ਨਾਗ ਪੰਚਮੀ ਵਾਲੇ ਦਿਨ ਕਿਉਂ ਨਹੀਂ ਕਰਨਾ ਚਾਹੀਦਾ ਸੂਈ-ਧਾਗੇ ਦਾ ਇਸਤੇਮਾਲ? ਜਾਣੋ ਰਾਹੂ-ਕੇਤੂ ਨਾਲ ਇਸ ਦਾ ਗੂੜ੍ਹਾ ਸਬੰਧ

ਧਰਮ ਡੈਸਕ, ਨਵੀਂ ਦਿੱਲੀ: ਸਾਵਣ ਦੇ ਮਹੀਨੇ ਬਹੁਤ ਉਤਸ਼ਾਹ ਨਾਲ ਨਾਗ ਪੰਚਮੀ ਦਾ ਤਿਉਹਾਰ ਮਨਾਇਆ ਜਾਂਦਾ ਹੈ। ਇਸ ਮੌਕੇ 'ਤੇ ਨਾਗ ਦੇਵਤਾ ਦੀ ਪੂਜਾ-ਅਰਚਨਾ ਕਰਨ ਦਾ ਵਿਧਾਨ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਨਾਗ ਦੇਵਤਾ ਨੂੰ ਦੁੱਧ ਅਰਪਿਤ ਕਰਨ ਨਾਲ ਜੀਵਨ ਦੇ ਸਾਰੇ ਦੁੱਖ ਦੂਰ ਹੁੰਦੇ ਹਨ। ਇਸ ਦੇ ਨਾਲ ਹੀ ਮਹਾਦੇਵ ਦੇ ਨਾਲ ਨਾਗ ਦੇਵਤਾ ਦੀ ਕਿਰਪਾ ਪ੍ਰਾਪਤ ਹੁੰਦੀ ਹੈ।

ਸ਼ਾਸਤਰਾਂ 'ਚ ਨਾਗ ਪੰਚਮੀ ਨਾਲ ਜੁੜੇ ਨਿਯਮਾਂ ਬਾਰੇ ਦੱਸਿਆ ਗਿਆ ਹੈ। ਇਨ੍ਹਾਂ ਨਿਯਮਾਂ 'ਚੋਂ ਇਕ ਹੈ ਸੂਈ-ਧਾਗੇ ਤੇ ਤਿੱਖੀਆਂ ਚੀਜ਼ਾਂ ਦੀ ਵਰਤੋਂ ਨਾ ਕਰਨਾ। ਧਾਰਮਿਕ ਮਾਨਤਾ ਅਨੁਸਾਰ, ਵਰਜਿਤ ਕੰਮਾਂ ਨੂੰ ਕਰਨ ਨਾਲ ਵਿਅਕਤੀ 'ਤੇ ਸਰਪ ਦੋਸ਼ ਜਾਂ ਰਾਹੂ-ਕੇਤੂ ਦਾ ਨਕਾਰਾਤਮਕ ਪ੍ਰਭਾਵ ਪੈਂਦਾ ਹੈ। ਹੁਣ ਤੁਹਾਡੇ ਮਨ ਵਿਚ ਸਵਾਲ ਆ ਰਿਹਾ ਹੋਵੇਗਾ ਕਿ ਨਾਗ ਪੰਚਮੀ ਦੇ ਦਿਨ ਸੂਈ-ਧਾਗੇ ਦੀ ਵਰਤੋਂ ਕਿਉਂ ਨਹੀਂ ਕਰਨੀ ਚਾਹੀਦੀ। ਅਜਿਹੇ ਵਿਚ ਆਓ ਇਸ ਲੇਖ 'ਚ ਤੁਹਾਨੂੰ ਐਸਟ੍ਰੋਪੱਤਰੀ ਦੇ ਸ਼੍ਰੀ ਚੰਦਰੇਸ਼ ਸ਼ਰਮਾ ਜੀ ਅਨੁਸਾਰ ਦੱਸਦੇ ਹਾਂ ਇਸ ਦੇ ਪਿੱਛੇ ਦੇ ਕਾਰਨ ਬਾਰੇ।

ਸੂਈ-ਧਾਗੇ ਦੀ ਨਾ ਕਰੋ ਵਰਤੋਂ

ਨਾਗ ਪੰਚਮੀ ਵਾਲੇ ਦਿਨ ਸੂਈ, ਧਾਗਾ, ਕੈਂਚੀ ਜਾਂ ਸਿਲਾਈ ਨਾਲ ਜੁੜੇ ਸੰਦਾਂ ਦੀ ਵਰਤੋਂ ਪੂਰੀ ਤਰ੍ਹਾਂ ਵਰਜਿਤ ਮੰਨੀ ਗਈ ਹੈ।

"ਛੇਦਨੇ ਭੇਦਨ ਚੈਵ ਸਰਪਕੋਪੋ ਪ੍ਰਜਾਯਤੇ।" — ਲੋਕ ਪਰੰਪਰਾ ਤੇ ਜੋਤਿਸ਼

ਰਾਹੂ ਤੇ ਕੇਤੂ ਨਾਲ ਸਬੰਧ

ਜੋਤਿਸ਼ ਦ੍ਰਿਸ਼ਟੀਕੋਣ ਤੋਂ ਸੂਈ ਨੂੰ ਤਿੱਖਾਪਣ ਅਤੇ ਛੇਕ ਕਰਨ ਦਾ ਪ੍ਰਤੀਕ ਮੰਨਿਆ ਗਿਆ ਹੈ ਜਿਸ ਦਾ ਸਿੱਧਾ ਸਬੰਧ ਰਾਹੂ ਤੇ ਕੇਤੂ ਗ੍ਰਹਿਆਂ ਦੇ ਪ੍ਰਭਾਵ ਨਾਲ ਹੈ:

ਨਾਗ ਦੇਵ 'ਤੇ ਸੱਟ ਦੀ ਮਾਨਤਾ: ਇਸ ਦਿਨ ਸੂਈ ਚਲਾਉਣ ਜਾਂ ਕੱਪੜਾ ਸੀਣ ਨਾਲ ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਨਾਗ ਦੇਵਤਾ ਦੇ ਫਣ 'ਤੇ ਸੱਟ ਪਹੁੰਚਦੀ ਹੈ ਜਿਸ ਨਾਲ ਪਰਿਵਾਰ 'ਤੇ ਸਰਪ ਦੋਸ਼ ਜਾਂ ਰਾਹੂ-ਕੇਤੂ ਦਾ ਬੁਰਾ ਪ੍ਰਭਾਵ ਪੈ ਸਕਦਾ ਹੈ।

ਸ਼ਾਂਤੀ ਤੇ ਪੂਜਾ ਦਾ ਵਿਧਾਨ: ਇਸ ਦਿਨ ਛੇਕ ਕਰਨ ਵਾਲੇ ਕੰਮਾਂ ਤੋਂ ਦੂਰ ਰਹਿ ਕੇ ਕੇਵਲ ਸ਼ਾਂਤੀ, ਅਹਿੰਸਾ ਅਤੇ ਪੂਜਾ-ਅਰਚਨਾ ਦਾ ਵਿਧਾਨ ਅਪਣਾਇਆ ਜਾਂਦਾ ਹੈ।

ਜ਼ਰੂਰ ਕਰੋ ਇਹ ਉਪਾਅ

• ਨਾਗ ਪੰਚਮੀ ਵਾਲੇ ਦਿਨ ਪੂਜਾ ਦੇ ਸਮੇਂ "ਓਮ ਨਮਹ ਸ਼ਿਵਾਯ" ਜਾਂ ਮਹਾਮ੍ਰਿਤੁੰਜਯ ਮੰਤਰ ਦਾ ਜਾਪ ਕਰੋ। ਇਸ ਤੋਂ ਇਲਾਵਾ ਰਾਹੂ-ਕੇਤੂ ਦੇ ਬੀਜ ਮੰਤਰਾਂ ਦਾ ਵੀ ਜਾਪ ਕੀਤਾ ਜਾ ਸਕਦਾ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਇਸ ਉਪਾਅ ਨੂੰ ਸੱਚੇ ਮਨ ਨਾਲ ਕਰਨ ਨਾਲ ਰਾਹੂ ਤੇ ਕੇਤੂ ਦਾ ਅਸ਼ੁਭ ਪ੍ਰਭਾਵ ਦੂਰ ਹੁੰਦਾ ਹੈ ਅਤੇ ਜੀਵਨ ਵਿਚ ਖੁਸ਼ੀਆਂ ਦਾ ਆਗਮਨ ਹੁੰਦਾ ਹੈ।
• ਇਸ ਦਿਨ ਜਲ ਵਿਚ ਲਾਲ ਫੁੱਲ ਤੇ ਲਾਲ ਚੰਦਨ ਮਿਲਾ ਕੇ ਮਹਾਦੇਵ ਦਾ ਅਭਿਸ਼ੇਕ ਕਰਨਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਇਸ ਉਪਾਅ ਨੂੰ ਕਰਨ ਨਾਲ ਰਾਹੂ-ਕੇਤੂ ਦੇ ਨਕਾਰਾਤਮਕ ਪ੍ਰਭਾਵਾਂ ਤੋਂ ਮੁਕਤੀ ਮਿਲਦੀ ਹੈ ਅਤੇ ਸ਼ੁਭ ਫਲ ਪ੍ਰਾਪਤ ਹੁੰਦੇ ਹਨ।
• ਇਸ ਤੋਂ ਇਲਾਵਾ ਮੰਦਰ 'ਚ ਜਾਂ ਗਰੀਬ ਲੋਕਾਂ 'ਚ ਅੰਨ-ਧਨ ਸਮੇਤ ਆਦਿ ਚੀਜ਼ਾਂ ਦਾ ਦਾਨ ਕਰਨਾ ਲਾਭਕਾਰੀ ਮੰਨਿਆ ਜਾਂਦਾ ਹੈ। ਦਾਨ ਦੇ ਦੌਰਾਨ ਮਨ ਵਿਚ ਕਿਸੇ ਬਾਰੇ ਗਲਤ ਨਾ ਸੋਚੋ। ਇਸ ਗਲਤੀ ਨੂੰ ਕਰਨ ਨਾਲ ਦਾਨ ਦਾ ਪੁੰਨ ਪ੍ਰਾਪਤ ਨਹੀਂ ਹੁੰਦਾ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।