- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੋਜਾਗਰੀ ਲਕਸ਼ਮੀ ਪੂਜਾ 2026 ਕਦੋਂ ਹੈ? ਨੋਟ ਕਰ ਲਓ ਸਹੀ ਤਰੀਕ, ਪੂਜਾ ਦਾ ਸ਼ੁੱਭ ਮਹੂਰਤ ਤੇ ਮਹੱਤਵ
ਧਾਰਮਿਕ ਮਾਨਤਾਵਾਂ ਅਨੁਸਾਰ, ਕੋਜਾਗਰੀ ਲਕਸ਼ਮੀ ਪੂਜਾ ਦੀ ਰਾਤ ਨੂੰ ਮਾਂ ਲਕਸ਼ਮੀ ਧਰਤੀ 'ਤੇ ਆਉਂਦੀ ਹੈ। ਅਜਿਹੇ 'ਚ ਜਿਹੜੇ ਸ਼ਰਧਾਲੂ ਇਸ ਦਿਨ ਰਾਤ ਨੂੰ ਜਾਗ ਕੇ ਮਾਂ ਲਕਸ਼ਮੀ ਦੀ ਵਿਧੀ-ਵਿਧਾਨ ਨਾਲ ਪੂਜਾ-ਅਰਚਨਾ ਕਰਦੇ ਹਨ, ਉਨ੍ਹਾਂ ਦੇ ਘਰ 'ਚ ਧਨ ਦੀ ਦੇਵੀ ਮਾਂ ਲਕਸ਼ਮੀ ਦਾ ਵਾਸ ਹੁੰਦਾ ਹੈ ਅਤੇ ਸੁੱਖ ਤੇ ਖੁਸ਼ਹਾਲੀ 'ਚ ਵਾਧਾ ਹੁੰਦਾ ਹੈ।
Posted By Seema Anand
Publish Date: Tue, 13 Oct 2026 03:09 PM (IST)
Updated Date: Tue, 13 Oct 2026 03:14 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਕੋਜਾਗਰੀ ਲਕਸ਼ਮੀ ਪੂਜਾ (Kojagari Lakshmi Puja 2026) ਦਾ ਵਿਸ਼ੇਸ਼ ਮਹੱਤਵ ਹੈ। ਇਹ ਤਿਉਹਾਰ ਮਾਂ ਲਕਸ਼ਮੀ ਨੂੰ ਸਮਰਪਿਤ ਹੈ। ਕੋਜਾਗਰੀ ਲਕਸ਼ਮੀ ਪੂਜਾ ਨੂੰ ਸ਼ਰਦ ਪੂਰਨਿਮਾ ਵੀ ਕਿਹਾ ਜਾਂਦਾ ਹੈ। ਇਹ ਤਿਉਹਾਰ ਮੁੱਖ ਤੌਰ 'ਤੇ ਪੱਛਮੀ ਬੰਗਾਲ, ਅਸਾਮ, ਓਡੀਸ਼ਾ, ਤ੍ਰਿਪੁਰਾ ਅਤੇ ਮਹਾਰਾਸ਼ਟਰ 'ਚ ਬਹੁਤ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ।
ਧਾਰਮਿਕ ਮਾਨਤਾਵਾਂ ਅਨੁਸਾਰ, ਸ਼ਰਦ ਪੂਰਨਿਮਾ (Sharad Purnima 2026) ਦੀ ਰਾਤ ਨੂੰ ਮਾਂ ਲਕਸ਼ਮੀ ਸਵਰਗ ਤੋਂ ਧਰਤੀ 'ਤੇ ਭ੍ਰਮਣ ਕਰਨ ਲਈ ਆਉਂਦੀ ਹੈ। ਇਸ ਲਈ ਇਸ ਦਿਨ ਮਾਂ ਲਕਸ਼ਮੀ ਦੀ ਪੂਜਾ-ਅਰਚਨਾ ਕਰਨ ਦਾ ਬਹੁਤ ਮਹੱਤਵ ਹੈ ਅਤੇ ਦੇਵੀ ਲਈ ਰਾਤ ਨੂੰ ਜਾਗਰਣ ਵੀ ਕੀਤਾ ਜਾਂਦਾ ਹੈ। ਆਓ, ਇਸ ਲੇਖ 'ਚ ਤੁਹਾਨੂੰ ਵਿਸਥਾਰ ਨਾਲ ਦੱਸਦੇ ਹਾਂ ਕਿ ਕੋਜਾਗਰੀ ਲਕਸ਼ਮੀ ਪੂਜਾ ਕਿਹੜੇ ਦਿਨ ਹੈ ਅਤੇ ਇਸ ਦਾ ਸ਼ੁਭ ਮਹੂਰਤ ਕੀ ਹੈ।
ਕੋਜਾਗਰੀ ਲਕਸ਼ਮੀ ਪੂਜਾ 2026 ਦੀ ਤਰੀਕ ਤੇ ਸ਼ੁੱਭ ਮਹੂਰਤ (Kojagari Lakshmi Puja 2026 Date and Shubh Muhurat)
ਸ਼ਰਦ ਪੂਰਨਿਮਾ ਦੀ ਤਿਥੀ 25 ਅਕਤੂਬਰ ਨੂੰ ਸਵੇਰੇ 11 ਵੱਜ ਕੇ 55 ਮਿੰਟ 'ਤੇ ਸ਼ੁਰੂ ਹੋਵੇਗੀ। ਉੱਥੇ ਹੀ, ਇਸ ਦੀ ਸਮਾਪਤੀ ਅਗਲੇ ਦਿਨ ਯਾਨੀ 26 ਅਕਤੂਬਰ ਨੂੰ ਸਵੇਰੇ 9 ਵੱਜ ਕੇ 41 ਮਿੰਟ 'ਤੇ ਹੋਵੇਗੀ। ਇਸ ਲਈ ਸ਼ਰਦ ਪੂਰਨਿਮਾ 25 ਅਕਤੂਬਰ ਨੂੰ ਮਨਾਈ ਜਾਵੇਗੀ।
- ਕੋਜਾਗਰ ਪੂਜਾ ਦਾ ਨਿਸ਼ੀਥ ਕਾਲ: ਰਾਤ 11 ਵੱਜ ਕੇ 50 ਮਿੰਟ ਤੋਂ 12 ਵੱਜ ਕੇ 41 ਮਿੰਟ ਤੱਕ।
- ਕੋਜਾਗਰ ਪੂਜਾ ਵਾਲੇ ਦਿਨ ਚੰਦਰਮਾ ਚੜ੍ਹਨ ਦਾ ਸਮਾਂ: ਸ਼ਾਮ 5 ਵੱਜ ਕੇ 15 ਮਿੰਟ ਤੱਕ।
ਹੋਰ ਸ਼ੁਭ ਮਹੂਰਤ
- ਬ੍ਰਹਮ ਮਹੂਰਤ: ਸਵੇਰੇ 4 ਵੱਜ ਕੇ 53 ਮਿੰਟ ਤੋਂ 5 ਵੱਜ ਕੇ 43 ਮਿੰਟ ਤੱਕ।
- ਵਿਜੈ ਮਹੂਰਤ: ਦੁਪਹਿਰ 2 ਵੱਜ ਕੇ 29 ਮਿੰਟ ਤੋਂ 2 ਵੱਜ ਕੇ 54 ਮਿੰਟ ਤੱਕ।
- ਗੋਧੂਲੀ ਮਹੂਰਤ: ਸ਼ਾਮ 5 ਵੱਜ ਕੇ 56 ਮਿੰਟ ਤੋਂ 6 ਵੱਜ ਕੇ 22 ਮਿੰਟ ਤੱਕ।
- ਨਿਸ਼ੀਥ ਮਹੂਰਤ: ਰਾਤ 11 ਵੱਜ ਕੇ 50 ਮਿੰਟ ਤੋਂ 12 ਵੱਜ ਕੇ 41 ਮਿੰਟ ਤੱਕ।
- ਸਰਵਾਰਥ ਸਿੱਧੀ ਯੋਗ: ਰਾਤ 7 ਵੱਜ ਕੇ 22 ਮਿੰਟ ਤੋਂ ਅਗਲੇ ਦਿਨ, 26 ਅਕਤੂਬਰ ਨੂੰ ਸਵੇਰੇ 6 ਵੱਜ ਕੇ 34 ਮਿੰਟ ਤੱਕ।
ਕੋਜਾਗਰੀ ਲਕਸ਼ਮੀ ਪੂਜਾ ਦਾ ਮਹੱਤਵ
ਧਾਰਮਿਕ ਮਾਨਤਾਵਾਂ ਅਨੁਸਾਰ, ਕੋਜਾਗਰੀ ਲਕਸ਼ਮੀ ਪੂਜਾ ਦੀ ਰਾਤ ਨੂੰ ਮਾਂ ਲਕਸ਼ਮੀ ਧਰਤੀ 'ਤੇ ਆਉਂਦੀ ਹੈ। ਅਜਿਹੇ 'ਚ ਜਿਹੜੇ ਸ਼ਰਧਾਲੂ ਇਸ ਦਿਨ ਰਾਤ ਨੂੰ ਜਾਗ ਕੇ ਮਾਂ ਲਕਸ਼ਮੀ ਦੀ ਵਿਧੀ-ਵਿਧਾਨ ਨਾਲ ਪੂਜਾ-ਅਰਚਨਾ ਕਰਦੇ ਹਨ, ਉਨ੍ਹਾਂ ਦੇ ਘਰ 'ਚ ਧਨ ਦੀ ਦੇਵੀ ਮਾਂ ਲਕਸ਼ਮੀ ਦਾ ਵਾਸ ਹੁੰਦਾ ਹੈ ਅਤੇ ਸੁੱਖ ਤੇ ਖੁਸ਼ਹਾਲੀ 'ਚ ਵਾਧਾ ਹੁੰਦਾ ਹੈ। ਇਸ ਦੇ ਨਾਲ ਹੀ ਧਨ ਲਾਭ ਦੇ ਯੋਗ ਵੀ ਬਣਦੇ ਹਨ।
ਕੋਜਾਗਰੀ ਲਕਸ਼ਮੀ ਪੂਜਾ ਵਾਲੇ ਦਿਨ ਕੀ ਕਰਨਾ ਚਾਹੀਦਾ ਹੈ?
- ਇਸ ਦਿਨ ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਸੂਰਜ ਦੇਵਤਾ ਨੂੰ ਅਰਘ ਭੇਟ ਕਰੋ।
- ਇਸ ਤੋਂ ਬਾਅਦ ਘਰ ਦੇ ਮੰਦਰ ਦੀ ਸਫ਼ਾਈ ਕਰੋ ਅਤੇ ਮਾਂ ਲਕਸ਼ਮੀ ਦੀ ਪੂਜਾ ਸ਼ੁਰੂ ਕਰੋ।
- ਇਕ ਚੌਕੀ 'ਤੇ ਮਾਂ ਲਕਸ਼ਮੀ ਦੀ ਮੂਰਤੀ ਸਥਾਪਤ ਕਰੋ।
- ਦੇਵੀ ਨੂੰ ਸੋਲ੍ਹਾਂ ਸ਼ਿੰਗਾਰ ਦੀਆਂ ਵਸਤੂਆਂ ਅਰਪਿਤ ਕਰੋ।
- ਇਸ ਤੋਂ ਬਾਅਦ ਮਾਂ ਨੂੰ ਫੁੱਲ ਚੜ੍ਹਾਓ।
- ਦੇਸੀ ਘਿਓ ਦਾ ਦੀਵਾ ਜਗਾ ਕੇ ਆਰਤੀ ਕਰੋ।
- ਪੂਜਾ ਦੌਰਾਨ ਸ਼੍ਰੀ ਸੂਕਤ ਅਤੇ ਲਕਸ਼ਮੀ ਚਾਲੀਸਾ ਦਾ ਪਾਠ ਕਰੋ।
- ਫਲਾਂ ਅਤੇ ਮਿਠਾਈ ਦਾ ਭੋਗ ਲਗਾਓ।
- ਅੰਤ 'ਚ ਲੋਕਾਂ 'ਚ ਪ੍ਰਸਾਦ ਵੰਡੋ।
- ਰਾਤ ਨੂੰ ਮਾਂ ਲਕਸ਼ਮੀ ਦੇ ਸਨਮਾਨ 'ਚ ਜਾਗਰਣ ਕਰੋ।