Numerology : ਇਨ੍ਹਾਂ ਮੁਲਾਂਕਾਂ ਵਾਲੀ ਨਨਾਣ-ਭਰਜਾਈ ਦੀ ਜੋੜੀ ਹੁੰਦੀ ਹੈ ਬੈਸਟ, ਰਿਸ਼ਤੇ ’ਚ ਹਮੇਸ਼ਾ ਬਣਿਆ ਰਹਿੰਦਾ ਹੈ ਭੈਣਾਂ ਵਰਗਾ ਪਿਆਰ

ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਜੋਤਿਸ਼ ਮੁਤਾਬਕ ਸਾਰੇ ਮੁਲਾਂਕਾਂ ਦਾ ਆਪਣਾ ਵੱਖਰਾ ਸੁਭਾਅ ਹੁੰਦਾ ਹੈ, ਜੋ ਉਨ੍ਹਾਂ ਦੇ ਸੁਆਮੀ ਗ੍ਰਹਿ ਦੇ ਸੁਭਾਅ ’ਤੇ ਨਿਰਭਰ ਕਰਦਾ ਹੈ। ਸਾਰੇ ਮੁਲਾਂਕਾਂ ਵਾਲੇ ਲੋਕਾਂ 'ਚ ਕੋਈ ਨਾ ਕੋਈ ਖੂਬੀ ਹੁੰਦੀ ਹੈ ਅਤੇ ਕੋਈ ਕਮੀ ਵੀ ਜ਼ਰੂਰ ਹੁੰਦੀ ਹੈ। ਇਨ੍ਹਾਂ ’ਤੇ ਜੋ ਵੀ ਗ੍ਰਹਿ ਸ਼ਾਸਨ ਕਰਦਾ ਹੈ, ਉਹ ਉਨ੍ਹਾਂ ਦੀ ਸ਼ਖ਼ਸੀਅਤ 'ਚ ਵੱਡੇ ਬਦਲਾਅ ਦਾ ਕਾਰਨ ਬਣਦਾ ਹੈ।

ਇਸੇ ਤਰ੍ਹਾਂ ਕਿਸੇ ਵੀ ਪਰਿਵਾਰ ਦੇ ਲੋਕਾਂ ਵਿਚਕਾਰ ਪਿਆਰ, ਭਰੋਸੇ ਤੇ ਸਮਝ ’ਤੇ ਹੀ ਕੋਈ ਰਿਸ਼ਤਾ ਟਿਕਿਆ ਹੁੰਦਾ ਹੈ। ਅੰਕ ਜੋਤਿਸ਼ ਤੋਂ ਪਤਾ ਲੱਗਦਾ ਹੈ ਕਿ ਜਨਮ ਨੰਬਰ ਪਰਿਵਾਰ ਦੇ ਮੈਂਬਰਾਂ ਵਿਚਕਾਰ ਰਿਸ਼ਤੇ ’ਤੇ ਵੀ ਅਸਰ ਪਾ ਸਕਦੀ ਹੈ। ਜਨਮ ਨੰਬਰ ਦੀ ਅਨੁਕੂਲਤਾ ਕਿਸੇ ਵੀ ਰਿਸ਼ਤੇ ਨੂੰ ਮਜ਼ਬੂਤ ਬਣਾਉਂਦੀ ਹੈ।

ਜਿਸ ਤਰ੍ਹਾਂ ਸੱਸ-ਨੂੰਹ ਦੇ ਰੂਪ 'ਚ ਕੁਝ ਮੁਲਾਂਕਾਂ ਵਾਲੇ ਲੋਕਾਂ ਦੀ ਜੋੜੀ ਨੂੰ ਬੈਸਟ ਮੰਨਿਆ ਜਾਂਦਾ ਹੈ, ਉਸੇ ਤਰ੍ਹਾਂ ਕੁਝ ਅਜਿਹੇ ਮੁਲਾਂਕ ਵੀ ਹਨ ਜੋ ਨਨਾਣ-ਭਰਜਾਈ ਦੇ ਰਿਸ਼ਤੇ ਲਈ ਬੈਸਟ ਮੰਨੇ ਜਾਂਦੇ ਹਨ। ਆਓ ਤੁਹਾਨੂੰ ਉਨ੍ਹਾਂ ਬਾਰੇ ਦੱਸਦੇ ਹਾਂ।

ਕਿਸੇ ਵਿਅਕਤੀ ਦਾ ਮੁਲਾਂਕ ਕੀ ਹੁੰਦਾ ਹੈ?

ਅੰਕ ਜੋਤਿਸ਼ 'ਚ ਮੁਲਾਂਕ ਉਸ ਤਰੀਕ ਤੋਂ ਤੈਅ ਹੁੰਦਾ ਹੈ ਜਿਸ ਦਿਨ ਕਿਸੇ ਵਿਅਕਤੀ ਦਾ ਜਨਮ ਹੋਇਆ ਹੋਵੇ। ਉਦਾਹਰਨ ਲਈ ਜੇ ਤੁਹਾਡੀ ਜਨਮ ਤਰੀਕ ਇਕ ਅੰਕ ਵਾਲੀ ਹੈ ਤਾਂ ਉਹੀ ਨੰਬਰ ਤੁਹਾਡੀ ਜਨਮ ਨੰਬਰ ਬਣ ਜਾਂਦਾ ਹੈ। ਜੇ ਨੰਬਰ ਦੋ ਅੰਕਾਂ ਵਾਲਾ ਹੈ ਤਾਂ ਅੰਕਾਂ ਨੂੰ ਉਦੋਂ ਤਕ ਜੋੜਿਆ ਜਾਂਦਾ ਹੈ, ਜਦੋਂ ਤਕ ਇਕ ਅੰਕ ਵਾਲੀ ਸੰਖਿਆ (1 ਤੋਂ 9) ਨਾ ਮਿਲ ਜਾਵੇ। ਉਦਾਹਰਨ ਲਈ 29 ਤਰੀਕ ਨੂੰ ਜਨਮੇ ਵਿਅਕਤੀ ਦਾ ਮੁਲਾਂਕ (2+9=11, 1+1=2) ਹੋਵੇਗਾ।

ਕਿਹੜੇ ਮੁਲਾਂਕ ਨਨਾਣ-ਭਰਜਾਈ ਦੇ ਰਿਸ਼ਤੇ ਲਈ ਬੈਸਟ ਹਨ?

ਅਕਸਰ ਦੇਖਿਆ ਜਾਂਦਾ ਹੈ ਕਿ ਨਨਾਣ ਤੇ ਭਰਜਾਈ ਵਿਚਕਾਰ ਆਪਸੀ ਨੋਕ-ਝੋਂਕ ਬਣੀ ਰਹਿੰਦੀ ਹੈ, ਪਰ ਕੁਝ ਅਜਿਹੇ ਮੁਲਾਂਕ ਵਾਲੇ ਲੋਕ ਵੀ ਹਨ ਜੋ ਇਸ ਰਿਸ਼ਤੇ ਲਈ ਪਰਫੈਕਟ ਜੋੜੀ ਬਣਾਉਂਦੇ ਹਨ। ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ-

ਮੁਲਾਂਕ 2 ਤੇ ਮੁਲਾਂਕ 6

ਮੁਲਾਂਕ 2 ਦਾ ਸੁਆਮੀ ਚੰਦਰਮਾ ਹੈ ਤੇ ਮੁਲਾਂਕ 6 ਦਾ ਸਵਾਮੀ ਸ਼ੁੱਕਰ ਗ੍ਰਹਿ ਹੈ। ਮੁਲਾਂਕ 2 ਨੂੰ ਸਹਿਜ ਗਿਆਨ, ਦੇਖਭਾਲ ਤੇ ਨਰਮੀ ਵਾਲਾ ਅੰਕ ਮੰਨਿਆ ਜਾਂਦਾ ਹੈ, ਜਦਕਿ ਮੁਲਾਂਕ 6 ਵਿਚ ਆਪਣਾਪਣ, ਪਰਿਵਾਰ 'ਚ ਤਾਲਮੇਲ ਅਤੇ ਸਨੇਹ ਬਣਾਈ ਰੱਖਣ ਵਾਲੇ ਗੁਣ ਮਿਲਦੇ ਹਨ।

ਨਨਾਣ ਤੇ ਭਰਜਾਈ ਦੇ ਰੂਪ 'ਚ ਇਨ੍ਹਾਂ ਦੋਵਾਂ ਦੀ ਜੋੜੀ ਬੈਸਟ ਹੁੰਦੀ ਹੈ, ਕਿਉਂਕਿ ਦੋਵੇਂ ਮਿਲ ਕੇ ਇਕ ਆਰਾਮਦਾਇਕ ਮਾਹੌਲ ਬਣਾਉਂਦੀਆਂ ਹਨ। ਇਹ ਦੋਵੇਂ ਮੁਲਾਂਕਾਂ ਵਾਲੀਆਂ ਔਰਤਾਂ ਹਮੇਸ਼ਾ ਇੱਕ-ਦੂਜੇ ਦੀਆਂ ਭਾਵਨਾਵਾਂ ਦੀ ਕਦਰ ਕਰਦੀਆਂ ਹਨ ਤੇ ਮਿਲ ਕੇ ਪਰਿਵਾਰ ਦੇ ਮਾਹੌਲ ਨੂੰ ਬਿਹਤਰ ਬਣਾਉਂਦੀਆਂ ਹਨ।

ਮੁਲਾਂਕ 3 ਤੇ ਮੁਲਾਂਕ 5

ਮੁਲਾਂਕ 3 ਦੀਆਂ ਔਰਤਾਂ ਦਾ ਸੁਆਮੀ ਗੁਰੂ ਹੈ ਤੇ ਮੁਲਾਂਕ 5 ਦਾ ਸੁਆਮੀ ਬੁੱਧ ਹੈ। ਇਹ ਦੋਵੇਂ ਮੁਲਾਂਕ ਆਪਸ 'ਚ ਚੰਗਾ ਬਾਂਡ ਦਿਖਾਉਂਦੇ ਹਨ ਅਤੇ ਗੱਲ-ਗੱਲ ’ਤੇ ਬਹਿਸ ਕਰਨ ਦੀ ਬਜਾਏ ਨਨਾਣ-ਭਰਜਾਈ ਦੇ ਰਿਸ਼ਤੇ ਲਈ ਸਭ ਤੋਂ ਚੰਗੇ ਮੰਨੇ ਜਾਂਦੇ ਹਨ।

ਇਹ ਦੋਵੇਂ ਔਰਤਾਂ ਭਾਵਨਾਤਮਕ ਤੌਰ ’ਤੇ ਇੱਕ-ਦੂਜੇ ਨੂੰ ਸੁਰੱਖਿਅਤ ਮਹਿਸੂਸ ਕਰਵਾਉਂਦੀਆਂ ਹਨ ਅਤੇ ਇਕ-ਦੂਜੇ ਨੂੰ ਡੂੰਘਾਈ ਨਾਲ ਸਮਝਦੀਆਂ ਹਨ। ਮੁਲਾਂਕ 3 ਤੇ ਮੁਲਾਂਕ 5 ਦੀ ਜੋੜੀ ਨਣਦ ਅਤੇ ਭਰਜਾਈ ਦੇ ਰਿਸ਼ਤੇ ਵਜੋਂ ਬੈਸਟ ਮੰਨੀ ਜਾਂਦੀ ਹੈ। ਇਹ ਦੋਵੇਂ ਮੁਲਾਂਕਾਂ ਵਾਲੀਆਂ ਔਰਤਾਂ ਜੀਵੰਤ, ਆਸ਼ਾਵਾਦੀ ਅਤੇ ਮਿਲਣਸਾਰ ਹੁੰਦੀਆਂ ਹਨ।

ਮੁਲਾਂਕ 1 ਤੇ ਮੁਲਾਂਕ 3

ਮੁਲਾਂਕ 1 ਦੇ ਸੁਆਮੀ ਸੂਰਜ ਹਨ ਤੇ ਮੁਲਾਂਕ 3 ਦੇ ਬ੍ਰਹਿਸਪਤੀ। ਜਦੋਂ ਇਨ੍ਹਾਂ ਦੋਵਾਂ ਮੁਲਾਂਕਾਂ ਦੀ ਨਨਾਣ ਤੇ ਭਰਜਾਈ ਦੀ ਜੋੜੀ ਬਣਦੀ ਹੈ ਤਾਂ ਉਹ ਆਪਸ 'ਚ ਚੰਗਾ ਬਾਂਡ ਰੱਖਦੀਆਂ ਹਨ। ਮੁਲਾਂਕ 1 ਹਮੇਸ਼ਾ ਆਤਮਵਿਸ਼ਵਾਸ ਅਤੇ ਜ਼ਿੰਮੇਵਾਰੀ ਨਾਲ ਭਰਪੂਰ ਹੁੰਦਾ ਹੈ, ਜਦਕਿ ਮੁਲਾਂਕ 3 ਖੁੱਲ੍ਹੇ ਵਿਚਾਰਾਂ ਵਾਲਾ ਹੁੰਦਾ ਹੈ। ਇਨ੍ਹਾਂ ਦੋਵਾਂ ਮੁਲਾਂਕਾਂ ਦੀਆਂ ਨਣਦ ਅਤੇ ਭਰਜਾਈਇੱਕ-ਦੂਜੇ ਦੀ ਪਛਾਣ ਦਾ ਸਨਮਾਨ ਕਰਦੀਆਂ ਹਨ ਅਤੇ ਆਪਸ ਵਿੱਚ ਮੁਕਾਬਲਾ ਕਰਨ ਦੀ ਬਜਾਏ ਹਮੇਸ਼ਾ ਇੱਕ-ਦੂਜੇ ਦਾ ਸਾਥ ਦਿੰਦੀਆਂ ਹਨ।

ਜੇਕਰ ਤੁਹਾਡੇ ਨਨਾਣ ਜਾਂ ਭਰਜਾਈ ਦਾ ਮੁਲਾਂਕ ਵੀ ਇਨ੍ਹਾਂ ਵਿੱਚੋਂ ਕੋਈ ਹੈ ਤਾਂ ਇਹ ਤੁਹਾਡੀ ਸ਼ਖ਼ਸੀਅਤ ਦੀਆਂ ਖੂਬੀਆਂ ਵੀ ਹੋ ਸਕਦੀਆਂ ਹਨ ਤੇ ਤੁਹਾਡੀ ਜੋੜੀ ਵੀ ਬੈਸਟ ਹੋ ਸਕਦੀ ਹੈ।