ਚਮਕੇਗੀ ਇਨ੍ਹਾਂ 4 ਰਾਸ਼ੀਆਂ ਦੀ ਕਿਸਮਤ, ਹਰਤਾਲਿਕਾ ਤੀਜ 'ਤੇ ਸ਼ਿਵ-ਪਾਰਵਤੀ ਦੀ ਕਿਰਪਾ ਨਾਲ ਦੂਰ ਹੋਣਗੇ ਵਿਆਹੁਤਾ ਜੀਵਨ ਦੇ ਤਣਾਅ

ਧਰਮ ਡੈਸਕ, ਨਵੀਂ ਦਿੱਲੀ छ ਵੈਦਿਕ ਪੰਚਾਂਗ ਦੇ ਅਨੁਸਾਰ, 14 ਸਤੰਬਰ ਨੂੰ ਹਰਤਾਲਿਕਾ ਤੀਜ (Hartalika Teej 2026) ਦਾ ਤਿਉਹਾਰ ਮਨਾਇਆ ਜਾਵੇਗਾ। ਇਹ ਵਰਤ ਸਭ ਤੋਂ ਔਖੇ ਅਤੇ ਪਵਿੱਤਰ ਵਰਤਾਂ 'ਚੋਂ ਇਕ ਮੰਨਿਆ ਜਾਂਦਾ ਹੈ। ਇਸ ਦਿਨ ਸੁਹਾਗਣ ਔਰਤਾਂ ਵਿਆਹੁਤਾ ਜੀਵਨ 'ਚ ਸੁੱਖ-ਸ਼ਾਂਤੀ ਲਈ ਨਿਰਜਲਾ ਵਰਤ ਰੱਖਦੀਆਂ ਹਨ, ਜਦਕਿ ਕੁਆਰੀਆਂ ਕੁੜੀਆਂ ਮਨਚਾਹਿਆ ਵਰ ਪਾਉਣ ਅਤੇ ਵਿਆਹ 'ਚ ਆ ਰਹੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਲਈ ਵਰਤ ਕਰਦੀਆਂ ਹਨ।

ਧਾਰਮਿਕ ਮਾਨਤਾਵਾਂ ਦੇ ਅਨੁਸਾਰ, ਇਸ ਦਿਨ ਭਗਵਾਨ ਸ਼ਿਵ ਦੇ ਨਾਲ ਮਾਤਾ ਪਾਰਵਤੀ ਦੀ ਪੂਜਾ ਕਰਨ ਨਾਲ ਅਖੰਡ ਸੁਹਾਗ ਦਾ ਆਸ਼ੀਰਵਾਦ ਮਿਲਦਾ ਹੈ ਅਤੇ ਸ਼ੁਭ ਨਤੀਜੇ ਪ੍ਰਾਪਤ ਹੁੰਦੇ ਹਨ। ਜੋਤਿਸ਼ ਗਣਨਾ ਅਨੁਸਾਰ, ਮਹਾਦੇਵ ਅਤੇ ਮਾਤਾ ਪਾਰਵਤੀ ਦੀ ਕਿਰਪਾ ਨਾਲ ਕੁਝ ਰਾਸ਼ੀਆਂ ਦੇ ਲੋਕਾਂ ਦੇ ਵਿਆਹੁਤਾ ਜੀਵਨ 'ਚ ਖੁਸ਼ੀਆਂ ਦੀ ਆਮਦ ਹੁੰਦੀ ਹੈ ਅਤੇ ਸੁੱਖ-ਸਮ੍ਰਿੱਧੀ 'ਚ ਵਾਧਾ ਹੁੰਦਾ ਹੈ।

ਹੁਣ ਤੁਹਾਡੇ ਮਨ 'ਚ ਸਵਾਲ ਆ ਰਿਹਾ ਹੋਵੇਗਾ ਕਿ ਅਜਿਹੀਆਂ ਕਿਹੜੀਆਂ ਰਾਸ਼ੀਆਂ ਹਨ, ਜਿਨ੍ਹਾਂ 'ਤੇ ਸ਼ਿਵ ਅਤੇ ਮਾਤਾ ਪਾਰਵਤੀ ਦੀ ਵਧੇਰੇ ਕਿਰਪਾ ਵਰਸਦੀ ਹੈ। ਆਓ ਇਸ ਆਰਟੀਕਲ 'ਚ ਐਸਟਰੋਪਤਰੀ ਦੇ ਚੰਦਰੈਸ਼ ਸ਼ਰਮਾ ਜੀ ਦੇ ਅਨੁਸਾਰ ਇਨ੍ਹਾਂ ਲੱਕੀ ਰਾਸ਼ੀਆਂ ਬਾਰੇ ਜਾਣਦੇ ਹਾਂ। ਚੰਦਰੈਸ਼ ਸ਼ਰਮਾ ਜੀ ਦੱਸਦੇ ਹਨ ਕਿ ਹਰਤਾਲਿਕਾ ਤੀਜ 'ਤੇ ਭਗਵਾਨ ਸ਼ਿਵ ਅਤੇ ਮਾਤਾ ਪਾਰਵਤੀ ਦੀ ਕਿਰਪਾ ਨਾਲ ਕੁਝ ਖਾਸ ਰਾਸ਼ੀਆਂ ਦੇ ਵਿਆਹੁਤਾ ਜੀਵਨ 'ਚ ਮਿਠਾਸ ਅਤੇ ਪਿਆਰ ਵਧਦਾ ਹੈ।

ਇਨ੍ਹਾਂ ਰਾਸ਼ੀਆਂ ਦੇ ਵਿਆਹੁਤਾ ਜੀਵਨ 'ਚ ਵਧੇਗਾ ਪਿਆਰ

ਬ੍ਰਿਖ ਰਾਸ਼ੀ: ਬ੍ਰਿਖ ਰਾਸ਼ੀ ਦੇ ਲੋਕਾਂ ਲਈ ਇਹ ਤਿਉਹਾਰ ਆਪਸੀ ਤਾਲਮੇਲ ਅਤੇ ਪਿਆਰ ਵਧਾਉਣ ਵਾਲਾ ਰਹੇਗਾ। ਇਸ ਨਾਲ ਪੁਰਾਣੇ ਮਨ-ਮੁਟਾਅ ਦੂਰ ਹੋਣਗੇ।

ਕਰਕ ਰਾਸ਼ੀ: ਜੀਵਨਸਾਥੀ ਦੇ ਨਾਲ ਭਾਵਨਾਤਮਕ ਰਿਸ਼ਤਾ ਮਜ਼ਬੂਤ ਹੋਵੇਗਾ ਅਤੇ ਘਰ 'ਚ ਸੁੱਖ-ਸ਼ਾਂਤੀ ਦਾ ਮਾਹੌਲ ਬਣੇਗਾ।

ਤੁਲਾ ਰਾਸ਼ੀ: ਤੁਲਾ ਰਾਸ਼ੀ ਦੇ ਲੋਕਾਂ ਦੇ ਵਿਆਹੁਤਾ ਜੀਵਨ 'ਚ ਜੇ ਲੰਬੇ ਸਮੇਂ ਤੋਂ ਤਣਾਅ ਚੱਲ ਰਿਹਾ ਹੈ ਤਾਂ ਉਹ ਖ਼ਤਮ ਹੋਵੇਗਾ। ਇਸ ਦੇ ਨਾਲ ਹੀ ਆਪਸੀ ਸਹਿਯੋਗ ਅਤੇ ਖਿੱਚ ਵਧੇਗੀ।

ਮੀਨ ਰਾਸ਼ੀ: ਮੀਨ ਰਾਸ਼ੀ ਦੇ ਲੋਕਾਂ ਨੂੰ ਜੀਵਨਸਾਥੀ ਦਾ ਭਰਪੂਰ ਸਹਿਯੋਗ ਮਿਲੇਗਾ ਅਤੇ ਅਧਿਆਤਮਿਕ ਤੇ ਪਰਿਵਾਰਕ ਸਮ੍ਰਿੱਧੀ ਦੇ ਯੋਗ ਬਣਨਗੇ।

ਹਰਤਾਲਿਕਾ ਤੀਜ ਦੇ ਦਿਨ ਕੀ ਕਰੀਏ?

ਧਾਰਮਿਕ ਮਾਨਤਾ ਹੈ ਕਿ ਹਰਤਾਲਿਕਾ ਤੀਜ ਦਾ ਵਰਤ ਵਿਧੀਪੂਰਵਕ ਕਰਨ ਅਤੇ ਵਰਤ ਕਥਾ ਦਾ ਪਾਠ ਕਰਨ ਨਾਲ ਸਾਧਕ ਨੂੰ ਸਾਰੇ ਪਾਪਾਂ ਤੋਂ ਮੁਕਤੀ ਮਿਲਦੀ ਹੈ ਅਤੇ ਜੀਵਨ 'ਚ ਸਾਰੇ ਸੁੱਖ ਪ੍ਰਾਪਤ ਹੁੰਦੇ ਹਨ। ਇਸ ਤੋਂ ਇਲਾਵਾ, ਭਗਵਾਨ ਸ਼ਿਵ ਅਤੇ ਮਾਤਾ ਪਾਰਵਤੀ ਦੀ ਕਿਰਪਾ ਨਾਲ ਜੀਵਨ 'ਚ ਸਕਾਰਾਤਮਕਤਾ ਬਣੀ ਰਹਿੰਦੀ ਹੈ ਅਤੇ ਸਾਰੇ ਕੰਮਾਂ 'ਚ ਸਫਲਤਾ ਪ੍ਰਾਪਤ ਹੁੰਦੀ ਹੈ।

ਹਰਤਾਲਿਕਾ ਤੀਜ ਦੇ ਦਿਨ ਪੂਜਾ-ਅਰਚਨਾ ਕਰਨ ਤੋਂ ਬਾਅਦ ਮੰਦਰ 'ਚ ਜਾਂ ਕਿਸੇ ਸੁਹਾਗਣ ਔਰਤ ਨੂੰ ਸੁਹਾਗ ਨਾਲ ਜੁੜੀਆਂ ਚੀਜ਼ਾਂ ਦਾ ਦਾਨ ਕਰੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਚੀਜ਼ਾਂ ਦਾ ਦਾਨ ਕਰਨ ਨਾਲ ਵਿਆਹੁਤਾ ਜੀਵਨ ਖੁਸ਼ਹਾਲ ਰਹਿੰਦਾ ਹੈ ਅਤੇ ਪਤੀ-ਪਤਨੀ ਦੇ ਰਿਸ਼ਤੇ 'ਚ ਮਜ਼ਬੂਤੀ ਆਉਂਦੀ ਹੈ।