ਼ੀ ਤੁਲਾ 'ਚ ਪ੍ਰਵੇਸ਼ ਕਰਨ ਜਾ ਰਹੇ ਹਨ। ਸ਼ੁੱਕਰ ਦੇਵ ਆਪਣੀ ਇਸ ਸਵੈ-ਰਾਸ਼ੀ 'ਚ 1 ਜਨਵਰੀ 2027 ਤੱਕ ਬਿਰਾਜਮਾਨ ਰਹਿਣਗੇ।
ਜੋਤਿਸ਼ ਸ਼ਾਸਤਰ ਅਨੁਸਾਰ, ਕਿਸੇ ਵੀ ਗ੍ਰਹਿ ਦਾ ਆਪਣੀ ਸਵੈ-ਰਾਸ਼ੀ 'ਚ ਗੋਚਰ ਕਰਨਾ ਬੇਹੱਦ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। ਸ਼ੁੱਕਰ ਦੇ ਇਸ ਰਾਸ਼ੀ ਪਰਿਵਰਤਨ ਦਾ ਸਿੱਧਾ ਅਸਰ ਵਿਅਕਤੀ ਦੀ ਆਰਥਿਕ ਸਥਿਤੀ, ਪਰਿਵਾਰਕ ਸੁੱਖ ਅਤੇ ਵਿਆਹੁਤਾ ਸਬੰਧਾਂ 'ਤੇ ਪੈਂਦਾ ਹੈ। ਇਸ ਗੋਚਰ ਨਾਲ ਖ਼ਾਸ ਤੌਰ 'ਤੇ ਮਿਥੁਨ, ਕੰਨਿਆ, ਧਨੁ ਅਤੇ ਕੁੰਭ ਸਮੇਤ ਕੁਝ ਰਾਸ਼ੀਆਂ ਨੂੰ ਧਨ ਲਾਭ ਅਤੇ ਕਿਸਮਤ ਚਮਕਣ ਦੇ ਮਜ਼ਬੂਤ ਮੌਕੇ ਮਿਲਣਗੇ।
ਆਓ ਜਾਣਦੇ ਹਾਂ ਕਿ 1 ਜਨਵਰੀ 2027 ਤੱਕ ਸ਼ੁੱਕਰ ਦਾ ਇਹ ਗੋਚਰ ਤੁਹਾਡੀ ਜਨਮ ਪੱਤਰੀ ਦੇ ਕਿਹੜੇ ਭਾਵ 'ਚ ਹੋਵੇਗਾ, ਇਸ ਦਾ ਤੁਹਾਡੇ ਜੀਵਨ 'ਤੇ ਕੀ ਪ੍ਰਭਾਵ ਪਵੇਗਾ ਅਤੇ ਸ਼ੁਭ ਫਲਾਂ ਲਈ ਤੁਹਾਨੂੰ ਕਿਹੜੇ ਵਿਸ਼ੇਸ਼ ਉਪਾਅ ਕਰਨੇ ਚਾਹੀਦੇ ਹਨ:
1. ਮੇਖ ਰਾਸ਼ੀ (Aries) – ਸੱਤਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਸੱਤਵੇਂ ਸਥਾਨ (ਜੀਵਨ ਸਾਥੀ ਦਾ ਭਾਵ) 'ਚ ਗੋਚਰ ਕਰਨਗੇ। ਦੂਜਿਆਂ ਪ੍ਰਤੀ ਤੁਹਾਡਾ ਸੁਭਾਅ ਨਰਮ ਤੇ ਮਿੱਠਾ ਬਣਿਆ ਰਹੇਗਾ। ਜੀਵਨ ਸਾਥੀ ਨਾਲ ਸਬੰਧ ਗੂੜ੍ਹੇ ਹੋਣਗੇ ਤੇ ਉਨ੍ਹਾਂ ਦੀ ਸਿਹਤ ਵਧੀਆ ਰਹੇਗੀ। ਪਰਿਵਾਰ ਦੇ ਸਹਿਯੋਗ ਨਾਲ ਸੁੱਖ ਦੀ ਪ੍ਰਾਪਤੀ ਹੋਵੇਗੀ, ਹਾਲਾਂਕਿ ਇਸ ਸਮੇਂ ਦੌਰਾਨ ਬਾਹਰੀ ਯਾਤਰਾਵਾਂ ਵਧੇਰੇ ਹੋ ਸਕਦੀਆਂ ਹਨ।
- ਉਪਾਅ: ਸ਼ੁਭ ਫਲ ਬਣਾਈ ਰੱਖਣ ਲਈ 1 ਜਨਵਰੀ 2027 ਤੱਕ ਗੰਦੇ ਨਾਲੇ 'ਚ ਨੀਲੇ ਰੰਗ ਦਾ ਫੁੱਲ ਪਾਓ।
2. ਬ੍ਰਿਖ ਰਾਸ਼ੀ (Taurus) – ਛੇਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਛੇਵੇਂ ਸਥਾਨ (ਮਿੱਤਰ, ਦੁਸ਼ਮਣ ਅਤੇ ਸਿਹਤ) 'ਚ ਗੋਚਰ ਕਰਨਗੇ। ਸਮੇਂ-ਸਮੇਂ 'ਤੇ ਦੋਸਤਾਂ ਦਾ ਸਹਿਯੋਗ ਮਿਲੇਗਾ ਅਤੇ ਆਰਥਿਕ ਸਥਿਤੀ ਸੰਤੁਲਿਤ ਬਣੀ ਰਹੇਗੀ। 1 ਜਨਵਰੀ 2027 ਤੱਕ ਪਰਿਵਾਰ ਦੀ ਤਰੱਕੀ ਦੇ ਯੋਗ ਹਨ ਅਤੇ ਸੰਤਾਨ ਪੱਖ ਤੋਂ ਕੋਈ ਸ਼ੁਭ ਖ਼ਬਰ ਮਿਲ ਸਕਦੀ ਹੈ।
- ਉਪਾਅ: ਸਕਾਰਾਤਮਕ ਸਥਿਤੀ ਬਣਾਈ ਰੱਖਣ ਲਈ ਘਰ ਦੀਆਂ ਔਰਤਾਂ ਆਪਣੇ ਵਾਲਾਂ 'ਚ ਸੋਨੇ ਜਾਂ ਸੁਨਹਿਰੀ ਰੰਗ ਦੀ ਹੇਅਰ ਕਲਿੱਪ ਲਗਾ ਕੇ ਰੱਖਣ।
3. ਮਿਥੁਨ ਰਾਸ਼ੀ (Gemini) – ਪੰਜਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਪੰਜਵੇਂ ਸਥਾਨ (ਸੰਤਾਨ, ਬੁੱਧੀ ਅਤੇ ਪ੍ਰੇਮ) 'ਚ ਗੋਚਰ ਕਰਨਗੇ। ਇਹ ਗੋਚਰ ਬੇਹੱਦ ਫਲਦਾਇਕ ਰਹੇਗਾ। ਤੁਹਾਨੂੰ ਧਨ ਲਾਭ ਹੋਵੇਗਾ, ਨਵੇਂ ਵਿਸ਼ਿਆਂ ਦਾ ਗਿਆਨ ਵਧੇਗਾ ਅਤੇ ਵਿਆਹੁਤਾ ਜੀਵਨ 'ਚ ਮਿਠਾਸ ਆਵੇਗੀ। ਗੁਰੂਜਨਾਂ ਦਾ ਸਹਿਯੋਗ ਮਿਲੇਗਾ, ਦੁਸ਼ਮਣਾਂ ਤੋਂ ਮੁਕਤੀ ਮਿਲੇਗੀ ਅਤੇ ਧਾਰਮਿਕ ਕੰਮਾਂ 'ਚ ਦਿਲਚਸਪੀ ਵਧੇਗੀ।
- ਉਪਾਅ: 1 ਜਨਵਰੀ 2027 ਤੱਕ ਗਊ ਮਾਤਾ ਦੀ ਸੇਵਾ ਕਰੋ ਅਤੇ ਮੰਦਰ 'ਚ ਦਹੀਂ ਦਾ ਦਾਨ ਕਰੋ।
4. ਕਰਕ ਰਾਸ਼ੀ (Cancer) – ਚੌਥੇ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਚੌਥੇ ਸਥਾਨ (ਜ਼ਮੀਨ, ਮਕਾਨ, ਵਾਹਨ ਅਤੇ ਮਾਤਾ) 'ਚ ਗੋਚਰ ਕਰਨਗੇ। ਇਸ ਦੌਰਾਨ ਜਾਇਦਾਦ ਜਾਂ ਵਾਹਨ ਦਾ ਲਾਭ ਪ੍ਰਾਪਤ ਕਰਨ 'ਚ ਕੁਝ ਰੁਕਾਵਟਾਂ ਆ ਸਕਦੀਆਂ ਹਨ ਅਤੇ ਮਾਤਾ ਦੇ ਸਹਿਯੋਗ ਲਈ ਵਧੇਰੇ ਯਤਨ ਕਰਨੇ ਪੈਣਗੇ। ਹਾਲਾਂਕਿ, ਤੁਸੀਂ ਜੀਵਨ ਸਾਥੀ ਦੀਆਂ ਭਾਵਨਾਵਾਂ ਦਾ ਸਤਿਕਾਰ ਕਰੋਗੇ ਅਤੇ ਸੰਤਾਨ ਦੇ ਕਰੀਅਰ ਨੂੰ ਸੰਵਾਰਨ 'ਚ ਜੁਟੇ ਰਹੋਗੇ।
- ਉਪਾਅ: ਅਸ਼ੁਭ ਫਲਾਂ ਤੋਂ ਬਚਾਅ ਲਈ ਘਰ ਦੇ ਬਾਹਰ ਜ਼ਮੀਨ ਹੇਠਾਂ ਥੋੜ੍ਹਾ ਜਿਹਾ ਕਾਲਾ ਸੁਰਮਾ ਦੱਬ ਦਿਓ।
5. ਸਿੰਘ ਰਾਸ਼ੀ (Leo) – ਤੀਜੇ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਤੀਜੇ ਸਥਾਨ (ਪਰਾਕ੍ਰਮ ਅਤੇ ਭੈਣ-ਭਰਾ) 'ਚ ਪ੍ਰਵੇਸ਼ ਕਰਨਗੇ। ਭੈਣ-ਭਰਾਵਾਂ ਨਾਲ ਰਿਸ਼ਤਿਆਂ 'ਚ ਸਥਿਰਤਾ ਬਣੀ ਰਹੇਗੀ। ਧਨ-ਦੌਲਤ ਹੋਣ ਦੇ ਬਾਵਜੂਦ ਮਾਨਸਿਕ ਬੇਚੈਨੀ ਜਾਂ ਨੀਂਦ ਦੀ ਕਮੀ ਮਹਿਸੂਸ ਹੋ ਸਕਦੀ ਹੈ। ਆਪਣੀ ਗੱਲ ਦੂਜਿਆਂ ਸਾਹਮਣੇ ਰੱਖਣ 'ਚ ਝਿਜਕ ਤੋਂ ਬਚੋ ਅਤੇ ਆਤਮ-ਵਿਸ਼ਵਾਸ ਬਣਾਈ ਰੱਖੋ।
- ਉਪਾਅ: 1 ਜਨਵਰੀ 2027 ਤੱਕ ਸਾਰੀਆਂ ਔਰਤਾਂ ਦਾ ਸਤਿਕਾਰ ਕਰੋ ਅਤੇ ਪਰਿਵਾਰ ਦੀਆਂ ਵੱਡੀਆਂ ਔਰਤਾਂ ਦਾ ਆਸ਼ੀਰਵਾਦ ਲਓ।
6. ਕੰਨਿਆ ਰਾਸ਼ੀ (Virgo) – ਦੂਜੇ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਦੂਜੇ ਸਥਾਨ (ਧਨ ਅਤੇ ਬੋਲੀ) 'ਚ ਗੋਚਰ ਕਰਨਗੇ। 1 ਜਨਵਰੀ 2027 ਤੱਕ ਤੁਹਾਨੂੰ ਕਿਸੇ ਵੀ ਤਰ੍ਹਾਂ ਦੀ ਆਰਥਿਕ ਤੰਗੀ ਨਹੀਂ ਰਹੇਗੀ, ਸਗੋਂ ਧਨ ਲਾਭ ਦੇ ਕਈ ਨਵੇਂ ਮੌਕੇ ਸਾਹਮਣੇ ਆਉਣਗੇ। ਜੀਵਨ ਸਾਥੀ ਦਾ ਭਰਪੂਰ ਸਹਿਯੋਗ ਮਿਲੇਗਾ ਅਤੇ ਸੰਤਾਨ ਸੁੱਖ ਦੀ ਪ੍ਰਾਪਤੀ ਹੋਵੇਗੀ।
- ਉਪਾਅ: ਆਰਥਿਕ ਮਜ਼ਬੂਤੀ ਬਣਾਈ ਰੱਖਣ ਲਈ ਮੰਦਰ 'ਚ 200 ਗ੍ਰਾਮ ਸ਼ੁੱਧ ਗਊ ਦੇ ਘਿਓ ਦਾ ਦਾਨ ਕਰੋ।
7. ਤੁਲਾ ਰਾਸ਼ੀ (Libra) – ਲਗਨ (ਪਹਿਲੇ) ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੀ ਹੀ ਰਾਸ਼ੀ ਯਾਨੀ ਪਹਿਲੇ ਸਥਾਨ (ਸਰੀਰ ਅਤੇ ਸ਼ਖ਼ਸੀਅਤ) 'ਚ ਗੋਚਰ ਕਰਨਗੇ। ਇਸ ਦੌਰਾਨ ਦੂਜਿਆਂ ਤੋਂ ਮਦਦ ਪ੍ਰਾਪਤ ਕਰਨ ਅਤੇ ਗ੍ਰਹਿਸਥ ਜੀਵਨ ਦਾ ਸੁੱਖ ਪਾਉਣ ਲਈ ਤੁਹਾਨੂੰ ਵਾਧੂ ਮਿਹਨਤ ਕਰਨੀ ਪੈ ਸਕਦੀ ਹੈ। ਜੀਵਨ ਸਾਥੀ ਨੂੰ ਕੁਝ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਨਾਲ ਹੀ ਆਪਣੀ ਸਿਹਤ ਦਾ ਖ਼ਾਸ ਧਿਆਨ ਰੱਖੋ।
- ਉਪਾਅ: ਕੰਮ ਬਣਨ ਅਤੇ ਸ਼ੁਭ ਫਲ ਪ੍ਰਾਪਤ ਕਰਨ ਲਈ ਨਹਾਉਣ ਵਾਲੇ ਪਾਣੀ 'ਚ ਇੱਕ ਚਮਚ ਦਹੀਂ ਮਿਲਾ ਕੇ ਇਸ਼ਨਾਨ ਕਰੋ।
8. ਬ੍ਰਿਸ਼ਚਕ ਰਾਸ਼ੀ (Scorpio) – ਬਾਰ੍ਹਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਬਾਰ੍ਹਵੇਂ ਸਥਾਨ (ਖਰਚ ਅਤੇ ਸੁੱਖ-ਸਹੂਲਤਾਂ) 'ਚ ਗੋਚਰ ਕਰਨਗੇ। ਤੁਹਾਨੂੰ ਭੌਤਿਕ ਸੁੱਖ-ਸਾਧਨਾਂ ਅਤੇ ਸੌਣ ਦੇ ਸੁੱਖ ਦੀ ਪ੍ਰਾਪਤੀ ਹੋਵੇਗੀ। ਲੋੜ ਪੈਣ 'ਤੇ ਜੀਵਨ ਸਾਥੀ ਅਤੇ ਸੰਤਾਨ ਤੋਂ ਪੂਰਾ ਸਹਿਯੋਗ ਅਤੇ ਸੁੱਖ ਮਿਲੇਗਾ। ਹਾਲਾਂਕਿ, 1 ਜਨਵਰੀ 2027 ਤੱਕ ਖਰਚਿਆਂ 'ਚ ਵਾਧਾ ਹੋ ਸਕਦਾ ਹੈ, ਇਸ ਲਈ ਫ਼ਜ਼ੂਲਖਰਚੀ 'ਤੇ ਕਾਬੂ ਰੱਖੋ।
- ਉਪਾਅ: ਪਰਿਵਾਰ ਦੀ ਸੁੱਖ-ਸ਼ਾਂਤੀ ਲਈ ਨਿਯਮਿਤ ਤੌਰ 'ਤੇ ਗਊ ਮਾਤਾ ਦਾ ਆਸ਼ੀਰਵਾਦ ਲਓ।
9. ਧਨੁ ਰਾਸ਼ੀ (Sagittarius) – ਗਿਆਰ੍ਹਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਗਿਆਰ੍ਹਵੇਂ ਸਥਾਨ (ਆਮਦਨ ਅਤੇ ਇੱਛਾ ਪੂਰਤੀ) 'ਚ ਗੋਚਰ ਕਰਨਗੇ। ਇਹ ਸਮਾਂ ਤੁਹਾਡੇ ਲਈ ਬੇਹੱਦ ਸ਼ੁਭ ਹੈ। ਤੁਹਾਡਾ ਆਕਰਸ਼ਣ ਵਧੇਗਾ ਅਤੇ ਧਨ ਲਾਭ ਹੋਵੇਗਾ। ਜੀਵਨ ਸਾਥੀ ਦੀ ਸਲਾਹ ਨਾਲ ਕੀਤੇ ਕੰਮਾਂ 'ਚ ਵੱਡੀ ਆਰਥਿਕ ਸਫਲਤਾ ਮਿਲੇਗੀ। ਆਮਦਨ 'ਚ ਵਾਧਾ ਹੋਵੇਗਾ ਅਤੇ ਲੰਬੇ ਸਮੇਂ ਤੋਂ ਅਧੂਰੀ ਕੋਈ ਇੱਛਾ ਪੂਰੀ ਹੋ ਸਕਦੀ ਹੈ।
- ਉਪਾਅ: ਚੰਗੀ ਆਮਦਨ ਯਕੀਨੀ ਬਣਾਉਣ ਲਈ ਮੰਦਰ 'ਚ ਚਮੇਲੀ ਦੇ ਤੇਲ ਦਾ ਦਾਨ ਕਰੋ।
10. ਮਕਰ ਰਾਸ਼ੀ (Capricorn) – ਦਸਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਦਸਵੇਂ ਸਥਾਨ (ਕਰੀਅਰ, ਕਰਮ ਅਤੇ ਪਿਤਾ) 'ਚ ਗੋਚਰ ਕਰਨਗੇ। ਵਿਆਹੁਤਾ ਜੀਵਨ ਸੁਖਮਈ ਰਹੇਗਾ ਅਤੇ ਸੰਤਾਨ ਵੱਲੋਂ ਸ਼ੁਭ ਖ਼ਬਰ ਮਿਲੇਗੀ। ਹਾਲਾਂਕਿ, 1 ਜਨਵਰੀ 2027 ਤੱਕ ਪਿਤਾ ਦੀ ਤਰੱਕੀ 'ਚ ਕੁਝ ਰੁਕਾਵਟਾਂ ਆ ਸਕਦੀਆਂ ਹਨ ਅਤੇ ਤੁਹਾਨੂੰ ਕਰੀਅਰ 'ਚ ਸਫਲਤਾ ਪ੍ਰਾਪਤ ਕਰਨ ਲਈ ਵਧੇਰੇ ਮਿਹਨਤ ਕਰਨੀ ਪਵੇਗੀ।
- ਉਪਾਅ: ਕਰੀਅਰ 'ਚ ਤਰੱਕੀ ਲਈ ਮੰਦਰ 'ਚ ਦਹੀਂ ਜਾਂ ਦਹੀਂ ਤੋਂ ਬਣੀ ਕਿਸੇ ਮਿਠਾਈ/ਵਸਤੂ ਦਾ ਦਾਨ ਕਰੋ।
11. ਕੁੰਭ ਰਾਸ਼ੀ (Aquarius) – ਨੌਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਨੌਵੇਂ ਸਥਾਨ (ਕਿਸਮਤ ਅਤੇ ਧਰਮ) 'ਚ ਗੋਚਰ ਕਰਨਗੇ। ਇਸ ਗੋਚਰ ਨਾਲ ਤੁਹਾਡੀ ਕਿਸਮਤ 'ਚ ਜ਼ਬਰਦਸਤ ਵਾਧਾ ਹੋਵੇਗਾ। ਧਨ ਲਾਭ ਦੇ ਯੋਗ ਬਣਨਗੇ, ਸੰਤਾਨ ਸੁੱਖ ਮਿਲੇਗਾ ਅਤੇ ਤੁਹਾਡੀ ਮਿਹਨਤ ਦਾ ਪੂਰਾ ਫਲ ਪ੍ਰਾਪਤ ਹੋਵੇਗਾ। 1 ਜਨਵਰੀ 2027 ਤੱਕ ਕੀਤੀਆਂ ਤੀਰਥ ਯਾਤਰਾਵਾਂ ਬੇਹੱਦ ਸੁਖਦ ਰਹਿਣਗੀਆਂ।
- ਉਪਾਅ: ਕਿਸਮਤ ਦਾ ਸਾਥ ਬਣਾਈ ਰੱਖਣ ਲਈ ਕਾਲੇ ਜਾਂ ਲਾਲ ਰੰਗ ਦੀ ਗਊ ਦੀ ਸੇਵਾ ਕਰੋ।
12. ਮੀਨ ਰਾਸ਼ੀ (Pisces) – ਅੱਠਵੇਂ ਭਾਵ 'ਚ ਗੋਚਰ
- ਪ੍ਰਭਾਵ: ਸ਼ੁੱਕਰ ਤੁਹਾਡੇ ਅੱਠਵੇਂ ਸਥਾਨ (ਉਮਰ ਅਤੇ ਰਹੱਸ) 'ਚ ਗੋਚਰ ਕਰਨਗੇ। ਇਸ ਸਮੇਂ ਦੌਰਾਨ ਤੁਹਾਡੀ ਸਿਹਤ ਵਧੀਆ ਰਹੇਗੀ ਅਤੇ ਕੋਈ ਵੱਡੀ ਸਰੀਰਕ ਪਰੇਸ਼ਾਨੀ ਨਹੀਂ ਆਵੇਗੀ। ਬੱਸ ਆਪਣੇ ਖਾਣ-ਪੀਣ ਨੂੰ ਸੰਤੁਲਿਤ ਰੱਖੋ। ਤੁਸੀਂ ਜੀਵਨ ਸਾਥੀ ਦੀਆਂ ਗੱਲਾਂ ਨੂੰ ਗੰਭੀਰਤਾ ਨਾਲ ਸੁਣੋਗੇ ਅਤੇ ਉਨ੍ਹਾਂ ਦੀ ਸਲਾਹ ਨਾਲ ਕੰਮ ਕਰੋਗੇ।
- ਉਪਾਅ: 1 ਜਨਵਰੀ 2027 ਤੱਕ ਰੋਜ਼ਾਨਾ ਮੰਦਰ ਜਾ ਕੇ ਪਰਮਾਤਮਾ ਅੱਗੇ ਸੀਸ ਨਿਵਾਓ। ਇਸ ਨਾਲ ਦੂਜਿਆਂ ਤੋਂ ਮਦਦ ਮਿਲੇਗੀ ਅਤੇ ਸਿਹਤ ਚੰਗੀ ਬਣੀ ਰਹੇਗੀ।