ਸ਼ਨੀਦੇਵ ਪਲ ਭਰ ਵਿਚ ਹੋਣਗੇ ਮਿਹਰਬਾਨ ! ਘਰ ਦੀ ਇਸ ਦਿਸ਼ਾ ਵਿਚ ਲਗਾਓ ਸ਼ਮੀ ਦਾ ਪੌਦਾ, ਪੜ੍ਹੋ ਵਾਸਤੂ ਟਿਪਸ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਤੇ ਵਾਸਤੂ ਸ਼ਾਸਤਰ 'ਚ ਸ਼ਮੀ ਦੇ ਪੌਦੇ ਨੂੰ ਬਹੁਤ ਮਹੱਤਵਪੂਰਨ ਮੰਨਿਆ ਗਿਆ ਹੈ। ਇਸ ਪੌਦੇ ਨੂੰ ਘਰ 'ਚ ਲਗਾਉਣ ਨਾਲ ਸੁੱਖ ਤੇ ਸ਼ਾਂਤੀ ਦਾ ਆਗਮਨ ਹੁੰਦਾ ਹੈ। ਨਾਲ ਹੀ ਪਰਿਵਾਰਕ ਮੈਂਬਰਾਂ ਨੂੰ ਜੀਵਨ ਵਿਚ ਕਈ ਬਦਲਾਅ ਦੇਖਣ ਨੂੰ ਮਿਲਦੇ ਹਨ।

ਇਸ ਪੌਦੇ ਦਾ ਸਬੰਧ ਕਰਮਫਲ ਦਾਤਾ ਸ਼ਨੀਦੇਵ ਨਾਲ ਹੈ। ਇਸ ਲਈ ਇਸ ਪੌਦੇ ਦੇ ਘਰ ਵਿੱਚ ਹੋਣ ਨਾਲ ਸ਼ਨੀ ਦੋਸ਼, ਸਾੜ੍ਹਸਤੀ ਤੇ ਢਈਏ ਦਾ ਅਸ਼ੁਭ ਪ੍ਰਭਾਵ ਦੂਰ ਹੁੰਦਾ ਹੈ। ਨਾਲ ਹੀ ਸ਼ਨੀਦੇਵ ਦੀ ਅਪਾਰ ਕਿਰਪਾ ਵਰ੍ਹਦੀ ਹੈ। ਇਸ ਪੌਦੇ ਨੂੰ ਲਗਾਉਣ ਦਾ ਸ਼ੁਭ ਫਲ ਉਦੋਂ ਹੀ ਮਿਲੇਗਾ, ਜਦੋਂ ਇਸਨੂੰ ਵਾਸਤੂ ਅਨੁਸਾਰ ਲਗਾਇਆ ਜਾਵੇ। ਆਓ ਜਾਣਦੇ ਹਾਂ ਕਿ ਘਰ ਦੀ ਕਿਸ ਦਿਸ਼ਾ ਵਿਚ ਲਗਾਉਣਾ ਚਾਹੀਦਾ ਹੈ ਸ਼ਮੀ ਦਾ ਪੌਦਾ।

ਕਿਸ ਦਿਸ਼ਾ ਵਿਚ ਲਗਾਈਏ ਸ਼ਮੀ ਦਾ ਪੌਦਾ?

ਜੇਕਰ ਤੁਸੀਂ ਸ਼ਮੀ ਦਾ ਪੌਦਾ ਛੱਤ ਜਾਂ ਬਾਲਕੋਨੀ 'ਚ ਲਗਾ ਰਹੇ ਹੋ ਤਾਂ ਇਸਨੂੰ ਦੱਖਣ ਦਿਸ਼ਾ ਵਿਚ ਲਗਾਓ। ਵਾਸਤੂ ਅਨੁਸਾਰ ਦੱਖਣ ਦਿਸ਼ਾ ਸ਼ਨੀਦੇਵ ਦੀ ਮੰਨੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਇਸ ਪੌਦੇ ਨੂੰ ਪੂਰਬ ਦਿਸ਼ਾ ਜਾਂ ਈਸ਼ਾਨ ਕੋਣ 'ਚ ਵੀ ਲਗਾਇਆ ਜਾ ਸਕਦਾ ਹੈ।

ਇਸ ਦਿਨ ਲਗਾਉਣਾ ਹੁੰਦਾ ਹੈ ਸ਼ੁਭ

ਸ਼ਮੀ ਦਾ ਪੌਦਾ ਲਗਾਉਣ ਲਈ ਸ਼ਨੀਵਾਰ ਦਾ ਦਿਨ ਸ਼ੁੱਭ ਮੰਨਿਆ ਜਾਂਦਾ ਹੈ, ਕਿਉਂਕਿ ਇਹ ਦਿਨ ਸ਼ਨੀਦੇਵ ਨੂੰ ਸਮਰਪਿਤ ਹੈ।

ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ

• ਸ਼ਮੀ ਦਾ ਪੌਦਾ ਬਹੁਤ ਪਵਿੱਤਰ ਮੰਨਿਆ ਜਾਂਦਾ ਹੈ। ਇਸ ਲਈ ਇਸ ਪੌਦੇ ਦੇ ਆਲੇ-ਦੁਆਲੇ ਸਫ਼ਾਈ ਦਾ ਵਿਸ਼ੇਸ਼ ਧਿਆਨ ਰੱਖੋ। ਇਸਦੇ ਕੋਲ ਝਾੜੂ, ਜੁੱਤੇ-ਚੱਪਲ ਭੁੱਲ ਕੇ ਵੀ ਨਾ ਰੱਖੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਤਰ੍ਹਾਂ ਦੀ ਗਲਤੀ ਕਰਨ ਨਾਲ ਸ਼ਨੀਦੇਵ ਨਾਰਾਜ਼ ਹੋ ਸਕਦੇ ਹਨ। ਨਾਲ ਹੀ ਪਰਿਵਾਰ ਦੇ ਮੈਂਬਰਾਂ ਨੂੰ ਜੀਵਨ ਵਿੱਚ ਕਈ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
• ਜੇਕਰ ਤੁਸੀਂ ਸ਼ਮੀ ਦਾ ਪੌਦਾ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਲਗਾ ਰਹੇ ਹੋ, ਤਾਂ ਇਸਨੂੰ ਇਸ ਤਰ੍ਹਾਂ ਰੱਖੋ ਕਿ ਘਰ ਤੋਂ ਬਾਹਰ ਨਿਕਲਦੇ ਸਮੇਂ ਪੌਦਾ ਸੱਜੇ ਹੱਥ ਵੱਲ ਹੋਵੇ।
• ਸ਼ਨੀਵਾਰ ਦੇ ਦਿਨ ਸ਼ਮੀ ਦੇ ਪੌਦੇ ਦੀ ਪੂਜਾ-ਅਰਚਨਾ ਕਰਨ ਦਾ ਵਿਸ਼ੇਸ਼ ਮਹੱਤਵ ਹੈ। ਇਸ ਲਈ ਇਸ ਦਿਨ ਸ਼ਾਮ ਨੂੰ ਪੌਦੇ ਦੇ ਕੋਲ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਓ। ਧਾਰਮਿਕ ਮਾਨਤਾ ਅਨੁਸਾਰ ਇਸ ਉਪਾਅ ਨੂੰ ਕਰਨ ਨਾਲ ਘਰ ਦੀ ਨਕਾਰਾਤਮਕ ਊਰਜਾ ਦੂਰ ਹੁੰਦੀ ਹੈ। ਨਾਲ ਹੀ ਸ਼ਨੀਦੇਵ ਦੀ ਕਿਰਪਾ ਵਰ੍ਹਦੀ ਹੈ।
• ਸ਼ਮੀ ਦੇ ਪੌਦੇ ਨੂੰ ਤੁਲਸੀ ਦੇ ਕੋਲ ਨਹੀਂ ਲਗਾਉਣਾ ਚਾਹੀਦਾ। ਥੋੜ੍ਹੀ ਦੂਰੀ 'ਤੇ ਸ਼ਮੀ ਦਾ ਪੌਦਾ ਲਗਾਓ।
• ਪੌਦੇ ਨੂੰ ਗੰਦੇ ਹੱਥਾਂ ਨਾਲ ਨਹੀਂ ਛੂਹਣਾ ਚਾਹੀਦਾ।
• ਸੋਮਵਾਰ ਦੇ ਦਿਨ ਪੂਜਾ-ਅਰਚਨਾ ਕਰਦੇ ਸਮੇਂ ਸ਼ਿਵ ਜੀ ਨੂੰ ਸ਼ਮੀ ਦੇ ਪੱਤੇ ਅਰਪਿਤ ਕਰੋ। ਇਸ ਨਾਲ ਭਗਵਾਨ ਸ਼ਿਵ ਪ੍ਰਸੰਨ ਹੁੰਦੇ ਹਨ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।