ਕੁੰਡਲੀ 'ਚ ਹੈ ਇਹ ਦੋਸ਼ ਤਾਂ ਸਮੇਂ ਸਿਰ ਕਰ ਲਓ ਇਸ ਦੇਵਤਾ ਦੀਆਂ 12 ਪਰਿਕਰਮਾ; ਕੰਗਾਲ ਹੋਣ ਤੋਂ ਬਚ ਜਾਓਗੇ

ਧਰਮ ਡੈਸਕ, ਨਵੀਂ ਦਿੱਲੀ : ਸਾਡਾ ਜੀਵਨ ਗ੍ਰਹਿਆਂ ਦੀ ਚਾਲ ਤੇ ਉਨ੍ਹਾਂ ਦੀ ਸਥਿਤੀ ’ਤੇ ਬਹੁਤ ਕੁਝ ਨਿਰਭਰ ਕਰਦਾ ਹੈ। ਕੁੰਡਲੀ 'ਚ ਕਮਜ਼ੋਰ ਗ੍ਰਹਿ ਹਮੇਸ਼ਾ ਹੀ ਦੋਸ਼ ਪੈਦਾ ਕਰਦਾ ਹੈ, ਜਿਸ ਦਾ ਸਿੱਧਾ ਪ੍ਰਭਾਵ ਸਾਡੀ ਜ਼ਿੰਦਗੀ ’ਤੇ ਪੈਂਦਾ ਹੈ। ਕੁੰਡਲੀ ਵਿਚ ਮੌਜੂਦ ਮੰਗਲ ਦੋਸ਼ ਵੀ ਇਨ੍ਹਾਂ ਵਿਚੋਂ ਇਕ ਹੈ ਜਿਸ ਦੇ ਹੋਣ ਨਾਲ ਜੀਵਨ ਵਿਚ ਕਈ ਤਰ੍ਹਾਂ ਦੀਆਂ ਮੁਸ਼ਕਲਾਂ ਦੇਖਣ ਨੂੰ ਮਿਲਦੀਆਂ ਹਨ। ਖਾਸ ਤੌਰ ’ਤੇ ਕਰੀਅਰ, ਵਿਆਹ ਤੇ ਆਰਥਿਕ ਮਾਮਲਿਆਂ ਵਿਚ ਮੰਗਲ ਗ੍ਰਹਿ ਦਾ ਸ਼ੁਭ ਸਥਿਤੀ ਵਿਚ ਹੋਣਾ ਬਹੁਤ ਜ਼ਰੂਰੀ ਮੰਨਿਆ ਜਾਂਦਾ ਹੈ।

ਜੇ ਮੰਗਲ ਦੋਸ਼ ਦੇ ਨਿਵਾਰਣ ਲਈ ਉਪਾਅ ਸਹੀ ਸਮੇਂ ’ਤੇ ਨਾ ਕੀਤੇ ਜਾਣ ਤਾਂ ਵਿਅਕਤੀ ਕੰਗਾਲ ਤਕ ਹੋ ਸਕਦਾ ਹੈ। ਜੇ ਤੁਹਾਡੀ ਕੁੰਡਲੀ 'ਚ ਵੀ ਮੰਗਲ ਦੋਸ਼ ਹੈ ਤਾਂ ਤੁਹਾਨੂੰ ਵੀ ਇਸ ਗ੍ਰਹਿ ਦੀ ਸਥਿਤੀ ਮਜ਼ਬੂਤ ਕਰਨ ਲਈ ਜ਼ਰੂਰੀ ਉਪਾਅ ਕਰਨੇ ਚਾਹੀਦੇ ਹਨ। ਖਾਸ ਤੌਰ ’ਤੇ ਮੰਗਲ ਦੇਵ ਦੀ ਪੂਜਾ ਤੇ ਉਨ੍ਹਾਂ ਦੀ ਪਰਿਕਰਮਾ ਕਰਨ ਨਾਲ ਮੰਗਲ ਦੋਸ਼ ਦੇ ਪ੍ਰਭਾਵ ਨੂੰ ਸ਼ਾਂਤ ਕੀਤਾ ਜਾ ਸਕਦਾ ਹੈ। ਆਓ ਤੁਹਾਨੂੰ ਮੰਗਲ ਦੇਵ ਦੀ ਪਰਿਕਰਮਾ ਦੀ ਵਿਧੀ ਤੇ ਮਹੱਤਵ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ।

ਮੰਗਲ ਦੇਵ ਦੀਆਂ 12 ਪਰਿਕਰਮਾਵਾਂ ਕਿਉਂ ਮੰਨੀਆਂ ਜਾਂਦੀਆਂ ਹਨ ਖਾਸ?

ਜੋਤਿਸ਼ ਸ਼ਾਸਤਰ 'ਚ ਕੁੰਡਲੀ ਦੇ 12 ਭਾਵ ਜੀਵਨ ਦੇ ਵੱਖ-ਵੱਖ ਖੇਤਰਾਂ ਦੀ ਨੁਮਾਇੰਦਗੀ ਕਰਦੇ ਹਨ। ਇਨ੍ਹਾਂ ਵਿਚ ਧਨ, ਪਰਿਵਾਰ, ਵਿਆਹ, ਕਰੀਅਰ, ਸਿਹਤ, ਔਲਾਦ ਤੇ ਦੁਸ਼ਮਣ ਆਦਿ ਨਾਲ ਸਬੰਧਤ ਭਾਵ ਸ਼ਾਮਲ ਹੁੰਦੇ ਹਨ। ਮੰਨਿਆ ਜਾਂਦਾ ਹੈ ਕਿ ਮੰਗਲ ਦੇਵ ਦੀਆਂ 12 ਪਰਿਕਰਮਾਵਾਂ ਕਰਨ ਨਾਲ ਕੁੰਡਲੀ ਦੇ ਸਾਰੇ 12 ਭਾਵਾਂ ਵਿਚ ਮੰਗਲ ਨਾਲ ਜੁੜੇ ਅਸ਼ੁਭ ਪ੍ਰਭਾਵਾਂ ਨੂੰ ਸ਼ਾਂਤ ਕੀਤਾ ਜਾ ਸਕਦਾ ਹੈ।

ਕਿੱਥੇ ਕਰਨੀ ਚਾਹੀਦੀ ਹੈ ਮੰਗਲ ਦੇਵ ਦੀ 12 ਪਰਿਕਰਮਾ ?

ਮੰਗਲ ਦੋਸ਼ ਨਾਲ ਜੁੜੇ ਉਪਾਵਾਂ ਲਈ ਉੱਜੈਨ ਦਾ ਮੰਗਲਨਾਥ ਮੰਦਰ ਵਿਸ਼ੇਸ਼ ਤੌਰ ’ਤੇ ਪ੍ਰਸਿੱਧ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਮੰਗਲਨਾਥ ਮੰਦਰ ਨੂੰ ਮੰਗਲ ਦੇਵ ਦੀ ਜਨਮਭੂਮੀ ਮੰਨਿਆ ਜਾਂਦਾ ਹੈ। ਇੱਥੇ ਮੰਗਲ ਗ੍ਰਹਿ ਨਾਲ ਸਬੰਧਤ ਵਿਸ਼ੇਸ਼ ਪੂਜਾ ਜਾਂ ਅਨੁਸ਼ਠਾਨ ਵੀ ਕੀਤੇ ਜਾਂਦੇ ਹਨ। ਜੇ ਉੱਜੈਨ ਜਾਣਾ ਸੰਭਵ ਨਾ ਹੋਵੇ ਤਾਂ ਕਿਸੇ ਪ੍ਰਾਚੀਨ ਸ਼ਿਵ ਮੰਦਰ ਜਾਂ ਨਵਗ੍ਰਹਿ ਮੰਦਰ 'ਚ ਸਥਾਪਤ ਮੰਗਲ ਦੇਵ ਦੀ ਮੂਰਤੀ ਦੀ ਪਰਿਕਰਮਾ ਕੀਤੀ ਜਾ ਸਕਦੀ ਹੈ।

ਮੰਗਲਵਾਰ ਨੂੰ ਇਸ ਤਰ੍ਹਾਂ ਕਰੋ 12 ਪਰਿਕਰਮਾ

• ਮੰਗਲ ਦੇਵ ਦੀ ਪਰਿਕਰਮਾ ਲਈ ਮੰਗਲਵਾਰ ਦਾ ਦਿਨ ਸ਼ੁੱਭ ਮੰਨਿਆ ਜਾਂਦਾ ਹੈ। ਸਵੇਰੇ ਇਸ਼ਨਾਨ ਕਰ ਕੇ ਸਾਫ਼ ਕੱਪੜੇ ਪਹਿਨੋ। ਲਾਲ ਰੰਗ ਦੇ ਕੱਪੜਿਆਂ ਨੂੰ ਮੰਗਲ ਨਾਲ ਸਬੰਧਤ ਮੰਨਿਆ ਜਾਂਦਾ ਹੈ, ਇਸ ਲਈ ਇਸ ਦਿਨ ਲਾਲ ਕੱਪੜੇ ਪਹਿਨਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
• ਮੰਦਰ ਪਹੁੰਚ ਕੇ ਸਭ ਤੋਂ ਪਹਿਲਾਂ ਮੰਗਲ ਦੇਵ ਨੂੰ ਲਾਲ ਫੁੱਲ, ਲਾਲ ਚੰਦਨ ਅਤੇ ਮਸਰ ਦੀ ਦਾਲ ਵਰਗੀਆਂ ਵਸਤੂਆਂ ਸ਼ਰਧਾ ਅਨੁਸਾਰ ਅਰਪਿਤ ਕਰੋ। ਇਸ ਤੋਂ ਬਾਅਦ ਦੀਵਾ ਜਗਾ ਕੇ ਮੰਗਲ ਦੇਵ ਦਾ ਧਿਆਨ ਕਰੋ।
• ਹੁਣ ਮੰਗਲ ਦੇਵ ਦੀਆਂ 12 ਪਰਿਕਰਮਾਵਾਂ ਕਰੋ। ਪਰਿਕਰਮਾ ਦੌਰਾਨ ਮਨ ਵਿਚ ਮੰਗਲ ਦੇਵ ਦੇ ਇਸ ਮੰਤਰ “ਓਮ ਕ੍ਰਾਂ ਕ੍ਰੀਂ ਕ੍ਰੌਂ ਸਃ ਭੌਮਾਯ ਨਮਃ।” ਦਾ ਜਾਪ ਕਰੋ। ਪੂਜਾ ਦੌਰਾਨ ਮਨ ਨੂੰ ਸ਼ਾਂਤ ਰੱਖੋ ਅਤੇ ਮੰਗਲ ਦੇਵ ਤੋਂ ਜੀਵਨ ਵਿਚ ਹਿੰਮਤ, ਸੰਜਮ ਅਤੇ ਸਕਾਰਾਤਮਕ ਊਰਜਾ ਮਿਲਣ ਦੀ ਪ੍ਰਾਰਥਨਾ ਕਰੋ।

ਮੰਗਲ ਦੋਸ਼ ਘਟਾਉਣ ਦੇ ਹੋਰ ਉਪਾਅ

ਮੰਗਲ ਦੋਸ਼ ਤੇ ਆਰਥਿਕ ਪਰੇਸ਼ਾਨੀਆਂ ਤੋਂ ਰਾਹਤ ਪਾਉਣ ਲਈ ਲਗਾਤਾਰ 21 ਮੰਗਲਵਾਰ ਵਰਤ ਰੱਖਣਾ ਵੀ ਚੰਗਾ ਉਪਾਅ ਮੰਨਿਆ ਜਾਂਦਾ ਹੈ। ਇਸ ਵਰਤ 'ਚ ਨਮਕ ਦਾ ਸੇਵਨ ਨਹੀਂ ਕੀਤਾ ਜਾਂਦਾ ਅਤੇ ਸਾਤਵਿਕ ਭੋਜਨ ਲਿਆ ਜਾਂਦਾ ਹੈ। ਉੱਜੈਨ ਦੇ ਮੰਗਲਨਾਥ ਮੰਦਰ 'ਚ ਮੰਗਲ ਗ੍ਰਹਿ ਨਾਲ ਸਬੰਧਤ ਭਾਤ ਪੂਜਾ ਵੀ ਕਰਵਾਈ ਜਾ ਸਕਦੀ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਇਹ ਪੂਜਾ ਮੰਗਲ ਦੋਸ਼ ਦੀ ਸ਼ਾਂਤੀ ਲਈ ਕਰਵਾਈ ਜਾਂਦੀ ਹੈ। ਇਸ ਲਈ ਆਪਣੇ ਕਰਮਾਂ ਨੂੰ ਸੁਧਾਰੋ ਅਤੇ ਮੰਗਲ ਗ੍ਰਹਿ ਨੂੰ ਸ਼ਾਂਤ ਕਰਨ ਲਈ ਉੱਪਰ ਦੱਸੇ ਗਏ ਉਪਾਅ ਕਰੋ।

ਡਿਸਕਲੇਮਰ: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਫਾਇਦੇ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ/ਜੋਤਿਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।