- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅੰਕ ਜੋਤਿਸ਼: ਜਾਣੋ ਕਿਹੜੇ 3 ਮੁਲਾਂਕ ਵਾਲੇ ਲੋਕਾਂ ਕੋਲ ਨਹੀਂ ਰੁਕਦਾ ਧਨ, ਹਮੇਸ਼ਾ ਬਣੀ ਰਹਿੰਦੀ ਹੈ ਆਰਥਿਕ ਤੰਗੀ
ਇਹ ਲੋਕ ਖ਼ੁਦ ਦੀ ਗ੍ਰੂਮਿੰਗ ਵਿੱਚ ਵੀ ਬਹੁਤ ਸਾਰਾ ਪੈਸਾ ਖ਼ਰਚ ਕਰ ਦਿੰਦੇ ਹਨ ਅਤੇ ਚੰਗੀ ਆਮਦਨ ਹੋਣ ਤੋਂ ਬਾਅਦ ਵੀ ਫ਼ਜ਼ੂਲਖ਼ਰਚੀ ਦੀ ਇਹਨਾਂ ਦੀ ਆਦਤ ਇਹਨਾਂ ਨੂੰ ਆਰਥਿਕ ਤੰਗੀ ਵਿੱਚ ਪਾ ਸਕਦੀ ਹੈ। ਇਹੋ ਨਹੀਂ, ਕਈ ਵਾਰ ਇਹ ਘਰ ਦੀ ਸਜਾਵਟ ਵਿੱਚ ਵੀ ਬਹੁਤ ਪੈਸੇ ਖ਼ਰਚ ਕਰ ਦਿੰਦੇ ਹਨ ਜੋ ਅੱਗੇ ਚੱਲ ਕੇ ਇਹਨਾਂ ਲਈ ਪਰੇਸ਼ਾਨੀ ਦਾ ਕਾਰਨ ਬਣ ਸਕਦੀ ਹੈ।
Posted By Neha Diwan
Publish Date: Sun, 09 Aug 2026 03:12 PM (IST)
Updated Date: Sun, 09 Aug 2026 03:13 PM (IST)
ਧਰਮ ਡੈਸਕ, ਨਵੀਂ ਦਿੱਲੀ। ਕਈ ਵਾਰ ਤੁਹਾਡੀ ਕਮਾਈ ਚੰਗੀ ਹੋਣ ਤੋਂ ਬਾਅਦ ਵੀ ਜ਼ਿਆਦਾ ਬੱਚਤ ਨਹੀਂ ਹੋ ਪਾਉਂਦੀ ਅਤੇ ਤੁਸੀਂ ਇਸਦਾ ਕਾਰਨ ਵੀ ਪਤਾ ਨਹੀਂ ਕਰ ਪਾਉਂਦੇ। ਅਸਲ ਵਿੱਚ, ਕਈ ਵਾਰ ਇਸਦਾ ਕਾਰਨ ਗ੍ਰਹਿਆਂ ਦਾ ਫੇਰ ਵੀ ਹੋ ਸਕਦਾ ਹੈ।
ਅੰਕ ਜੋਤਿਸ਼ (Numerology) ਅਨੁਸਾਰ, ਤੁਹਾਡੀ ਜਨਮ ਮਿਤੀ ਵੀ ਕਈ ਗੱਲਾਂ ਬਾਰੇ ਦੱਸਦੀ ਹੈ ਜਿਵੇਂ ਤੁਹਾਡਾ ਭਵਿੱਖ ਕਿਹੋ ਜਿਹਾ ਹੋ ਸਕਦਾ ਹੈ? ਤੁਹਾਡੇ ਜੀਵਨ ਵਿੱਚ ਕੀ ਬਦਲਾਅ ਹੋ ਸਕਦੇ ਹਨ ਅਤੇ ਆਉਣ ਵਾਲੇ ਸਮੇਂ ਵਿੱਚ ਕਿਹੜੇ ਉਤਾਰ-ਚੜ੍ਹਾਅ ਸੰਭਵ ਹਨ।
ਜਨਮ ਮਿਤੀ ਦੇ ਆਧਾਰ 'ਤੇ ਤੁਹਾਡੇ ਮੁਲਾਂਕ ਦਾ ਪਤਾ ਲਗਾਇਆ ਜਾ ਸਕਦਾ ਹੈ ਅਤੇ ਸਾਰੇ ਮੁਲਾਂਕਾਂ ਦਾ ਕੋਈ ਨਾ ਕੋਈ ਸਵਾਮੀ ਗ੍ਰਹਿ ਹੁੰਦਾ ਹੈ। ਕਈ ਵਾਰ ਕਿਸੇ ਮੁਲਾਂਕ ਦੇ ਸਵਾਮੀ ਗ੍ਰਹਿ ਦੇ ਪ੍ਰਭਾਵ ਕਰਕੇ ਹੀ ਜੀਵਨ ਵਿੱਚ ਸਮੱਸਿਆਵਾਂ ਆ ਸਕਦੀਆਂ ਹਨ ਜਾਂ ਵਿਅਕਤੀ ਬੁਲੰਦੀਆਂ ਤੱਕ ਪਹੁੰਚ ਸਕਦਾ ਹੈ।
ਕਈ ਅਜਿਹੇ ਮੁਲਾਂਕ ਵੀ ਹੁੰਦੇ ਹਨ ਜਿਨ੍ਹਾਂ ਦੇ ਲੋਕ ਕਮਾਈ ਚੰਗੀ ਹੋਣ ਤੋਂ ਬਾਅਦ ਵੀ ਪੈਸਾ ਬਚਾ ਨਹੀਂ ਪਾਉਂਦੇ ਅਤੇ ਇਸੇ ਵਜ੍ਹਾ ਨਾਲ ਉਨ੍ਹਾਂ ਦੇ ਜੀਵਨ ਵਿੱਚ ਆਰਥਿਕ ਸਮੱਸਿਆਵਾਂ ਆਉਂਦੀਆਂ ਰਹਿੰਦੀਆਂ ਹਨ। ਆਓ ਜਾਣਦੇ ਹਾਂ ਅਜਿਹੇ ਮੁਲਾਂਕਾਂ ਬਾਰੇ ਇੱਥੇ.....
ਮੁਲਾਂਕ 3
ਮੁਲਾਂਕ 3 ਵਾਲੇ ਲੋਕ ਅਜਿਹੇ ਹੁੰਦੇ ਹਨ ਜੋ ਆਪਣੇ ਪੈਸਿਆਂ ਨੂੰ ਹਮੇਸ਼ਾ ਵਧਾਉਣ ਬਾਰੇ ਸੋਚਦੇ ਹਨ ਅਤੇ ਉਸ ਲਈ ਹੀ ਅੱਗੇ ਵਧਦੇ ਹਨ, ਪਰ ਕਈ ਵਾਰ ਇਹਨਾਂ ਦੀ ਫ਼ਜ਼ੂਲਖ਼ਰਚੀ ਦੀ ਆਦਤ ਵੀ ਇਹਨਾਂ ਲਈ ਧਨ ਹਾਨੀ ਦੇ ਯੋਗ ਬਣਾਉਂਦੀ ਹੈ।
ਇਸ ਮੁਲਾਂਕ ਦਾ ਸਵਾਮੀ ਗੁਰੂ ਨੂੰ ਮੰਨਿਆ ਜਾਂਦਾ ਹੈ ਅਤੇ ਇਸਦੇ ਪ੍ਰਭਾਵ ਨਾਲ ਇਹਨਾਂ ਕੋਲ ਬਹੁਤ ਪੈਸਾ ਹੁੰਦਾ ਹੈ। ਕਈ ਵਾਰ ਇਹਨਾਂ ਨਾਲ ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਹ ਨਵੀਂਆਂ ਚੀਜ਼ਾਂ ਸਿੱਖਣ ਦੀ ਹਮੇਸ਼ਾ ਕੋਸ਼ਿਸ਼ ਕਰਦੇ ਹਨ ਅਤੇ ਆਪਣੀ ਗ੍ਰੂਮਿੰਗ 'ਚ ਵੀ ਬਹੁਤ ਖ਼ਰਚ ਕਰ ਦਿੰਦੇ ਹਨ।
ਕਈ ਵਾਰ ਇਹ ਭਾਵਨਾਵਾਂ ਵਿੱਚ ਆ ਕੇ ਵੀ ਪੈਸੇ ਖ਼ਰਚ ਕਰ ਦਿੰਦੇ ਹਨ ਅਤੇ ਉਸਦੀ ਵਜ੍ਹਾ ਨਾਲ ਵੀ ਆਰਥਿਕ ਤੰਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 3, 12 ਜਾਂ 21 ਤਾਰੀਖ਼ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 3 ਹੁੰਦਾ ਹੈ ਅਤੇ ਇਹ ਉਨ੍ਹਾਂ ਲੋਕਾਂ ਵਿੱਚੋਂ ਹੋ ਸਕਦੇ ਹਨ ਜਿਨ੍ਹਾਂ ਨੂੰ ਕਈ ਵਾਰ ਆਰਥਿਕ ਸਮੱਸਿਆਵਾਂ ਵਿੱਚੋਂ ਵੀ ਲੰਘਣਾ ਪੈ ਸਕਦਾ ਹੈ।
ਮੁਲਾਂਕ 5
ਮੁਲਾਂਕ 5 ਦਾ ਸਵਾਮੀ ਬੁੱਧ ਗ੍ਰਹਿ ਹੁੰਦਾ ਹੈ ਅਤੇ ਇਹ ਬੁੱਧੀ ਤੋਂ ਬਹੁਤ ਤੇਜ਼ ਹੁੰਦੇ ਹਨ, ਪਰ ਕਈ ਵਾਰ ਇਹ ਪੈਸਾ ਬਿਨਾਂ ਸੋਚੇ-ਸਮਝੇ ਗਲਤ ਜਗ੍ਹਾ 'ਤੇ ਖ਼ਰਚ ਕਰਦੇ ਹਨ।
ਇਹਨਾਂ ਦੀ ਇਹੋ ਆਦਤ ਇਹਨਾਂ ਲਈ ਆਰਥਿਕ ਨੁਕਸਾਨ ਦਾ ਕਾਰਨ ਵੀ ਬਣ ਸਕਦੀ ਹੈ। ਨੰਬਰ ਪੰਜ ਵਾਲਿਆਂ ਨੂੰ ਵਰਕਪਲੇਸ ਵਿੱਚ ਹਰ ਤਰ੍ਹਾਂ ਦਾ ਐਕਸਪੀਰੀਅੰਸ ਚਾਹੀਦਾ ਹੁੰਦਾ ਹੈ, ਜਿਸ ਕਰਕੇ ਇਹ ਕਈ ਵਾਰ ਆਪਣਾ ਕਰੀਅਰ ਤੱਕ ਬਦਲ ਲੈਂਦੇ ਹਨ ਅਤੇ ਉਸਦੀ ਵਜ੍ਹਾ ਨਾਲ ਵੀ ਇਹਨਾਂ ਨੂੰ ਆਰਥਿਕ ਨੁਕਸਾਨ ਹੋ ਸਕਦੇ ਹਨ।
ਬਹੁਤ ਜਲਦੀ-ਜਲਦੀ ਚੀਜ਼ਾਂ ਬਦਲਣ ਦੇ ਚੱਕਰ ਵਿੱਚ ਇਹ ਲੋਕ ਨਾ ਤਾਂ ਪੈਸਾ ਇਕੱਠਾ ਕਰ ਪਾਉਂਦੇ ਹਨ ਅਤੇ ਨਾ ਹੀ ਭਵਿੱਖ ਲਈ ਕੁਝ ਬੱਚਤ ਕਰ ਪਾਉਂਦੇ ਹਨ। ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 5, 14 ਜਾਂ 23 ਤਾਰੀਖ਼ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 5 ਮੰਨਿਆ ਜਾਂਦਾ ਹੈ।
ਮੁਲਾਂਕ 6
ਮੁਲਾਂਕ 6 ਦਾ ਸਵਾਮੀ ਸ਼ੁੱਕਰ ਨੂੰ ਮੰਨਿਆ ਜਾਂਦਾ ਹੈ ਅਤੇ ਇਸ ਮੁਲਾਂਕ ਦੇ ਲੋਕ ਬਹੁਤ ਜ਼ਿਆਦਾ ਲਗਜ਼ਰੀ ਪਸੰਦ ਹੁੰਦੇ ਹਨ ਅਤੇ ਇਹ ਦਿਖਾਵੇ ਲਈ ਕਈ ਵਾਰ ਪੈਸਾ ਇੰਨੀ ਗਲਤ ਜਗ੍ਹਾ ਲਗਾਉਂਦੇ ਹਨ ਕਿ ਇਹਨਾਂ ਨੂੰ ਆਰਥਿਕ ਹਾਨੀ ਦਾ ਸਾਹਮਣਾ ਵੀ ਕਰਨਾ ਪੈ ਸਕਦਾ ਹੈ।
ਇਹ ਲੋਕ ਖ਼ੁਦ ਦੀ ਗ੍ਰੂਮਿੰਗ ਵਿੱਚ ਵੀ ਬਹੁਤ ਸਾਰਾ ਪੈਸਾ ਖ਼ਰਚ ਕਰ ਦਿੰਦੇ ਹਨ ਅਤੇ ਚੰਗੀ ਆਮਦਨ ਹੋਣ ਤੋਂ ਬਾਅਦ ਵੀ ਫ਼ਜ਼ੂਲਖ਼ਰਚੀ ਦੀ ਇਹਨਾਂ ਦੀ ਆਦਤ ਇਹਨਾਂ ਨੂੰ ਆਰਥਿਕ ਤੰਗੀ ਵਿੱਚ ਪਾ ਸਕਦੀ ਹੈ। ਇਹੋ ਨਹੀਂ, ਕਈ ਵਾਰ ਇਹ ਘਰ ਦੀ ਸਜਾਵਟ ਵਿੱਚ ਵੀ ਬਹੁਤ ਪੈਸੇ ਖ਼ਰਚ ਕਰ ਦਿੰਦੇ ਹਨ ਜੋ ਅੱਗੇ ਚੱਲ ਕੇ ਇਹਨਾਂ ਲਈ ਪਰੇਸ਼ਾਨੀ ਦਾ ਕਾਰਨ ਬਣ ਸਕਦੀ ਹੈ।
ਜੇਕਰ ਤੁਹਾਡਾ ਜਨਮ ਕਿਸੇ ਵੀ ਮਹੀਨੇ ਦੀ 6, 15 ਜਾਂ 24 ਤਾਰੀਖ਼ ਨੂੰ ਹੋਇਆ ਹੈ ਤਾਂ ਤੁਹਾਡਾ ਮੁਲਾਂਕ 6 ਹੋਵੇਗਾ ਅਤੇ ਇਹ ਤੁਹਾਡਾ ਸੁਭਾਅ ਵੀ ਹੋ ਸਕਦਾ ਹੈ।
ਜਿਨ੍ਹਾਂ ਲੋਕਾਂ ਦਾ ਮੁਲਾਂਕ ਇਹਨਾਂ ਵਿੱਚੋਂ ਕੋਈ ਵੀ ਹੈ, ਉਨ੍ਹਾਂ ਨੂੰ ਅਕਸਰ ਆਰਥਿਕ ਤੰਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹਾਲਾਂਕਿ ਅਜਿਹਾ ਹਮੇਸ਼ਾ ਜ਼ਰੂਰੀ ਨਹੀਂ ਹੈ ਕਿ ਸਭ ਲਈ ਇਹ ਸਹੀ ਹੋਵੇ, ਪਰ ਕਾਫ਼ੀ ਹੱਦ ਤੱਕ ਇਹ ਇਹਨਾਂ ਦੇ ਸੁਭਾਅ ਨਾਲ ਜੁੜੀਆਂ ਗੱਲਾਂ ਹੋ ਸਕਦੀਆਂ ਹਨ।