Ank Jyotish : ਇਸ ਮੁਲਾਂਕ ਦੇ ਲੋਕਾਂ ਨੂੰ ਪਹਿਲਾਂ ਹੀ ਮਿਲ ਜਾਂਦੇ ਹਨ ਭਵਿੱਖ ਦੇ ਸੰਕੇਤ, ਆਉਣ ਵਾਲੀ ਘਟਨਾ ਦਾ ਹੋ ਜਾਂਦਾ ਹੈ ਆਭਾਸ

ਧਰਮ ਡੈਸਕ, ਨਵੀਂ ਦਿੱਲੀ: ਭਵਿੱਖ ਵਿਚ ਕੀ ਹੋਣ ਵਾਲਾ ਹੈ ਇਸ ਦੇ ਸੰਕੇਤ ਪਹਿਲਾਂ ਹੀ ਮਿਲ ਜਾਣ, ਤਾਂ ਸਭ ਦਾ ਜੀਵਨ ਆਸਾਨ ਹੋ ਜਾਵੇ, ਪਰ ਇਹ ਸੰਭਵ ਨਹੀਂ ਹੈ। ਹਾਲਾਂਕਿ, ਅੰਕ ਜੋਤਿਸ਼ 'ਚ ਕੁਝ ਅਜਿਹੇ ਮੁਲਾਂਕਾਂ ਬਾਰੇ ਦੱਸਿਆ ਗਿਆ ਹੈ, ਜਿਨ੍ਹਾਂ ਨੂੰ ਭਵਿੱਖ ਵਿਚ ਹੋਣ ਵਾਲੀਆਂ ਘਟਨਾਵਾਂ ਬਾਰੇ ਪਹਿਲਾਂ ਤੋਂ ਹੀ ਅੰਦੇਸ਼ਾ ਹੋ ਜਾਂਦਾ ਹੈ। ਮੁਲਾਂਕ 7 ਵਾਲੇ ਅਜਿਹੇ ਹੀ ਹੁੰਦੇ ਹਨ। ਅੰਕ ਜੋਤਿਸ਼ ਅਨੁਸਾਰ, ਇਸ ਮੁਲਾਂਕ ਨਾਲ ਜੁੜੇ ਲੋਕਾਂ ਦੀ ਇਨਟਿਊਸ਼ਨ ਕਾਫ਼ੀ ਮਜ਼ਬੂਤ ਹੁੰਦਾੀ ਹੈ। ਕਈ ਵਾਰ ਇਨ੍ਹਾਂ ਨੂੰ ਕਿਸੇ ਘਟਨਾ ਦੇ ਹੋਣ ਤੋਂ ਪਹਿਲਾਂ ਹੀ ਉਸ ਦਾ ਆਭਾਸ ਹੋਣ ਲੱਗਦਾ ਹੈ। ਚਲੋ ਇਸ ਅੰਕ ਵਾਲੇ ਲੋਕਾਂ ਦੀਆਂ ਖ਼ਾਸੀਅਤਾਂ ਬਾਰੇ ਜਾਣਦੇ ਹਾਂ।

ਮੁਲਾਂਕ 7 ਦੇ ਸੁਆਮੀ ਹਨ ਕੇਤੂ

ਅੰਕ ਜੋਤਿਸ਼ ਦੇ ਅਨੁਸਾਰ ਮੁਲਾਂਕ 7 ਦਾ ਸੁਆਮੀ ਕੇਤੂ ਗ੍ਰਹਿ ਹੁੰਦਾ ਹੈ। ਕੇਤੂ ਦਾ ਸਬੰਧ ਅਧਿਆਤਮਿਕਤਾ, ਰਹੱਸ, ਵੈਰਾਗ ਤੇ ਅੰਤਰਗਿਆਨ ਨਾਲ ਜੋੜਿਆ ਜਾਂਦਾ ਹੈ। ਇਹੋ ਵਜ੍ਹਾ ਹੈ ਕਿ ਮੁਲਾਂਕ 7 ਦੇ ਲੋਕ ਆਮ ਲੋਕਾਂ ਦੀ ਤੁਲਨਾ 'ਚ ਵਧੇਰੇ ਸੰਵੇਦਨਸ਼ੀਲ ਅਤੇ ਡੂੰਘੀ ਸੋਚ ਰੱਖਣ ਵਾਲੇ ਹੁੰਦੇ ਹਨ। ਇਹ ਲੋਕ ਛੋਟੀਆਂ-ਛੋਟੀਆਂ ਗੱਲਾਂ ਨੂੰ ਵੀ ਧਿਆਨ ਨਾਲ ਸਮਝਣ ਦੀ ਕੋਸ਼ਿਸ਼ ਕਰਦੇ ਹਨ। ਕਈ ਵਾਰ ਸਾਹਮਣੇ ਵਾਲਾ ਵਿਅਕਤੀ ਕੁਝ ਕਹੇ ਉਸ ਤੋਂ ਪਹਿਲਾਂ ਹੀ ਉਸ ਦੇ ਮਨ ਦੀ ਸਥਿਤੀ ਨੂੰ ਭਾਂਪ ਲੈਂਦੇ ਹਨ।

ਛੇਵੀਂ ਇੰਦਰੀ ਹੁੰਦੀ ਹੈ ਤੇਜ਼

ਮੁਲਾਂਕ 7 ਵਾਲਿਆਂ ਬਾਰੇ ਸਭ ਤੋਂ ਖ਼ਾਸ ਗੱਲ ਉਨ੍ਹਾਂ ਦੀ ਛੇਵੀਂ ਇੰਦਰੀ ਯਾਨੀ ਸਿਕਸਥ ਸੈਂਸ ਨੂੰ ਮੰਨਿਆ ਜਾਂਦਾ ਹੈ। ਅੰਕ ਜੋਤਿਸ਼ ਅਨੁਸਾਰ, ਇਨ੍ਹਾਂ ਲੋਕਾਂ ਨੂੰ ਕਈ ਵਾਰ ਅਜਿਹੀਆਂ ਚੀਜ਼ਾਂ ਦਾ ਅੰਦਾਜ਼ਾ ਪਹਿਲਾਂ ਹੋ ਜਾਂਦਾ ਹੈ ਜਿਨ੍ਹਾਂ ਬਾਰੇ ਇਨ੍ਹਾਂ ਨੂੰ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਹੁੰਦੀ। ਉਦਾਹਰਨ ਲਈ, ਕਿਸੇ ਵਿਅਕਤੀ ਨੂੰ ਮਿਲਣ ਤੋਂ ਪਹਿਲਾਂ ਹੀ ਇਨ੍ਹਾਂ ਨੂੰ ਉਸ ਦੇ ਵਿਵਹਾਰ ਨੂੰ ਲੈ ਕੇ ਫੀਲਿੰਗ ਆਉਣ ਲੱਗਦੀ ਹੈ ਕਿ ਉਹ ਗੱਲਬਾਤ 'ਚ ਕਿਹੋ ਜਿਹਾ ਹੋ ਸਕਦਾ ਹੈ। ਜਾਂ ਫਿਰ ਕਿਸੇ ਘਟਨਾ ਨੂੰ ਲੈ ਕੇ ਅਚਾਨਕ ਮਨ ਵਿਚ ਅਜੀਬ ਜਿਹੀ ਭਾਵਨਾ ਪੈਦਾ ਹੋ ਸਕਦੀ ਹੈ। ਬਾਅਦ 'ਚ ਜਦੋਂ ਉਹੀ ਘਟਨਾ ਹੁੰਦੀ ਹੈ ਤਾਂ ਇਨ੍ਹਾਂ ਨੂੰ ਲੱਗਦਾ ਹੈ ਕਿ ਇਸ ਦਾ ਸੰਕੇਤ ਇਨ੍ਹਾਂ ਨੂੰ ਪਹਿਲਾਂ ਹੀ ਮਿਲ ਗਿਆ ਸੀ।

ਸੁਪਨਿਆਂ 'ਚ ਮਿਲਦੇ ਹਨ ਸੰਕੇਤ

ਮੁਲਾਂਕ 7 ਵਾਲਿਆਂ ਲਈ ਸੁਪਨੇ ਵੀ ਖ਼ਾਸ ਹੁੰਦੇ ਹਨ। ਅੰਕ ਜੋਤਿਸ਼ ਅਨੁਸਾਰ, ਇਨ੍ਹਾਂ ਲੋਕਾਂ ਨੂੰ ਕਈ ਵਾਰ ਸੁਪਨਿਆਂ ਦੇ ਮਾਧਿਅਮ ਨਾਲ ਕਿਸੇ ਘਟਨਾ ਜਾਂ ਪਰਿਸਥਿਤੀ ਦਾ ਸੰਕੇਤ ਮਿਲ ਜਾਂਦਾ ਹੈ। ਜ਼ਰੂਰੀ ਨਹੀਂ ਕਿ ਸੁਪਨਾ ਜਿਹਾ ਦਿਸ ਰਿਹਾ ਹੋਵੇ ਉਸੇ ਰੂਪ 'ਚ ਕੋਈ ਘਟਨਾ ਉਨ੍ਹਾਂ ਦੇ ਅੱਗੇ ਪੇਸ਼ ਹੋ ਜਾਵੇ। ਅਜਿਹਾ ਵੀ ਹੋ ਸਕਦਾ ਹੈ ਕਿ ਕੋਈ ਸੁਪਨਾ ਤੁਹਾਨੂੰ ਆਉਣ ਵਾਲੀ ਘਟਨਾ ਦਾ ਸੰਕੇਤ ਦੇ ਰਿਹਾ ਹੋਵੇ। ਇਸ ਲਈ ਮੁਲਾਂਕ 7 ਵਾਲੇ ਲੋਕ ਆਪਣੇ ਸੁਪਨਿਆਂ ਨੂੰ ਲੈ ਕੇ ਵਧੇਰੇ ਸਜਗ ਰਹਿੰਦੇ ਹਨ ਅਤੇ ਉਨ੍ਹਾਂ ਦੇ ਅਰਥ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਦੇ ਹਨ।

ਅਚਾਨਕ ਆਉਣ ਵਾਲੇ ਵਿਚਾਰ ਵੀ ਦਿੰਦੇ ਹਨ ਸੰਕੇਤ

ਇਨ੍ਹਾਂ ਲੋਕਾਂ ਨਾਲ ਅਜਿਹਾ ਵੀ ਮੰਨਿਆ ਜਾਂਦਾ ਹੈ ਕਿ ਕਿਸੇ ਘਟਨਾ ਨੂੰ ਲੈ ਕੇ ਅਚਾਨਕ ਇਨ੍ਹਾਂ ਦੇ ਮਨ ਵਿਚ ਕੋਈ ਵਿਚਾਰ ਆਉਂਦਾ ਹੈ। ਤੁਰੰਤ ਤਾਂ ਇਸ ਦਾ ਅਰਥ ਸਮਝ ਸਕਣਾ ਮੁਸ਼ਕਿਲ ਹੁੰਦਾ ਹੈ, ਪਰ ਜਦੋਂ ਪਰਿਸਥਿਤੀਆਂ ਵੈਸੀਆਂ ਹੀ ਬਣਦੀਆਂ ਹੋਈਆਂ ਦਿਖਾਈ ਦਿੰਦੀਆਂ ਹਨ, ਤਾਂ ਸਮਝ ਆਉਂਦਾ ਹੈ ਕਿ ਇਸ ਦਾ ਅਨੁਭਵ ਤਾਂ ਇਨ੍ਹਾਂ ਨੂੰ ਪਹਿਲਾਂ ਹੀ ਹੋ ਗਿਆ ਸੀ। ਇਸਲਈ ਮੁਲਾਂਕ 7 ਵਾਲਿਆਂ ਨੂੰ ਆਪਣੇ ਅੰਤਰਗਿਆਨ ਤੇ ਮਨ ਦੀ ਆਵਾਜ਼ ਲਈ ਖ਼ਾਸ ਮੰਨਿਆ ਜਾਂਦਾ ਹੈ।