ਔਲਾਦ ਦੀ ਤਰੱਕੀ ਦੇ ਸਾਰੇ ਬੰਦ ਦਰਵਾਜ਼ੇ ਖੋਲ੍ਹ ਦੇਵੇਗਾ ਇਹ ਵਰਤ! ਬੱਸ ਜਾਣ ਲਓ ਅਹੋਈ ਮਾਤਾ ਦੀ ਪੂਜਾ ਦਾ ਸਹੀ ਨਿਯਮ

ਵੈਦਿਕ ਪੰਚਾਂਗ ਅਨੁਸਾਰ, ਇਸ ਵਾਰ ਅਹੋਈ ਅਸ਼ਟਮੀ ਦਾ ਵਰਤ 1 ਨਵੰਬਰ ਨੂੰ ਰੱਖਿਆ ਜਾਵੇਗਾ।

ਅਹੋਈ ਅਸ਼ਟਮੀ ਪੂਜਾ ਦਾ ਸ਼ੁਭ ਮਹੂਰਤ- ਸ਼ਾਮ 5 ਵੱਜ ਕੇ 36 ਮਿੰਟ ਤੋਂ 6 ਵੱਜ ਕੇ 54 ਮਿੰਟ ਤੱਕ।

ਤਾਰੇ ਦੇਖਣ ਦਾ ਸਮਾਂ- ਸ਼ਾਮ 6 ਵਜੇ।

ਅਹੋਈ ਅਸ਼ਟਮੀ ਵਾਲੇ ਦਿਨ ਚੰਦਰਮਾ ਨਿਕਲਣ ਦਾ ਸਮਾਂ- ਰਾਤ 11 ਵੱਜ ਕੇ 40 ਮਿੰਟ 'ਤੇ।

ਇਨ੍ਹਾਂ ਗੱਲਾਂ ਦਾ ਰੱਖੋ ਖ਼ਾਸ ਧਿਆਨ

ਨਿਰਜਲਾ ਵਰਤ ਅਤੇ ਸੰਕਲਪ- ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਸਾਫ਼ ਕੱਪੜੇ ਪਹਿਨੋ ਅਤੇ ਹੱਥ 'ਚ ਜਲ ਲੈ ਕੇ ਵਰਤ ਰੱਖਣ ਦਾ ਸੰਕਲਪ ਲਓ। ਇਸ ਵਰਤ ਦੀ ਸਮਾਪਤੀ ਤਾਰਿਆਂ ਨੂੰ ਅਰਘ ਦੇਣ ਤੋਂ ਬਾਅਦ ਹੁੰਦੀ ਹੈ। ਵਰਤ ਦੌਰਾਨ ਪਾਣੀ ਅਤੇ ਭੋਜਨ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ। ਅਜਿਹਾ ਕਰਨ ਨਾਲ ਵਰਤ ਖੰਡਿਤ ਹੋ ਸਕਦਾ ਹੈ।

ਅਹੋਈ ਮਾਤਾ ਦੀ ਪੂਜਾ- ਇਸ ਦਿਨ ਸ਼ਾਮ ਨੂੰ ਸ਼ੁੱਭ ਮਹੂਰਤ 'ਚ ਕੰਧ 'ਤੇ ਗੇਰੂ ਨਾਲ ਅਹੋਈ ਮਾਤਾ ਦੀ ਤਸਵੀਰ ਬਣਾ ਕੇ ਪੂਜਾ-ਅਰਚਨਾ ਕਰੋ। ਦੇਸੀ ਘਿਓ ਦਾ ਦੀਵਾ ਜਗਾ ਕੇ ਆਰਤੀ ਕਰੋ। ਪੂਜਾ ਦੌਰਾਨ ਰੋਲੀ, ਅਕਸ਼ਤ, ਦੁੱਧ ਅਤੇ ਮਿੱਠੇ ਪੂੜਿਆਂ ਜਾਂ ਹਲਵੇ ਦਾ ਭੋਗ ਲਗਾਓ।

ਜ਼ਰੂਰ ਕਰੋ ਕਥਾ ਪੂਜਾ ਸਮੇਂ ਅਹੋਈ ਅਸ਼ਟਮੀ ਦੀ ਵਰਤ ਕਥਾ ਦਾ ਪਾਠ ਜ਼ਰੂਰ ਕਰੋ। ਅਜਿਹੀ ਮਾਨਤਾ ਹੈ ਕਿ ਕਥਾ ਨਾ ਸੁਣਨ ਨਾਲ ਵਰਤ ਅਧੂਰਾ ਰਹਿ ਜਾਂਦਾ ਹੈ।

ਤਾਰਿਆਂ ਨੂੰ ਅਰਘ ਦਿਓ- ਜਿਸ ਤਰ੍ਹਾਂ ਕਰਵਾ ਚੌਥ ਵਾਲੇ ਦਿਨ ਚੰਦਰਮਾ ਨੂੰ ਅਰਘ ਦਿੱਤਾ ਜਾਂਦਾ ਹੈ, ਉਸੇ ਤਰ੍ਹਾਂ ਅਹੋਈ ਅਸ਼ਟਮੀ ਵਾਲੇ ਦਿਨ ਤਾਰਿਆਂ ਨੂੰ ਅਰਘ ਦੇਣ ਦੀ ਰੀਤ ਹੈ। ਇਸ ਦਿਨ ਅਰਘ ਦੇਣ ਤੋਂ ਬਾਅਦ ਵਰਤ ਖੋਲ੍ਹਣ ਦੀ ਪਰੰਪਰਾ ਹੈ।

ਸਾਤਵਿਕ ਭੋਜਨ- ਵਰਤ ਖੋਲ੍ਹਣ ਸਮੇਂ ਸਾਤਵਿਕ ਭੋਜਨ ਹੀ ਗ੍ਰਹਿਣ ਕਰੋ। ਪ੍ਰਸ਼ਾਦ ਵਜੋਂ ਬਣਾਏ ਗਏ ਪੂੜਿਆਂ ਜਾਂ ਮਿੱਠੇ ਪਕਵਾਨ ਦਾ ਸੇਵਨ ਜ਼ਰੂਰ ਕਰੋ।