- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕਿਸਮਤ ਤੇ ਖੁਸ਼ੀਆਂ ਦਾ ਸੰਕੇਤ ਹੈ ਸੁਪਨੇ 'ਚ ਇਸ ਜਾਨਵਰ ਦਾ ਦਿਖਣਾ, ਬਦਲ ਜਾਵੇਗੀ ਜ਼ਿੰਦਗੀ
ਹਿੰਦੂ ਧਰਮ 'ਚ ਕੁਝ ਜਾਨਵਰਾਂ ਨੂੰ ਬਹੁਤ ਹੀ ਪਵਿੱਤਰ ਮੰਨਿਆ ਗਿਆ ਹੈ ਅਤੇ ਜੇਕਰ ਅਸਲ 'ਚ ਜਾਂ ਸੁਪਨੇ 'ਚ ਉਨ੍ਹਾਂ ਦੇ ਦਰਸ਼ਨ ਹੋ ਜਾਣ ਤਾਂ ਇਸ ਨੂੰ ਬਹੁਤ ਜ਼ਿਆਦਾ ਸ਼ੁਭ ਮੰਨਿਆ ਜਾਂਦਾ ਹੈ। ਹਾਥੀ ਵੀ ਇਨ੍ਹਾਂ 'ਚੋਂ ਇੱਕ ਹੈ। ਹਾਥੀ ਨੂੰ ਭਗਵਾਨ ਸ਼੍ਰੀ ਗਣੇਸ਼ ਦਾ ਸਰੂਪ ਮੰਨਿਆ ਜਾਂਦਾ ਹੈ ਅਤੇ ਜੇਕਰ ਸੁਪਨੇ 'ਚ ਹਾਥੀ ਦੇ ਦਰਸ਼ਨ ਹੋ ਜਾਣ, ਤਾਂ ਇਸ ਦੇ ਵੱਖ-ਵੱਖ ਫਲ ਦੱਸੇ ਗਏ ਹਨ।
Posted By Sunita
Publish Date: Tue, 30 Jun 2026 01:17 PM (IST)
Updated Date: Tue, 30 Jun 2026 01:21 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਕੁਝ ਜਾਨਵਰਾਂ ਨੂੰ ਬਹੁਤ ਹੀ ਪਵਿੱਤਰ ਮੰਨਿਆ ਗਿਆ ਹੈ ਅਤੇ ਜੇਕਰ ਅਸਲ 'ਚ ਜਾਂ ਸੁਪਨੇ 'ਚ ਉਨ੍ਹਾਂ ਦੇ ਦਰਸ਼ਨ ਹੋ ਜਾਣ ਤਾਂ ਇਸ ਨੂੰ ਬਹੁਤ ਜ਼ਿਆਦਾ ਸ਼ੁਭ ਮੰਨਿਆ ਜਾਂਦਾ ਹੈ। ਹਾਥੀ ਵੀ ਇਨ੍ਹਾਂ 'ਚੋਂ ਇੱਕ ਹੈ। ਹਾਥੀ ਨੂੰ ਭਗਵਾਨ ਸ਼੍ਰੀ ਗਣੇਸ਼ ਦਾ ਸਰੂਪ ਮੰਨਿਆ ਜਾਂਦਾ ਹੈ ਅਤੇ ਜੇਕਰ ਸੁਪਨੇ 'ਚ ਹਾਥੀ ਦੇ ਦਰਸ਼ਨ ਹੋ ਜਾਣ, ਤਾਂ ਇਸ ਦੇ ਵੱਖ-ਵੱਖ ਫਲ ਦੱਸੇ ਗਏ ਹਨ।
ਹਾਥੀ ਦਿਖਣ ਦਾ ਸਭ ਤੋਂ ਵੱਡਾ ਸੰਕੇਤ ਇਹ ਹੈ ਕਿ ਇਨਸਾਨ ਨੂੰ ਜੀਵਨ 'ਚ ਐਸ਼ੋ-ਆਰਾਮ ਅਤੇ ਚੰਗੀ ਕਿਸਮਤ (ਸੌਭਾਗ) ਦੀ ਪ੍ਰਾਪਤੀ ਹੋਣ ਵਾਲੀ ਹੈ। ਜੇਕਰ ਤੁਸੀਂ ਵੀ ਸੁਪਨੇ 'ਚ ਹਾਥੀ ਦੇਖਿਆ ਹੈ, ਤਾਂ ਆਓ ਸੁਫ਼ਨ ਸ਼ਾਸਤਰ ਦੇ ਆਧਾਰ 'ਤੇ ਜਾਣ ਲੈਂਦੇ ਹਾਂ ਕਿ ਉਸ ਦੇ ਫਲ ਕੀ ਹੋਣਗੇ: -
ਹਾਥੀ 'ਤੇ ਸਵਾਰੀ ਕਰਨ ਦਾ ਸਪਨਾ
ਜੇਕਰ ਤੁਸੀਂ ਸੁਪਨੇ 'ਚ ਖੁਦ ਨੂੰ ਹਾਥੀ 'ਤੇ ਸਵਾਰੀ ਕਰਦੇ ਹੋਏ ਦੇਖਦੇ ਹੋ, ਤਾਂ ਇਸ ਦਾ ਮਤਲਬ ਹੈ ਕਿ ਤੁਹਾਡੇ ਪਰਿਵਾਰ 'ਚ ਕੋਈ ਨਵਾਂ ਮਹਿਮਾਨ ਆਉਣ ਵਾਲਾ ਹੈ। ਇਸ ਦੇ ਨਾਲ ਹੀ ਇਹ ਸੁਖ-ਸ਼ਾਂਤੀ ਅਤੇ ਵੈਭਵ (ਸ਼ਾਨੋ-ਸ਼ੌਕਤ) ਦੇ ਵਧਣ ਦਾ ਵੀ ਪ੍ਰਤੀਕ ਹੈ।
ਖੜ੍ਹੇ ਹਾਥੀ ਦਾ ਸਪਨਾ ਦੇਖਣਾ
ਸੁਪਨੇ 'ਚ ਹਾਥੀ ਨੂੰ ਖੜ੍ਹੀ ਮੁਦਰਾ 'ਚ ਦੇਖਣਾ ਸ਼ੁਭ ਨਹੀਂ ਮੰਨਿਆ ਗਿਆ। ਸੁਫ਼ਨ ਸ਼ਾਸਤਰ ਅਨੁਸਾਰ ਜੇਕਰ ਅਜਿਹਾ ਸਪਨਾ ਆਵੇ, ਤਾਂ ਸਮਝ ਜਾਓ ਕਿ ਕੋਈ ਬਹੁਤ ਜ਼ਰੂਰੀ ਕੰਮ, ਜਿਸ ਦੇ ਪੂਰਾ ਹੋਣ ਦਾ ਤੁਸੀਂ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹੋ, ਉਸ 'ਚ ਕੋਈ ਰੁਕਾਵਟ ਆ ਸਕਦੀ ਹੈ।
ਹਾਥੀ ਅਤੇ ਹਥਣੀ ਦਾ ਜੋੜਾ ਦੇਖਣਾ
ਸੁਪਨੇ 'ਚ ਜੇਕਰ ਤੁਸੀਂ ਹਾਥੀ ਅਤੇ ਹਥਣੀ ਨੂੰ ਇਕੱਠੇ ਦੇਖਦੇ ਹੋ, ਤਾਂ ਇਹ ਬਹੁਤ ਸ਼ੁਭ ਸੰਕੇਤ ਹੈ। ਖਾਸ ਤੌਰ 'ਤੇ ਜੇਕਰ ਤੁਸੀਂ ਵਿਆਹੇ ਹੋਏ ਹੋ, ਤਾਂ ਇਸ ਦਾ ਮਤਲਬ ਹੈ ਕਿ ਤੁਹਾਡਾ ਵਿਆਹੁਤਾ ਜੀਵਨ ਖੁਸ਼ੀਆਂ ਨਾਲ ਭਰਿਆ ਰਹੇਗਾ।
ਚਿੱਟੇ ਰੰਗ ਦਾ ਹਾਥੀ ਸੁਪਨੇ 'ਚ ਦਿਖਣਾ
ਆਮ ਤੌਰ 'ਤੇ ਹਾਥੀ ਹਮੇਸ਼ਾ ਸਲੇਟੀ ਰੰਗ ਦਾ ਹੀ ਨਜ਼ਰ ਆਉਂਦਾ ਹੈ, ਪਰ ਹਾਥੀ ਦਾ ਰੰਗ ਚਿੱਟਾ ਵੀ ਹੁੰਦਾ ਹੈ। ਇਸ ਤਰ੍ਹਾਂ ਦੇ ਹਾਥੀ ਨੂੰ 'ਐਰਾਵਤ' ਕਿਹਾ ਜਾਂਦਾ ਹੈ। ਹਿੰਦੂ ਸ਼ਾਸਤਰਾਂ 'ਚ ਇਸ ਨੂੰ 'ਇੰਦਰ ਦਾ ਵਾਹਨ' ਕਿਹਾ ਗਿਆ ਹੈ। ਭਾਰਤ 'ਚ ਤੁਸੀਂ ਅਸਲ ਰੂਪ 'ਚ ਇਸ ਨੂੰ ਨਹੀਂ ਦੇਖ ਸਕੋਗੇ ਕਿਉਂਕਿ ਚਿੱਟੇ ਹਾਥੀ ਸਿਰਫ਼ ਥਾਈਲੈਂਡ 'ਚ ਪਾਏ ਜਾਂਦੇ ਹਨ। ਹਾਲਾਂਕਿ, ਸੁਪਨੇ 'ਚ ਇਸ ਨੂੰ ਦੇਖਣਾ ਬਹੁਤ ਹੀ ਖੁਸ਼ਕਿਸਮਤੀ ਦੀ ਗੱਲ ਹੁੰਦੀ ਹੈ। ਇਸ ਨਾਲ ਤੁਹਾਨੂੰ ਨਵੀਆਂ ਪ੍ਰਾਪਤੀਆਂ ਹਾਸਲ ਹੁੰਦੀਆਂ ਹਨ।
ਗਰਭਵਤੀ ਔਰਤ ਨੂੰ ਹਾਥੀ ਦਾ ਸਪਨਾ
ਜੇਕਰ ਕੋਈ ਗਰਭਵਤੀ ਔਰਤ ਸੁਪਨੇ 'ਚ ਹਾਥੀ ਨੂੰ ਦੇਖ ਲਵੇ, ਤਾਂ ਆਉਣ ਵਾਲੀ ਸੰਤਾਨ ਆਪਣੇ ਨਾਲ ਯਸ਼, ਵੈਭਵ ਅਤੇ ਚੰਗੀ ਕਿਸਮਤ ਲੈ ਕੇ ਆਉਂਦੀ ਹੈ। ਉਸ ਔਰਤ ਨੂੰ ਸ਼੍ਰੀ ਗਣੇਸ਼ ਦੇ ਸਮਾਨ ਗੁਣਾਂ ਵਾਲੀ ਸੰਤਾਨ ਦੀ ਪ੍ਰਾਪਤੀ ਹੁੰਦੀ ਹੈ।
ਨੱਚਦੇ ਹੋਏ ਹਾਥੀ ਨੂੰ ਦੇਖਣਾ
ਸੁਪਨੇ 'ਚ ਜੇਕਰ ਹਾਥੀ ਨੂੰ ਨੱਚਦੇ ਹੋਏ ਜਾਂ ਮਸਤੀ 'ਚ ਝੂਮਦੇ ਹੋਏ ਦੇਖਿਆ ਜਾਵੇ, ਤਾਂ ਇਹ ਸੰਕੇਤ ਹੈ ਕਿ ਤੁਹਾਡੀ ਆਰਥਿਕ ਸਥਿਤੀ ਮਜ਼ਬੂਤ ਹੋਣ ਵਾਲੀ ਹੈ। ਇਹ ਦੇਵੀ ਲਕਸ਼ਮੀ ਦੇ ਆਗਮਨ ਦਾ ਸੂਚਕ ਹੁੰਦਾ ਹੈ। ਝੁੰਡ 'ਚ ਹਾਥੀਆਂ ਨੂੰ ਸੁਪਨੇ 'ਚ ਦੇਖਣਾ ਵੀ ਸ਼ੁਭ ਹੁੰਦਾ ਹੈ। ਇਹ ਵੀ ਧਨ-ਦੌਲਤ 'ਚ ਵਾਧੇ ਦਾ ਹੀ ਸੰਕੇਤ ਹੈ।
ਇਸ ਲਈ, ਹਾਥੀ ਦਾ ਸਪਨਾ ਤੁਹਾਨੂੰ ਕਈ ਤਰ੍ਹਾਂ ਦੇ ਸ਼ੁਭ ਫਲ ਦੇ ਸਕਦਾ ਹੈ। ਹਾਥੀ ਦਾ ਅਸਲ ਰੂਪ 'ਚ ਸਾਹਮਣੇ ਦਿਖਣਾ ਵੀ ਬਹੁਤ ਚੰਗੇ ਸੰਕੇਤ ਦਿੰਦਾ ਹੈ। ਖਾਸ ਕਰਕੇ ਜਦੋਂ ਤੁਸੀਂ ਕਿਸੇ ਜ਼ਰੂਰੀ ਕੰਮ ਲਈ ਘਰੋਂ ਬਾਹਰ ਨਿਕਲ ਰਹੇ ਹੋਵੋ, ਯਾਤਰਾ ਕਰ ਰਹੇ ਹੋਵੋ ਜਾਂ ਮੁਸ਼ਕਿਲ ਹਾਲਾਤਾਂ 'ਚੋਂ ਲੰਘ ਰਹੇ ਹੋਵੋ ਅਤੇ ਹਾਥੀ ਦਿਖ ਜਾਵੇ, ਤਾਂ ਸਮਝ ਲਓ ਕਿ ਜੀਵਨ 'ਚ ਖੁਸ਼ੀਆਂ ਆਉਣ ਵਾਲੀਆਂ ਹਨ।