Office Politics ਤੋਂ ਹੋ ਪਰੇਸ਼ਾਨ ਤਾਂ ਚਾਣਕਿਆ ਦੀਆਂ ਇਨ੍ਹਾਂ 5 ਨੀਤੀਆਂ ਨਾਲ ਬਣੋ ਸਭ ਤੋਂ ਸਮਾਰਟ, ਕੋਈ ਨਹੀਂ ਕਰ ਸਕੇਗਾ ਤੁਹਾਡਾ ਇਸਤੇਮਾਲ

ਧਰਮ ਡੈਸਕ, ਨਵੀਂ ਦਿੱਲੀ : ਦਫ਼ਤਰ 'ਚ ਕੰਮ ਕਰਦੇ ਸਮੇਂ ਸਿਰਫ਼ ਮਿਹਨਤ ਕਰਨਾ ਹੀ ਕਾਫੀ ਨਹੀਂ ਹੁੰਦਾ, ਬਲਕਿ ਸਹੀ ਲੋਕਾਂ ਨੂੰ ਪਛਾਣਨਾ ਤੇ ਆਪਣੀ ਹੱਦ ਤੈਅ ਕਰਨਾ ਵੀ ਜ਼ਰੂਰੀ ਹੈ। ਵਰਕ ਪਲੇਸ 'ਤੇ ਅਲੱਗ-ਅਲੱਗ ਸੁਭਾਅ ਦੇ ਲੋਕਾਂ ਨਾਲ ਕੰਮ ਕਰਨਾ ਪੈਂਦਾ ਹੈ। ਅਜਿਹੇ ਵਿਚ ਕਈ ਵਾਰ ਲੋੜ ਤੋਂ ਜ਼ਿਆਦਾ ਭਰੋਸਾ ਜਾਂ ਆਪਣੀਆਂ ਨਿੱਜੀ ਗੱਲਾਂ ਸਾਂਝੀਆਂ ਕਰਨਾ ਪਰੇਸ਼ਾਨੀ ਦਾ ਕਾਰਨ ਬਣ ਸਕਦਾ ਹੈ।

ਆਚਾਰੀਆ ਚਾਣਕਿਆ ਨੇ ਆਪਣੀਆਂ ਨੀਤੀਆਂ 'ਚ ਵਿਅਕਤੀ ਨੂੰ ਵਿਵਹਾਰ, ਗੋਪਨੀਅਤਾ ਤੇ ਸਾਵਧਾਨੀ ਨਾਲ ਜੁੜੀਆਂ ਕਈ ਗੱਲਾਂ ਦੱਸੀਆਂ ਹਨ। ਇਨ੍ਹਾਂ ਹੀ ਨੀਤੀਆਂ ਨੂੰ ਵਰਕਪਲੇਸ 'ਤੇ ਵੀ ਪਾਲਿਟਿਕਸ ਤੋਂ ਬਚਣ ਲਈ ਅਪਣਾਇਆ ਜਾ ਸਕਦਾ ਹੈ। ਆਓ ਜਾਣਦੇ ਹਾਂ ਚਾਣਕਿਆ ਦੀਆਂ ਅਜਿਹੀਆਂ 5 ਨੀਤੀਆਂ, ਜੋ ਆਫਿਸ 'ਚ ਦੂਜਿਆਂ ਵੱਲੋਂ ਖੁਦ ਦਾ ਅਣਉੱਚਿਤ ਲਾਭ ਉਠਾਉਣ ਤੋਂ ਬਚਣ 'ਚ ਤੁਹਾਡੀ ਮਦਦ ਕਰ ਸਕਦੀਆਂ ਹਨ।

ਆਪਣੀਆਂ ਕਮਜ਼ੋਰੀਆਂ ਹਰ ਕਿਸੇ ਨੂੰ ਨਾ ਦੱਸੋ

ਚਾਣਕਿਆ ਨੀਤੀ 'ਚ ਆਪਣੀਆਂ ਕਮਜ਼ੋਰੀਆਂ ਨੂੰ ਹਰ ਵਿਅਕਤੀ ਸਾਹਮਣੇ ਜ਼ਾਹਿਰ ਕਰਨ ਤੋਂ ਸਾਵਧਾਨ ਕੀਤਾ ਗਿਆ ਹੈ। ਦਫ਼ਤਰ 'ਚ ਵੀ ਆਪਣੀਆਂ ਨਿੱਜੀ ਪਰੇਸ਼ਾਨੀਆਂ, ਡਰ ਜਾਂ ਅਜਿਹੀਆਂ ਗੱਲਾਂ ਹਰ ਸਹਿਕਰਮੀ ਨਾਲ ਸਾਂਝੀਆਂ ਕਰਨ ਤੋਂ ਬਚਣਾ ਚਾਹੀਦਾ ਹੈ, ਜਿਨ੍ਹਾਂ ਦਾ ਕੋਈ ਗਲਤ ਇਸਤੇਮਾਲ ਕਰ ਸਕਦਾ ਹੈ। ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਜ਼ਰੂਰਤ ਪੈਣ 'ਤੇ ਕਿਸੇ ਤੋਂ ਮਦਦ ਨਾ ਲਓ। ਪਰ ਆਪਣੀ ਨਿੱਜੀ ਜਾਣਕਾਰੀ ਕੇਵਲ ਭਰੋਸੇਮੰਦ ਵਿਅਕਤੀ ਜਾਂ ਉਚਿਤ ਮਾਧਿਅਮ ਨਾਲ ਹੀ ਸਾਂਝੀ ਕਰਨਾ ਬਿਹਤਰ ਹੁੰਦਾ ਹੈ।

ਜ਼ਰੂਰਤ ਤੋਂ ਜਿਆਦਾ ਸਿੱਧੇ ਨਾ ਬਣੋ

ਚਾਣਕਿਆ ਦੀਆਂ ਨੀਤੀਆਂ 'ਚ ਬਹੁਤ ਜ਼ਿਆਦਾ ਸਰਲ ਤੇ ਸਿੱਧੇ ਸੁਭਾਅ ਨੂੰ ਲੈ ਕੇ ਸਾਵਧਾਨੀ ਵਰਤਣ ਦੀ ਗੱਲ ਕਹੀ ਗਈ ਹੈ। ਅਕਸਰ ਬਹੁਤ ਜਿਆਦਾ ਝੁਕਣ ਜਾਂ ਹਰ ਗੱਲ ਮੰਨ ਲੈਣ ਵਾਲੇ ਵਿਅਕਤੀ ਦੀਆਂ ਹੱਦਾਂ ਨੂੰ ਦੂਜੇ ਲੋਕ ਆਸਾਨੀ ਨਾਲ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਦਫ਼ਤਰ 'ਚ ਨਿਮਰ ਰਹਿਣਾ ਚੰਗੀ ਗੱਲ ਹੈ, ਪਰ ਗਲਤ ਗੱਲ 'ਤੇ ਆਪਣੀ ਸੀਮਾ ਤੈਅ ਕਰਨਾ ਵੀ ਜ਼ਰੂਰੀ ਹੈ। ਕਿਸੇ ਸਹਿਕਰਮੀ ਦੀ ਅਨੁਚਿਤ ਮੰਗ ਨੂੰ ਕੇਵਲ ਉਸਨੂੰ ਖੁਸ਼ ਕਰਨ ਲਈ ਸਵੀਕਾਰ ਨਾ ਕਰੋ।

ਆਪਣੀ ਹਰ ਯੋਜਨਾ ਕਿਸੇ ਨੂੰ ਨਾ ਦੱਸੋ

ਆਫਿਸ 'ਚ ਆਪਣੀਆਂ ਭਵਿੱਖ ਦੀਆਂ ਯੋਜਨਾਵਾਂ, ਰਣਨੀਤੀ ਜਾਂ ਕਿਸੇ ਮਹੱਤਵਪੂਰਨ ਪ੍ਰੋਜੈਕਟ ਨਾਲ ਜੁੜੀ ਜਾਣਕਾਰੀ ਹਰ ਵਿਅਕਤੀ ਨਾਲ ਸਾਂਝੀ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਚਾਣਕਿਆ ਨੀਤੀ 'ਚ ਆਪਣੇ ਭੇਦਾਂ ਨੂੰ ਸੁਰੱਖਿਅਤ ਰੱਖਣ 'ਤੇ ਜ਼ੋਰ ਦਿੱਤਾ ਗਿਆ ਹੈ। ਜੇਕਰ ਕੋਈ ਯੋਜਨਾ ਅਜੇ ਪੂਰੀ ਨਹੀਂ ਹੋਈ ਹੈ ਤਾਂ ਉਸਦੇ ਬਾਰੇ ਲੋੜ ਤੋਂ ਵੱਧ ਚਰਚਾ ਕਰਨ ਦੀ ਬਜਾਏ ਆਪਣੇ ਕੰਮ 'ਤੇ ਧਿਆਨ ਦੇਣਾ ਬਿਹਤਰ ਹੈ। ਅਧਿਕਾਰਤ ਜਾਂ ਜਰੂਰੀ ਜਾਣਕਾਰੀ ਸੰਬੰਧਿਤ ਲੋਕਾਂ ਨਾਲ ਹੀ ਸਾਂਝੀ ਕਰੋ।

ਚੁੱਪਚਾਪ ਮਿਹਨਤ ਕਰੋ ਤੇ ਨਤੀਜੇ 'ਤੇ ਧਿਆਨ ਦਿਓ

ਆਪਣੀ ਮਿਹਨਤ ਬਾਰੇ ਵਾਰ-ਵਾਰ ਚਰਚਾ ਕਰਨ ਦੀ ਬਜਾਏ ਆਪਣੇ ਕੰਮ ਨੂੰ ਮਜਬੂਤ ਕਰਨਾ ਜ਼ਿਆਦਾ ਮਹੱਤਵਪੂਰਨ ਹੈ। ਚਾਣਕਿਆ ਦੀਆਂ ਨੀਤੀਆਂ ਨਾਲ ਜੁੜੀ ਸਿੱਖ ਇਹ ਹੈ ਕਿ ਵਿਅਕਤੀ ਨੂੰ ਆਪਣੇ ਕੰਮ ਅਤੇ ਟੀਚੇ 'ਤੇ ਧਿਆਨ ਦੇਣਾ ਚਾਹੀਦਾ ਹੈ। ਆਫਿਸ 'ਚ ਕਿਸੇ ਨਵੇਂ ਆਈਡੀਆ ਜਾਂ ਯੋਜਨਾ ਦੀ ਜਾਣਕਾਰੀ ਹਰ ਕਿਸੇ ਨੂੰ ਦੇਣ ਦੀ ਬਜਾਏ ਸਹੀ ਸਮੇਂ 'ਤੇ ਉਸਦਾ ਨਤੀਜਾ ਸਾਹਮਣੇ ਰੱਖਣਾ ਤੁਹਾਡੇ ਕੰਮ ਨੂੰ ਬਿਹਤਰ ਤਰੀਕੇ ਨਾਲ ਪੇਸ਼ ਕਰ ਸਕਦਾ ਹੈ। ਨਾਲ ਹੀ ਆਪਣੇ ਕੰਮ ਦਾ ਰਿਕਾਰਡ ਅਤੇ ਜਰੂਰੀ ਦਸਤਾਵੇਜ਼ ਸੁਰੱਖਿਅਤ ਰੱਖਣਾ ਵੀ ਉਪਯੋਗੀ ਹੁੰਦਾ ਹੈ।

ਚਾਲਾਕ ਤੇ ਨਕਾਰਾਤਮਕ ਲੋਕਾਂ ਤੋਂ ਦੂਰੀ ਰੱਖੋ

ਆਫਿਸ 'ਚ ਹਰ ਵਿਅਕਤੀ ਨਾਲ ਚੰਗੇ ਸੰਬੰਧ ਰੱਖਣਾ ਜ਼ਰੂਰੀ ਨਹੀਂ ਹੈ। ਜੇਕਰ ਕੋਈ ਵਿਅਕਤੀ ਵਾਰ-ਵਾਰ ਤੁਹਾਡੀਆਂ ਨਿੱਜੀ ਗੱਲਾਂ ਨੂੰ ਦੂਜਿਆਂ ਤਕ ਪਹੁੰਚਾਉਂਦਾ ਹੈ, ਤੁਹਾਡੇ ਕੰਮ 'ਚ ਰੁਕਾਵਟ ਪਾਉਂਦਾ ਹੈ ਜਾਂ ਤੁਹਾਨੂੰ ਗਲਤ ਸਥਿਤੀ 'ਚ ਧੱਕਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਸਦੇ ਨਾਲ ਉਚਿਤ ਦੂਰੀ ਰੱਖਣਾ ਸਮਝਦਾਰੀ ਹੈ।