ਮੁਲਾਂਕ 4 ਵਾਲਿਆਂ ਦੀ ਤਰੱਕੀ 'ਚ ਰੁਕਾਵਟ ਬਣ ਸਕਦਾ ਹੈ ਇਹ ਦਿਨ, ਭੁੱਲ ਕੇ ਵੀ ਕੋਈ ਨਵਾਂ ਕੰਮ ਸ਼ੁਰੂ ਨਾ ਕਰਿਓ

ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ 4 ਦਾ ਸੁਆਮੀ ਗ੍ਰਹਿ ਰਾਹੂ ਹੈ। ਜਿਹੜੇ ਜਾਤਕਾਂ ਦਾ ਮੁਲਾਂਕ 4 ਹੁੰਦਾ ਹੈ, ਉਨ੍ਹਾਂ 'ਤੇ ਰਾਹੂ ਦਾ ਅਸਰ ਰਹਿੰਦਾ ਹੈ। ਅਜਿਹੇ ਲੋਕ ਬੇਹੱਦ ਖਾਹਸ਼ੀ ਹੁੰਦੇ ਹਨ। ਇਨ੍ਹਾਂ ਦੀ ਚਾਹਤ ਹੁੰਦੀ ਹੈ ਕਿ ਰਾਤੋ-ਰਾਤ ਇਹ ਸਫ਼ਲ ਹੋ ਜਾਣ। ਅਜਿਹਾ ਨਾ ਹੋਣ 'ਤੇ ਇਹ ਤਣਾਅ ਗ੍ਰਸਤ ਹੋ ਜਾਂਦੇ ਹਨ ਤੇ ਇਸ ਤੋਂ ਇਨ੍ਹਾਂ ਨੂੰ ਬਾਹਰ ਨਿਕਲਣਾ ਵੀ ਆਸਾਨ ਨਹੀਂ ਹੁੰਦਾ ਹੈ।

ਅੰਕ ਵਿਗਿਆਨ 'ਚ ਮੁਲਾਂਕ 4 ਵਾਲੇ ਲੋਕਾਂ ਲਈ ਕੁਝ ਅਜਿਹੇ ਦਿਨ ਦੱਸੇ ਗਏ ਹਨ, ਜਿਨ੍ਹਾਂ 'ਤੇ ਉਨ੍ਹਾਂ ਨੂੰ ਕਦੇ ਵੀ ਕੋਈ ਨਵਾਂ ਕੰਮ ਸ਼ੁਰੂ ਨਹੀਂ ਕਰਨਾ ਚਾਹੀਦਾ। ਆਓ ਤੁਹਾਨੂੰ ਦੱਸਦੇ ਹਾਂ ਉਨ੍ਹਾਂ ਬਾਰੇ। ਆਓ ਤੁਹਾਨੂੰ ਦੱਸਦੇ ਹਾਂ ਉਨ੍ਹਾਂ ਬਾਰੇ।

ਮੁਲਾਂਕ 8 ਤੋਂ ਦੂਰ ਰਹੋ

ਅੰਕ ਵਿਗਿਆਨ ਦੇ ਆਧਾਰ 'ਤੇ ਮੁਲਾਂਕ 4 ਵਾਲੇ ਲੋਕਾਂ ਨੂੰ ਕਦੇ ਵੀ ਉਸ ਦਿਨ ਕੋਈ ਨਵਾਂ ਕੰਮ ਸ਼ੁਰੂ ਨਹੀਂ ਕਰਨਾ ਚਾਹੀਦਾ ਜਿਸ ਦਿਨ ਮੁਲਾਂਕ 8 ਹੋਵੇ ਜਾਂ ਜਿਸ ਦਾ ਜੋੜ 8 ਹੋਵੇ, ਇਸ ਲਈ ਕਿਸੇ ਵੀ ਮਹੀਨੇ ਦੀ 8, 17 ਅਤੇ 26 ਤਰੀਕ ਨੂੰ ਕਿਸੇ ਵੀ ਤਰ੍ਹਾਂ ਦੇ ਜ਼ਰੂਰੀ ਕੰਮ, ਨਵੇਂ ਪ੍ਰੋਜੈਕਟ, ਨਵੀਂ ਨੌਕਰੀ, ਕਾਰੋਬਾਰ ਲਈ ਨਵੇਂ ਸਾਮਾਨ ਦੀ ਖਰੀਦਦਾਰੀ ਆਦਿ ਤੋਂ ਬਚਣਾ ਚਾਹੀਦਾ ਹੈ।

ਦਰਅਸਲ, ਨੰਬਰ 8 ਦਾ ਮਾਲਕ ਸ਼ਨੀ ਹੈ। ਰਾਹੂ ਤੇ ਸ਼ਨੀ ਨੂੰ ਇਕ ਦੂਜੇ ਦੇ ਉਲਟ ਗ੍ਰਹਿ ਮੰਨਿਆ ਜਾਂਦਾ ਹੈ। ਅੰਕ ਵਿਗਿਆਨ ਗਣਨਾਵਾਂ ਦੇ ਆਧਾਰ 'ਤੇ ਜੇਕਰ ਰਾਹੂ ਤੇ ਸ਼ਨੀ ਮਿਲਦੇ ਹਨ ਤਾਂ ਨਵੀਆਂ ਚੁਣੌਤੀਆਂ ਪੈਦਾ ਹੁੰਦੀਆਂ ਹਨ। ਆਸਾਨ ਕੰਮ ਵੀ ਔਖਾ ਹੋ ਜਾਂਦਾ ਹੈ।

ਜਦੋਂ ਚੰਦਰਮਾ ਕਮਜ਼ੋਰ ਹੋਵੇ

ਚੰਦਰਮਾ ਕਮਜ਼ੋਰ ਜਾਂ ਨੀਚ ਦਾ ਹੈ, ਉਦੋਂ ਵੀ ਮੁਲਾਂਕ 4 ਵਾਲੇ ਲੋਕਾਂ ਨੂੰ ਕੋਈ ਨਵਾਂ ਕੰਮ ਨਹੀਂ ਕਰਨਾ ਚਾਹੀਦਾ। ਰਾਹੂ ਲਈ ਚੰਦਰਮਾ ਦਾ ਬਲਵਾਨ ਹੋਣਾ ਬਹੁਤ ਜ਼ਰੂਰੀ ਹੈ, ਨਹੀਂ ਤਾਂ ਮਨ ਵਿਚ ਉਲਝਣ ਤੇ ਅਨਿਸ਼ਚਿਤਤਾ ਦੀ ਸਥਿਤੀ ਪੈਦਾ ਹੁੰਦੀ ਹੈ। ਜੇਕਰ ਕੋਈ ਵਿਅਕਤੀ, ਜਿਸ ਦਾ ਮੁਲਾਂਕ 4 ਹੈ, ਇਨ੍ਹਾਂ ਹਾਲਤਾਂ 'ਚ ਕੋਈ ਵੀ ਮਹੱਤਵਪੂਰਨ ਕੰਮ, ਨਵਾਂ ਕੰਮ ਜਾਂ ਕੋਈ ਨਵੀਂ ਸ਼ੁਰੂਆਤ ਕਰਨ ਬਾਰੇ ਸੋਚਦਾ ਹੈ ਤਾਂ ਮਾਨਸਿਕ ਤਣਾਅ ਉਸ ਨੂੰ ਘੇਰ ਲੈਂਦਾ ਹੈ ਅਤੇ ਉਹ ਆਪਣਾ ਕੰਮ ਸਹੀ ਢੰਗ ਨਾਲ ਪੂਰਾ ਨਹੀਂ ਕਰ ਪਾਉਂਦਾ। ਕਈ ਵਾਰ ਇਸ ਸਥਿਤੀ ਵਿਚ ਲੋਕ ਗਲਤ ਫੈਸਲੇ ਵੀ ਲੈ ਲੈਂਦੇ ਹਨ।

ਮੱਸਿਆ ਦਾ ਦਿਨ

ਮੁਲਾਂਕ 4 ਵਾਲੇ ਲੋਕ ਮੱਸਿਆ ਵਾਲੇ ਦਿਨ ਚੰਦਰਮਾ ਦੀ ਅਣਹੋਂਦ 'ਚ ਵੀ ਮੁਸ਼ਕਲ ਮਹਿਸੂਸ ਕਰਦੇ ਹਨ। ਜੇਕਰ ਇਸ ਦਿਨ ਕੋਈ ਵੀ ਨਵਾਂ ਕੰਮ ਸ਼ੁਰੂ ਕੀਤਾ ਜਾਂਦਾ ਹੈ ਤਾਂ ਮੁਲਾਂਕ 4 ਵਾਲੇ ਲੋਕ ਹਮੇਸ਼ਾ ਉਸ ਕੰਮ 'ਚ ਸਫਲਤਾ ਨੂੰ ਲੈ ਕੇ ਦੁਬਿਧਾ 'ਚ ਰਹਿੰਦੇ ਹਨ। ਕਈ ਵਾਰ ਅਜਿਹਾ ਵੀ ਹੁੰਦਾ ਹੈ ਕਿ ਮੱਸਿਆ ਵਾਲੇ ਦਿਨ ਸ਼ੁਰੂ ਕੀਤਾ ਗਿਆ ਕੰਮ ਨਕਾਰਾਤਮਕ ਨਤੀਜਾ ਦਿੰਦਾ ਹੈ। ਅਜਿਹੇ 'ਚ ਮੁਲਾਂਕ 4 ਵਾਲੇ ਲੋਕ ਬਹੁਤ ਚਿੜਚਿੜੇ ਮਹਿਸੂਸ ਕਰਦੇ ਹਨ।

ਇਸ ਲਈ ਮੁਲਾਂਕ 4 ਵਾਲੇ ਲੋਕਾਂ ਨੂੰ ਉੱਪਰ ਦੱਸੇ ਗਏ ਦਿਨਾਂ 'ਤੇ ਕੋਈ ਨਵਾਂ ਕੰਮ ਕਰਨ ਤੋਂ ਬਚਣਾ ਚਾਹੀਦਾ ਹੈ ਤੇ ਸਹੀ ਦਿਨ ਦੀ ਉਡੀਕ ਕਰਨੀ ਚਾਹੀਦੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।