- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮੁਲਾਂਕ 7 ਵਾਲਿਆਂ ਲਈ ਪੈਸਾ ਕਮਾਉਣ ਦੇ ਹੁੰਦੇ ਹਨ ਕਈ ਮੌਕੇ, ਇਹ 2 ਗਲਤੀਆਂ ਜ਼ੀਰੋ ਕਰ ਦਿੰਦੀਆਂ ਹਨ ਬੈਂਕ ਬੈਲੇਂਸ !
ਜੇ ਤੁਹਾਡਾ ਮੁਲਾਂਕ 7 ਹੈ ਤਾਂ ਤੁਸੀਂ ਸ਼ਾਇਦ ਆਪਣੇ ਲਈ ਹਮੇਸ਼ਾ ਇਹ ਸੁਣਿਆ ਹੋਵੇਗਾ ਕਿ ਤੁਸੀਂ ਬਹੁਤ ਸਮਝਦਾਰ ਹੋ, ਗੱਲ-ਗੱਲ 'ਤੇ ਭਾਵੁਕ ਹੋ ਜਾਂਦੇ ਹੋ, ਕਿਸੇ ਲਈ ਬੁਰਾ ਸੋਚ ਹੀ ਨਹੀਂ ਸਕਦੇ ਅਤੇ ਆਪਣੇ ਹੁਨਰ ਦੀ ਪਛਾਣ ਨਹੀਂ ਕਰ ਪਾਉਂਦੇ।
Posted By Seema Anand
Publish Date: Wed, 16 Sep 2026 01:27 PM (IST)
Updated Date: Wed, 16 Sep 2026 01:43 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਕਿਹਾ ਜਾਂਦਾ ਹੈ ਕਿ ਜੇ ਤੁਸੀਂ ਮਿਹਨਤ ਗਲਤ ਦਿਸ਼ਾ 'ਚ ਕਰਦੇ ਹੋ ਤਾਂ ਸਫਲਤਾ ਹਾਸਲ ਕਰਨ 'ਚ ਕਈ ਮੁਸ਼ਕਲਾਂ ਆਉਂਦੀਆਂ ਹਨ। ਅਜਿਹਾ ਹੀ ਕੁਝ ਮੁਲਾਂਕ 7 ਵਾਲੇ ਲੋਕਾਂ ਨਾਲ ਹੁੰਦਾ ਹੈ। ਜ਼ਿੰਦਗੀ 'ਚ ਬਹੁਤ ਜ਼ਿਆਦਾ ਮਿਹਨਤ ਕਰਨ ਦੇ ਬਾਵਜੂਦ ਦੂਜਿਆਂ 'ਤੇ ਭਰੋਸਾ ਕਰਨਾ ਇਨ੍ਹਾਂ ਲਈ ਭਾਰੀ ਪੈ ਸਕਦਾ ਹੈ।
ਜੇ ਤੁਹਾਡਾ ਮੁਲਾਂਕ 7 ਹੈ ਤਾਂ ਤੁਸੀਂ ਸ਼ਾਇਦ ਆਪਣੇ ਲਈ ਹਮੇਸ਼ਾ ਇਹ ਸੁਣਿਆ ਹੋਵੇਗਾ ਕਿ ਤੁਸੀਂ ਬਹੁਤ ਸਮਝਦਾਰ ਹੋ, ਗੱਲ-ਗੱਲ 'ਤੇ ਭਾਵੁਕ ਹੋ ਜਾਂਦੇ ਹੋ, ਕਿਸੇ ਲਈ ਬੁਰਾ ਸੋਚ ਹੀ ਨਹੀਂ ਸਕਦੇ ਅਤੇ ਆਪਣੇ ਹੁਨਰ ਦੀ ਪਛਾਣ ਨਹੀਂ ਕਰ ਪਾਉਂਦੇ।ਦਰਅਸਲ, ਇਹ ਇਕ ਅਜਿਹਾ ਮੁਲਾਂਕ ਹੈ ਜਿਸ ਦੇ ਸਵਾਮੀ ਕੇਤੂ ਮੰਨੇ ਜਾਂਦੇ ਹਨ ਅਤੇ ਉਨ੍ਹਾਂ ਦੇ ਪ੍ਰਭਾਵ ਕਾਰਨ ਮੁਲਾਂਕ 7 ਵਾਲੇ ਲੋਕ ਕਈ ਵਾਰ ਫ਼ੈਸਲੇ ਦਿਲੋਂ ਲੈਂਦੇ ਹਨ। ਆਓ ਜਾਣਦੇ ਹਾਂ ਕਿ ਤੁਹਾਡੀ ਜ਼ਿੰਦਗੀ 'ਚ ਅਜਿਹੀਆਂ ਕਿਹੜੀਆਂ ਗਲਤੀਆਂ ਹਨ ਜੋ ਤੁਹਾਨੂੰ ਪੈਸਾ ਕਮਾਉਣ ਦੇ ਮੌਕਿਆਂ ਤੋਂ ਦੂਰ ਲੈ ਜਾ ਸਕਦੀਆਂ ਹਨ।
ਦੂਜਿਆਂ 'ਤੇ ਅੱਖਾਂ ਬੰਦ ਕਰ ਕੇ ਭਰੋਸਾ ਕਰਨਾ
ਮੁਲਾਂਕ 7 ਵਾਲੇ ਲੋਕ ਇੰਨੇ ਜ਼ਿਆਦਾ ਭਾਵੁਕ ਦੱਸੇ ਜਾਂਦੇ ਹਨ ਕਿ ਉਹ ਕਿਸੇ 'ਤੇ ਵੀ ਬਹੁਤ ਜਲਦੀ ਭਰੋਸਾ ਕਰ ਲੈਂਦੇ ਹਨ। ਇਹ ਲੋਕ ਕਈ ਵਾਰ ਆਪਣੇ ਦੋਸਤਾਂ ਤੇ ਰਿਸ਼ਤੇਦਾਰਾਂ 'ਤੇ ਇੰਨਾ ਭਰੋਸਾ ਕਰ ਲੈਂਦੇ ਹਨ ਕਿ ਕਿਸੇ ਦੇ ਝਾਂਸੇ 'ਚ ਆ ਕੇ ਆਪਣਾ ਪੈਸਾ ਗਲਤ ਥਾਂ ਲਗਾ ਦਿੰਦੇ ਹਨ। ਇਨ੍ਹਾਂ ਲੋਕਾਂ ਦਾ ਭਰੋਸਾ ਕੋਈ ਵੀ ਆਸਾਨੀ ਨਾਲ ਜਿੱਤ ਲੈਂਦਾ ਹੈ, ਜਿਸ ਕਾਰਨ ਸਾਹਮਣੇ ਵਾਲਾ ਕਈ ਵਾਰ ਇਨ੍ਹਾਂ ਦਾ ਗਲਤ ਫਾਇਦਾ ਉਠਾ ਲੈਂਦਾ ਹੈ।
ਇਹ ਲੋਕ ਆਪਣੇ ਸਹਿਜ ਸੁਭਾਅ ਕਾਰਨ ਕਿਸੇ ਦੀ ਨੀਅਤ ਨੂੰ ਸਮਝ ਨਹੀਂ ਪਾਉਂਦੇ। ਇਨ੍ਹਾਂ ਦੀ ਸਭ ਤੋਂ ਵੱਡੀ ਗਲਤੀ ਹੀ ਕਿਸੇ ਅਣਜਾਣ ਵਿਅਕਤੀ 'ਤੇ ਅੱਖਾਂ ਬੰਦ ਕਰ ਕੇ ਭਰੋਸਾ ਕਰਨਾ ਦੱਸੀ ਜਾਂਦੀ ਹੈ। ਇਸ ਕਾਰਨ ਕਈ ਵਾਰ ਨੌਕਰੀ ਜਾਂ ਪੈਸਾ ਕਮਾਉਣ ਦੇ ਚੰਗੇ ਮੌਕੇ ਮਿਲਣ ਦੇ ਬਾਵਜੂਦ ਇਹ ਪੈਸਾ ਬਚਾ ਕੇ ਨਹੀਂ ਰੱਖ ਪਾਉਂਦੇ।
ਨੌਕਰੀ ਦੀ ਬਜਾਏ ਬਿਜ਼ਨੈੱਸ ਦੀ ਪਲਾਨਿੰਗ
ਅੰਕ ਜੋਤਿਸ਼ ਮੁਤਾਬਕ, ਬਿਜ਼ਨੈੱਸ ਮੁਲਾਂਕ 7 ਵਾਲੇ ਲੋਕਾਂ ਲਈ ਠੀਕ ਨਹੀਂ ਮੰਨਿਆ ਜਾਂਦਾ। ਕਈ ਵਾਰ ਇਹ ਆਪਣੀ ਮੌਜੂਦਾ ਨੌਕਰੀ ਛੱਡ ਕੇ ਵੀ ਬਿਜ਼ਨੈੱਸ 'ਚ ਚਲੇ ਜਾਂਦੇ ਹਨ ਅਤੇ ਉਨ੍ਹਾਂ ਦੇ ਹੱਥ ਸਿਰਫ਼ ਨਾਕਾਮੀ ਲੱਗਣ ਦੀ ਗੱਲ ਕਹੀ ਜਾਂਦੀ ਹੈ।
ਇਹ ਅਜਿਹੇ ਲੋਕ ਦੱਸੇ ਜਾਂਦੇ ਹਨ ਜੋ ਬਿਜ਼ਨਸ ਲਈ ਕਿਸੇ 'ਤੇ ਵੀ ਭਰੋਸਾ ਕਰ ਬੈਠਦੇ ਹਨ ਤੇ ਸਾਹਮਣੇ ਵਾਲਾ ਉਨ੍ਹਾਂ ਨਾਲ ਧੋਖਾ ਕਰ ਸਕਦਾ ਹੈ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਇਹ ਦੱਸਿਆ ਜਾਂਦਾ ਹੈ ਕਿ ਇਹ ਸਾਹਮਣੇ ਵਾਲੇ ਦੀ ਨੀਅਤ ਨੂੰ ਸਮਝ ਨਹੀਂ ਪਾਉਂਦੇ।
ਤੁਹਾਡੇ ਲਈ ਬਿਹਤਰ ਦੱਸਿਆ ਜਾਂਦਾ ਹੈ ਕਿ ਤੁਸੀਂ ਨੌਕਰੀ 'ਤੇ ਫੋਕਸ ਕਰੋ। ਜੇ ਤੁਸੀਂ ਕਿਸੇ ਕਾਰਨ ਬਿਜ਼ਨੈੱਸ ਕਰਨਾ ਵੀ ਚਾਹੁੰਦੇ ਹੋ ਤਾਂ ਪਾਰਟਨਰਸ਼ਿਪ 'ਚ ਨਾ ਕਰੋ ਅਤੇ ਨੌਕਰੀ ਦੇ ਨਾਲ ਹੀ ਕੋਈ ਸਾਈਡ ਬਿਜ਼ਨੈੱਸ ਕਰਨ ਬਾਰੇ ਸੋਚੋ।
ਮੁਲਾਂਕ 7 ਕਿਸ ਦਾ ਹੁੰਦਾ ਹੈ?
ਜੇ ਕਿਸੇ ਵਿਅਕਤੀ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 07, 16 ਜਾਂ 25 ਤਰੀਕ ਨੂੰ ਹੋਇਆ ਹੈ ਤਾਂ ਉਸ ਦਾ ਮੁਲਾਂਕ 7 ਮੰਨਿਆ ਜਾਂਦਾ ਹੈ। ਨਿਊਮਰੋਲੋਜੀ 'ਚ ਨੰਬਰ 7 'ਤੇ ਕੇਤੂ ਦਾ ਸ਼ਾਸਨ ਮੰਨਿਆ ਜਾਂਦਾ ਹੈ ਅਤੇ ਇਸ ਨੂੰ ਖੋਜ ਕਰਨ ਵਾਲੇ ਸੁਭਾਅ ਨਾਲ ਜੋੜਿਆ ਜਾਂਦਾ ਹੈ। ਇਹ ਵੀ ਕਿਹਾ ਜਾਂਦਾ ਹੈ ਕਿ ਇਹ ਲੋਕ ਆਪਣੀ ਜ਼ਿੰਦਗੀ ਦੇ ਕਈ ਵੱਡੇ ਫ਼ੈਸਲੇ ਦਿਮਾਗ ਦੀ ਬਜਾਏ ਦਿਲ ਨਾਲ ਲੈਂਦੇ ਹਨ। ਜੇ ਤੁਹਾਡਾ ਮੁਲਾਂਕ ਵੀ 7 ਹੈ ਤਾਂ ਇੱਥੇ ਦੱਸੀਆਂ ਗਈਆਂ ਗੱਲਾਂ ਤੋਂ ਬਚਣ ਦੀ ਕੋਸ਼ਿਸ਼ ਕਰ ਸਕਦੇ ਹੋ, ਤਾਂ ਜੋ ਪੈਸਿਆਂ ਨਾਲ ਜੁੜੇ ਨੁਕਸਾਨ ਤੋਂ ਬਚਿਆ ਜਾ ਸਕੇ।
ਡਿਸਕਲੇਮਰ: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਫਾਇਦੇ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ/ਜੋਤਿਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।