Numerology: ਗੱਲ-ਗੱਲ 'ਤੇ ਕਰਦੇ ਹਨ ਸਵਾਲ, ਗ਼ਜ਼ਬ ਦੀ Curiosity ਹੁੰਦੀ ਹੈ ਇਸ ਮੁਲਾਂਕ ਦੇ ਲੋਕਾਂ ਅੰਦਰ

ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਸ਼ਾਸਤਰ ਦੀ ਮੰਨੀਏ ਤਾਂ ਹਰ ਮੁਲਾਂਕ ਦੀ ਆਪਣੀ ਇਕ ਵੱਖਰੀ ਖਾਸੀਅਤ ਹੁੰਦੀ ਹੈ। ਤੁਸੀਂ ਕਿਸੇ ਮਹਿਫ਼ਲ 'ਚ ਜਾਓ ਤਾਂ ਕੁਝ ਲੋਕ ਬਿਲਕੁਲ ਸ਼ਾਂਤ ਬੈਠੇ ਦਿਖਾਈ ਦੇਣਗੇ। ਉੱਥੇ ਹੀ ਕੁਝ ਲੋਕ ਆਪਣੀਆਂ ਗੱਲਾਂ ਨਾਲ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲੈਂਦੇ ਹਨ। ਪਰ, ਕੀ ਤੁਸੀਂ ਕਦੇ ਅਜਿਹੇ ਲੋਕਾਂ 'ਤੇ ਗੌਰ ਕੀਤਾ ਹੈ, ਜਿਨ੍ਹਾਂ ਦੇ ਸਵਾਲਾਂ ਦੀ ਲਿਸਟ ਕਦੇ ਖ਼ਤਮ ਹੀ ਨਹੀਂ ਹੁੰਦੀ?

ਕੁਝ ਅਜਿਹੀਆਂ ਤਰੀਕਾਂ ਹਨ, ਜਿਨ੍ਹਾਂ 'ਤੇ ਜਨਮੇ ਲੋਕਾਂ ਨੂੰ ਹਰ ਗੱਲ ਦੀ ਪੂਰੀ ਜਾਣਕਾਰੀ ਚਾਹੀਦੀ ਹੁੰਦੀ ਹੈ। ਅੰਕ ਜੋਤਿਸ਼ ਦੱਸਦਾ ਹੈ ਕਿ ਮੁਲਾਂਕ 5 ਵਾਲੇ ਲੋਕ ਸੁਭਾਅ ਤੋਂ ਬੇਹੱਦ ਜਗਿਆਸੂ (Curious) ਹੁੰਦੇ ਹਨ।

ਕਿਵੇਂ ਪਤਾ ਕਰੀਏ ਕਿ ਮੁਲਾਂਕ 5 ਹੈ ਜਾਂ ਨਹੀਂ?

ਜੇਕਰ ਤੁਹਾਡਾ ਜਾਂ ਤੁਹਾਡੇ ਕਿਸੇ ਕਰੀਬੀ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 5, 14 ਜਾਂ 23 ਤਰੀਕ ਨੂੰ ਹੋਇਆ ਹੈ ਤਾਂ ਉਸ ਦਾ ਮੁਲਾਂਕ 5 ਹੋਵੇਗਾ। ਇਸ ਅੰਕ ਦਾ ਸਿੱਧਾ ਸਬੰਧ 'ਬੁੱਧ ਗ੍ਰਹਿ' ਨਾਲ ਮੰਨਿਆ ਜਾਂਦਾ ਹੈ। ਜੋਤਿਸ਼ 'ਚ ਬੁੱਧ ਨੂੰ ਬੁੱਧੀ, ਤਰਕ, ਗੱਲਬਾਤ ਦੀ ਕਲਾ ਤੇ ਕੁਝ ਨਵਾਂ ਸਿੱਖਣ ਦੀ ਸਮਰੱਥਾ ਦਾ ਕਾਰਕ ਮੰਨਿਆ ਗਿਆ ਹੈ। ਇਹੀ ਕਾਰਨ ਹੈ ਕਿ ਮੁਲਾਂਕ 5 ਵਾਲਿਆਂ ਦਾ ਦਿਮਾਗ ਹਮੇਸ਼ਾ ਐਕਟਿਵ ਮੋਡ 'ਚ ਰਹਿੰਦਾ ਹੈ।

ਹਰ ਗੱਲ ਵਿਚ 'ਕਿਉਂ' ਤੇ 'ਕਿਵੇਂ' ਪੁੱਛਣ ਦੀ ਆਦਤ

ਇਸ ਮੁਲਾਂਕ ਦੇ ਲੋਕ ਕਿਸੇ ਵੀ ਗੱਲ 'ਤੇ ਅੱਖਾਂ ਬੰਦ ਕਰ ਕੇ ਭਰੋਸਾ ਨਹੀਂ ਕਰਦੇ। ਉਹ ਕਿਸੇ ਗੱਲ ਨੂੰ ਸਿਰਫ਼ ਇਸ ਲਈ ਨਹੀਂ ਮੰਨ ਲੈਂਦੇ ਕਿਉਂਕਿ ਕਿਸੇ ਹੋਰ ਨੇ ਉਹ ਗੱਲ ਕਹੀ ਹੈ। ਜੇਕਰ ਤੁਸੀਂ ਉਨ੍ਹਾਂ ਨੂੰ ਕੁਝ ਕਹੋਗੇ ਤਾਂ ਉਨ੍ਹਾਂ ਦਾ ਆਮ ਜਵਾਬ ਨਹੀਂ ਹੋਵੇਗਾ, ਸਗੋਂ ਉਸ ਦੇ ਪਿੱਛੇ 10 ਹੋਰ ਸਵਾਲ ਹੋਣਗੇ। ਨਵੀਆਂ ਚੀਜ਼ਾਂ ਨੂੰ ਜਾਣਨ ਅਤੇ ਸਮਝਣ ਦੀ ਇਨ੍ਹਾਂ ਦੀ ਭੁੱਖ ਕਦੇ ਸ਼ਾਂਤ ਨਹੀਂ ਹੁੰਦੀ।

ਉਨ੍ਹਾਂ ਦੇ ਲਗਾਤਾਰ ਆਉਂਦੇ ਸਵਾਲ ਕਈ ਵਾਰ ਸਾਹਮਣੇ ਵਾਲੇ ਨੂੰ ਪਰੇਸ਼ਾਨ ਵੀ ਕਰ ਦਿੰਦੇ ਹਨ, ਪਰ ਸੱਚ ਤਾਂ ਇਹ ਹੈ ਕਿ ਉਹ ਤੁਹਾਨੂੰ ਤੰਗ ਨਹੀਂ ਕਰ ਰਹੇ ਹੁੰਦੇ, ਸਗੋਂ ਹਰ ਚੀਜ਼ ਨੂੰ ਡੂੰਘਾਈ ਨਾਲ ਜਾਣਨਾ ਉਨ੍ਹਾਂ ਦੇ ਸੁਭਾਅ ਦਾ ਹਿੱਸਾ ਹੁੰਦਾ ਹੈ।

ਇੱਕੋ ਰੁਟੀਨ ਤੋਂ ਜਲਦੀ ਅੱਕ ਜਾਂਦੇ ਹਨ

ਮੁਲਾਂਕ 5 ਵਾਲੇ ਲੋਕ ਲੰਬੇ ਸਮੇਂ ਤਕ ਇੱਕੋ ਤਰ੍ਹਾਂ ਦੇ ਰੁਟੀਨ ਪੈਟਰਨ ਨੂੰ ਫਾਲੋ ਕਰਦੇ ਹੋਏ ਬੋਰ ਹੋਣ ਲੱਗਦੇ ਹਨ। ਉਨ੍ਹਾਂ ਨੂੰ ਹਮੇਸ਼ਾ ਕੁਝ ਨਵਾਂ ਚਾਹੀਦਾ ਹੁੰਦਾ ਹੈ। ਕੋਈ ਨਵੀਂ ਚੀਜ਼ ਅਜ਼ਮਾਉਣਾ, ਨਵੀਆਂ ਥਾਵਾਂ 'ਤੇ ਘੁੰਮਣਾ ਅਤੇ ਨਵੇਂ ਲੋਕਾਂ ਨੂੰ ਮਿਲਣਾ ਉਨ੍ਹਾਂ ਨੂੰ ਬੇਹੱਦ ਪਸੰਦ ਹੁੰਦਾ ਹੈ। ਆਪਣੀ ਇਸੇ ਜਗਿਆਸਾ ਕਾਰਨ ਇਹ ਲੋਕ ਦੁਨੀਆ ਭਰ ਦੀਆਂ ਚੀਜ਼ਾਂ ਦਾ ਗਿਆਨ ਹਾਸਲ ਕਰ ਲੈਂਦੇ ਹਨ। ਕਿਸੇ ਵੀ ਵਿਸ਼ੇ 'ਤੇ ਗੱਲ ਛੇੜ ਦਿਓ, ਇਨ੍ਹਾਂ ਕੋਲ ਤੁਹਾਨੂੰ ਦੱਸਣ ਲਈ ਬਹੁਤ ਕੁਝ ਹੋਵੇਗਾ। ਜੇਕਰ ਇਹ ਆਪਣੀ ਇਸ ਗ਼ਜ਼ਬ ਦੀ ਤਰਕਸ਼ਕਤੀ ਦਾ ਸਹੀ ਦਿਸ਼ਾ ਵਿਚ ਇਸਤੇਮਾਲ ਕਰਨ ਤਾਂ ਇਨ੍ਹਾਂ ਨੂੰ ਅੱਗੇ ਵਧਣ ਤੋਂ ਕੋਈ ਨਹੀਂ ਰੋਕ ਸਕਦਾ।

ਡਿਸਕਲੇਮਰ: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਫਾਇਦੇ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ/ਜੋਤਿਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।