ਕੁੰਡਲੀ 'ਚ ਕਾਲਸਰਪ ਦੋਸ਼ ਕਦੋਂ ਤੇ ਕਿਵੇਂ ਬਣਦਾ ਹੈ? ਇਨ੍ਹਾਂ ਸੰਕੇਤਾਂ ਨਾਲ ਤੁਰੰਤ ਕਰੋ ਪਛਾਣ ਨਹੀਂ ਤਾਂ ਪਵੇਗਾ ਪਛਤਾਉਣਾ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਸ਼ਾਸਤਰ ਅਨੁਸਾਰ, ਕਿਸੇ ਵਿਅਕਤੀ ਦੀ ਕੁੰਡਲੀ 'ਚ ਕਾਲਸਰਪ ਦੋਸ਼ ਹੋਣ ਨਾਲ ਧਨ ਨਾਲ ਜੁੜੀ ਸਮੱਸਿਆ, ਵਿਆਹ 'ਚ ਦੇਰੀ ਜਾਂ ਵਿਆਹੁਤਾ ਕਲੇਸ਼ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਦੋਸ਼ ਤੋਂ ਬਚਣ ਲਈ ਜੋਤਿਸ਼ ਸ਼ਾਸਤਰ 'ਚ ਉਪਾਅ ਦੱਸੇ ਗਏ ਹਨ।

ਮੰਨਿਆ ਜਾਂਦਾ ਹੈ ਕਿ ਉਪਾਵਾਂ ਦੀ ਮਦਦ ਨਾਲ ਇਸ ਦੋਸ਼ ਨੂੰ ਦੂਰ ਕੀਤਾ ਜਾ ਸਕਦਾ ਹੈ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੁੰਡਲੀ 'ਚ ਕਾਲਸਰਪ ਦੋਸ਼ ਕਦੋਂ ਬਣਦਾ ਹੈ ਤੇ ਇਸ ਤੋਂ ਕੀ-ਕੀ ਸੰਕੇਤ ਮਿਲਦੇ ਹਨ। ਜੇਕਰ ਤੁਸੀਂ ਨਹੀਂ ਜਾਣਦੇ ਹੋ ਤਾਂ ਆਓ ਅਸੀਂ ਤੁਹਾਨੂੰ ਇਸ ਲੇਖ 'ਚ ਇਸ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ।

ਕਦੋਂ ਬਣਦਾ ਹੈ ਕਾਲਸਰਪ ਦੋਸ਼

ਜੋਤਿਸ਼ ਗਣਨਾ ਅਨੁਸਾਰ, ਜਦੋਂ ਸਾਰੇ ਗ੍ਰਹਿ ਕਿਸੇ ਵਿਅਕਤੀ ਦੀ ਕੁੰਡਲੀ 'ਚ ਕੇਤੂ ਅਤੇ ਰਾਹੂ ਦੇ ਵਿਚਕਾਰ ਆ ਜਾਂਦੇ ਹਨ ਤਾਂ ਅਜਿਹੀ ਸਥਿਤੀ 'ਚ ਕਾਲਸਰਪ ਦੋਸ਼ ਦਾ ਨਿਰਮਾਣ ਹੁੰਦਾ ਹੈ। ਇਸ ਦੋਸ਼ ਤੋਂ ਬਚਣ ਲਈ ਵਿਅਕਤੀ ਨੂੰ ਕਿਸੇ ਵਿਦਵਾਨ ਜੋਤਸ਼ੀ ਦੀ ਸਲਾਹ ਲੈਣੀ ਚਾਹੀਦੀ ਹੈ।

ਕਾਲਸਰਪ ਦੋਸ਼ ਦੇ ਸੰਕੇਤ

• ਮੰਨਿਆ ਜਾਂਦਾ ਹੈ ਕਿ ਜਦੋਂ ਕੋਈ ਵਿਅਕਤੀ ਆਪਣੇ ਸੁਪਨੇ 'ਚ ਮਰੇ ਹੋਏ ਲੋਕਾਂ ਨੂੰ ਦੇਖਦਾ ਹੈ ਤਾਂ ਉਸ ਦੀ ਕੁੰਡਲੀ 'ਚ ਕਾਲਸਰਪ ਦੋਸ਼ ਦਾ ਡਰ ਰਹਿੰਦਾ ਹੈ।
• ਇਸ ਤੋਂ ਇਲਾਵਾ, ਜੇਕਰ ਤੁਸੀਂ ਸਖਤ ਮਿਹਨਤ ਦੇ ਬਾਵਜੂਦ ਜੀਵਨ ਵਿਚ ਸਫਲਤਾ ਪ੍ਰਾਪਤ ਨਹੀਂ ਕਰ ਰਹੇ ਹੋ ਤਾਂ ਇਹ ਕੁੰਡਲੀ 'ਚ ਕਾਲਸਰਪ ਦੋਸ਼ ਕਾਰਨ ਹੋ ਸਕਦਾ ਹੈ।
• ਜੇਕਰ ਤੁਸੀਂ ਮਾਨਸਿਕ ਤੇ ਸਰੀਰਕ ਤੌਰ 'ਤੇ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਹੋ ਤਾਂ ਕੁੰਡਲੀ 'ਚ ਕਾਲਸਰਪ ਦੋਸ਼ ਵੀ ਹੋ ਸਕਦਾ ਹੈ। ਇਸ ਦੋਸ਼ ਕਾਰਨ ਸਿਰਦਰਦ ਤੇ ਸਕਿਨ ਦੇ ਰੋਗਾਂ ਦੀ ਸਮੱਸਿਆ ਹੋ ਸਕਦੀ ਹੈ।
• ਕੁੰਡਲੀ 'ਚ ਕਾਲਸਰਪ ਦੋਸ਼ ਕਾਰਨ, ਵਿਅਕਤੀ ਨੂੰ ਜੀਵਨ 'ਚ ਪੈਸਾ ਹੱਥ ਵਿਚ ਨਾ ਹੋਣ ਤੇ ਕਰਜ਼ੇ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਕਾਲਸਰਪ ਦੋਸ਼ ਦੇ ਉਪਾਅ

• ਕਾਲਸਰਪ ਦੋਸ਼ ਤੋਂ ਛੁਟਕਾਰਾ ਪਾਉਣ ਲਈ ਭਗਵਾਨ ਸ਼ਿਵ ਦੀ ਪੂਜਾ ਕਰਨਾ ਫਲਦਾਇਕ ਮੰਨਿਆ ਜਾਂਦਾ ਹੈ। ਰੋਜ਼ਾਨਾ ਸ਼ਿਵਲਿੰਗ 'ਤੇ ਜਲ ਚੜ੍ਹਾਓ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਉਪਾਅ ਨੂੰ ਕਰਨ ਨਾਲ ਕਾਲਸਰਪ ਦੋਸ਼ ਦੂਰ ਹੁੰਦਾ ਹੈ ਅਤੇ ਸੁੱਖ ਤੇ ਖੁਸ਼ਹਾਲੀ ਵਧਦੀ ਹੈ। ਇਸ ਦੇ ਨਾਲ ਹੀ ਮਹਾਦੇਵ ਦੀ ਕਿਰਪਾ ਬਰਸਦੀ ਹੈ।
• ਇਸ ਤੋਂ ਇਲਾਵਾ ਸਾਵਣ ਮਹੀਨੇ ਸ਼ਿਵਲਿੰਗ 'ਤੇ ਚਾਂਦੀ ਦੇ ਸੱਪ ਦਾ ਜੋੜਾ ਚੜ੍ਹਾਓ। ਧਾਰਮਿਕ ਮਾਨਤਾਵਾਂ ਅਨੁਸਾਰ ਇਸ ਉਪਾਅ ਨੂੰ ਕਰਨ ਨਾਲ ਕਾਲਸਰਪ ਦੋਸ਼ ਦੂਰ ਹੋ ਜਾਂਦਾ ਹੈ ਤੇ ਮਹਾਦੇਵ ਦੀ ਕਿਰਪਾ ਨਾਲ ਵਿਗੜੇ ਹੋਏ ਕੰਮ ਪੂਰੇ ਹੁੰਦੇ ਹਨ।
• ਕੁੰਡਲੀ 'ਚ ਕਾਲਸਰਪ ਦੋਸ਼ ਨੂੰ ਦੂਰ ਕਰਨ ਲਈ ਗੋਮੇਦ ਰਤਨ ਲਾਭਦਾਇਕ ਮੰਨਿਆ ਜਾਂਦਾ ਹੈ। ਰਤਨ ਵਿਗਿਆਨ ਅਨੁਸਾਰ, ਗੋਮੇਦ ਰਤਨ ਪਹਿਨਣ ਨਾਲ ਲੰਬਿਤ ਕੰਮ ਪੂਰੇ ਹੁੰਦੇ ਹਨ ਤੇ ਕਰੀਅਰ ਦੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ, ਕਿਉਂਕਿ ਇਹ ਰਤਨ ਰਾਹੂ ਨਾਲ ਸਬੰਧਤ ਹੈ। ਸ਼ਨੀਵਾਰ ਨੂੰ ਇਸ ਰਤਨ ਨੂੰ ਪਹਿਨਣਾ ਸ਼ੁਭ ਮੰਨਿਆ ਜਾਂਦਾ ਹੈ।