- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੀ ਤੁਹਾਡਾ ਨਾਮ ਵੀ A, S ਜਾਂ R ਤੋਂ ਸ਼ੁਰੂ ਹੁੰਦਾ ਹੈ? ਜਾਣੋ ਇਨ੍ਹਾਂ 3 ਅੱਖਰਾਂ ਵਾਲੇ ਲੋਕਾਂ ਦੀਆਂ ਖ਼ਾਸ ਖ਼ੂਬੀਆਂ, ਬਿਜ਼ਨੈੱਸ 'ਚ ਕਮਾਉਂਦੇ ਹਨ ਖੂਬ ਪੈਸਾ
ਮਾਨਤਾ ਹੈ ਕਿ A, S ਤੇ R ਅੱਖਰ ਵਾਲੇ ਲੋਕ ਜਿਸ ਵੀ ਕਾਰੋਬਾਰ 'ਚ ਆਪਣੀ ਕਿਸਮਤ ਅਜ਼ਮਾਉਂਦੇ ਹਨ, ਉਸ 'ਚ ਸਫ਼ਲਤਾ ਹਾਸਲ ਕਰ ਸਕਦੇ ਹਨ। ਆਓ ਜਾਣਦੇ ਹਾਂ ਅੰਗਰੇਜ਼ੀ ਦੇ ਉਨ੍ਹਾਂ ਅੱਖਰਾਂ ਬਾਰੇ, ਜਿਨ੍ਹਾਂ ਤੋਂ ਨਾਮ ਸ਼ੁਰੂ ਹੋਣ ਵਾਲੇ ਲੋਕ ਬਿਜ਼ਨਸ 'ਚ ਹਮੇਸ਼ਾ ਸਫ਼ਲ ਮੰਨੇ ਜਾਂਦੇ ਹਨ।
Posted By Seema Anand
Publish Date: Tue, 10 Nov 2026 11:02 AM (IST)
Updated Date: Tue, 10 Nov 2026 11:11 AM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਕਿਸੇ ਵਿਅਕਤੀ ਦੇ ਨਾਮ ਦਾ ਪਹਿਲਾ ਅੱਖਰ ਉਸ ਦੀ ਸ਼ਖ਼ਸੀਅਤ, ਸੁਭਾਅ ਅਤੇ ਸੋਚ ਬਾਰੇ ਕਈ ਗੱਲਾਂ ਦੱਸਦਾ ਹੈ। ਅਜਿਹੀ ਮਾਨਤਾ ਹੈ ਕਿ ਕੁਝ ਅੱਖਰਾਂ ਤੋਂ ਨਾਮ ਸ਼ੁਰੂ ਹੋਣ ਵਾਲੇ ਲੋਕਾਂ 'ਚ ਕਾਰੋਬਾਰ ਕਰਨ ਦੀ ਚੰਗੀ ਸਮਝ ਹੁੰਦੀ ਹੈ। ਅਜਿਹੇ ਲੋਕ ਜੋਖ਼ਮ ਉਠਾਉਣ, ਨਵੇਂ ਮੌਕਿਆਂ ਦੀ ਪਛਾਣ ਕਰਨ ਅਤੇ ਆਰਥਿਕ ਫ਼ੈਸਲੇ ਲੈਣ 'ਚ ਮਾਹਿਰ ਮੰਨੇ ਜਾਂਦੇ ਹਨ।
ਇਹੀ ਖ਼ੂਬੀਆਂ ਉਨ੍ਹਾਂ ਨੂੰ ਬਿਜ਼ਨੈੱਸ ਦੀ ਦੁਨੀਆ 'ਚ ਅੱਗੇ ਵਧਣ ਲਈ ਪ੍ਰੇਰਿਤ ਕਰ ਸਕਦੀਆਂ ਹਨ। ਮਾਨਤਾ ਹੈ ਕਿ ਇਹ ਲੋਕ ਜਿਸ ਵੀ ਕਾਰੋਬਾਰ 'ਚ ਆਪਣੀ ਕਿਸਮਤ ਅਜ਼ਮਾਉਂਦੇ ਹਨ, ਉਸ 'ਚ ਸਫ਼ਲਤਾ ਹਾਸਲ ਕਰ ਸਕਦੇ ਹਨ। ਆਓ ਜਾਣਦੇ ਹਾਂ ਅੰਗਰੇਜ਼ੀ ਦੇ ਉਨ੍ਹਾਂ ਅੱਖਰਾਂ ਬਾਰੇ, ਜਿਨ੍ਹਾਂ ਤੋਂ ਨਾਮ ਸ਼ੁਰੂ ਹੋਣ ਵਾਲੇ ਲੋਕ ਬਿਜ਼ਨਸ 'ਚ ਹਮੇਸ਼ਾ ਸਫ਼ਲ ਮੰਨੇ ਜਾਂਦੇ ਹਨ।
A ਅੱਖਰ ਤੋਂ ਸ਼ੁਰੂ ਹੋਣ ਵਾਲੇ ਨਾਮ
A ਅੱਖਰ ਤੋਂ ਨਾਮ ਸ਼ੁਰੂ ਹੋਣ ਵਾਲੇ ਲੋਕਾਂ ਨੂੰ ਖਾਹਸ਼ੀ, ਆਤਮਵਿਸ਼ਵਾਸੀ ਅਤੇ ਅਗਵਾਈ ਕਰਨ ਦੀ ਸਮਰੱਥਾ ਨਾਲ ਭਰਪੂਰ ਮੰਨਿਆ ਜਾਂਦਾ ਹੈ। ਅਜਿਹੇ ਲੋਕ ਆਪਣੇ ਟੀਚੇ ਨੂੰ ਲੈ ਕੇ ਸਪੱਸ਼ਟ ਹੁੰਦੇ ਹਨ ਅਤੇ ਉਨ੍ਹਾਂ ਨੂੰ ਹਾਸਲ ਕਰਨ ਲਈ ਲਗਾਤਾਰ ਕੋਸ਼ਿਸ਼ ਕਰਦੇ ਹਨ। ਇਹ ਲੋਕ ਦੂਜਿਆਂ ਦੇ ਨਿਰਦੇਸ਼ਾਂ 'ਤੇ ਕੰਮ ਕਰਨ ਦੀ ਬਜਾਏ ਖ਼ੁਦ ਫ਼ੈਸਲੇ ਲੈਣਾ ਪਸੰਦ ਕਰ ਸਕਦੇ ਹਨ। ਬਿਜ਼ਨੈੱਸ ਦੇ ਖੇਤਰ 'ਚ ਇਨ੍ਹਾਂ ਦੀ ਇਹੀ ਅਗਵਾਈ ਕਰਨ ਦੀ ਸਮਰੱਥਾ ਕੰਮ ਆਉਂਦੀ ਹੈ। ਨਵੇਂ ਵਿਚਾਰਾਂ 'ਤੇ ਕੰਮ ਕਰਨਾ, ਚੁਣੌਤੀਆਂ ਨੂੰ ਸਵੀਕਾਰ ਕਰਨਾ ਅਤੇ ਮੌਕਿਆਂ ਦਾ ਫ਼ਾਇਦਾ ਉਠਾਉਣਾ ਇਨ੍ਹਾਂ ਦੀਆਂ ਖ਼ਾਸੀਅਤਾਂ ਮੰਨੀਆਂ ਜਾਂਦੀਆਂ ਹਨ।
S ਅੱਖਰ ਤੋਂ ਸ਼ੁਰੂ ਹੋਣ ਵਾਲੇ ਨਾਮ
S ਅੱਖਰ ਤੋਂ ਨਾਮ ਸ਼ੁਰੂ ਹੋਣ ਵਾਲੇ ਲੋਕਾਂ ਨੂੰ ਮਿਹਨਤੀ, ਅਨੁਸ਼ਾਸਿਤ ਤੇ ਵਿਹਾਰਕ ਸੋਚ ਵਾਲਾ ਮੰਨਿਆ ਜਾਂਦਾ ਹੈ। ਇਹ ਕਿਸੇ ਵੀ ਕੰਮ ਨੂੰ ਸ਼ੁਰੂ ਕਰਨ ਤੋਂ ਪਹਿਲਾਂ ਉਸ ਬਾਰੇ ਪੂਰੀ ਜਾਣਕਾਰੀ ਇਕੱਠੀ ਕਰਨਾ ਪਸੰਦ ਕਰਦੇ ਹਨ।
ਜਲਦਬਾਜ਼ੀ 'ਚ ਫ਼ੈਸਲੇ ਲੈਣ ਦੀ ਬਜਾਏ ਸੋਚ-ਵਿਚਾਰ ਕਰਨਾ ਇਨ੍ਹਾਂ ਦੀ ਆਦਤ ਹੋ ਸਕਦੀ ਹੈ। ਕਾਰੋਬਾਰ 'ਚ ਇਨ੍ਹਾਂ ਦਾ ਸਬਰ ਅਤੇ ਲਗਾਤਾਰ ਮਿਹਨਤ ਕਰਨ ਦਾ ਸੁਭਾਅ ਫ਼ਾਇਦੇਮੰਦ ਸਾਬਤ ਹੋ ਸਕਦਾ ਹੈ। ਇਹ ਗਾਹਕਾਂ ਅਤੇ ਬਿਜ਼ਨੈੱਸ ਪਾਰਟਨਰਾਂ ਨਾਲ ਚੰਗੇ ਸਬੰਧ ਬਣਾਉਣ 'ਤੇ ਵੀ ਧਿਆਨ ਦਿੰਦੇ ਹਨ। ਆਰਥਿਕ ਮਾਮਲਿਆਂ 'ਚ ਇਨ੍ਹਾਂ ਦੀ ਸਾਵਧਾਨੀ ਇਨ੍ਹਾਂ ਨੂੰ ਅੱਗੇ ਵਧਣ 'ਚ ਮਦਦ ਕਰ ਸਕਦੀ ਹੈ।
R ਅੱਖਰ ਤੋਂ ਸ਼ੁਰੂ ਹੋਣ ਵਾਲੇ ਨਾਮ
R ਅੱਖਰ ਤੋਂ ਨਾਮ ਸ਼ੁਰੂ ਹੋਣ ਵਾਲੇ ਲੋਕਾਂ ਨੂੰ ਖਾਹਸ਼ੀ, ਰਚਨਾਤਮਕ ਤੇ ਆਤਮਨਿਰਭਰ ਮੰਨਿਆ ਜਾਂਦਾ ਹੈ। ਮਾਨਤਾ ਹੈ ਕਿ ਅਜਿਹੇ ਲੋਕ ਜ਼ਿੰਦਗੀ 'ਚ ਕੁਝ ਵੱਖਰਾ ਕਰਨ ਦੀ ਇੱਛਾ ਰੱਖਦੇ ਹਨ। ਇਨ੍ਹਾਂ ਨੂੰ ਨਵੀਆਂ ਸੰਭਾਵਨਾਵਾਂ ਦੀ ਭਾਲ ਕਰਨਾ ਅਤੇ ਆਪਣੇ ਵਿਚਾਰਾਂ ਨੂੰ ਹਕੀਕਤ 'ਚ ਬਦਲਣਾ ਪਸੰਦ ਹੁੰਦਾ ਹੈ। ਬਿਜ਼ਨੈੱਸ 'ਚ ਇਹ ਲੋਕ ਕੋਈ ਨਵਾਂ ਪ੍ਰਯੋਗ ਕਰਨ ਤੋਂ ਪਿੱਛੇ ਨਹੀਂ ਹਟਦੇ। ਇਨ੍ਹਾਂ ਦੀ ਫ਼ੈਸਲੇ ਲੈਣ ਦੀ ਸਮਰੱਥਾ ਅਤੇ ਮੁਸ਼ਕਲ ਹਾਲਾਤ 'ਚ ਰਸਤਾ ਲੱਭਣ ਦਾ ਸੁਭਾਅ ਕਾਰੋਬਾਰ 'ਚ ਤਰੱਕੀ ਦੇ ਮੌਕੇ ਪੈਦਾ ਕਰ ਸਕਦਾ ਹੈ। ਜਿਨ੍ਹਾਂ ਲੋਕਾਂ ਦੇ ਨਾਮ ਅੰਗਰੇਜ਼ੀ ਦੇ ਇਨ੍ਹਾਂ ਅੱਖਰਾਂ ਤੋਂ ਸ਼ੁਰੂ ਹੁੰਦੇ ਹਨ, ਉਹ ਬਿਜ਼ਨੈੱਸ 'ਚ ਹਮੇਸ਼ਾ ਸਫ਼ਲ ਮੰਨੇ ਜਾਂਦੇ ਹਨ। ਜੇਕਰ ਤੁਹਾਡਾ ਨਾਮ ਵੀ ਇਨ੍ਹਾਂ 'ਚੋਂ ਕਿਸੇ ਅੱਖਰ ਤੋਂ ਸ਼ੁਰੂ ਹੁੰਦਾ ਹੈ ਤਾਂ ਇਹ ਖ਼ੂਬੀਆਂ ਤੁਹਾਡੀ ਸ਼ਖ਼ਸੀਅਤ ਦਾ ਹਿੱਸਾ ਵੀ ਹੋ ਸਕਦੀਆਂ ਹਨ।