Numerology Tips : ਪਾਪਾ ਦੀਆਂ ਅੱਖਾਂ ਦਾ ਤਾਰਾ ਹੁੰਦੇ ਹਨ ਇਨ੍ਹਾਂ 2 ਮੁਲਾਂਕ ਦੇ ਬੇਟੇ, ਕੀ ਤੁਸੀਂ ਵੀ ਹੋ ਇਸ ਵਿਚ ਸ਼ਾਮਲ?

ਧਰਮ ਡੈਸਕ, ਨਵੀਂ ਦਿੱਲੀ : ਸਨਾਤਨ ਧਰਮ 'ਚ ਅੰਕ ਸ਼ਾਸਤਰ ਦਾ ਬਹੁਤ ਖਾਸ ਮਹੱਤਵ ਹੈ। ਇਸ ਵਿਚ ਹਰ ਮੁਲਾਂਕ ਦੀ ਖਾਸੀਅਤ ਬਾਰੇ ਦੱਸਿਆ ਗਿਆ ਹੈ। ਵਿਅਕਤੀ ਦੇ ਮੂਲਾਂਕ ਤੋਂ ਉਸਦੀ ਸ਼ਖਸੀਅਤ, ਉਸਦੀ ਸੋਚ, ਵਿਵਹਾਰ ਅਤੇ ਕਰੀਅਰ ਬਾਰੇ ਜਾਣਕਾਰੀ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।

ਅੰਕ ਸ਼ਾਸਤਰ ਮੁਤਾਬਕ, ਮਾਤਾ-ਪਿਤਾ ਅਤੇ ਬੱਚਿਆਂ ਦੇ ਵਿਚਕਾਰ ਰਿਸ਼ਤੇ 'ਚ ਮੁਲਾਂਕ ਦੀ ਬਹੁਤ ਹੀ ਖਾਸ ਭੂਮਿਕਾ ਹੁੰਦੀ ਹੈ। 2 ਮੁਲਾਂਕ ਅਜਿਹੇ ਹਨ, ਜੋ ਆਪਣੇ ਪਿਤਾ ਦੇ ਲਾਡਲੇ ਹੁੰਦੇ ਹਨ ਤਾਂ ਅਜਿਹੇ 'ਚ ਆਓ ਇਸ ਆਰਟੀਕਲ ਵਿੱਚ ਤੁਹਾਨੂੰ ਦੱਸਦੇ ਹਾਂ ਕਿ ਕਿਹੜੇ 2 ਮੁਲਾਂਕ ਦੇ ਬੇਟੇ ਆਪਣੇ ਪਾਪਾ ਦੀਆਂ ਅੱਖਾਂ ਦਾ ਤਾਰਾ ਹੁੰਦੇ ਹਨ।

1. ਮੁਲਾਂਕ 3

ਅੰਕ ਸ਼ਾਸਤਰ ਅਨੁਸਾਰ, ਜਿਨ੍ਹਾਂ ਲੋਕਾਂ ਦਾ ਜਨਮ ਮਹੀਨੇ ਦੀ 3, 12, 21 ਜਾਂ 30 ਤਾਰੀਖ ਨੂੰ ਹੋਇਆ ਹੋਵੇ, ਉਨ੍ਹਾਂ ਦਾ ਮੁਲਾਂਕ 3 ਹੁੰਦਾ ਹੈ। ਇਸ ਮੁਲਾਂਕ ਦੇ ਲੋਕਾਂ 'ਤੇ ਦੇਵਗੁਰੂ ਬ੍ਰਹਿਸਪਤੀ ਦਾ ਪ੍ਰਭਾਵ ਹੁੰਦਾ ਹੈ ਕਿਉਂਕਿ ਮੁਲਾਂਕ 3 ਦੇ ਸੁਆਮੀ ਦੇਵਗੁਰੂ ਬ੍ਰਹਿਸਪਤੀ ਹਨ।

ਇਸ ਮੁਲਾਂਕ ਦੇ ਬੇਟੇ ਆਗਿਆਕਾਰੀ ਤੇ ਸੰਸਕਾਰੀ ਹੁੰਦੇ ਹਨ ਅਤੇ ਆਪਣੇ ਪਾਪਾ ਦੀ ਹਰੇਕ ਗੱਲ ਨੂੰ ਮੰਨਦੇ ਹਨ। ਇਹ ਜੀਵਨ ਵਿਚ ਵਧੇਰੇ ਮਿਹਨਤ ਕਰਦੇ ਹਨ, ਜਿਸ ਦੀ ਵਜ੍ਹਾ ਕਰਕੇ ਸਮਾਜ ਵਿਚ ਇਨ੍ਹਾਂ ਦੀ ਖੂਬ ਤਾਰੀਫ਼ ਹੁੰਦੀ ਹੈ। ਦੇਵਗੁਰੂ ਬ੍ਰਹਿਸਪਤੀ ਦੇ ਪ੍ਰਭਾਵ ਦੀ ਵਜ੍ਹਾ ਕਰਕੇ ਇਹ ਮਾਣ-ਮਰਿਆਦਾ ਦਾ ਪਾਲਣ ਕਰਦੇ ਹਨ। ਨਾਲ ਹੀ ਇਨ੍ਹਾਂ ਨੂੰ ਐਸ਼ੋ-ਆਰਾਮ ਅਤੇ ਆਰਥਿਕ ਸਥਿਰਤਾ ਦੀ ਪ੍ਰਾਪਤੀ ਹੁੰਦੀ ਹੈ।

2. ਮੁਲਾਂਕ 6

ਜਿਨ੍ਹਾਂ ਲੋਕਾਂ ਦਾ ਜਨਮ ਮਹੀਨੇ ਦੀ 6, 15 ਜਾਂ 24 ਤਾਰੀਖ ਨੂੰ ਹੋਇਆ ਹੋਵੇ, ਉਨ੍ਹਾਂ ਦਾ ਮੁਲਾਂਕ 6 ਹੁੰਦਾ है। ਇਸ ਮੁਲਾਂਕ ਦੇ ਸੁਆਮੀ ਸ਼ੁੱਕਰ ਹਨ। ਜੋਤਿਸ਼ ਸ਼ਾਸਤਰ 'ਚ ਸ਼ੁੱਕਰਦੇਵ ਨੂੰ ਪ੍ਰੇਮ, ਸੁੰਦਰਤਾ, ਵਿਲਾਸਤਾ ਅਤੇ ਭੌਤਿਕ ਸੁੱਖ-ਸਹੂਲਤਾਂ ਦਾ ਕਾਰਕ ਗ੍ਰਹਿ ਮੰਨਿਆ ਗਿਆ ਹੈ। ਇਸ ਲਈ ਮੁਲਾਂਕ 6 ਵਾਲਿਆਂ 'ਤੇ ਸ਼ੁੱਕਰਦੇਵ ਦੀ ਕਿਰਪਾ ਬਰਸਦੀ ਹੈ।

ਇਸ ਮੁਲਾਂਕ ਦੇ ਬੇਟਿਆਂ ਦਾ ਪਿਤਾ ਨਾਲ ਵਧੇਰੇ ਲਗਾਵ ਹੁੰਦਾ ਹੈ ਅਤੇ ਉਹ ਪਿਤਾ ਦੀਆਂ ਸਾਰੀਆਂ ਗੱਲਾਂ ਨੂੰ ਆਸਾਨੀ ਨਾਲ ਸਮਝ ਲੈਂਦੇ ਹਨ। ਇਹ ਆਪਣੇ ਮਾਤਾ-ਪਿਤਾ ਨੂੰ ਜੀਵਨ ਵਿਚ ਕੋਈ ਵੀ ਕਮੀ ਨਹੀਂ ਹੋਣ ਦਿੰਦੇ। ਜਿਨ੍ਹਾਂ ਲੋਕਾਂ ਦਾ ਮੁਲਾਂਕ 6 ਹੁੰਦਾ ਹੈ, ਉਹ ਲੋਕ ਘਰ ਵਿਚ ਹਮੇਸ਼ਾ ਖੁਸ਼ੀ ਦਾ ਮਾਹੌਲ ਬਣਾ ਕੇ ਰੱਖਦੇ ਹਨ। ਚੰਗਾ ਸੁਭਾਅ ਹੋਣ ਕਰਕੇ ਇਹ ਪਿਤਾ ਦੇ ਸਭ ਤੋਂ ਲਾਡਲੇ ਬਣਦੇ ਹਨ।

ਜ਼ਰੂਰ ਕਰੋ ਇਹ ਉਪਾਅ

ਮੁਲਾਂਕ 3 ਵਾਲੇ ਵੀਰਵਾਰ ਦੇ ਦਿਨ ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਭਗਵਾਨ ਵਿਸ਼ਨੂੰ ਦੀ ਪੂਜਾ-ਅਰਚਨਾ ਕਰਨ। ਇਸ ਤੋਂ ਬਾਅਦ ਮੰਦਰ ਵਿਚ ਜਾਂ ਗਰੀਬ ਲੋਕਾਂ ਨੂੰ ਪੀਲੇ ਫਲ ਜਾਂ ਪੀਲੇ ਕੱਪੜਿਆਂ ਦਾ ਦਾਨ ਕਰਨ। ਅਜਿਹੇ ਮੰਨਿਆ ਜਾਂਦਾ ਹੈ ਕਿ ਇਸ ਉਪਾਅ ਨੂੰ ਕਰਨ ਨਾਲ ਸਾਧਕ ਨੂੰ ਸ਼ੁਭ ਫਲ ਦੀ ਪ੍ਰਾਪਤੀ ਹੁੰਦੀ ਹੈ।

ਮੁਲਾਂਕ 6 ਵਾਲੇ ਸ਼ੁੱਕਰਵਾਰ ਦੇ ਦਿਨ ਪੂਜਾ-ਅਰਚਨਾ ਕਰਨ ਤੋਂ ਬਾਅਦ ਚੌਲ, ਖੰਡ, ਦੁੱਧ, ਦਹੀਂ ਸਮੇਤ ਆਦਿ ਚੀਜ਼ਾਂ ਦਾ ਦਾਨ ਜ਼ਰੂਰ ਕਰਨ।