- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਾਵਧਾਨ! ਕਿਤੇ 8 ਪੀੜ੍ਹੀਆਂ ਦਾ ਪਿੱਤਰ ਦੋਸ਼ ਤਾਂ ਨਹੀਂ ? ਅੱਜ ਸਰਵਪਿੱਤਰੀ ਮੱਸਿਆ 'ਤੇ ਲਗਾਓ ਇਹ 3 ਪੌਦੇ, ਪੂਰਵਜਾਂ ਦਾ ਮਿਲੇਗਾ ਆਸ਼ੀਰਵਾਦ
ਜੇਕਰ ਕਿਸੇ ਕਾਰਨ ਤੁਸੀਂ ਆਪਣੇ ਪੂਰਵਜਾਂ ਦੀ ਮੌਤ ਦੀ ਨਿਸ਼ਚਿਤ ਤਰੀਕ 'ਤੇ ਉਨ੍ਹਾਂ ਦਾ ਸ਼ਰਾਧ ਨਹੀਂ ਕਰ ਸਕੇ ਹੋ ਤਾਂ ਉਨ੍ਹਾਂ ਸਾਰਿਆਂ ਦਾ ਤਰਪਣ ਅਤੇ ਸ਼ਰਾਧ ਸਰਵਪਿੱਤਰੀ ਮੱਸਿਆ ਵਾਲੇ ਦਿਨ ਕਰਨ ਦੀ ਮਾਨਤਾ ਹੈ। ਧਾਰਮਿਕ ਮਾਨਤਾ ਹੈ ਕਿ ਇਸ ਦਿਨ ਜੇਕਰ ਤੁਸੀਂ ਘਰ 'ਚ ਕੁਝ ਪਵਿੱਤਰ ਪੌਦੇ ਲਗਾਉਂਦੇ ਹੋ, ਤਾਂ ਪੂਰਵਜਾਂ ਦਾ ਆਸ਼ੀਰਵਾਦ ਬਣਿਆ ਰਹਿੰਦਾ ਹੈ।
Posted By Seema Anand
Publish Date: Sat, 10 Oct 2026 10:13 AM (IST)
Updated Date: Sat, 10 Oct 2026 10:17 AM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਪਿਤਰ ਪੱਖ ਦੀ ਮੱਸਿਆ ਨੂੰ ਸਰਵਪਿਤਰੀ ਮੱਸਿਆ ਕਿਹਾ ਜਾਂਦਾ ਹੈ, ਜਿਸ ਦਾ ਵਿਸ਼ੇਸ਼ ਧਾਰਮਿਕ ਮਹੱਤਵ ਹੈ। ਇਸ ਸਾਲ ਇਹ ਤਾਰੀਖ ਅੱਜ ਯਾਨੀ 10 ਅਕਤੂਬਰ ਨੂੰ ਪੈ ਰਹੀ ਹੈ। ਇਸ ਦਿਨ ਸਾਰੇ ਜਾਣੇ-ਅਣਜਾਣੇ ਪੂਰਵਜਾਂ ਦਾ ਇਕੱਠਿਆਂ ਸ਼ਰਾਧ ਕੀਤਾ ਜਾਂਦਾ ਹੈ ਅਤੇ ਉਨ੍ਹਾਂ ਨੂੰ ਪ੍ਰਿਥਵੀ ਲੋਕ ਤੋਂ ਵਿਦਾ ਕੀਤਾ ਜਾਂਦਾ ਹੈ।
ਜੇਕਰ ਕਿਸੇ ਕਾਰਨ ਤੁਸੀਂ ਆਪਣੇ ਪੂਰਵਜਾਂ ਦੀ ਮੌਤ ਦੀ ਨਿਸ਼ਚਿਤ ਤਰੀਕ 'ਤੇ ਉਨ੍ਹਾਂ ਦਾ ਸ਼ਰਾਧ ਨਹੀਂ ਕਰ ਸਕੇ ਹੋ ਤਾਂ ਉਨ੍ਹਾਂ ਸਾਰਿਆਂ ਦਾ ਤਰਪਣ ਅਤੇ ਸ਼ਰਾਧ ਸਰਵਪਿੱਤਰੀ ਮੱਸਿਆ ਵਾਲੇ ਦਿਨ ਕਰਨ ਦੀ ਮਾਨਤਾ ਹੈ।
ਅਜਿਹੀ ਧਾਰਮਿਕ ਮਾਨਤਾ ਹੈ ਕਿ ਇਸ ਦਿਨ ਜੇਕਰ ਤੁਸੀਂ ਘਰ 'ਚ ਕੁਝ ਪਵਿੱਤਰ ਪੌਦੇ ਲਗਾਉਂਦੇ ਹੋ, ਤਾਂ ਪੂਰਵਜਾਂ ਦਾ ਆਸ਼ੀਰਵਾਦ ਬਣਿਆ ਰਹਿੰਦਾ ਹੈ। ਇੰਨਾ ਹੀ ਨਹੀਂ, ਇਨ੍ਹਾਂ ਪੌਦਿਆਂ ਦੇ ਪ੍ਰਭਾਵ ਨਾਲ ਤੁਹਾਡੇ ਘਰ ਦਾ ਪਿਤਰ ਦੋਸ਼ ਵੀ ਦੂਰ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਦਿਨ ਘਰ 'ਚ ਕਿਹੜੇ ਪੌਦੇ ਲਗਾਉਣੇ ਚਾਹੀਦੇ ਹਨ, ਜਿਨ੍ਹਾਂ ਨਾਲ ਇੱਕ ਜਾਂ ਦੋ ਨਹੀਂ, ਸਗੋਂ ਅੱਠ ਪੀੜ੍ਹੀਆਂ ਦੇ ਪਿਤਰ ਦੋਸ਼ ਦੂਰ ਹੋਣ ਦੀ ਧਾਰਮਿਕ ਮਾਨਤਾ ਹੈ।
ਸ਼ਮੀ ਦਾ ਪੌਦਾ
ਸ਼ਮੀ ਦੇ ਪੌਦੇ ਨੂੰ ਬੇਹੱਦ ਸ਼ੁਭ ਮੰਨਿਆ ਜਾਂਦਾ ਹੈ ਅਤੇ ਇਸ ਦਾ ਸਬੰਧ ਸ਼ਨੀ ਦੇਵ ਨਾਲ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਇਸ ਪੌਦੇ ਨੂੰ ਹਮੇਸ਼ਾ ਘਰ ਦੇ ਬਾਹਰ ਲਗਾਉਣਾ ਚਾਹੀਦਾ ਹੈ, ਤਾਂ ਜੋ ਘਰ 'ਚ ਆਉਣ ਵਾਲੀ ਊਰਜਾ ਨੂੰ ਸਕਾਰਾਤਮਕ ਬਣਾਇਆ ਜਾ ਸਕੇ।
ਜੇਕਰ ਤੁਸੀਂ ਸਰਵਪਿਤਰੀ ਮੱਸਿਆ ਵਾਲੇ ਦਿਨ ਆਪਣੇ ਘਰ 'ਚ ਸ਼ਮੀ ਦਾ ਪੌਦਾ ਲਗਾਉਂਦੇ ਹੋ, ਤਾਂ ਮਾਨਤਾ ਹੈ ਕਿ ਇਸ ਨਾਲ ਘਰ 'ਚ ਪੂਰਵਜਾਂ ਦੀ ਕਿਰਪਾ ਬਣੀ ਰਹਿੰਦੀ ਹੈ ਅਤੇ ਪਿਤਰ ਦੋਸ਼ ਦੂਰ ਹੁੰਦਾ ਹੈ।
ਤੁਲਸੀ ਦਾ ਪੌਦਾ
ਤੁਲਸੀ ਦੇ ਪੌਦੇ ਨੂੰ ਕਿਸੇ ਵੀ ਪੂਜਾ-ਪਾਠ ਲਈ ਬੇਹੱਦ ਸ਼ੁਭ ਮੰਨਿਆ ਜਾਂਦਾ ਹੈ। ਜੇਕਰ ਤੁਸੀਂ ਸਰਵਪਿਤਰੀ ਮੱਸਿਆ ਵਾਲੇ ਦਿਨ ਇਸ ਪੌਦੇ ਨੂੰ ਆਪਣੇ ਘਰ 'ਚ ਲਗਾਉਂਦੇ ਹੋ, ਤਾਂ ਧਾਰਮਿਕ ਮਾਨਤਾਵਾਂ ਅਨੁਸਾਰ ਇਸ ਦੇ ਕਈ ਗੁਣਾ ਲਾਭ ਹੋ ਸਕਦੇ ਹਨ। ਜੇਕਰ ਤੁਹਾਡੇ ਘਰ 'ਚ ਪਹਿਲਾਂ ਹੀ ਤੁਲਸੀ ਦਾ ਪੌਦਾ ਲੱਗਿਆ ਹੋਇਆ ਹੈ, ਤਾਂ ਵੀ ਤੁਸੀਂ ਨਵਾਂ ਪੌਦਾ ਲਗਾ ਸਕਦੇ ਹੋ।
ਮਾਨਤਾ ਹੈ ਕਿ ਅਜਿਹਾ ਕਰਨ ਨਾਲ ਘਰ ਦੇ ਪਿਤਰ ਦੋਸ਼ ਦੂਰ ਹੋ ਸਕਦੇ ਹਨ ਅਤੇ ਸੰਕਟਾਂ ਤੋਂ ਮੁਕਤੀ ਮਿਲਦੀ ਹੈ। ਇਸ ਦਿਨ ਤੁਲਸੀ ਦਾ ਪੌਦਾ ਲਗਾਉਣ ਤੋਂ ਬਾਅਦ ਇਸ ਨੂੰ ਨਿਯਮਿਤ ਤੌਰ 'ਤੇ ਜਲ ਚੜ੍ਹਾਓ ਅਤੇ ਸ਼ਾਮ ਦੇ ਸਮੇਂ ਘਿਓ ਦਾ ਦੀਵਾ ਜਗਾਓ।
ਅਸ਼ੋਕ ਦਾ ਪੌਦਾ
ਅਸ਼ੋਕ ਦੇ ਪੌਦੇ ਨੂੰ ਹਿੰਦੂ ਧਰਮ 'ਚ ਬੇਹੱਦ ਪਵਿੱਤਰ ਮੰਨਿਆ ਜਾਂਦਾ ਹੈ। ਇਸ ਦੇ ਪੱਤਿਆਂ ਨਾਲ ਘਰ ਦੀ ਸਜਾਵਟ ਕੀਤੀ ਜਾਂਦੀ ਹੈ। ਇੰਨਾ ਹੀ ਨਹੀਂ, ਇਸ ਦੇ ਪੱਤਿਆਂ ਨਾਲ ਤੋਰਨ ਬਣਾ ਕੇ ਵੀ ਘਰ ਨੂੰ ਸਜਾਇਆ ਜਾਂਦਾ ਹੈ। ਪਰ ਸ਼ਾਇਦ ਬਹੁਤ ਘੱਟ ਲੋਕ ਜਾਣਦੇ ਹੋਣਗੇ ਕਿ ਧਾਰਮਿਕ ਮਾਨਤਾਵਾਂ ਅਨੁਸਾਰ, ਇਸ ਪੌਦੇ ਨੂੰ ਘਰ 'ਚ ਲਗਾਉਣ ਨਾਲ ਪਿਤਰ ਦੋਸ਼ ਤੋਂ ਮੁਕਤੀ ਮਿਲ ਸਕਦੀ ਹੈ।
ਜੇਕਰ ਤੁਸੀਂ ਸਰਵਪਿਤਰੀ ਮੱਸਿਆ ਵਾਲੇ ਦਿਨ ਘਰ ਦੇ ਬਾਹਰ ਇਹ ਪੌਦਾ ਲਗਾਉਂਦੇ ਹੋ, ਤਾਂ ਇਸ ਦੇ ਕਈ ਗੁਣਾ ਲਾਭ ਹੋਣ ਦੀ ਮਾਨਤਾ ਹੈ। ਪੂਰਵਜਾਂ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਅਤੇ ਅੱਠ ਪੀੜ੍ਹੀਆਂ ਦੇ ਪਿਤਰ ਦੋਸ਼ ਦੂਰ ਕਰਨ ਲਈ ਇਸ ਨੂੰ ਬੇਹੱਦ ਸ਼ੁਭ ਪੌਦਾ ਮੰਨਿਆ ਜਾਂਦਾ ਹੈ।
ਜੇਕਰ ਜਗ੍ਹਾ ਦੀ ਘਾਟ ਕਾਰਨ ਤੁਸੀਂ ਇਸ ਪੌਦੇ ਨੂੰ ਆਪਣੇ ਘਰ ਜਾਂ ਆਲੇ-ਦੁਆਲੇ ਨਹੀਂ ਲਗਾ ਸਕਦੇ, ਤਾਂ ਇਸ ਨੂੰ ਕਿਸੇ ਮੰਦਰ ਦੇ ਨੇੜੇ ਲਗਾਉਣਾ ਵੀ ਸ਼ੁਭ ਮੰਨਿਆ ਜਾਂਦਾ ਹੈ।
ਜੇਕਰ ਤੁਸੀਂ ਵੀ ਸਰਵਪਿਤਰੀ ਮੱਸਿਆ ਵਾਲੇ ਦਿਨ ਇਨ੍ਹਾਂ 'ਚੋਂ ਕੋਈ ਵੀ ਪੌਦਾ ਲਗਾਉਂਦੇ ਹੋ, ਤਾਂ ਧਾਰਮਿਕ ਮਾਨਤਾਵਾਂ ਅਨੁਸਾਰ ਇਸ ਦੇ ਸ਼ੁਭ ਪ੍ਰਭਾਵ ਪੂਰਾ ਸਾਲ ਬਣੇ ਰਹਿ ਸਕਦੇ ਹਨ। ਇਸ ਦੇ ਨਾਲ ਹੀ ਪਿਤਰ ਦੋਸ਼ ਦੂਰ ਹੋਣ ਦੀ ਵੀ ਮਾਨਤਾ ਹੈ।
ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।