- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Karwa Chauth Puja Vidhi: ਕਰਵੇ ਦੇ ਅੰਦਰ ਕੀ-ਕੀ ਰੱਖਣਾ ਚਾਹੀਦਾ ਹੈ? ਜਾਣੋ ਪੂਜਾ ਦੀ ਸਹੀ ਸਮੱਗਰੀ, ਵਿਧੀ ਤੇ ਜ਼ਰੂਰੀ ਨਿਯਮ
ਮਿੱਟੀ ਦੇ ਕਰਵੇ ਦੇ ਉੱਪਰ ਰੱਖੇ ਜਾਣ ਵਾਲੇ ਢੱਕਣ ਨੂੰ ਕਈ ਥਾਵਾਂ 'ਤੇ ਸਰਾਈ ਵੀ ਕਿਹਾ ਜਾਂਦਾ ਹੈ। ਇਸ ਨੂੰ ਖਾਲੀ ਨਹੀਂ ਰੱਖਿਆ ਜਾਂਦਾ। ਇਸ ਦੇ ਉੱਪਰ ਕਣਕ, ਚੌਲ, ਮਠਿਆਈ, ਖਿੱਲਾਂ-ਬਤਾਸੇ ਜਾਂ ਪੂਜਾ ਦੀਆਂ ਹੋਰ ਸਮੱਗਰੀਆਂ ਰੱਖੀਆਂ ਜਾਂਦੀਆਂ ਹਨ। ਇਸ ਦੇ ਨਾਲ ਹੀ ਬਾਇਨੇ ਵਜੋਂ ਦੇਣ ਲਈ ਦੱਖਣਾ ਵੀ ਰੱਖੀ ਜਾ ਸਕਦੀ ਹੈ।
Posted By Seema Anand
Publish Date: Sat, 24 Oct 2026 08:56 AM (IST)
Updated Date: Sat, 24 Oct 2026 08:57 AM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਕਰਵਾ ਚੌਥ ਦਾ ਵਰਤ ਸੁਹਾਗਣ ਔਰਤਾਂ ਲਈ ਬਹੁਤ ਖ਼ਾਸ ਹੁੰਦਾ ਹੈ। ਇਸ ਦਿਨ ਔਰਤਾਂ ਆਪਣੇ ਪਤੀ ਦੀ ਲੰਬੀ ਉਮਰ, ਚੰਗੀ ਸਿਹਤ ਅਤੇ ਸੁਖੀ ਵਿਆਹੁਤਾ ਜੀਵਨ ਦੀ ਕਾਮਨਾ ਕਰਦਿਆਂ ਨਿਰਜਲਾ ਵਰਤ ਰੱਖਦੀਆਂ ਹਨ। ਸ਼ਾਮ ਨੂੰ ਭਗਵਾਨ ਗਣੇਸ਼, ਮਾਤਾ ਪਾਰਵਤੀ ਅਤੇ ਕਰਵਾ ਮਾਤਾ ਦੀ ਪੂਜਾ ਵੀ ਕਰਦੀਆਂ ਹਨ। ਇਸ ਤੋਂ ਬਾਅਦ ਰਾਤ ਨੂੰ ਚੰਦਰਮਾ ਨੂੰ ਅਰਘ ਦੇ ਕੇ ਵਰਤ ਖੋਲ੍ਹਿਆ ਜਾਂਦਾ ਹੈ। ਇਸ ਪੂਜਾ 'ਚ ਮਿੱਟੀ ਦੇ ਕਰਵੇ ਦਾ ਵਿਸ਼ੇਸ਼ ਮਹੱਤਵ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕਰਵੇ ਦੇ ਅੰਦਰ ਕਿਹੜੀਆਂ-ਕਿਹੜੀਆਂ ਚੀਜ਼ਾਂ ਰੱਖਣੀਆਂ ਚਾਹੀਦੀਆਂ ਹਨ? ਆਓ ਜਾਣਦੇ ਹਾਂ ਕਰਵਾ ਚੌਥ ਦੀ ਪੂਜਾ ਲਈ ਕਰਵਾ ਤਿਆਰ ਕਰਨ ਦੀ ਸਹੀ ਵਿਧੀ ਅਤੇ ਜ਼ਰੂਰੀ ਨਿਯਮ।
ਪਾਣੀ ਵਾਲੇ ਕਰਵੇ 'ਚ ਕੀ ਰੱਖਣਾ ਚਾਹੀਦਾ ਹੈ?
ਕਰਵਾ ਚੌਥ ਦੀ ਪੂਜਾ 'ਚ ਇਕ ਕਰਵੇ ਦੀ ਵਰਤੋਂ ਚੰਦਰਮਾ ਨੂੰ ਅਰਘ ਦੇਣ ਲਈ ਕੀਤੀ ਜਾਂਦੀ ਹੈ। ਇਸ ਨੂੰ ਤਿਆਰ ਕਰਨ ਲਈ ਇਨ੍ਹਾਂ ਚੀਜ਼ਾਂ ਦੀ ਵਰਤੋਂ ਕਰ ਸਕਦੇ ਹੋ:
- ਕਰਵੇ 'ਚ ਸਾਫ਼ ਪਾਣੀ ਭਰੋ। ਇਸ 'ਚ ਥੋੜ੍ਹਾ ਗੰਗਾਜਲ ਵੀ ਮਿਲਾਇਆ ਜਾਂਦਾ ਹੈ।
- ਪਾਣੀ 'ਚ ਥੋੜ੍ਹੇ ਜਿਹੇ ਸਾਬਤ ਚੌਲ ਪਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ।
- ਕਰਵੇ 'ਚ ਇਕ ਰੁਪਏ ਦਾ ਸਿੱਕਾ ਜਾਂ ਚਾਂਦੀ ਦਾ ਸਿੱਕਾ ਰੱਖਿਆ ਜਾ ਸਕਦਾ ਹੈ।
- ਕੁਝ ਇਲਾਕਿਆਂ 'ਚ ਕਰਵੇ ਦੀ ਟੂਟੀ 'ਚ ਚਾਰ ਜਾਂ ਸੱਤ ਤੀਲੀਆਂ ਲਗਾਉਣ ਦੀ ਵੀ ਪਰੰਪਰਾ ਹੈ।
ਦੂਜੇ ਕਰਵੇ 'ਚ ਕੀ-ਕੀ ਭਰਨਾ ਚਾਹੀਦਾ ਹੈ?
ਕਈ ਔਰਤਾਂ ਕਰਵਾ ਚੌਥ 'ਤੇ ਦੋ ਕਰਵਿਆਂ ਨਾਲ ਪੂਜਾ ਕਰਦੀਆਂ ਹਨ। ਇਸ 'ਚ ਇਲਾਕੇ ਦੇ ਰੀਤੀ-ਰਿਵਾਜਾਂ ਅਨੁਸਾਰ ਵੱਖ-ਵੱਖ ਚੀਜ਼ਾਂ ਰੱਖੀਆਂ ਜਾਂਦੀਆਂ ਹਨ।
- ਦੂਜੇ ਕਰਵੇ 'ਚ ਅੱਠ ਪੂੜੀਆਂ ਰੱਖੀਆਂ ਜਾਂਦੀਆਂ ਹਨ।
- ਚੌਲਾਂ ਦੇ ਆਟੇ ਤੋਂ ਬਣੀਆਂ ਪਿੰਨੀਆਂ ਜਾਂ ਹੋਰ ਮਠਿਆਈਆਂ ਰੱਖੀਆਂ ਜਾ ਸਕਦੀਆਂ ਹਨ।
- ਪੂਜਾ 'ਚ ਮਿਠਾਸ ਅਤੇ ਸ਼ੁਭਤਾ ਦੇ ਪ੍ਰਤੀਕ ਵਜੋਂ ਖਿੱਲਾਂ ਅਤੇ ਬਤਾਸੇ ਵੀ ਰੱਖੇ ਜਾਂਦੇ ਹਨ।
- ਕਣਕ ਜਾਂ ਚੌਲਾਂ ਤੋਂ ਬਣੇ ਚੰਦ-ਤਾਰੇ ਵੀ ਰੱਖੇ ਜਾਂਦੇ ਹਨ।
- ਕਰਵੇ ਦੇ ਨਾਲ ਰੁਪਏ ਜਾਂ ਆਪਣੀ ਸ਼ਰਧਾ ਅਨੁਸਾਰ ਦੱਖਣਾ ਰੱਖੀ ਜਾਂਦੀ ਹੈ।
ਕਰਵੇ ਦੇ ਢੱਕਣ 'ਤੇ ਕੀ ਰੱਖਣਾ ਚਾਹੀਦਾ ਹੈ?
ਮਿੱਟੀ ਦੇ ਕਰਵੇ ਦੇ ਉੱਪਰ ਰੱਖੇ ਜਾਣ ਵਾਲੇ ਢੱਕਣ ਨੂੰ ਕਈ ਥਾਵਾਂ 'ਤੇ ਸਰਾਈ ਵੀ ਕਿਹਾ ਜਾਂਦਾ ਹੈ। ਇਸ ਨੂੰ ਖਾਲੀ ਨਹੀਂ ਰੱਖਿਆ ਜਾਂਦਾ। ਇਸ ਦੇ ਉੱਪਰ ਕਣਕ, ਚੌਲ, ਮਠਿਆਈ, ਖਿੱਲਾਂ-ਬਤਾਸੇ ਜਾਂ ਪੂਜਾ ਦੀਆਂ ਹੋਰ ਸਮੱਗਰੀਆਂ ਰੱਖੀਆਂ ਜਾਂਦੀਆਂ ਹਨ। ਇਸ ਦੇ ਨਾਲ ਹੀ ਬਾਇਨੇ ਵਜੋਂ ਦੇਣ ਲਈ ਦੱਖਣਾ ਵੀ ਰੱਖੀ ਜਾ ਸਕਦੀ ਹੈ।