- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Sharad Purnima 2026: ਪੰਜਾਬ, ਚੰਡੀਗੜ੍ਹ, ਦਿੱਲੀ ਸਮੇਤ ਇਨ੍ਹਾਂ ਸ਼ਹਿਰਾਂ 'ਚ ਕਦੋਂ ਨਿਕਲੇਗਾ ਚੰਦ? ਜਾਣੋ ਚੰਦ ਚੜ੍ਹਨ ਦਾ ਸਮਾਂ
ਐਸਟ੍ਰੋਪਤਰੀ ਦੇ ਜੋਤਸ਼ੀ ਚੰਦਰੈਸ਼ ਸ਼ਰਮਾ ਅਨੁਸਾਰ, ਸਾਲ 2026 'ਚ ਸ਼ਰਦ ਪੂਰਨਿਮਾ 25 ਅਕਤੂਬਰ, ਐਤਵਾਰ ਨੂੰ ਮਨਾਈ ਜਾਵੇਗੀ। ਇਸ ਦਿਨ ਦੇਸ਼ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਭੂਗੋਲਿਕ ਸਥਿਤੀ ਕਾਰਨ ਚੰਦਰਮਾ ਚੜ੍ਹਨ ਦੇ ਸਮੇਂ 'ਚ ਫ਼ਰਕ ਦੇਖਣ ਨੂੰ ਮਿਲ ਸਕਦਾ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਚੰਦਰਮਾ ਦੇ ਦਰਸ਼ਨ ਅਤੇ ਪੂਜਾ ਦੀ ਤਿਆਰੀ ਕਰ ਰਹੇ ਹੋ, ਤਾਂ ਆਪਣੇ ਸ਼ਹਿਰ 'ਚ ਚੰਦ ਨਿਕਲਣ ਦਾ ਸਹੀ ਸਮਾਂ ਜਾਣਨਾ ਜ਼ਰੂਰੀ ਹੈ।
Posted By Seema Anand
Publish Date: Sun, 25 Oct 2026 12:31 PM (IST)
Updated Date: Sun, 25 Oct 2026 12:37 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਸ਼ਰਦ ਪੂਰਨਿਮਾ ਦਾ ਤਿਉਹਾਰ ਹਿੰਦੂ ਪਰਿਵਾਰਾਂ 'ਚ ਪੂਰੀ ਵਿਧੀ-ਵਿਧਾਨ ਨਾਲ ਮਨਾਇਆ ਜਾਂਦਾ ਹੈ। ਇਸ ਦਿਨ ਚੰਦਰਮਾ ਦੀ ਪੂਜਾ ਕਰਨ ਅਤੇ ਉਸ ਦੀ ਚਾਂਦਨੀ 'ਚ ਖੀਰ ਰੱਖਣ ਦੀ ਪਰੰਪਰਾ ਹੈ। ਮਾਨਤਾ ਹੈ ਕਿ ਸ਼ਰਦ ਪੂਰਨਿਮਾ ਦੀ ਰਾਤ ਚੰਦਰਮਾ ਦੀਆਂ ਕਿਰਨਾਂ ਅੰਮ੍ਰਿਤ ਦੇ ਸਮਾਨ ਗੁਣਕਾਰੀ ਹੁੰਦੀਆਂ ਹਨ। ਇਸੇ ਕਾਰਨ ਕਈ ਲੋਕ ਰਾਤ ਨੂੰ ਖੀਰ ਬਣਾ ਕੇ ਖੁੱਲ੍ਹੇ ਆਸਮਾਨ ਹੇਠ ਰੱਖਦੇ ਹਨ ਅਤੇ ਅਗਲੇ ਦਿਨ ਇਸ ਨੂੰ ਪ੍ਰਸਾਦ ਵਜੋਂ ਗ੍ਰਹਿਣ ਕਰਦੇ ਹਨ।
ਐਸਟ੍ਰੋਪਤਰੀ ਦੇ ਜੋਤਸ਼ੀ ਚੰਦਰੈਸ਼ ਸ਼ਰਮਾ ਅਨੁਸਾਰ, ਸਾਲ 2026 'ਚ ਸ਼ਰਦ ਪੂਰਨਿਮਾ 25 ਅਕਤੂਬਰ, ਐਤਵਾਰ ਨੂੰ ਮਨਾਈ ਜਾਵੇਗੀ। ਇਸ ਦਿਨ ਦੇਸ਼ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਭੂਗੋਲਿਕ ਸਥਿਤੀ ਕਾਰਨ ਚੰਦਰਮਾ ਚੜ੍ਹਨ ਦੇ ਸਮੇਂ 'ਚ ਫ਼ਰਕ ਦੇਖਣ ਨੂੰ ਮਿਲ ਸਕਦਾ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਚੰਦਰਮਾ ਦੇ ਦਰਸ਼ਨ ਅਤੇ ਪੂਜਾ ਦੀ ਤਿਆਰੀ ਕਰ ਰਹੇ ਹੋ, ਤਾਂ ਆਪਣੇ ਸ਼ਹਿਰ 'ਚ ਚੰਦ ਨਿਕਲਣ ਦਾ ਸਹੀ ਸਮਾਂ ਜਾਣਨਾ ਜ਼ਰੂਰੀ ਹੈ।
ਸ਼ਰਦ ਪੂਰਨਿਮਾ ਦਾ ਚੰਦ ਕਦੋਂ ਨਿਕਲੇਗਾ?
ਸ਼ਰਦ ਪੂਰਨਿਮਾ 'ਤੇ ਵੱਖ-ਵੱਖ ਪ੍ਰਮੁੱਖ ਸ਼ਹਿਰਾਂ 'ਚ ਚੰਦਰਮਾ ਚੜ੍ਹਨ ਦਾ ਅਨੁਮਾਨਿਤ ਸਮਾਂ ਇਸ ਤਰ੍ਹਾਂ ਹੈ।
- ਪੰਜਾਬ : 5.06 ਵਜੇ
- ਦਿੱਲੀ (ਐੱਨਸੀਆਰ): ਸ਼ਾਮ 4:55 ਤੋਂ 5:00 ਵਜੇ ਤੱਕ
- ਕਾਨਪੁਰ: ਸ਼ਾਮ 4:49 ਤੋਂ 4:50 ਵਜੇ ਤੱਕ
- ਪਟਨਾ: ਸ਼ਾਮ 4:31 ਵਜੇ
- ਲਖਨਊ: ਸ਼ਾਮ 4:46 ਤੋਂ 4:47 ਵਜੇ ਤੱਕ
- ਪ੍ਰਯਾਗਰਾਜ: ਸ਼ਾਮ 4:45 ਵਜੇ
- ਵਾਰਾਨਸੀ: ਸ਼ਾਮ 4:40 ਵਜੇ
- ਕੋਲਕਾਤਾ: ਸ਼ਾਮ 4:21 ਵਜੇ
- ਜੈਪੁਰ: ਸ਼ਾਮ 5:06 ਵਜੇ
- ਭੋਪਾਲ: ਸ਼ਾਮ 5:05 ਵਜੇ
- ਮੁੰਬਈ: ਸ਼ਾਮ 5:28 ਵਜੇ
- ਚੰਡੀਗੜ੍ਹ: ਸ਼ਾਮ 4:59 ਵਜੇ
ਧਿਆਨ ਰਹੇ ਕਿ ਇਹ ਸਮੇਂ ਅਨੁਮਾਨਿਤ ਹਨ। ਅਸਲ 'ਚ ਚੰਦਰਮਾ ਚੜ੍ਹਨ ਦਾ ਸਮਾਂ ਸਥਾਨ, ਮੌਸਮ ਅਤੇ ਭੂਗੋਲਿਕ ਸਥਿਤੀ ਦੇ ਅਨੁਸਾਰ ਥੋੜ੍ਹਾ ਵੱਖਰਾ ਹੋ ਸਕਦਾ ਹੈ।
ਸ਼ਰਦ ਪੂਰਨਿਮਾ ਦੀ ਰਾਤ ਕਿਉਂ ਹੁੰਦੀ ਹੈ ਖ਼ਾਸ?
ਧਾਰਮਿਕ ਮਾਨਤਾਵਾਂ ਅਨੁਸਾਰ, ਸ਼ਰਦ ਪੂਰਨਿਮਾ ਦੀ ਰਾਤ ਚੰਦਰਮਾ ਆਪਣੀਆਂ ਸਾਰੀਆਂ 16 ਕਲਾਵਾਂ ਨਾਲ ਸੰਪੂਰਨ ਹੁੰਦਾ ਹੈ। ਇਸ ਦਿਨ ਮਾਂ ਲਕਸ਼ਮੀ ਦੀ ਪੂਜਾ ਦਾ ਵੀ ਵਿਸ਼ੇਸ਼ ਮਹੱਤਵ ਹੈ। ਮਾਨਤਾ ਹੈ ਕਿ ਸ਼ਰਦ ਪੂਰਨਿਮਾ ਦੀ ਰਾਤ ਮਾਂ ਲਕਸ਼ਮੀ ਧਰਤੀ 'ਤੇ ਭ੍ਰਮਣ ਕਰਦੀ ਹੈ ਅਤੇ ਆਪਣੇ ਭਗਤਾਂ ਨੂੰ ਸੁੱਖ-ਸਮ੍ਰਿੱਧੀ ਦਾ ਆਸ਼ੀਰਵਾਦ ਦੇਣ ਆਉਂਦੀ ਹੈ।
ਇਸੇ ਕਾਰਨ ਕਈ ਘਰਾਂ 'ਚ ਸ਼ਾਮ ਨੂੰ ਮਾਂ ਲਕਸ਼ਮੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਤੋਂ ਬਾਅਦ ਚੰਦਰਮਾ ਨੂੰ ਅਰਘ ਦਿੱਤਾ ਜਾਂਦਾ ਹੈ ਅਤੇ ਖੀਰ ਨੂੰ ਚਾਂਦਨੀ 'ਚ ਰੱਖਿਆ ਜਾਂਦਾ ਹੈ। ਮਾਨਤਾ ਹੈ ਕਿ ਅਜਿਹਾ ਕਰਨ ਨਾਲ ਘਰ 'ਚ ਸੁੱਖ, ਸ਼ਾਂਤੀ ਅਤੇ ਖ਼ੁਸ਼ਹਾਲੀ ਆਉਂਦੀ ਹੈ।
ਚੰਦਰਮਾ ਦੀ ਪੂਜਾ ਕਰਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
ਸ਼ਰਦ ਪੂਰਨਿਮਾ 'ਤੇ ਚੰਦਰਮਾ ਦੇ ਦਰਸ਼ਨ ਕਰਨ ਤੋਂ ਬਾਅਦ ਮਾਂ ਲਕਸ਼ਮੀ ਨੂੰ ਚਿੱਟੇ ਫੁੱਲ, ਮਠਿਆਈ ਅਤੇ ਖੀਰ ਅਰਪਿਤ ਕੀਤੀ ਜਾਂਦੀ ਹੈ। ਇਸ ਦਿਨ ਖੀਰ ਨੂੰ ਰਾਤ ਭਰ ਚੰਦਰਮਾ ਦੀ ਚਾਂਦਨੀ 'ਚ ਰੱਖਣ ਦੀ ਪਰੰਪਰਾ ਵੀ ਹੈ।
ਇਸ ਲਈ ਜੇਕਰ ਤੁਸੀਂ ਵੀ ਇਸ ਦਿਨ ਪੂਜਾ ਕਰਨ ਜਾ ਰਹੇ ਹੋ, ਤਾਂ ਆਪਣੇ ਸ਼ਹਿਰ 'ਚ ਚੰਦਰਮਾ ਚੜ੍ਹਨ ਦਾ ਸਮਾਂ ਅਤੇ ਪੂਜਾ ਦਾ ਸ਼ੁਭ ਮੁਹੂਰਤ ਜਾਣਨ ਲਈ ਸਥਾਨਕ ਪੰਚਾਂਗ ਜ਼ਰੂਰ ਦੇਖੋ। ਇਸ ਨਾਲ ਤੁਸੀਂ ਸ਼ਰਦ ਪੂਰਨਿਮਾ ਦੀ ਪੂਜਾ ਅਤੇ ਚੰਦਰਮਾ ਦੇ ਦਰਸ਼ਨਾਂ ਦੀ ਤਿਆਰੀ ਸਹੀ ਸਮੇਂ 'ਤੇ ਕਰ ਸਕੋਗੇ।