- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Numerology: ਪਿਆਰ ’ਚ ਵੀ ਦਿਮਾਗ ਤੋਂ ਕੰਮ ਲੈਂਦੀਆਂ ਹਨ ਇਸ ਮੁਲਾਂਕ ਦੀਆਂ ਕੁੜੀਆਂ, ਭਾਵਨਾਵਾਂ ’ਚ ਵਹਿ ਕੇ ਨਹੀਂ ਲੈਂਦੀਆਂ ਕੋਈ ਫ਼ੈਸਲਾ
Mulank 4 ਵਾਲੀਆਂ ਕੁੜੀਆਂ ਪਿਆਰ ਨੂੰ ਲੈ ਕੇ ਸਿਰਫ਼ ਭਾਵਨਾਵਾਂ ’ਤੇ ਭਰੋਸਾ ਨਹੀਂ ਕਰਦੀਆਂ। ਕਿਸੇ ਰਿਸ਼ਤੇ 'ਚ ਆਉਣ ਤੋਂ ਪਹਿਲਾਂ ਉਹ ਸਾਹਮਣੇ ਵਾਲੇ ਵਿਅਕਤੀ ਨੂੰ ਚੰਗੀ ਤਰ੍ਹਾਂ ਸਮਝਣ ਦੀ ਕੋਸ਼ਿਸ਼ ਕਰਦੀਆਂ ਹਨ। ਉਹ ਦੇਖਦੀਆਂ ਹਨ ਕਿ ਉਨ੍ਹਾਂ ਦਾ ਪਾਰਟਨਰ ਉਨ੍ਹਾਂ ਲਈ ਕਿੰਨਾ ਸਹੀ ਹੈ ਅਤੇ ਕੀ ਇਹ ਰਿਸ਼ਤਾ ਲੰਬੇ ਸਮੇਂ ਤੱਕ ਚੱਲ ਸਕਦਾ ਹੈ।
Posted By Seema Anand
Publish Date: Tue, 15 Sep 2026 01:41 PM (IST)
Updated Date: Tue, 15 Sep 2026 01:45 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਜੋਤਿਸ਼ ਅਨੁਸਾਰ, ਜਿਨ੍ਹਾਂ ਕੁੜੀਆਂ ਦਾ ਜਨਮ ਮਹੀਨੇ ਦੀ 4, 13, 22 ਜਾਂ 31 ਤਰੀਕ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 4 ਮੰਨਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਕੁੜੀਆਂ ਦਾ ਸੁਭਾਅ ਬਾਕੀ ਲੋਕਾਂ ਨਾਲੋਂ ਥੋੜ੍ਹਾ ਵੱਖਰਾ ਹੁੰਦਾ ਹੈ। ਖ਼ਾਸ ਕਰਕੇ ਪਿਆਰ ਤੇ ਰਿਸ਼ਤਿਆਂ ਦੀ ਗੱਲ ਕਰੀਏ ਤਾਂ ਇਹ ਭਾਵਨਾਵਾਂ ’ਚ ਵਹਿਣ ਦੀ ਬਜਾਏ ਸੋਚ-ਸਮਝ ਕੇ ਫ਼ੈਸਲਾ ਲੈਣਾ ਪਸੰਦ ਕਰਦੀਆਂ ਹਨ। ਆਓ ਜਾਣਦੇ ਹਾਂ ਕਿ ਆਖ਼ਰ ਮੁਲਾਂਕ 4 ਵਾਲੀਆਂ ਕੁੜੀਆਂ ਦੀ ਲਵ ਲਾਈਫ਼ ਕਿਹੋ ਜਿਹੀ ਹੁੰਦੀ ਹੈ ਅਤੇ ਪਾਰਟਨਰ ਨਾਲ ਇਨ੍ਹਾਂ ਦਾ ਰਿਸ਼ਤਾ ਕਿਹੋ ਜਿਹਾ ਰਹਿੰਦਾ ਹੈ।
ਪਿਆਰ ’ਚ ਹੁੰਦੀਆਂ ਹਨ ਕਾਫ਼ੀ ਪ੍ਰੈਕਟੀਕਲ
ਮੁਲਾਂਕ 4 ਵਾਲੀਆਂ ਕੁੜੀਆਂ ਪਿਆਰ ਨੂੰ ਲੈ ਕੇ ਸਿਰਫ਼ ਭਾਵਨਾਵਾਂ ’ਤੇ ਭਰੋਸਾ ਨਹੀਂ ਕਰਦੀਆਂ। ਕਿਸੇ ਰਿਸ਼ਤੇ 'ਚ ਆਉਣ ਤੋਂ ਪਹਿਲਾਂ ਉਹ ਸਾਹਮਣੇ ਵਾਲੇ ਵਿਅਕਤੀ ਨੂੰ ਚੰਗੀ ਤਰ੍ਹਾਂ ਸਮਝਣ ਦੀ ਕੋਸ਼ਿਸ਼ ਕਰਦੀਆਂ ਹਨ। ਉਹ ਦੇਖਦੀਆਂ ਹਨ ਕਿ ਉਨ੍ਹਾਂ ਦਾ ਪਾਰਟਨਰ ਉਨ੍ਹਾਂ ਲਈ ਕਿੰਨਾ ਸਹੀ ਹੈ ਅਤੇ ਕੀ ਇਹ ਰਿਸ਼ਤਾ ਲੰਬੇ ਸਮੇਂ ਤੱਕ ਚੱਲ ਸਕਦਾ ਹੈ। ਇਸ ਮੁਲਾਂਕ ਵਾਲੀਆਂ ਕੁੜੀਆਂ ਦਾ ਮੰਨਣਾ ਹੁੰਦਾ ਹੈ ਕਿ ਸਿਰਫ਼ ਪਿਆਰ ਹੋਣਾ ਕਾਫ਼ੀ ਨਹੀਂ ਹੁੰਦਾ। ਉਸ ਰਿਸ਼ਤੇ ਨੂੰ ਨਿਭਾਉਣ ਲਈ ਵਿਅਕਤੀ 'ਚ ਸਮਝਦਾਰੀ, ਭਰੋਸਾ ਅਤੇ ਇਕ-ਦੂਜੇ ਦਾ ਹਰ ਸਥਿਤੀ 'ਚ ਸਾਥ ਦੇਣਾ ਵੀ ਜ਼ਰੂਰੀ ਹੁੰਦਾ ਹੈ। ਇਹੀ ਵਜ੍ਹਾ ਹੈ ਕਿ ਇਹ ਜਲਦਬਾਜ਼ੀ 'ਚ ਕੋਈ ਵੱਡਾ ਫ਼ੈਸਲਾ ਲੈਣ ਤੋਂ ਬਚਦੀਆਂ ਹਨ।
ਦਿਮਾਗ ਨਾਲ ਸੋਚ ਕੇ ਕਰਦੀਆਂ ਹਨ ਪਿਆਰ
ਮੁਲਾਂਕ 4 ਦਾ ਸਬੰਧ ਰਾਹੂ ਨਾਲ ਮੰਨਿਆ ਜਾਂਦਾ ਹੈ। ਅੰਕ ਜੋਤਿਸ਼ 'ਚ ਰਾਹੂ ਨੂੰ ਤੇਜ਼ ਸੋਚ, ਤਰਕ ਅਤੇ ਵੱਖਰੇ ਤਰੀਕੇ ਨਾਲ ਸੋਚਣ ਵਾਲਾ ਗ੍ਰਹਿ ਮੰਨਿਆ ਗਿਆ ਹੈ। ਇਸ ਦੇ ਅਧੀਨ ਆਉਣ ਵਾਲੇ ਅੰਕ ਦੇ ਲੋਕ ਵੀ ਇਸੇ ਤਰ੍ਹਾਂ ਦੇ ਹੁੰਦੇ ਹਨ। ਇਸੇ ਕਾਰਨ ਮੁਲਾਂਕ 4 ਵਾਲੀਆਂ ਕੁੜੀਆਂ ਵੀ ਕਿਸੇ ਰਿਸ਼ਤੇ ਨੂੰ ਲੈ ਕੇ ਕਾਫ਼ੀ ਸੋਚ-ਵਿਚਾਰ ਕਰ ਸਕਦੀਆਂ ਹਨ। ਉਹ ਆਪਣੇ ਪਾਰਟਨਰ ਨਾਲ ਭਵਿੱਖ ਨੂੰ ਲੈ ਕੇ ਵੀ ਗੰਭੀਰ ਰਹਿੰਦੀਆਂ ਹਨ। ਪਿਆਰ ਵਿੱਚ ਅੱਗੇ ਵਧਣ ਤੋਂ ਪਹਿਲਾਂ ਉਹ ਇਸ ਗੱਲ ਨੂੰ ਪਰਖਦੀਆਂ ਹਨ ਕਿ ਸਾਹਮਣੇ ਵਾਲਾ ਵਿਅਕਤੀ ਉਨ੍ਹਾਂ ਨਾਲ ਇਮਾਨਦਾਰ ਹੈ ਜਾਂ ਨਹੀਂ ਅਤੇ ਰਿਸ਼ਤੇ ਵਿੱਚ ਸਥਿਰਤਾ ਕਿੰਨੀ ਰਹੇਗੀ।
ਭਰੋਸਾ ਕਰਨ 'ਚ ਲੈਂਦੀਆਂ ਹਨ ਸਮਾਂ
ਮੁਲਾਂਕ 4 ਵਾਲੀਆਂ ਕੁੜੀਆਂ ਹਰ ਕਿਸੇ ’ਤੇ ਆਸਾਨੀ ਨਾਲ ਭਰੋਸਾ ਨਹੀਂ ਕਰਦੀਆਂ। ਸ਼ੁਰੂਆਤ 'ਚ ਉਹ ਥੋੜ੍ਹੀਆਂ ਰਿਜ਼ਰਵ ਤੇ ਸ਼ਾਂਤ ਨਜ਼ਰ ਆ ਸਕਦੀਆਂ ਹਨ। ਉਹ ਸਾਹਮਣੇ ਵਾਲੇ ਨੂੰ ਸਮਾਂ ਦਿੰਦੀਆਂ ਹਨ ਅਤੇ ਉਸ ਦੇ ਵਿਵਹਾਰ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਦੀਆਂ ਹਨ। ਜੇਕਰ ਉਨ੍ਹਾਂ ਨੂੰ ਇਕ ਵਾਰ ਕਿਸੇ ’ਤੇ ਪੂਰਾ ਭਰੋਸਾ ਹੋ ਜਾਵੇ ਤਾਂ ਉਹ ਉਸ ਰਿਸ਼ਤੇ ਨੂੰ ਪੂਰੀ ਇਮਾਨਦਾਰੀ ਨਾਲ ਨਿਭਾਉਣ ਦੀ ਕੋਸ਼ਿਸ਼ ਕਰਦੀਆਂ ਹਨ।
ਪਾਰਟਨਰ ਲਈ ਬਣਦੀਆਂ ਹਨ ਮਜ਼ਬੂਤ ਸਹਾਰਾ
ਭਾਵੇਂ ਇਹ ਕੁੜੀਆਂ ਬਾਹਰੋਂ ਥੋੜ੍ਹੀਆਂ ਸਖ਼ਤ ਜਾਂ ਕੈਲਕੁਲੇਟਿਵ ਨਜ਼ਰ ਆਉਣ, ਪਰ ਅੰਦਰੋਂ ਆਪਣੇ ਕਰੀਬੀਆਂ ਦੀ ਬਹੁਤ ਪਰਵਾਹ ਕਰਦੀਆਂ ਹਨ। ਆਪਣੇ ਪਾਰਟਨਰ ਦੇ ਮੁਸ਼ਕਲ ਸਮੇਂ 'ਚ ਉਹ ਉਸ ਦਾ ਸਾਥ ਛੱਡਣ ਦੀ ਬਜਾਏ ਉਸ ਦੇ ਨਾਲ ਖੜ੍ਹੇ ਰਹਿਣਾ ਪਸੰਦ ਕਰਦੀਆਂ ਹਨ। ਮੁਸੀਬਤ ਆਉਣ ’ਤੇ ਇਹ ਭਾਵੁਕ ਹੋਣ ਦੀ ਬਜਾਏ ਸਮੱਸਿਆ ਦਾ ਹੱਲ ਕੱਢਣ ਦੀ ਕੋਸ਼ਿਸ਼ ਕਰਦੀਆਂ ਹਨ। ਇਹੀ ਖ਼ੂਬੀ ਉਨ੍ਹਾਂ ਨੂੰ ਇੱਕ ਮਜ਼ਬੂਤ ਅਤੇ ਭਰੋਸੇਮੰਦ ਪਾਰਟਨਰ ਬਣਾ ਸਕਦੀ ਹੈ।
ਦਿਲ ਦੀਆਂ ਗੱਲਾਂ ਆਸਾਨੀ ਨਾਲ ਨਹੀਂ ਦੱਸਦੀਆਂ
ਮੁਲਾਂਕ 4 ਵਾਲੀਆਂ ਕੁੜੀਆਂ ਆਪਣੀਆਂ ਭਾਵਨਾਵਾਂ ਹਰ ਕਿਸੇ ਦੇ ਸਾਹਮਣੇ ਖੁੱਲ੍ਹ ਕੇ ਜ਼ਾਹਿਰ ਨਹੀਂ ਕਰਦੀਆਂ। ਉਨ੍ਹਾਂ ਨੂੰ ਆਪਣੇ ਦਿਲ ਦੀ ਗੱਲ ਕਹਿਣ 'ਚ ਥੋੜ੍ਹਾ ਸਮਾਂ ਲੱਗ ਸਕਦਾ ਹੈ। ਕਈ ਵਾਰ ਉਹ ਪਿਆਰ ਕਰਦੀਆਂ ਹਨ, ਪਰ ਉਸ ਨੂੰ ਸ਼ਬਦਾਂ 'ਚ ਦੱਸਣ ਦੀ ਬਜਾਏ ਆਪਣੇ ਕੰਮਾਂ ਰਾਹੀਂ ਜ਼ਾਹਿਰ ਕਰਦੀਆਂ ਹਨ।