8 ਸਤੰਬਰ ਨੂੰ ਸ਼ਿਵ ਤੇ ਮੰਗਲ ਦਾ ਅਦਭੁਤ ਮਹਾਸੰਯੋਗ, ਮੇਖ ਤੇ ਬ੍ਰਿਸ਼ਚਕ ਸਣੇ 4 ਰਾਸ਼ੀਆਂ ਦੀਆਂ ਆਰਥਿਕ ਰੁਕਾਵਟਾਂ ਹੋਣਗੀਆਂ ਦੂਰ

ਧਰਮ ਡੈਸਕ, ਨਵੀਂ ਦਿੱਲੀ : ਵੈਦਿਕ ਪੰਚਾਂਗ ਅਨੁਸਾਰ ਭਾਦੋਂ ਮਹੀਨੇ ਦੇ ਕ੍ਰਿਸ਼ਨ ਪੱਖ 'ਚ ਪ੍ਰਦੋਸ਼ ਵਰਤ 8 ਸਤੰਬਰ ਨੂੰ ਰੱਖਿਆ ਜਾਵੇਗਾ। ਇਹ ਦਿਨ ਭਗਵਾਨ ਸ਼ਿਵ ਦੀ ਕਿਰਪਾ ਪ੍ਰਾਪਤ ਕਰਨ ਲਈ ਸ਼ੁੱਭ ਮੰਨਿਆ ਜਾਂਦਾ ਹੈ। ਧਾਰਮਿਕ ਮਾਨਤਾ ਅਨੁਸਾਰ ਪ੍ਰਦੋਸ਼ ਵਰਤ ਦੇ ਦਿਨ ਮਹਾਦੇਵ ਦੀ ਸਾਧਨਾ ਤੇ ਵਰਤ ਕਰਨ ਨਾਲ ਸਾਧਕ ਨੂੰ ਹਰ ਤਰ੍ਹਾਂ ਦੇ ਡਰ ਤੋਂ ਮੁਕਤੀ ਮਿਲਦੀ ਹੈ।

ਜੋਤਿਸ਼ ਗਣਨਾ ਅਨੁਸਾਰ ਭੌਮ ਪ੍ਰਦੋਸ਼ ਵਰਤ ਕੁਝ ਰਾਸ਼ੀਆਂ ਲਈ ਬਹੁਤ ਫਲਦਾਇਕ ਰਹਿਣ ਵਾਲਾ ਹੈ। ਆਓ ਇਸ ਲੇਖ 'ਚ ਐਸਟਰੋਪਤਰੀ ਦੇ ਸ਼੍ਰੀ ਚੰਦਰੈਸ਼ ਸ਼ਰਮਾ ਅਨੁਸਾਰ ਜਾਣਦੇ ਹਾਂ ਕਿ ਕਿਹੜੀਆਂ ਰਾਸ਼ੀਆਂ ਲਈ ਭੌਮ ਪ੍ਰਦੋਸ਼ ਵਰਤ ਖਾਸ ਰਹੇਗਾ।

ਸ਼੍ਰੀ ਚੰਦਰੈਸ਼ ਸ਼ਰਮਾ ਜੀ ਦੱਸਦੇ ਹਨ ਕਿ ਮੰਗਲਵਾਰ ਨੂੰ ਪੈਣ ਵਾਲੇ ਪ੍ਰਦੋਸ਼ ਵਰਤ ਨੂੰ ‘ਭੌਮ ਪ੍ਰਦੋਸ਼’ ਕਿਹਾ ਜਾਂਦਾ ਹੈ। ਇਹ ਮੁੱਖ ਤੌਰ ’ਤੇ ਮੇਖ, ਬ੍ਰਿਸ਼ਚਕ, ਮਕਰ ਤੇ ਸਿੰਘ ਰਾਸ਼ੀ ਵਾਲੇ ਲੋਕਾਂ ਲਈ ਬੇਹੱਦ ਸ਼ੁਭ ਫਲ ਦੇਣ ਵਾਲਾ ਹੁੰਦਾ ਹੈ।

ਇਨ੍ਹਾਂ ਰਾਸ਼ੀਆਂ ’ਤੇ ਵਰ੍ਹੇਗੀ ਵਿਸ਼ੇਸ਼ ਕਿਰਪਾ

ਮੇਖ ਰਾਸ਼ੀ: ਭੌਮ ਪ੍ਰਦੋਸ਼ ਵਰਤ ਮੇਖ ਰਾਸ਼ੀ ਵਾਲਿਆਂ ਲਈ ਬੇਹੱਦ ਮੰਗਲਕਾਰੀ ਸਿੱਧ ਹੋਣ ਵਾਲਾ ਹੈ। ਸਵਾਮੀ ਗ੍ਰਹਿ ਮੰਗਲ ਦੀ ਕਿਰਪਾ ਨਾਲ ਤੁਹਾਡੇ ਆਤਮਵਿਸ਼ਵਾਸ ਤੇ ਊਰਜਾ ਵਿਚ ਜ਼ਬਰਦਸਤ ਵਾਧਾ ਹੋਵੇਗਾ। ਜੋ ਲੋਕ ਲੰਬੇ ਸਮੇਂ ਤੋਂ ਕਰੀਅਰ 'ਚ ਰੁਕਾਵਟਾਂ ਦਾ ਸਾਹਮਣਾ ਕਰ ਰਹੇ ਸਨ, ਉਨ੍ਹਾਂ ਨੂੰ ਨਵੇਂ ਅਤੇ ਆਕਰਸ਼ਕ ਮੌਕੇ ਮਿਲਣਗੇ।

ਬ੍ਰਿਸ਼ਚਕ ਰਾਸ਼ੀ: ਬ੍ਰਿਸ਼ਚਕ ਰਾਸ਼ੀ ਵਾਲਿਆਂ ਲਈ ਭੌਮ ਪ੍ਰਦੋਸ਼ ਦਾ ਪ੍ਰਭਾਵ ਬੇਹੱਦ ਫਲਦਾਇਕ ਰਹੇਗਾ। ਭਗਵਾਨ ਸ਼ਿਵ ਤੇ ਹਨੂਮਾਨ ਜੀ ਦੀ ਵਿਸ਼ੇਸ਼ ਕਿਰਪਾ ਨਾਲ ਤੁਹਾਡੀਆਂ ਪੁਰਾਣੀਆਂ ਵਿੱਤੀ ਸਮੱਸਿਆਵਾਂ ਖ਼ਤਮ ਹੋਣਗੀਆਂ। ਆਮਦਨ ਦੇ ਨਵੇਂ ਸਰੋਤ ਖੁੱਲ੍ਹਣ ਨਾਲ ਤੁਹਾਡੀ ਆਰਥਿਕ ਸਥਿਤੀ ਵਿਚ ਅਚਾਨਕ ਸੁਧਾਰ ਆਵੇਗਾ।

ਮਕਰ ਰਾਸ਼ੀ: ਮਕਰ ਰਾਸ਼ੀ ਵਾਲਿਆਂ ਲਈ ਭੌਮ ਪ੍ਰਦੋਸ਼ ਦਾ ਇਹ ਯੋਗ ਕਰੀਅਰ ਅਤੇ ਧਨ ਦੋਵਾਂ ਖੇਤਰਾਂ 'ਚ ਕਿਸਮਤ ਦੇ ਦਰਵਾਜ਼ੇ ਖੋਲ੍ਹਣ ਵਾਲਾ ਸਾਬਤ ਹੋਵੇਗਾ। ਤੁਹਾਡੀ ਮਿਹਨਤ ਤੇ ਲਗਨ ਦਾ ਪੂਰਾ ਫਲ ਇਸ ਦੌਰਾਨ ਦੇਖਣ ਨੂੰ ਮਿਲੇਗਾ।

ਸਿੰਘ ਰਾਸ਼ੀ: ਸਿੰਘ ਰਾਸ਼ੀ ਵਾਲਿਆਂ ਲਈ ਭੌਮ ਪ੍ਰਦੋਸ਼ ਦਾ ਪ੍ਰਭਾਵ ਬੇਹੱਦ ਫਲਦਾਇਕ ਰਹੇਗਾ। ਜੋ ਲੋਕ ਨਵੀਂ ਨੌਕਰੀ ਦੀ ਭਾਲ ਕਰ ਰਹੇ ਹਨ ਜਾਂ ਕਿਸੇ ਮੁਕਾਬਲੇ ਦੀ ਪ੍ਰੀਖਿਆ ਦੀ ਤਿਆਰੀ ਕਰ ਰਹੇ ਹਨ, ਉਨ੍ਹਾਂ ਨੂੰ ਸਫਲਤਾ ਮਿਲਣ ਦੀ ਪੂਰੀ ਸੰਭਾਵਨਾ ਹੈ। ਕਾਰੋਬਾਰ 'ਚ ਸਾਂਝੇਦਾਰੀ ਤੋਂ ਵੱਡਾ ਲਾਭ ਹੋਵੇਗਾ ਅਤੇ ਪੁਰਾਣੇ ਕਰਜ਼ੇ ਚੁਕਾਉਣ ਵਿਚ ਸਫਲਤਾ ਮਿਲੇਗੀ। ਪਰਿਵਾਰ ਵਿਚ ਖੁਸ਼ਹਾਲੀ ਦਾ ਮਾਹੌਲ ਬਣਿਆ ਰਹੇਗਾ।

ਭੌਮ ਪ੍ਰਦੋਸ਼ ਵਰਤ ਦੇ ਲਾਭ

ਇਸ ਦਿਨ ਭਗਵਾਨ ਸ਼ਿਵ ਅਤੇ ਹਨੂਮਾਨ ਜੀ ਦੀ ਉਪਾਸਨਾ ਕਰਨ ਨਾਲ ਕਰਜ਼ ਤੋਂ ਮੁਕਤੀ, ਜ਼ਮੀਨ-ਮਕਾਨ ਦਾ ਲਾਭ ਤੇ ਕਰੀਅਰ 'ਚ ਤਰੱਕੀ ਮਿਲਣ ਦੀ ਧਾਰਮਿਕ ਮਾਨਤਾ ਹੈ।