ਸ਼ਨੀ ਦੋਸ਼ਾਂ ਤੋਂ ਮੁਕਤੀ ਦਿਵਾਉਣਗੇ ਇਹ 7 ਚਮਤਕਾਰੀ ਟੋਟਕੇ, ਰਾਤੋ-ਰਾਤ ਬਦਲ ਜਾਵੇਗੀ ਤੁਹਾਡੀ ਕਿਸਮਤ

ਧਰਮ ਡੈਸਕ, ਨਵੀਂ ਦਿੱਲੀ: ਜੋਤਿਸ਼ ਸ਼ਾਸਤਰ 'ਚ ਸ਼ਨੀ ਦੇਵ ਨੂੰ ਕਰਮਫਲ ਦਾਤਾ ਅਤੇ ਨਿਆਂ ਦਾ ਦੇਵਤਾ ਮੰਨਿਆ ਗਿਆ ਹੈ। ਅਕਸਰ ਲੋਕ ਭਗਵਾਨ ਸ਼ਨੀ ਦਾ ਨਾਂ ਸੁਣਦੇ ਹੀ ਡਰ ਜਾਂਦੇ ਹਨ, ਪਰ ਸੱਚ ਤਾਂ ਇਹ ਹੈ ਕਿ ਸ਼ਨੀ ਦੇਵ ਸਿਰਫ਼ ਉਨ੍ਹਾਂ ਨੂੰ ਹੀ ਦੰਡ ਦਿੰਦੇ ਹਨ, ਜਿਨ੍ਹਾਂ ਦੇ ਕਰਮ ਖ਼ਰਾਬ ਹੁੰਦੇ ਹਨ। ਜੇਕਰ ਤੁਹਾਡੀ ਕੁੰਡਲੀ ਵਿੱਚ ਸ਼ਨੀ ਦੋਸ਼ ਹੈ, ਤਾਂ ਜੀਵਨ ਵਿੱਚ ਆਰਥਿਕ ਤੰਗੀ ਅਤੇ ਕੰਮਾਂ ਵਿੱਚ ਰੁਕਾਵਟਾਂ ਆਉਣ ਲੱਗਦੀਆਂ ਹਨ। 2026 ਵਿੱਚ ਗ੍ਰਹਿਆਂ ਦੀ ਬਦਲਦੀ ਚਾਲ ਦੇ ਵਿਚਕਾਰ ਜੇਕਰ ਤੁਸੀਂ ਵੀ ਸ਼ਨੀ ਦੇ ਪ੍ਰਕੋਪ ਤੋਂ ਪਰੇਸ਼ਾਨ ਹੋ, ਤਾਂ ਸ਼ਨੀਵਾਰ ਦੇ ਦਿਨ ਕੀਤੇ ਜਾਣ ਵਾਲੇ ਇਹ 7 ਚਮਤਕਾਰੀ ਉਪਾਅ (Shani Dosha Upay) ਜ਼ਰੂਰ ਕਰੋ। ਆਓ ਜਾਣਦੇ ਹਾਂ -

1. ਪਿੱਪਲ ਦੇ ਰੁੱਖ ਹੇਠਾਂ ਦੀਪਦਾਨ

ਸ਼ਨੀਵਾਰ ਦੀ ਸ਼ਾਮ ਨੂੰ ਸੂਰਜ ਡੁੱਬਣ ਤੋਂ ਬਾਅਦ ਕਿਸੇ ਪੁਰਾਣੇ ਪਿੱਪਲ ਦੇ ਰੁੱਖ ਕੋਲ ਜਾਓ। ਉੱਥੇ ਸਰ੍ਹੋਂ ਦੇ ਤੇਲ ਦਾ ਇੱਕ ਦੀਵਾ ਜਗਾਓ ਅਤੇ ਉਸ ਵਿੱਚ ਥੋੜ੍ਹੇ ਜਿਹੇ ਕਾਲੇ ਤਿਲ ਪਾ ਦਿਓ। ਪਿੱਪਲ ਵਿੱਚ ਸ਼ਨੀ ਦੇਵ ਦਾ ਵਾਸ ਮੰਨਿਆ ਜਾਂਦਾ ਹੈ। ਦੀਵਾ ਜਗਾਉਣ ਤੋਂ ਬਾਅਦ ਸੱਤ ਵਾਰ ਪਰਿਕਰਮਾ ਕਰੋ, ਇਸ ਨਾਲ ਧਨ ਸਬੰਧੀ ਰੁਕਾਵਟਾਂ ਦੂਰ ਹੁੰਦੀਆਂ ਹਨ।

2. ਛਾਇਆ ਦਾਨ

ਸ਼ਨੀ ਦੋਸ਼ ਨੂੰ ਸ਼ਾਂਤ ਕਰਨ ਲਈ ਛਾਇਆ ਦਾਨ ਨੂੰ ਸਭ ਤੋਂ ਸ਼ਕਤੀਸ਼ਾਲੀ ਮੰਨਿਆ ਗਿਆ ਹੈ। ਇਕ ਲੋਹੇ ਜਾਂ ਮਿੱਟੀ ਦੇ ਬਰਤਨ ਵਿੱਚ ਸਰ੍ਹੋਂ ਦਾ ਤੇਲ ਭਰੋ ਅਤੇ ਉਸ ਵਿੱਚ ਆਪਣਾ ਚਿਹਰਾ ਦੇਖੋ। ਫਿਰ ਇਸ ਤੇਲ ਨੂੰ ਕਿਸੇ ਸ਼ਨੀ ਦਾਨ ਲੈਣ ਵਾਲੇ ਨੂੰ ਦਾਨ ਕਰ ਦਿਓ ਜਾਂ ਸ਼ਨੀ ਮੰਦਰ 'ਚ ਰੱਖ ਆਓ। ਅਜਿਹਾ ਕਰਨ ਨਾਲ ਸਰੀਰਕ ਕਸ਼ਟਾਂ ਤੋਂ ਛੁਟਕਾਰਾ ਮਿਲਦਾ ਹੈ।

3. ਹਨੂਮਾਨ ਚਾਲੀਸਾ ਦਾ ਪਾਠ

ਸ਼ਾਸਤਰਾਂ ਅਨੁਸਾਰ, ਸ਼ਨੀ ਦੇਵ ਨੇ ਹਨੂਮਾਨ ਜੀ ਨੂੰ ਵਚਨ ਦਿੱਤਾ ਸੀ ਕਿ ਉਹ ਉਨ੍ਹਾਂ ਦੇ ਭਗਤਾਂ ਨੂੰ ਕਦੇ ਪਰੇਸ਼ਾਨ ਨਹੀਂ ਕਰਨਗੇ। ਅਜਿਹੀ ਸਥਿਤੀ ਵਿੱਚ, ਜੇਕਰ ਤੁਸੀਂ ਸ਼ਨੀ ਦੋਸ਼ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਹਰ ਸ਼ਨੀਵਾਰ ਹਨੂਮਾਨ ਮੰਦਰ ਜਾ ਕੇ ਹਨੂਮਾਨ ਚਾਲੀਸਾ ਜਾਂ ਸੁੰਦਰਕਾਂਡ ਦਾ ਪਾਠ ਕਰੋ। ਬਜਰੰਗਬਲੀ ਦੀ ਸ਼ਰਨ ਵਿੱਚ ਜਾਣ ਨਾਲ ਕੁੰਡਲੀ ਵਿੱਚ ਮੌਜੂਦ ਸ਼ਨੀ ਦੇ ਅਸ਼ੁਭ ਪ੍ਰਭਾਵ ਘੱਟ ਹੋ ਜਾਂਦੇ ਹਨ।

4. ਕਾਲੇ ਕੁੱਤੇ ਨੂੰ ਰੋਟੀ ਖੁਆਓ

ਸ਼ਨੀਵਾਰ ਨੂੰ ਕਿਸੇ ਕਾਲੇ ਕੁੱਤੇ ਨੂੰ ਸਰ੍ਹੋਂ ਦੇ ਤੇਲ ਨਾਲ ਚੋਪੜੀ ਹੋਈ ਰੋਟੀ ਖੁਆਓ। ਅਜਿਹਾ ਕਰਨ ਨਾਲ ਜਲਦੀ ਹੀ ਤੁਹਾਡੇ ਰੁਕੇ ਹੋਏ ਸਾਰੇ ਕੰਮ ਬਣਨ ਲੱਗ ਜਾਣਗੇ।

5. ਲੋਹੇ ਅਤੇ ਕਾਲੇ ਤਿਲ ਦਾ ਦਾਨ

ਸ਼ਨੀਵਾਰ ਦੇ ਦਿਨ ਲੋਹਾ, ਕਾਲੇ ਤਿਲ, ਮਾਂਹ ਦੀ ਦਾਲ ਤੇ ਕਾਲੇ ਕੱਪੜੇ ਦਾ ਦਾਨ ਕਿਸੇ ਲੋੜਵੰਦ ਨੂੰ ਕਰਨ ਨਾਲ ਸ਼ਨੀ ਦੀ 'ਸਾੜ੍ਹਸਤੀ' ਦਾ ਪ੍ਰਭਾਵ ਘੱਟ ਹੁੰਦਾ ਹੈ। ਧਿਆਨ ਰੱਖੋ ਕਿ ਸ਼ਨੀਵਾਰ ਦੇ ਦਿਨ ਖ਼ੁਦ ਲੋਹਾ ਜਾਂ ਤੇਲ ਖ਼ਰੀਦ ਕੇ ਘਰ ਨਾ ਲਿਆਓ।

6. ਸ਼ਨੀ ਮੰਤਰਾਂ ਦਾ ਜਾਪ

ਸ਼ਨੀਵਾਰ ਦੇ ਦਿਨ ਰੁਦਰਾਕਸ਼ ਦੀ ਮਾਲਾ ਨਾਲ "ॐ शं शनैश्चराय नमः" ਜਾਂ "ॐ प्रां प्रीं प्रौं सः शनैश्चराय नमः" ਮੰਤਰ ਦਾ 108 ਵਾਰ ਜਾਪ ਕਰੋ। ਇਸ ਨਾਲ ਮਾਨਸਿਕ ਸ਼ਾਂਤੀ ਮਿਲਦੀ ਹੈ ਅਤੇ ਫੈਸਲਾ ਲੈਣ ਦੀ ਸਮਰੱਥਾ ਵਧਦੀ ਹੈ।

7. ਬੇਸਹਾਰਾ ਲੋਕਾਂ ਦੀ ਮਦਦ

ਜੇਕਰ ਤੁਸੀਂ ਬੇਸਹਾਰਾ ਅਤੇ ਲੋੜਵੰਦਾਂ ਦੀ ਮਦਦ ਕਰਦੇ ਹੋ ਤਾਂ ਸ਼ਨੀ ਦੇਵ ਤੁਹਾਡੇ ਤੋਂ ਹਮੇਸ਼ਾ ਪ੍ਰਸੰਨ ਰਹਿਣਗੇ। ਅਜਿਹੇ ਵਿੱਚ ਕਿਸੇ ਗਰੀਬ ਨੂੰ ਜੁੱਤੀ-ਚੱਪਲ ਜਾਂ ਕੋਈ ਵੀ ਜ਼ਰੂਰਤ ਦਾ ਸਾਮਾਨ ਦਾਨ ਕਰੋ।

ਡਿਸਕਲੇਮਰ : ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਸ ਲੇਖ 'ਚ ਦਿੱਤੀ ਗਈ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਅਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ (ਸੂਝ-ਬੂਝ) ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।