ਰਾਹੂ ਦੀ ਮਹਾਦਸ਼ਾ 'ਚ ਇਨ੍ਹਾਂ 3 ਗ੍ਰਹਿਆਂ ਦੀ ਐਂਟਰੀ ਨਾਲ ਪਲਟੇਗੀ ਬਾਜ਼ੀ; ਸ਼ੁੱਕਰ ਦਾ ਸਾਥ ਮਿਲਦੇ ਹੀ ਸ਼ੁਰੂ ਹੋਵੇਗਾ 'ਰਾਜਯੋਗ'

ਧਰਮ ਡੈਸਕ, ਨਵੀਂ ਦਿੱਲੀ: ਜੋਤਿਸ਼ ਸ਼ਾਸਤਰ 'ਚ ਜਦੋਂ ਵੀ 'ਰਾਹੂ' (Rahu) ਦਾ ਨਾਮ ਆਉਂਦਾ ਹੈ ਤਾਂ ਅਕਸਰ ਲੋਕ ਘਬਰਾ ਜਾਂਦੇ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਰਾਹੂ ਦੀ ਮਹਾਦਸ਼ਾ ਇਨਸਾਨ ਦੇ ਜੀਵਨ ਨੂੰ ਪੂਰੀ ਤਰ੍ਹਾਂ ਉਲਟ-ਪੁਲਟ ਕਰ ਕੇ ਰੱਖ ਦਿੰਦੀ ਹੈ। ਪਰ ਹਕੀਕਤ ਇਹ ਹੈ ਕਿ ਰਾਹੂ ਹਮੇਸ਼ਾ ਬੁਰਾ ਨਹੀਂ ਹੁੰਦਾ।

ਰਾਹੂ ਦੇ ਇਸ ਲੰਬੇ ਸਮੇਂ ਦੌਰਾਨ ਜਦੋਂ ਦੂਜੇ ਗ੍ਰਹਿਆਂ ਦੀ 'ਅੰਤਰਦਸ਼ਾ' ਸ਼ੁਰੂ ਹੁੰਦੀ ਹੈ ਤਾਂ ਉਹ ਰਾਹੂ ਦੇ ਪ੍ਰਭਾਵ ਨੂੰ ਕਦੇ ਸ਼ਾਂਤ ਕਰਦੇ ਹਨ ਤੇ ਕਦੇ ਉਸ ਨੂੰ ਨਵੀਂ ਦਿਸ਼ਾ ਦਿੰਦੇ ਹਨ। ਆਓ ਜਾਣਦੇ ਹਾਂ ਕਿ ਰਾਹੂ ਦੀ ਮਹਾਦਸ਼ਾ 'ਚ ਜਦੋਂ ਗੁਰੂ, ਬੁੱਧ ਤੇ ਸ਼ੁੱਕਰ ਵਰਗੇ ਵੱਡੇ ਗ੍ਰਹਿ ਆਉਂਦੇ ਹਨ ਤਾਂ ਆਮ ਆਦਮੀ ਦੀ ਜ਼ਿੰਦਗੀ 'ਤੇ ਇਸ ਦਾ ਕੀ ਅਤੇ ਕਿਹੋ ਜਿਹਾ ਅਸਰ ਪੈਂਦਾ ਹੈ।

1. ਰਾਹੂ 'ਚ ਗੁਰੂ ਦੀ ਅੰਤਰਦਸ਼ਾ

ਜਦੋਂ ਰਾਹੂ ਦੀ ਮਹਾਦਸ਼ਾ 'ਚ ਗੁਰੂ ਦਾ ਸਮਾਂ ਆਉਂਦਾ ਹੈ ਤਾਂ ਇਸ ਨੂੰ ਜੋਤਿਸ਼ ਦੀ ਭਾਸ਼ਾ 'ਚ 'ਚੰਡਾਲ ਯੋਗ' ਵਰਗੀ ਸਥਿਤੀ ਵੀ ਮੰਨਿਆ ਜਾਂਦਾ ਹੈ ਪਰ ਜੇਕਰ ਕੁੰਡਲੀ 'ਚ ਗੁਰੂ ਮਜ਼ਬੂਤ ਹੋਵੇ ਤਾਂ ਇਹ ਸਮਾਂ ਰਾਹਤ ਲੈ ਕੇ ਆਉਂਦਾ ਹੈ।

ਅਸਰ: ਰਾਹੂ ਭਰਮ ਪੈਦਾ ਕਰਦਾ ਹੈ ਜਦਕਿ ਗੁਰੂ ਗਿਆਨ ਦਾ ਦੇਵਤਾ ਹੈ। ਇਸ ਦੌਰਾਨ ਇਨਸਾਨ ਦਾ ਝੁਕਾਅ ਅਧਿਆਤਮ ਤੇ ਧਰਮ ਵੱਲ ਵਧਦਾ ਹੈ। ਜੋ ਕੰਮ ਰਾਹੂ ਨੇ ਵਿਗਾੜੇ ਹੁੰਦੇ ਹਨ, ਗੁਰੂ ਉਨ੍ਹਾਂ ਨੂੰ ਆਪਣੀ ਸਮਝਦਾਰੀ ਨਾਲ ਸੁਧਾਰਨ ਦੀ ਸ਼ਕਤੀ ਦਿੰਦਾ ਹੈ।

ਬ੍ਰਿਹਤ ਪਾਰਾਸ਼ਰ ਹੋਰਾ ਸ਼ਾਸਤਰ ਅਨੁਸਾਰ, ਰਾਹੂ ਵਿੱਚ ਗੁਰੂ ਦੀ ਅੰਤਰਦਸ਼ਾ ਮਿਸ਼ਰਤ ਫਲ ਦਿੰਦੀ ਹੈ। ਜੇਕਰ ਸਥਿਤੀ ਚੰਗੀ ਹੋਵੇ, ਤਾਂ ਇਨਸਾਨ ਨੂੰ ਮਾਣ-ਸਨਮਾਨ ਅਤੇ ਉੱਚੇ ਅਹੁਦੇ ਦੀ ਪ੍ਰਾਪਤੀ ਹੁੰਦੀ ਹੈ।

2. ਰਾਹੂ 'ਚ ਬੁੱਧ ਦੀ ਅੰਤਰਦਸ਼ਾ

ਰਾਹੂ ਅਤੇ ਬੁੱਧ ਦੋਵੇਂ ਹੀ ਬੁੱਧੀ ਤੇ ਚਤੁਰਾਈ ਦੇ ਗ੍ਰਹਿ ਮੰਨੇ ਜਾਂਦੇ ਹਨ। ਜਦੋਂ ਇਹ ਦੋਵੇਂ ਮਿਲਦੇ ਹਨ ਤਾਂ ਇਨਸਾਨ ਦਾ ਦਿਮਾਗ ਰਾਕੇਟ ਦੀ ਤਰ੍ਹਾਂ ਚੱਲਣ ਲੱਗਦਾ ਹੈ।

ਅਸਰ: ਇਸ ਦੌਰਾਨ ਵਿਅਕਤੀ ਵਪਾਰ 'ਚ ਨਵੇਂ ਜੋਖ਼ਮ (Risk) ਲੈਂਦਾ ਹੈ ਅਤੇ ਅਕਸਰ ਸਫ਼ਲ ਵੀ ਹੁੰਦਾ ਹੈ। ਹਾਲਾਂਕਿ, ਰਾਹੂ ਦੀ ਫ਼ਿਤਰਤ ਕਾਰਨ ਕਈ ਵਾਰ ਫੈਸਲੇ ਜਲਦਬਾਜ਼ੀ 'ਚ ਲਏ ਜਾ ਸਕਦੇ ਹਨ ਜਿਸ ਨਾਲ ਮਾਨਸਿਕ ਤਣਾਅ ਜਾਂ ਚਮੜੀ ਨਾਲ ਸਬੰਧਤ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਸੰਚਾਰ (Communication) ਦੇ ਖੇਤਰ ਵਿੱਚ ਕੰਮ ਕਰਨ ਵਾਲਿਆਂ ਲਈ ਇਹ ਸਮਾਂ ਸ਼ਾਨਦਾਰ ਸਾਬਤ ਹੋ ਸਕਦਾ ਹੈ।

ਫਲਦੀਪਿਕਾ ਅਤੇ ਸਾਰਾਵਲੀ ਵਰਗੇ ਗ੍ਰੰਥਾਂ 'ਚ ਜ਼ਿਕਰ ਹੈ ਕਿ ਇਹ ਸਮਾਂ ਵਪਾਰਕ ਲਾਭ ਅਤੇ ਬੌਧਿਕ ਵਿਕਾਸ ਲਈ ਮਹੱਤਵਪੂਰਨ ਹੁੰਦਾ ਹੈ।

3. ਰਾਹੂ ਵਿੱਚ ਸ਼ੁੱਕਰ ਦੀ ਅੰਤਰਦਸ਼ਾ

ਇਸ ਨੂੰ ਰਾਹੂ ਦੀ ਮਹਾਦਸ਼ਾ ਦਾ ਸਭ ਤੋਂ ਗਲੈਮਰਸ ਅਤੇ ਚੁਣੌਤੀਪੂਰਨ ਹਿੱਸਾ ਮੰਨਿਆ ਜਾਂਦਾ ਹੈ। ਰਾਹੂ 'ਭੋਗ' ਹੈ ਅਤੇ ਸ਼ੁੱਕਰ 'ਵਿਲਾਸਤਾ' (Luxury)।

ਅਸਰ: ਇਸ ਕਾਲ 'ਚ ਇਨਸਾਨ ਦੀਆਂ ਇੱਛਾਵਾਂ ਸੱਤਵੇਂ ਆਸਮਾਨ 'ਤੇ ਹੁੰਦੀਆਂ ਹਨ। ਨਵੇਂ ਰਿਸ਼ਤੇ ਬਣਨਾ, ਅਚਾਨਕ ਧਨ ਲਾਭ ਹੋਣਾ ਜਾਂ ਮਹਿੰਗੀਆਂ ਗੱਡੀਆਂ ਅਤੇ ਘਰ ਖਰੀਦਣਾ ਇਸ ਦੌਰਾਨ ਆਮ ਹੈ। ਪਰ ਸਾਵਧਾਨ ਰਹੋ, ਕਿਉਂਕਿ ਰਾਹੂ ਭਰਮ ਦਾ ਮਾਲਕ ਹੈ। ਉਹ ਰਿਸ਼ਤਿਆਂ 'ਚ ਗਲਤਫਹਿਮੀ ਪੈਦਾ ਕਰ ਸਕਦਾ ਹੈ। ਜੇਕਰ ਸ਼ੁੱਕਰ ਕਮਜ਼ੋਰ ਹੋਵੇ ਤਾਂ ਦਿਖਾਵੇ ਦੇ ਚੱਕਰ ਵਿੱਚ ਭਾਰੀ ਆਰਥਿਕ ਨੁਕਸਾਨ ਵੀ ਹੋ ਸਕਦਾ ਹੈ।

ਜੋਤਿਸ਼ ਸਿਧਾਂਤਾਂ (ਜਿਵੇਂ ਮਾਨਸਾਗਰੀ) ਅਨੁਸਾਰ, ਰਾਹੂ-ਸ਼ੁੱਕਰ ਦਾ ਸੰਯੋਗ ਭੌਤਿਕ ਸੁੱਖ ਤਾਂ ਦਿੰਦਾ ਹੈ, ਪਰ ਚਰਿੱਤਰ ਅਤੇ ਪਰਿਵਾਰਕ ਜੀਵਨ ਵਿੱਚ ਸਾਵਧਾਨੀ ਵਰਤਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।