- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਰਵਪਿੱਤਰੀ ਮੱਸਿਆ 'ਤੇ ਬਣਿਆ ਦੁਰਲੱਭ ਸ਼ਨੀਸ਼ਚਰੀ ਮਹਾਸੰਯੋਗ! ਸ਼ਨੀ ਦੋਸ਼ ਤੇ ਪਿੱਤਰ ਦੋਸ਼ ਤੋਂ ਮੁਕਤੀ ਲਈ ਕਰੋ ਇਹ 5 ਅਚੂਕ ਉਪਾਅ
ਸਰਵਪਿੱਤਰੀ ਮੱਸਿਆ ਅਤੇ ਸ਼ਨੀਵਾਰ ਦੇ ਇਸ ਦੁਰਲੱਭ ਸੰਯੋਗ ਦੌਰਾਨ ਪਿਤਰਾਂ ਦਾ ਸ਼ਰਾਧ, ਤਰਪਣ ਅਤੇ ਦਾਨ-ਪੁੰਨ ਕਰਨਾ ਬੇਹੱਦ ਸ਼ੁਭ ਤੇ ਫਲਦਾਇਕ ਮੰਨਿਆ ਜਾਂਦਾ ਹੈ। ਇਹ ਵੀ ਮਾਨਤਾ ਹੈ ਕਿ ਇਸ ਦਿਨ ਪੂਰਵਜਾਂ ਨੂੰ ਤ੍ਰਿਪਤ ਕਰਨ ਦੇ ਨਾਲ-ਨਾਲ ਸ਼ਨੀ ਦੇਵ ਦੀ ਪੂਜਾ ਕਰਨ ਨਾਲ ਸ਼ਨੀ ਨਾਲ ਜੁੜੇ ਮਾੜੇ ਪ੍ਰਭਾਵਾਂ ਤੋਂ ਵੀ ਮੁਕਤੀ ਮਿਲ ਸਕਦੀ ਹੈ।
Posted By Seema Anand
Publish Date: Sat, 10 Oct 2026 10:29 AM (IST)
Updated Date: Sat, 10 Oct 2026 10:34 AM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਦ੍ਰਿਕ ਪੰਚਾਂਗ ਅਨੁਸਾਰ, ਅੱਜ ਯਾਨੀ 10 ਅਕਤੂਬਰ ਨੂੰ ਸਰਵਪਿੱਤਰੀ ਮੱਸਿਆ ਮਨਾਈ ਜਾ ਰਹੀ ਹੈ, ਜਿਸ ਦੇ ਨਾਲ ਹੀ ਪਿਤਰ ਪੱਖ ਦੀ ਸਮਾਪਤੀ ਹੋ ਜਾਵੇਗੀ। ਸ਼ਨੀਵਾਰ ਨੂੰ ਪੈਣ ਕਾਰਨ ਇਸ ਨੂੰ ਸ਼ਨੀਸ਼ਚਰੀ ਮੱਸਿਆ ਵੀ ਕਿਹਾ ਜਾਂਦਾ ਹੈ, ਜਿਸ ਨੂੰ ਅਧਿਆਤਮਿਕ ਨਜ਼ਰੀਏ ਤੋਂ ਬੇਹੱਦ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ।
ਸਰਵਪਿੱਤਰੀ ਮੱਸਿਆ ਅਤੇ ਸ਼ਨੀਵਾਰ ਦੇ ਇਸ ਦੁਰਲੱਭ ਸੰਯੋਗ ਦੌਰਾਨ ਪਿਤਰਾਂ ਦਾ ਸ਼ਰਾਧ, ਤਰਪਣ ਅਤੇ ਦਾਨ-ਪੁੰਨ ਕਰਨਾ ਬੇਹੱਦ ਸ਼ੁਭ ਤੇ ਫਲਦਾਇਕ ਮੰਨਿਆ ਜਾਂਦਾ ਹੈ। ਇਹ ਵੀ ਮਾਨਤਾ ਹੈ ਕਿ ਇਸ ਦਿਨ ਪੂਰਵਜਾਂ ਨੂੰ ਤ੍ਰਿਪਤ ਕਰਨ ਦੇ ਨਾਲ-ਨਾਲ ਸ਼ਨੀ ਦੇਵ ਦੀ ਪੂਜਾ ਕਰਨ ਨਾਲ ਸ਼ਨੀ ਨਾਲ ਜੁੜੇ ਮਾੜੇ ਪ੍ਰਭਾਵਾਂ ਤੋਂ ਵੀ ਮੁਕਤੀ ਮਿਲ ਸਕਦੀ ਹੈ। ਆਓ ਜਾਣਦੇ ਹਾਂ ਕਿ ਸਰਵਪਿਤਰੀ ਮੱਸਿਆ ਵਾਲੇ ਦਿਨ ਕਿਹੜੇ ਜੋਤਿਸ਼ੀ ਉਪਾਅ ਤੁਹਾਡੇ ਲਈ ਲਾਭਦਾਇਕ ਸਾਬਤ ਹੋ ਸਕਦੇ ਹਨ।
ਸਰਵਪਿੱਤਰੀ ਮੱਸਿਆ 2026 ਦੀ ਤਰੀਕ: ਉਦੈ ਤਿਥੀ ਅਨੁਸਾਰ, ਸਰਵਪਿੱਤਰੀ ਮੱਸਿਆ ਅੱਜ ਯਾਨੀ 10 ਅਕਤੂਬਰ 2026 ਨੂੰ ਮਨਾਈ ਜਾ ਰਹੀ ਹੈ।
ਸਰਵਪਿੱਤਰੀ ਮੱਸਿਆ 2026 ਦੇ ਉਪਾਅ (Sarvapitri Amavasya 2026 Upay)
ਇਸ ਸਾਲ ਸਰਵਪਿੱਤਰੀ ਮੱਸਿਆ ਦੇ ਮੌਕੇ 'ਤੇ ਸ਼ਨੀਸ਼ਚਰੀ ਮੱਸਿਆ ਦਾ ਦੁਰਲੱਭ ਸੰਯੋਗ ਵੀ ਬਣ ਰਿਹਾ ਹੈ। ਇਸ ਨੂੰ ਪਿੱਤਰਾਂ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਦੇ ਨਾਲ-ਨਾਲ ਸ਼ਨੀ ਦੇਵ ਦੀ ਵਿਸ਼ੇਸ਼ ਕਿਰਪਾ ਹਾਸਲ ਕਰਨ ਦਾ ਸੁਨਹਿਰੀ ਮੌਕਾ ਮੰਨਿਆ ਜਾ ਰਿਹਾ ਹੈ।
1. ਪਿੱਪਲ ਦੇ ਰੁੱਖ ਦੀਆਂ 11 ਪਰਿਕਰਮਾਵਾਂ ਕਰੋ
10 ਅਕਤੂਬਰ, ਸ਼ਨੀਵਾਰ ਨੂੰ ਪਿੱਪਲ ਦੇ ਰੁੱਖ ਦੀਆਂ ਘੱਟੋ-ਘੱਟ 11 ਵਾਰ ਪਰਿਕਰਮਾ ਕਰੋ। ਇਸ ਦੇ ਨਾਲ ਹੀ ਪਿੱਪਲ ਦੇ ਪੱਤੇ 'ਤੇ ਪੰਜ ਤਰ੍ਹਾਂ ਦੀਆਂ ਮਠਿਆਈਆਂ ਰੱਖ ਕੇ ਪਿਤਰਾਂ ਨੂੰ ਅਰਪਿਤ ਕਰਨ ਦੀ ਧਾਰਮਿਕ ਮਾਨਤਾ ਹੈ।
2. ਸ਼ਾਮ ਨੂੰ ਪੰਜ ਦੀਵੇ ਜਗਾਓ
ਸਰਵਪਿੱਤਰੀ ਮੱਸਿਆ ਦੇ ਮੌਕੇ 'ਤੇ ਸ਼ਾਮ ਦੇ ਸਮੇਂ ਪੰਜ ਦੀਵੇ ਜਗਾਉਣ ਦਾ ਉਪਾਅ ਵੀ ਬੇਹੱਦ ਸ਼ੁਭ ਮੰਨਿਆ ਜਾਂਦਾ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਇਸ ਨਾਲ ਪੂਰਵਜਾਂ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਦੀ ਕਾਮਨਾ ਕੀਤੀ ਜਾਂਦੀ ਹੈ।
3. ਪੰਚ ਬਲੀ ਦੀ ਪ੍ਰਕਿਰਿਆ ਕਰੋ
ਪਿੱਤਰ ਪੱਖ ਦੌਰਾਨ ਸਰਵਪਿੱਤਰੀ ਮੱਸਿਆ ਦੇ ਮੌਕੇ 'ਤੇ ਪੰਚ ਬਲੀ ਦੀ ਪ੍ਰਕਿਰਿਆ ਜ਼ਰੂਰ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਸ ਦਿਨ ਘਰ 'ਚ ਭੋਜਨ ਤਿਆਰ ਕਰ ਕੇ ਉਸ ਦੇ ਪੰਜ ਹਿੱਸੇ ਕੱਢੋ।
- ਪਹਿਲਾ ਹਿੱਸਾ ਗਾਂ ਲਈ ਕੱਢੋ।
- ਦੂਜਾ ਹਿੱਸਾ ਬਿੱਲੀ ਲਈ ਰੱਖੋ।
- ਤੀਜਾ ਹਿੱਸਾ ਕੁੱਤੇ ਨੂੰ ਦਿਓ।
- ਚੌਥਾ ਹਿੱਸਾ ਕਾਂ ਲਈ ਰੱਖੋ।
- ਪੰਜਵਾਂ ਹਿੱਸਾ ਬ੍ਰਾਹਮਣ ਨੂੰ ਦਿਓ।
ਧਾਰਮਿਕ ਮਾਨਤਾ ਅਨੁਸਾਰ, ਪੰਚ ਬਲੀ ਰਾਹੀਂ ਪਿੱਤਰਾਂ ਪ੍ਰਤੀ ਸ਼ਰਧਾ ਪ੍ਰਗਟ ਕੀਤੀ ਜਾਂਦੀ ਹੈ।
4. ਪਿੱਤਰ ਸਤੋਤਰ ਦਾ ਪਾਠ ਕਰੋ
ਸਰਵਪਿੱਤਰੀ ਮੱਸਿਆ ਦੇ ਮੌਕੇ 'ਤੇ ਪਿੱਤਰ ਸਤੋਤਰ ਦਾ ਪਾਠ ਕਰਨਾ ਵੀ ਸ਼ੁਭ ਮੰਨਿਆ ਜਾਂਦਾ ਹੈ। ਤੁਸੀਂ ਸਵੇਰੇ ਜਾਂ ਸ਼ਾਮ ਕਿਸੇ ਵੀ ਸਮੇਂ ਇਸ ਦਾ ਪਾਠ ਕਰ ਸਕਦੇ ਹੋ। ਮਾਨਤਾ ਹੈ ਕਿ ਇਸ ਨਾਲ ਪੂਰਵਜਾਂ ਦਾ ਆਸ਼ੀਰਵਾਦ ਪ੍ਰਾਪਤ ਹੁੰਦਾ ਹੈ।
5. ਸ਼ਨੀ ਦੇਵ ਨੂੰ ਸਰ੍ਹੋਂ ਦਾ ਤੇਲ ਅਰਪਿਤ ਕਰੋ
ਸ਼ਨੀਵਾਰ ਨੂੰ ਮੱਸਿਆ ਦੀ ਤਿਥੀ ਪੈਣ ਕਾਰਨ ਸ਼ਨੀ ਦੇਵ ਦੀ ਪੂਜਾ ਕਰਕੇ ਉਨ੍ਹਾਂ ਨੂੰ ਪ੍ਰਸੰਨ ਕਰਨ ਦਾ ਵਿਸ਼ੇਸ਼ ਮੌਕਾ ਮੰਨਿਆ ਜਾਂਦਾ ਹੈ। ਇਸ ਦਿਨ ਸ਼ਨੀ ਦੇਵ ਨੂੰ ਸਰ੍ਹੋਂ ਦਾ ਤੇਲ ਅਰਪਿਤ ਕਰੋ। ਇਸ ਤੋਂ ਇਲਾਵਾ ਲੋੜਵੰਦ ਬੱਚਿਆਂ ਨੂੰ ਤੋਹਫ਼ੇ ਦੇਣਾ ਅਤੇ ਉਨ੍ਹਾਂ ਦੀ ਮਦਦ ਕਰਨਾ ਵੀ ਸ਼ੁਭ ਮੰਨਿਆ ਜਾਂਦਾ ਹੈ। ਸ਼ਨੀ ਦੇਵ ਦੀ ਕਿਰਪਾ ਪ੍ਰਾਪਤ ਕਰਨ ਲਈ ਹਨੂੰਮਾਨ ਚਾਲੀਸਾ ਦਾ ਪਾਠ ਵੀ ਕੀਤਾ ਜਾ ਸਕਦਾ ਹੈ।
ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।