ਸਾਵਣ 2026 'ਤੇ ਸੂਰਜ-ਚੰਦਰ ਗ੍ਰਹਿਣ ਦਾ ਪਰਛਾਵਾਂ, ਜਾਣੋ ਮੇਖ ਤੋਂ ਕੰਨਿਆ ਰਾਸ਼ੀ ਤਕ 'ਤੇ ਪ੍ਰਭਾਵ ਤੇ ਅਚੂਕ ਉਪਾਅ

ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : ਸਾਵਣ ਦਾ ਪਵਿੱਤਰ ਮਹੀਨਾ ਇਸ ਵਾਰ ਦੋ ਵੱਡੇ ਗ੍ਰਹਿਣਾਂ ਦਾ ਗਵਾਹ ਬਣਨ ਜਾ ਰਿਹਾ ਹੈ। 12 ਅਗਸਤ 2026 ਨੂੰ ਪੂਰਨ ਸੂਰਜ ਗ੍ਰਹਿਣ ਤੇ 27-28 ਅਗਸਤ 2026 ਨੂੰ ਅੰਸ਼ਕ ਚੰਦਰ ਗ੍ਰਹਿਣ ਲੱਗੇਗਾ। ਭਾਵੇਂ ਇਹ ਦੋਵੇਂ ਗ੍ਰਹਿਣ ਭਾਰਤ 'ਚ ਦਿਖਾਈ ਨਹੀਂ ਦੇਣਗੇ, ਪਰ ਜੋਤਿਸ਼ 'ਚ ਇਨ੍ਹਾਂ ਦਾ ਡੂੰਘਾ ਮਹੱਤਵ ਮੰਨਿਆ ਜਾਂਦਾ ਹੈ।

ਸੂਰਜ ਸਾਡੇ ਆਤਮ-ਵਿਸ਼ਵਾਸ, ਪਿਤਾ, ਸਿਹਤ ਤੇ ਕਰੀਅਰ ਦੇ ਕਾਰਕ ਹਨ, ਜਦੋਂਕਿ ਚੰਦਰਮਾ ਸਾਡੇ ਮਨ, ਭਾਵਨਾਵਾਂ ਤੇ ਮਾਨਸਿਕ ਸ਼ਾਂਤੀ ਨੂੰ ਕੰਟਰੋਲ ਕਰਦੇ ਹਨ। ਜਦੋਂ ਗ੍ਰਹਿਣ ਲੱਗਦਾ ਹੈ ਤਾਂ ਜੀਵਨ ਦੇ ਇਨ੍ਹਾਂ ਖੇਤਰਾਂ 'ਚ ਕੁਝ ਬਦਲਾਅ ਦੇਖਣ ਨੂੰ ਮਿਲਦੇ ਹਨ। ਸਾਵਣ ਦਾ ਪਵਿੱਤਰ ਮਹੀਨਾ ਹੋਣ ਕਰਕੇ ਇਸ ਦਾ ਧਾਰਮਿਕ ਮਹੱਤਵ ਹੋਰ ਵੀ ਵੱਧ ਜਾਂਦਾ ਹੈ। ਇਹ ਸਮਾਂ ਸਾਨੂੰ ਜਲਦਬਾਜ਼ੀ 'ਚ ਫੈਸਲੇ ਲੈਣ ਤੋਂ ਰੋਕ ਕੇ ਥੋੜ੍ਹਾ ਠਹਿਰਨ, ਖੁਦ ਨੂੰ ਸਮਝਣ ਤੇ ਸਹੀ ਰਸਤੇ 'ਤੇ ਅੱਗੇ ਵਧਣ ਦੀ ਸਿੱਖਿਆ ਦਿੰਦਾ ਹੈ।

ਮੇਖ ਰਾਸ਼ੀ (Aries)

ਇਸ ਗ੍ਰਹਿਣ ਦੌਰਾਨ ਤੁਹਾਡੇ ਕਰੀਅਰ ਤੇ ਪੈਸਿਆਂ ਨਾਲ ਜੁੜੇ ਮਾਮਲਿਆਂ 'ਚ ਥੋੜ੍ਹੀ ਜ਼ਿਆਦਾ ਸਾਵਧਾਨੀ ਵਰਤਣ ਦੀ ਲੋੜ ਰਹੇਗੀ। ਕਿਸੇ ਵੀ ਨਵੀਂ ਜਗ੍ਹਾ ਪੈਸਾ ਲਗਾਉਣ ਜਾਂ ਨੌਕਰੀ ਬਦਲਣ ਦਾ ਫੈਸਲਾ ਜਲਦਬਾਜ਼ੀ 'ਚ ਨਾ ਲਵੋ। ਆਪਣੀਆਂ ਭਾਵਨਾਵਾਂ 'ਤੇ ਕੰਟਰੋਲ ਰੱਖ ਕੇ ਕੰਮ ਕਰੋਗੇ ਤਾਂ ਤੁਸੀਂ ਬਹੁਤ ਸਹੀ ਫੈਸਲੇ ਲੈ ਸਕੋਗੇ। ਆਪਣੀ ਸਿਹਤ ਅਤੇ ਸੋਚ ਨੂੰ ਹਮੇਸ਼ਾ ਬਿਹਤਰ ਬਣਾਏ ਰੱਖੋ।

ਉਪਾਅ: ਰੋਜ਼ ਸਵੇਰੇ ਸੂਰਜ ਦੇਵ ਨੂੰ ਜਲ ਚੜ੍ਹਾਓ ਅਤੇ ਨਿਯਮਤ ਰੂਪ 'ਚ ਮਹਾਮ੍ਰਿਤੁੰਜਯ ਮੰਤਰ ਦਾ ਜਾਪ ਕਰੋ।

ਬ੍ਰਿਖ ਰਾਸ਼ੀ (Taurus)

ਦੂਰ ਦੀਆਂ ਯਾਤਰਾਵਾਂ, ਪੜ੍ਹਾਈ ਤੇ ਕਾਨੂੰਨੀ ਮਾਮਲਿਆਂ 'ਚ ਥੋੜ੍ਹੀਆਂ ਰੁਕਾਵਟਾਂ ਆ ਸਕਦੀਆਂ ਹਨ, ਇਸ ਲਈ ਸਬਰ ਨਾਲ ਕੰਮ ਲਵੋ। ਘਰ ਦੇ ਵੱਡਿਆਂ ਤੇ ਆਪਣੇ ਤੋਂ ਸੀਨੀਅਰ ਲੋਕਾਂ ਨਾਲ ਬਿਨਾਂ ਵਜ੍ਹਾ ਦੀ ਬਹਿਸ ਤੋਂ ਬਚਣਾ ਹੋਵੇਗਾ। ਆਪਣੀਆਂ ਤਰਜੀਹਾਂ ਨੂੰ ਦੋਬਾਰਾ ਸਮਝੋ ਅਤੇ ਹਰ ਕਦਮ ਬਹੁਤ ਸੋਚ-ਸਮਝ ਕੇ ਅੱਗੇ ਵਧਾਓ।

ਉਪਾਅ: ਆਪਣੇ ਗੁਰੂਆਂ ਤੇ ਮਾਤਾ-ਪਿਤਾ ਦਾ ਆਸ਼ੀਰਵਾਦ ਲੈ ਕੇ ਹੀ ਕਿਸੇ ਜ਼ਰੂਰੀ ਕੰਮ ਦੀ ਸ਼ੁਰੂਆਤ ਕਰੋ।

ਮਿਥੁਨ ਰਾਸ਼ੀ (Gemini)

ਸਾਂਝੇ ਪੈਸਿਆਂ, ਕਿਸੇ ਪੁਰਾਣੇ ਕਰਜ਼ੇ ਤੇ ਨਵੇਂ ਨਿਵੇਸ਼ ਦੇ ਲੈਣ-ਦੇਣ 'ਚ ਤੁਹਾਨੂੰ ਪੂਰਾ ਧਿਆਨ ਦੇਣ ਦੀ ਲੋੜ ਹੈ। ਗ੍ਰਹਿਣ ਦੇ ਦਿਨਾਂ 'ਚ ਜੋਖ਼ਮ ਭਰੇ ਪੈਸਿਆਂ ਦੇ ਫੈਸਲਿਆਂ ਤੋਂ ਪੂਰੀ ਤਰ੍ਹਾਂ ਦੂਰੀ ਬਣਾਏ ਰੱਖੋ। ਕਿਸੇ ਦੀਆਂ ਗੱਲਾਂ 'ਚ ਆ ਕੇ ਆਪਣਾ ਧਨ ਕਿਤੇ ਨਾ ਲਗਾਓ, ਨਹੀਂ ਤਾਂ ਬਾਅਦ 'ਚ ਪਰੇਸ਼ਾਨੀ ਹੋ ਸਕਦੀ ਹੈ।

ਉਪਾਅ: ਗ੍ਰਹਿਣ ਦੌਰਾਨ ਆਪਣੀ ਸ਼ਰਧਾ ਅਨੁਸਾਰ ਕਿਸੇ ਜ਼ਰੂਰਤਮੰਦ ਇਨਸਾਨ ਨੂੰ ਭੋਜਨ ਕਰਵਾਓ।

ਕਰਕ ਰਾਸ਼ੀ (Cancer)

ਤੁਹਾਡੇ ਪਰਸਨਲ ਰਿਸ਼ਤਿਆਂ ਤੇ ਬਿਜ਼ਨੈੱਸ ਪਾਰਟਨਰਸ਼ਿਪ 'ਚ ਥੋੜ੍ਹਾ ਧੀਰਜ ਰੱਖਣ ਦੀ ਲੋੜ ਹੋਵੇਗੀ। ਇਸ ਸਮੇਂ ਆਪਣੀ ਨਿੱਜੀ ਜ਼ਿੰਦਗੀ ਨਾਲ ਜੁੜਿਆ ਕੋਈ ਵੀ ਵੱਡਾ ਫੈਸਲਾ ਲੈਣ ਤੋਂ ਬਚੋ। ਆਪਣੀ ਗੱਲ ਨੂੰ ਬਹੁਤ ਸਾਫ਼ ਅਤੇ ਸਿੱਧੇ ਤਰੀਕੇ ਨਾਲ ਸਾਹਮਣੇ ਰੱਖੋ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੀ ਗਲਤਫ਼ਹਿਮੀ ਦੂਰ ਹੋ ਸਕੇ।

ਉਪਾਅ: ਸੋਮਵਾਰ ਦੇ ਦਿਨ ਭਗਵਾਨ ਸ਼ਿਵ ਦੀ ਪੂਜਾ ਕਰੋ ਅਤੇ ਉਨ੍ਹਾਂ 'ਤੇ ਜਲ ਅਰਪਿਤ ਕਰੋ।

ਸਿੰਘ ਰਾਸ਼ੀ (Leo)

ਆਪਣੀ ਸਿਹਤ ਅਤੇ ਦਫ਼ਤਰ ਦੇ ਕੰਮ ਦੀਆਂ ਜ਼ਿੰਮੇਵਾਰੀਆਂ ਨੂੰ ਲੈ ਕੇ ਥੋੜ੍ਹਾ ਸੁਚੇਤ ਰਹਿਣਾ ਹੋਵੇਗਾ। ਆਪਣੀ ਰੋਜ਼ਮਰਾ ਦੀ ਜ਼ਿੰਦਗੀ 'ਚ ਅਨੁਸ਼ਾਸਨ ਬਣਾ ਕੇ ਰੱਖੋ ਤੇ ਕੰਮ ਦੇ ਤਣਾਅ ਨੂੰ ਖੁਦ 'ਤੇ ਹਾਵੀ ਨਾ ਹੋਣ ਦਿਓ। ਸਹੀ ਖਾਣ-ਪੀਣ ਅਤੇ ਚੰਗੀ ਸੋਚ ਨਾਲ ਤੁਸੀਂ ਹਰ ਸਥਿਤੀ ਦਾ ਸਾਹਮਣਾ ਆਸਾਨੀ ਨਾਲ ਕਰ ਸਕੋਗੇ।

ਉਪਾਅ: ਐਤਵਾਰ ਦੇ ਦਿਨ ਤਾਂਬੇ ਦੇ ਲੋਟੇ ਤੋਂ ਸੂਰਜ ਦੇਵ ਨੂੰ ਲਾਲ ਫੁੱਲ ਚੜ੍ਹਾਓ।

ਕੰਨਿਆ ਰਾਸ਼ੀ (Virgo)

ਪੜ੍ਹਾਈ-ਲਿਖਾਈ ਕਰਨ ਵਾਲੇ ਨੌਜਵਾਨਾਂ ਤੇ ਕਲਾ ਦੇ ਖੇਤਰ ਨਾਲ ਜੁੜੇ ਲੋਕਾਂ ਦਾ ਧਿਆਨ ਥੋੜ੍ਹਾ ਭਟਕ ਸਕਦਾ ਹੈ। ਪੈਸਿਆਂ ਨਾਲ ਜੁੜੇ ਕਿਸੇ ਵੀ ਸ਼ਾਰਟਕੱਟ ਤੋਂ ਦੂਰ ਰਹੋ। ਆਪਣੇ ਲੰਬੇ ਸਮੇਂ ਦੇ ਟੀਚਿਆਂ 'ਤੇ ਨਜ਼ਰ ਟਿਕਾਏ ਰੱਖੋ ਅਤੇ ਫਾਲਤੂ ਦੀਆਂ ਗੱਲਾਂ 'ਚ ਆਪਣਾ ਸਮਾਂ ਬਿਲਕੁਲ ਨਾ ਗਵਾਓ।

ਉਪਾਅ: ਕਿਸੇ ਵੀ ਨਵੇਂ ਅਤੇ ਜ਼ਰੂਰੀ ਕੰਮ ਨੂੰ ਸ਼ੁਰੂ ਕਰਨ ਤੋਂ ਪਹਿਲਾਂ ਭਗਵਾਨ ਗਣੇਸ਼ ਜੀ ਦੀ ਪੂਜਾ ਕਰੋ।

ਲੇਖਕ: ਸ਼੍ਰੀ ਆਨੰਦ ਸਾਗਰ ਪਾਠਕ, astropatri.com, ਫੀਡਬੈਕ ਲਈ ਲਿਖੋ: hello@astropatri.com