ਅਗਸਤ 2026 'ਚ ਲੱਗਣਗੇ ਦੋ ਵੱਡੇ ਗ੍ਰਹਿਣ, ਤੁਲਾ ਤੋਂ ਲੈ ਕੇ ਮੀਨ ਰਾਸ਼ੀ ਵਾਲਿਆਂ ਦੇ ਜੀਵਨ 'ਚ ਕੀ ਹੋਣਗੇ ਬਦਲਾਅ?

ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : ਹਿੰਦੂ ਮਹੀਨਿਆਂ 'ਚ ਸਾਵਣ ਦਾ ਮਹੀਨਾ ਬੇਹੱਦ ਪਵਿੱਤਰ ਮੰਨਿਆ ਜਾਂਦਾ ਹੈ। ਇਸ ਸਾਲ 12 ਅਗਸਤ 2026 ਨੂੰ ਸੂਰਜ ਗ੍ਰਹਿਣ ਤੇ 27-28 ਅਗਸਤ ਨੂੰ ਅੰਸ਼ਕ ਚੰਦਰ ਗ੍ਰਹਿਣ (Partial lunar eclipse) ਲੱਗਣ ਵਾਲਾ ਹੈ। ਹਾਲਾਂਕਿ ਚੰਗੀ ਗੱਲ ਇਹ ਹੈ ਕਿ ਇਸ ਦੌਰਾਨ ਭਾਰਤ 'ਚ ਇਹ ਚੰਦਰ ਗ੍ਰਹਿਣ ਦਿਖਾਈ ਨਹੀਂ ਦੇਵੇਗਾ, ਪਰ ਜੋਤਿਸ਼ ਸ਼ਾਸਤਰ ਦੇ ਨਜ਼ਰੀਏ ਤੋਂ ਇਸ ਦਾ ਪ੍ਰਭਾਵ ਸਾਰੀਆਂ ਰਾਸ਼ੀਆਂ 'ਤੇ ਦੇਖਣ ਨੂੰ ਮਿਲ ਸਕਦਾ ਹੈ। ਆਓ ਜਾਣਦੇ ਹਾਂ ਤੁਲਾ ਤੋਂ ਮੀਨ ਰਾਸ਼ੀ ਦੇ ਜਾਤਕਾਂ 'ਤੇ ਗ੍ਰਹਿਣ ਦਾ ਕੀ ਪ੍ਰਭਾਵ ਪਵੇਗਾ?

ਤੁਲਾ ਰਾਸ਼ੀ (Libra)

ਪਰਿਵਾਰਕ ਮਾਮਲਿਆਂ ਤੇ ਜ਼ਮੀਨ-ਜਾਇਦਾਦ ਨਾਲ ਜੁੜੇ ਫੈਸਲਿਆਂ ਨੂੰ ਬਹੁਤ ਹੀ ਸਮਝਦਾਰੀ ਨਾਲ ਸੰਭਾਲਣਾ ਹੋਵੇਗਾ। ਘਰ 'ਚ ਸੁੱਖ-ਸ਼ਾਂਤੀ ਬਣਾਈ ਰੱਖਣ ਲਈ ਦੂਜਿਆਂ ਦੀਆਂ ਗੱਲਾਂ ਨੂੰ ਸੁਣਨਾ ਅਤੇ ਸਮਝਣਾ ਬਹੁਤ ਜ਼ਰੂਰੀ ਹੋਵੇਗਾ। ਆਪਣੇ ਸ਼ਾਂਤ ਸੁਭਾਅ ਨਾਲ ਤੁਸੀਂ ਘਰ ਦੇ ਮਾਹੌਲ ਨੂੰ ਬਹੁਤ ਵਧੀਆ ਬਣਾ ਸਕਦੇ ਹੋ।

ਉਪਾਅ: ਸ਼ੁੱਕਰਵਾਰ ਦੇ ਦਿਨ ਕਿਸੇ ਮੰਦਰ 'ਚ ਚਿੱਟੇ ਰੰਗ ਦੀ ਮਿਠਾਈ ਦਾ ਦਾਨ ਕਰੋ।

ਬ੍ਰਿਸ਼ਚਕ ਰਾਸ਼ੀ (Scorpio)

ਤੁਹਾਡੇ ਬੋਲਣ ਦੇ ਅੰਦਾਜ਼ ਅਤੇ ਯਾਤਰਾ ਨਾਲ ਜੁੜੀਆਂ ਯੋਜਨਾਵਾਂ 'ਚ ਥੋੜ੍ਹੇ ਉਤਰਾਅ-ਚੜ੍ਹਾਅ ਆ ਸਕਦੇ ਹਨ। ਕਿਸੇ ਵੀ ਨਵੇਂ ਕਾਗਜ਼ਾਤ 'ਤੇ ਦਸਤਖਤ ਕਰਨ ਜਾਂ ਕੋਈ ਵੱਡਾ ਵਾਅਦਾ ਕਰਨ ਤੋਂ ਪਹਿਲਾਂ ਦੋ ਵਾਰ ਵਿਚਾਰ ਕਰੋ। ਆਪਣੇ ਵਿਚਾਰਾਂ ਨੂੰ ਸ਼ਾਂਤ ਰੱਖ ਕੇ ਗੱਲ ਕਰੋਗੇ ਤਾਂ ਕੋਈ ਸਮੱਸਿਆ ਨਹੀਂ ਹੋਵੇਗੀ।

ਉਪਾਅ: ਕੌੜੀਆਂ ਗੱਲਾਂ ਬੋਲਣ ਤੋਂ ਬਚੋ ਅਤੇ ਆਪਣੇ ਸੁਭਾਅ 'ਚ ਹਮੇਸ਼ਾ ਸ਼ਾਂਤੀ ਬਣਾਏ ਰੱਖੋ।

ਧਨੁ ਰਾਸ਼ੀ (Sagittarius)

ਪੈਸਿਆਂ ਦੀ ਸਹੀ ਪਲਾਨਿੰਗ ਇਸ ਸਮੇਂ ਤੁਹਾਡੀ ਸਭ ਤੋਂ ਵੱਡੀ ਜ਼ਰੂਰਤ ਬਣਨ ਵਾਲੀ ਹੈ। ਫਾਲਤੂ ਦੇ ਖਰਚਿਆਂ 'ਤੇ ਰੋਕ ਲਗਾਓ ਤੇ ਭਾਵਨਾਵਾਂ 'ਚ ਆ ਕੇ ਸ਼ਾਪਿੰਗ ਕਰਨ ਤੋਂ ਬਚੋ। ਆਪਣੇ ਬਜਟ ਦੇ ਅਨੁਸਾਰ ਹੀ ਕੰਮ ਕਰੋਗੇ, ਤਾਂ ਆਉਣ ਵਾਲੇ ਸਮੇਂ 'ਚ ਤੁਹਾਡੀ ਆਰਥਿਕ ਸਥਿਤੀ ਬਹੁਤ ਮਜ਼ਬੂਤ ਬਣੀ ਰਹੇਗੀ।

ਉਪਾਅ: ਵੀਰਵਾਰ ਦੇ ਦਿਨ ਕਿਸੇ ਜ਼ਰੂਰਤਮੰਦ ਨੂੰ ਪੀਲੇ ਰੰਗ ਦੀ ਖਾਧ ਸਮੱਗਰੀ ਦਾ ਦਾਨ ਕਰੋ।

ਮਕਰ ਰਾਸ਼ੀ (Capricorn)

ਇਹ ਗ੍ਰਹਿਣ ਤੁਹਾਡੇ ਜੀਵਨ 'ਚ ਕੁਝ ਵੱਡੇ ਬਦਲਾਅ ਅਤੇ ਨਵੀਆਂ ਜ਼ਿੰਮੇਵਾਰੀਆਂ ਲੈ ਕੇ ਆ ਸਕਦਾ ਹੈ। ਜ਼ਿਆਦਾ ਕੰਮ ਹੋਣ ਦੌਰਾਨ ਆਪਣੀ ਸਿਹਤ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੋਵੇਗਾ। ਖੁਦ 'ਤੇ ਜ਼ਰੂਰਤ ਤੋਂ ਜ਼ਿਆਦਾ ਦਬਾਅ ਨਾ ਪਾਓ ਤੇ ਥੋੜ੍ਹਾ ਸਮਾਂ ਆਪਣੇ ਆਰਾਮ ਲਈ ਵੀ ਜ਼ਰੂਰ ਕੱਢੋ।

ਉਪਾਅ: ਸ਼ਨੀਵਾਰ ਦੇ ਦਿਨ ਭਗਵਾਨ ਸ਼ਨੀਦੇਵ ਦੀ ਪੂਜਾ ਕਰੋ ਤੇ ਉਨ੍ਹਾਂ ਦਾ ਆਸ਼ੀਰਵਾਦ ਪ੍ਰਾਪਤ ਕਰੋ।

ਕੁੰਭ ਰਾਸ਼ੀ (Aquarius)

ਇਹ ਸਮਾਂ ਤੁਹਾਡੇ ਲਈ ਅਧਿਆਤਮਕ ਰੂਪ 'ਚ ਅੱਗੇ ਵਧਣ ਤੇ ਖੁਦ ਨੂੰ ਬਿਹਤਰ ਤਰੀਕੇ ਨਾਲ ਸਮਝਣ ਦਾ ਹੈ। ਮਨ 'ਚ ਉੱਠ ਰਹੀਆਂ ਉਲਝਣਾਂ ਤੇ ਬਿਨਾਂ ਵਜ੍ਹਾ ਦੇ ਤਣਾਅ ਤੋਂ ਖੁਦ ਨੂੰ ਦੂਰ ਰੱਖੋ। ਲੋਕਾਂ ਨਾਲ ਤਾਲਮੇਲ ਬਣਾ ਕੇ ਚੱਲੋਗੇ ਤਾਂ ਤੁਹਾਨੂੰ ਮਾਨਸਿਕ ਸਕੂਨ ਤੇ ਸ਼ਾਂਤੀ ਮਹਿਸੂਸ ਹੋਵੇਗੀ।

ਉਪਾਅ: ਆਪਣੇ ਦਿਨ ਦਾ ਥੋੜ੍ਹਾ ਸਮਾਂ ਧਿਆਨ ਲਗਾਉਣ ਅਤੇ ਸੇਵਾ ਦੇ ਕੰਮਾਂ 'ਚ ਲਗਾਓ।

ਮੀਨ ਰਾਸ਼ੀ (Pisces)

ਤੁਹਾਡੀ ਦੋਸਤੀ ਅਤੇ ਅੱਗੇ ਦੇ ਵੱਡੇ ਪਲਾਨ 'ਚ ਕੁਝ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ। ਕੋਈ ਵੀ ਵੱਡਾ ਫੈਸਲਾ ਲੈਣ ਤੋਂ ਪਹਿਲਾਂ ਆਪਣੀਆਂ ਬਣਾਈਆਂ ਯੋਜਨਾਵਾਂ ਨੂੰ ਇਕ ਵਾਰ ਚੰਗੀ ਤਰ੍ਹਾਂ ਜਾਂਚ ਲਵੋ। ਧੀਰਜ ਨਾਲ ਕਦਮ ਵਧਾਓਗੇ ਤਾਂ ਤੁਹਾਨੂੰ ਆਪਣੇ ਕੰਮ 'ਚ ਸਫਲਤਾ ਜ਼ਰੂਰ ਮਿਲੇਗੀ।

ਉਪਾਅ: ਭਗਵਾਨ ਵਿਸ਼ਨੂੰ ਜੀ ਦੀ ਅਰਾਧਨਾ ਕਰੋ ਅਤੇ ਆਪਣੇ ਮਨ 'ਚ ਚੰਗੇ ਵਿਚਾਰ ਰੱਖੋ।

ਲੇਖਕ: ਸ਼੍ਰੀ ਆਨੰਦ ਸਾਗਰ ਪਾਠਕ, astropatri.com, ਫੀਡਬੈਕ ਲਈ ਲਿਖੋ: hello@astropatri.com