ਇਨ੍ਹਾਂ 4 ਤਰੀਕਾਂ ਨੂੰ ਜਨਮੇ ਲੋਕ 25 ਸਾਲ ਦੀ ਉਮਰ 'ਚ ਹੀ ਚੁੰਮ ਲੈਂਦੇ ਹਨ ਸਫਲਤਾ ਦੇ ਕਦਮ, ਪੜ੍ਹੋ ਕੀ ਕਹਿੰਦਾ ਹੈ ਅੰਕ ਜੋਤਿਸ਼?

ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਜੋਤਿਸ਼ ਅਨੁਸਾਰ, ਕੁਝ ਖ਼ਾਸ ਤਰੀਕਾਂ ਨੂੰ ਜਨਮ ਲੈਣ ਵਾਲੇ ਲੋਕ ਜਨਮ ਤੋਂ ਹੀ ਕਿਸਮਤ ਵਾਲੇ ਮੰਨੇ ਜਾਂਦੇ ਹਨ। ਇਨ੍ਹਾਂ ਲੋਕਾਂ 'ਚ ਬਚਪਨ ਤੋਂ ਹੀ ਅਜਿਹਾ ਹੁਨਰ ਤੇ ਜਨੂੰਨ ਹੁੰਦਾ ਹੈ ਕਿ ਇਹ 25 ਸਾਲ ਦੀ ਉਮਰ ਤੋਂ ਪਹਿਲਾਂ ਹੀ ਆਪਣੀ ਜ਼ਿੰਦਗੀ ਵਿਚ ਇਕ ਵੱਡਾ ਮੁਕਾਮ ਹਾਸਲ ਕਰ ਲੈਂਦੇ ਹਨ।

1, 10, 19 ਤੇ 28 ਤਰੀਕ

ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 1, 10, 19 ਜਾਂ 28 ਤਰੀਕ ਨੂੰ ਹੁੰਦਾ ਹੈ, ਉਨ੍ਹਾਂ ਦਾ ਮੁਲਾਂਕ 1 ਬਣਦਾ ਹੈ। ਇਸ ਅੰਕ ਦਾ ਸੁਆਮੀ ਸੂਰਜ ਹੈ। ਸੂਰਜ ਵਾਂਗ ਹੀ ਇਨ੍ਹਾਂ ਲੋਕਾਂ ਦਾ ਸੁਭਾਅ ਬਹੁਤ ਤੇਜ਼ ਤੇ ਊਰਜਾਵਾਨ ਹੁੰਦਾ ਹੈ। ਇਨ੍ਹਾਂ ਵਿਚ ਜਨਮ ਤੋਂ ਹੀ ਲੀਡਰਸ਼ਿਪ ਕੁਆਲਿਟੀ ਹੁੰਦੀ ਹੈ। ਇਹ ਲੋਕ ਦੂਜਿਆਂ ਦੇ ਅਧੀਨ ਕੰਮ ਕਰਨਾ ਪਸੰਦ ਨਹੀਂ ਕਰਦੇ, ਸਗੋਂ ਆਪਣਾ ਰਸਤਾ ਖ਼ੁਦ ਬਣਾਉਣ ਦਾ ਜਜ਼ਬਾ ਇਨ੍ਹਾਂ ਨੂੰ ਛੋਟੀ ਉਮਰ ਵਿੱਚ ਹੀ ਸ਼ੋਹਰਤ ਦਿਵਾ ਸਕਦਾ ਹੈ।

3, 12 ਅਤੇ 21 ਤਰੀਕ

ਮੁਲਾਂਕ 3 ਵਾਲੇ ਲੋਕਾਂ ਦੇ ਮਾਰਗਦਰਸ਼ਕ ਬ੍ਰਹਿਸਪਤੀ ਮੰਨੇ ਜਾਂਦੇ ਹਨ। ਇਹ ਲੋਕ ਸੁਭਾਅ ਤੋਂ ਕਾਫ਼ੀ ਗਿਆਨਵਾਨ, ਸ਼ਾਂਤ ਤੇ ਸਖ਼ਤ ਅਨੁਸ਼ਾਸਨ 'ਚ ਰਹਿਣ ਵਾਲੇ ਹੁੰਦੇ ਹਨ। ਕਿਸਮਤ ਅਕਸਰ ਇਨ੍ਹਾਂ ਦਾ ਸਾਥ ਦਿੰਦੀ ਹੈ ਅਤੇ ਇਹ ਜਿਸ ਵੀ ਕੰਮ ਨੂੰ ਹੱਥ ਪਾਉਂਦੇ ਹਨ, ਉਸ ਨੂੰ ਪੂਰੀ ਲਗਨ ਨਾਲ ਮੁਕਾਮ ਤਕ ਪਹੁੰਚਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਸਿੱਖਿਆ ਤੇ ਕਰੀਅਰ ਦੇ ਮਾਮਲੇ 'ਚ ਇਸ ਨੰਬਰ ਵਾਲੇ ਲੋਕ ਹਮੇਸ਼ਾ ਆਪਣੇ ਸਾਥੀਆਂ ਤੋਂ ਕਾਫ਼ੀ ਅੱਗੇ ਰਹਿੰਦੇ ਹਨ।

9, 18 ਅਤੇ 27 ਤਰੀਕ

ਇਸ ਤੋਂ ਬਾਅਦ ਗੱਲ ਕਰਦੇ ਹਾਂ ਨੰਬਰ 9 ਦੀ। ਅੰਕ ਜੋਤਿਸ਼ ਦੀ ਦੁਨੀਆ 'ਚ 9 ਨੰਬਰ ਨੂੰ ਬੇਹੱਦ ਤਾਕਤਵਰ ਤੇ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। 9 ਅੰਕ ਦਾ ਸੁਆਮੀ ਮੰਗਲ ਹੈ, ਜੋ ਊਰਜਾ ਤੇ ਹਿੰਮਤ ਦਾ ਪ੍ਰਤੀਕ ਹੈ। ਇਸ ਮੁਲਾਂਕ ਵਾਲੇ ਲੋਕ ਪੂਰੀ ਤਰ੍ਹਾਂ ਨਿਡਰ ਹੁੰਦੇ ਹਨ ਤੇ ਕਿਸੇ ਵੀ ਚੁਣੌਤੀ ਤੋਂ ਘਬਰਾਉਂਦੇ ਨਹੀਂ ਹਨ। ਇਸ ਤੋਂ ਇਲਾਵਾ, ਹਾਰ ਨਾ ਮੰਨਣ ਦੀ ਇਨ੍ਹਾਂ ਦੀ ਜ਼ਿੱਦ ਇਨ੍ਹਾਂ ਨੂੰ 25 ਸਾਲ ਦੀ ਉਮਰ ਦੇ ਆਸ-ਪਾਸ ਹੀ ਕਰੀਅਰ ਦੀਆਂ ਬੁਲੰਦੀਆਂ ਤਕ ਪਹੁੰਚਾ ਸਕਦੀ ਹੈ। ਇਹ ਲੋਕ ਕਿਸੇ ਵੀ ਤਰ੍ਹਾਂ ਦਾ ਜੋਖ਼ਮ ਉਠਾਉਣ ਤੋਂ ਪਿੱਛੇ ਨਹੀਂ ਹਟਦੇ।

5, 14 ਅਤੇ 23 ਤਰੀਕ

ਕਿਸੇ ਵੀ ਮਹੀਨੇ ਦੀ 5, 14 ਜਾਂ 23 ਤਾਰੀਖ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 5 ਹੁੰਦਾ ਹੈ। ਇਸ ਨੰਬਰ 'ਤੇ ਬੁੱਧ ਗ੍ਰਹਿ ਦਾ ਸਿੱਧਾ ਪ੍ਰਭਾਵ ਮੰਨਿਆ ਜਾਂਦਾ ਹੈ, ਜਿਸ ਨੂੰ ਜੋਤਿਸ਼ 'ਚ ਬੁੱਧੀ ਅਤੇ ਵਪਾਰ ਦਾ ਦੇਵਤਾ ਕਿਹਾ ਜਾਂਦਾ ਹੈ। ਇਨ੍ਹਾਂ ਤਰੀਕਾਂ 'ਤੇ ਜਨਮੇ ਲੋਕ ਦਿਮਾਗ ਦੇ ਬਹੁਤ ਤੇਜ਼ ਹੁੰਦੇ ਹਨ ਤੇ ਗੱਲਬਾਤ ਕਰਨ 'ਚ ਮਾਹਿਰ ਹੁੰਦੇ ਹਨ। ਇਨ੍ਹਾਂ ਦੇ ਅੰਦਰ ਕਿਸੇ ਵੀ ਕਾਰੋਬਾਰ ਨੂੰ ਸਮਝਣ ਦੀ ਇਕ ਗ਼ਜ਼ਬ ਦੀ ਕੁਦਰਤੀ ਸਮਝ ਹੁੰਦੀ ਹੈ। ਆਪਣੀ ਇਸ ਵਿਹਾਰਕ ਸਮਝਦਾਰੀ ਦੇ ਚਲਦੇ ਇਹ ਲੋਕ ਬਹੁਤ ਜਲਦੀ ਪੈਸਾ ਕਮਾਉਣਾ ਸ਼ੁਰੂ ਕਰ ਸਕਦੇ ਹਨ।

ਡਿਸਕਲੇਮਰ: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਫਾਇਦੇ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਦੈਨਿਕ ਜਾਗਰਣ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ/ਜੋਤਿਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।