ਸਾਵਧਾਨ! ਸਤੰਬਰ ਮਹੀਨੇ 2 ਵਾਰ ਲੱਗ ਰਿਹਾ ਅਸ਼ੁੱਭ ‘ਪੰਚਕ’, ਭੁੱਲ ਕੇ ਵੀ ਨਾ ਕਰਿਓ ਇਹ 5 ਕੰਮ ਨਹੀਂ ਤਾਂ ਪਵੇਗਾ ਪਛਤਾਉਣਾ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਪਰੰਪਰਾ 'ਚ ਕਿਸੇ ਵੀ ਕੰਮ 'ਚ ਸਫਲਤਾ ਅਤੇ ਸ਼ੁੱਭ ਨਤੀਜੇ ਹਾਸਲ ਕਰਨ ਲਈ ਸ਼ੁੱਭ-ਅਸ਼ੁੱਭ ਮਹੂਰਤ ਦਾ ਖਾਸ ਧਿਆਨ ਰੱਖਿਆ ਜਾਂਦਾ ਹੈ। ਅਕਸਰ ਲੋਕ ਕਿਸੇ ਵੀ ਸ਼ੁੱਭ ਕੰਮ ਨੂੰ ਕਰਨ ਤੋਂ ਪਹਿਲਾਂ ਪੰਚਾਂਗ ਦੇਖਣਾ ਪਸੰਦ ਕਰਦੇ ਹਨ। ਪੰਚਾਂਗ 'ਚ ਅਸ਼ੁੱਭ ਦਿਨਾਂ ਤੇ ਮਹੂਰਤ 'ਚ ਕੰਮ ਕਰਨ ਤੋਂ ਬਚਿਆ ਜਾਂਦਾ ਹੈ ਜਿਸ ਵਿਚ ਪੰਚਕ ਵੀ ਸ਼ਾਮਲ ਹੈ।

ਪੰਚਕ ਤੋਂ ਭਾਵ ਪੰਜ ਦਿਨਾਂ ਦਾ ਅਸ਼ੁੱਭ ਸਮਾਂ ਹੈ, ਜਦੋਂ ਚੰਦਰਮਾ ਧਨਿਸ਼ਠਾ, ਸ਼ਤਭਿਸ਼ਾ, ਪੂਰਵਾਭਾਦ੍ਰਪਦ, ਉੱਤਰਾਭਾਦ੍ਰਪਦ ਤੇ ਰੇਵਤੀ ਨਕਸ਼ਤਰਾਂ 'ਚੋਂ ਲੰਘਦਾ ਹੈ। ਪੰਚਕ ਦਾ ਪ੍ਰਭਾਵ ਇਸ ਦੇ ਸ਼ੁਰੂਆਤੀ ਦਿਨਾਂ ਤੋਂ ਆਂਕਿਆ ਜਾਂਦਾ ਹੈ। ਜਿਵੇਂ ਐਤਵਾਰ ਨੂੰ ਸ਼ੁਰੂ ਹੋਣ ਵਾਲੇ ਪੰਚਕ ਨੂੰ ਰੋਗ ਪੰਚਕ ਕਿਹਾ ਜਾਂਦਾ ਹੈ, ਜਦਕਿ ਸੋਮਵਾਰ ਨੂੰ ਸ਼ੁਰੂ ਹੋਏ ਪੰਚਕ ਦਾ ਨਾਮ ਰਾਜ ਪੰਚਕ ਹੁੰਦਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਸਾਲ ਸਤੰਬਰ ਮਹੀਨੇ ਕਦੋਂ ਤੇ ਕਿਸ ਦਿਨ ਪੰਚਕ ਲੱਗਣ ਜਾ ਰਿਹਾ ਹੈ?

ਸਤੰਬਰ 2026 'ਚ ਪੰਚਕ ਨਾਲ ਜੁੜੀਆਂ ਤਰੀਕਾਂ

ਹਿੰਦੂ ਪੰਚਾਂਗ ਮੁਤਾਬਕ, ਇਸ ਸਾਲ ਸਤੰਬਰ ਮਹੀਨੇ 'ਚ 2 ਵਾਰ ਪੰਚਕ ਲੱਗ ਰਿਹਾ ਹੈ। ਪਹਿਲਾ ਪੰਚਕ 27 ਅਗਸਤ ਤੋਂ ਸ਼ੁਰੂ ਹੋ ਕੇ 1 ਸਤੰਬਰ 2026 ਤਕ ਪ੍ਰਭਾਵੀ ਰਹੇਗਾ, ਜਦਕਿ ਸਤੰਬਰ ਮਹੀਨੇ ਦਾ ਦੂਜਾ ਪੰਚਕ 23 ਸਤੰਬਰ 2026 ਤੋਂ ਸ਼ੁਰੂ ਹੋ ਕੇ 28 ਸਤੰਬਰ 2026 ਤਕ ਪ੍ਰਭਾਵੀ ਰਹੇਗਾ। ਜੋਤਿਸ਼ ਸ਼ਾਸਤਰ ਮੁਤਾਬਕ, ਬੁੱਧਵਾਰ ਜਾਂ ਵੀਰਵਾਰ ਤੋਂ ਸ਼ੁਰੂ ਹੋਣ ਵਾਲੇ ਪੰਚਕ ਉਪਰੋਕਤ (ਰੋਗ, ਰਾਜ, ਅਗਨੀ, ਚੋਰ ਅਤੇ ਮੌਤ) 'ਚੋਂ ਕਿਸੇ ਵਿਚ ਨਹੀਂ ਆਉਂਦੇ। ਇਸ ਨੂੰ ਸਧਾਰਨ ਪੰਚਕ ਵੀ ਕਿਹਾ ਜਾਂਦਾ ਹੈ ਕਿਉਂਕਿ ਇਸ ’ਤੇ ਕਿਸੇ ਵਾਰ ਜਾਂ ਦੋਸ਼ ਦਾ ਨਾਮ ਨਹੀਂ ਪੈਂਦਾ।

ਪੰਚਕ 'ਚ ਕਿਹੜੇ ਕੰਮ ਕਰਨ ਤੋਂ ਬਚਣਾ ਚਾਹੀਦਾ ਹੈ?

ਜੋਤਿਸ਼ ਸ਼ਾਸਤਰ 'ਚ ਪੰਚਕ ਨੂੰ ਕਾਫ਼ੀ ਅਸ਼ੁੱਭ ਸਮਾਂ ਮੰਨਿਆ ਜਾਂਦਾ ਹੈ, ਜਿਸ ਦੌਰਾਨ ਕੁਝ ਅਜਿਹੇ ਕੰਮ ਕਰਨ ਦੀ ਮਨਾਹੀ ਹੁੰਦੀ ਹੈ, ਜਿਨ੍ਹਾਂ ਨੂੰ ਸ਼ੁਭ ਮਹੂਰਤ 'ਚ ਹੀ ਕੀਤਾ ਜਾਂਦਾ ਹੈ।

• ਪੰਚਕ ਦੌਰਾਨ ਭੁੱਲ ਕੇ ਵੀ ਘਰ ਵਿਚ ਲੱਕੜ ਤੇ ਇਸ ਤੋਂ ਬਣੀਆਂ ਵਸਤੂਆਂ, ਘਾਹ ਆਦਿ ਖਰੀਦਣਾ ਦੋਸ਼ ਮੰਨਿਆ ਜਾਂਦਾ ਹੈ।
• ਇਸ ਤੋਂ ਇਲਾਵਾ ਪੰਚਕ 'ਚ ਮੰਜਾਂ ਬੁਣਨਾ ਜਾਂ ਉਸ ਨੂੰ ਖੋਲ੍ਹਣਾ ਜਾਂ ਦੁਬਾਰਾ ਬੰਨ੍ਹਣਾ ਵੀ ਨਹੀਂ ਚਾਹੀਦਾ।
• ਪੰਚਕ ਦੌਰਾਨ ਛੱਤ ਪਵਾਉਣ ਦਾ ਕੰਮ ਵੀ ਨਹੀਂ ਕੀਤਾ ਜਾਂਦਾ।
• ਇਸ ਦੌਰਾਨ ਦੱਖਣ ਦਿਸ਼ਾ ਵੱਲ ਯਾਤਰਾ ਕਰਨਾ ਅਸ਼ੁੱਭ ਮੰਨਿਆ ਜਾਂਦਾ ਹੈ। ਜੋਤਿਸ਼ ਸ਼ਾਸਤਰ ਦੇ ਮੁਤਾਬਕ ਅਸ਼ੁੱਭ ਸਮੇਂ 'ਚ ਦੱਖਣ ਦਿਸ਼ਾ ਵੱਲ ਯਾਤਰਾ ਕਰਨ ਤੋਂ ਇਸ ਲਈ ਬਚਣਾ ਚਾਹੀਦਾ ਹੈ ਕਿਉਂਕਿ ਇਹ ਦਿਸ਼ਾ ਯਮ ਨਾਲ ਜੁੜੀ ਮੰਨੀ ਜਾਂਦੀ ਹੈ।
• ਪੰਚਕ ਦੌਰਾਨ ਜੇਕਰ ਕਿਸੇ ਦੀ ਮੌਤ ਹੋ ਜਾਵੇ ਤਾਂ ਉਸ ਦਾ ਅੰਤਿਮ ਸੰਸਕਾਰ ਆਮ ਤਰੀਕੇ ਨਾਲ ਕਰਨ ਦੀ ਬਜਾਏ ਪੰਚਕ ਸ਼ਾਂਤੀ ਦੇ ਨਾਲ ਕਰਨਾ ਚਾਹੀਦਾ ਹੈ। ਪੰਚਕ ਸ਼ਾਂਤੀ ਲਈ ਪੰਜ ਪੁਤਲੇ ਬਣਾਕੇ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕੀਤਾ ਜਾਂਦਾ ਹੈ।

ਡਿਸਕਲੇਮਰ: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਫਾਇਦੇ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ/ਜੋਤਿਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।