ਗਣੇਸ਼ ਵਿਸਰਜਣ 2026: 15 ਸਤੰਬਰ ਨੂੰ ਹੋਵੇਗਾ ਡੇਢ ਦਿਨ ਵਾਲੇ ਗਣਪਤੀ ਦਾ ਵਿਸਰਜਣ, ਜਾਣੋ ਸ਼ੁਭ ਮਹੂਰਤ ਤੇ ਜ਼ਰੂਰੀ ਨਿਯਮ

ਧਰਮ ਡੈਸਕ, ਨਵੀਂ ਦਿੱਲੀ : ਵੈਦਿਕ ਪੰਚਾਂਗ ਦੇ ਅਨੁਸਾਰ, 14 ਸਤੰਬਰ ਨੂੰ ਪੂਰੇ ਦੇਸ਼ 'ਚ ਗਣੇਸ਼ ਚਤੁਰਥੀ (Ganesh Chaturthi 2026) ਮਨਾਈ ਜਾਵੇਗੀ। ਹਿੰਦੂ ਧਰਮ 'ਚ ਗਣੇਸ਼ ਚਤੁਰਥੀ ਦਾ ਵਿਸ਼ੇਸ਼ ਮਹੱਤਵ ਹੈ। ਧਾਰਮਿਕ ਮਾਨਤਾਵਾਂ ਦੇ ਅਨੁਸਾਰ, ਗਣੇਸ਼ ਚਤੁਰਥੀ ਨੂੰ ਗਣਪਤੀ ਦੇ ਜਨਮ ਉਤਸਵ ਵਜੋਂ ਪੂਰੇ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ।

ਇਸ ਮੌਕੇ ਘਰਾਂ 'ਚ ਭਗਵਾਨ ਗਣੇਸ਼ ਦੀ ਮੂਰਤੀ ਸਥਾਪਿਤ ਕੀਤੀ ਜਾਂਦੀ ਹੈ ਅਤੇ ਵਿਸ਼ੇਸ਼ ਪੂਜਾ-ਅਰਚਨਾ ਕੀਤੀ ਜਾਂਦੀ ਹੈ। ਇਸ ਤੋਂ ਬਾਅਦ ਅਨੰਤ ਚਤੁਰਦਸ਼ੀ ਦੇ ਦਿਨ ਗਣਪਤੀ ਵਿਸਰਜਣ ਕੀਤਾ ਜਾਂਦਾ ਹੈ। ਕਈ ਲੋਕ ਡੇਢ ਦਿਨ ਬਾਅਦ ਵੀ ਗਣਪਤੀ ਦਾ ਵਿਸਰਜਣ ਕਰਦੇ ਹਨ। ਜੇ ਤੁਸੀਂ ਵੀ ਡੇਢ ਦਿਨ ਵਾਲੇ ਗਣਪਤੀ ਦਾ ਵਿਸਰਜਣ ਕਰਨਾ ਚਾਹੁੰਦੇ ਹੋ ਤਾਂ ਆਓ ਜਾਣਦੇ ਹਾਂ ਕਿ ਇਸ ਦਾ ਸ਼ੁੱਭ ਮਹੂਰਤ ਕੀ ਰਹੇਗਾ।

ਕਿਸ ਦਿਨ ਕੀਤਾ ਜਾਵੇਗਾ ਡੇਢ ਦਿਨ ਵਾਲੇ ਗਣਪਤੀ ਦਾ ਵਿਸਰਜਣ ?

ਵੈਦਿਕ ਪੰਚਾਂਗ ਦੇ ਅਨੁਸਾਰ, ਡੇਢ ਦਿਨ ਵਾਲੇ ਗਣਪਤੀ ਦਾ ਵਿਸਰਜਣ 15 ਸਤੰਬਰ ਨੂੰ ਕੀਤਾ ਜਾਵੇਗਾ। ਇਸ ਦਿਨ ਵਿਸਰਜਣ ਦਾ ਸ਼ੁੱਭ ਮਹੂਰਤ ਇਸ ਤਰ੍ਹਾਂ ਹੈ-

ਸਵੇਰ ਦਾ ਮਹੂਰਤ (ਚਰ, ਲਾਭ, ਅੰਮ੍ਰਿਤ)- ਦੁਪਹਿਰ 12:26 ਵਜੇ ਤੋਂ 01:58 ਵਜੇ ਤਕ।

ਦੁਪਹਿਰ ਦਾ ਮਹੂਰਤ (ਸ਼ੁੱਭ)- ਦੁਪਹਿਰ 03:31 ਵਜੇ ਤੋਂ ਸ਼ਾਮ 05:03 ਵਜੇ ਤੱਕ।

ਸੰਧਿਆ ਦਾ ਮਹੂਰਤ (ਲਾਭ)- ਰਾਤ 08:03 ਵਜੇ ਤੋਂ 09:31 ਵਜੇ ਤੱਕ। (ਲੇਖ 'ਚ ਦੁਪਹਿਰ ਲਿਖਿਆ ਗਿਆ ਸੀ, ਜਿਸ ਨੂੰ ਸੁਧਾਰ ਕੇ ਸੰਧਿਆ ਕੀਤਾ ਗਿਆ ਹੈ।)

ਰਾਤ ਦਾ ਮਹੂਰਤ (ਸ਼ੁੱਭ, ਅੰਮ੍ਰਿਤ, ਚਰ)- ਰਾਤ 10:59 ਵਜੇ ਤੋਂ 16 ਸਤੰਬਰ ਦੀ ਸਵੇਰ 03:22 ਵਜੇ ਤੱਕ।

ਬ੍ਰਹਮ ਮਹੂਰਤ- ਸਵੇਰੇ 04:44 ਵਜੇ ਤੋਂ 05:41 ਵਜੇ ਤੱਕ।

ਅਭਿਜੀਤ ਮਹੂਰਤ- ਦੁਪਹਿਰ 12:02 ਵਜੇ ਤੋਂ 12:51 ਵਜੇ ਤੱਕ।

ਵਿਜੇ ਮਹੂਰਤ- ਦੁਪਹਿਰ 02:29 ਵਜੇ ਤੋਂ 03:18 ਵਜੇ ਤੱਕ।

ਗੋਧੂਲੀ ਮਹੂਰਤ- ਸ਼ਾਮ 06:35 ਵਜੇ ਤੋਂ 06:59 ਵਜੇ ਤੱਕ।

ਰਵੀ ਯੋਗ- ਸਵੇਰੇ 06:17 ਵਜੇ ਤੋਂ 03:21 ਵਜੇ ਤੱਕ।

ਗਣਪਤੀ ਵਿਸਰਜਨ ਦੌਰਾਨ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ

• ਗਣਪਤੀ ਵਿਸਰਜਨ ਵਾਲੇ ਦਿਨ ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਭਗਵਾਨ ਗਣੇਸ਼ ਦੀ ਪੂਜਾ-ਅਰਚਨਾ ਕਰੋ।
• ਗਣੇਸ਼ ਜੀ ਨੂੰ ਵਿਧੀਪੂਰਵਕ ਮੋਦਕ ਤੇ ਲੱਡੂ ਦਾ ਭੋਗ ਜ਼ਰੂਰ ਲਗਾਓ।
• ਪ੍ਰਭੂ ਅੱਗੇ ਜੀਵਨ 'ਚ ਸੁੱਖ-ਸ਼ਾਂਤੀ ਦੀ ਪ੍ਰਾਪਤੀ ਲਈ ਪ੍ਰਾਰਥਨਾ ਕਰੋ।
• ਭਗਵਾਨ ਗਣੇਸ਼ ਦੇ ਵਿਸਰਜਨ ਦੌਰਾਨ ਖੁਦ ਸਾਫ਼ ਕੱਪੜੇ ਪਹਿਨੋ। ਇਸ ਦੌਰਾਨ ਕਾਲੇ ਕੱਪੜੇ ਪਹਿਨਣ ਤੋਂ ਬਚਣਾ ਚਾਹੀਦਾ ਹੈ।
• ਭਗਵਾਨ ਗਣੇਸ਼ ਦੀ ਮੂਰਤੀ ਨੂੰ ਵਿਧੀਪੂਰਵਕ ਜਲ 'ਚ ਪ੍ਰਵਾਹਿਤ ਕਰੋ।
• ਗਣੇਸ਼ ਉਤਸਵ ਦੌਰਾਨ ਤਾਮਸਿਕ ਭੋਜਨ ਦਾ ਸੇਵਨ ਨਾ ਕਰੋ ਅਤੇ ਕਿਸੇ ਨਾਲ ਵਾਦ-ਵਿਵਾਦ ਕਰਨ ਤੋਂ ਬਚੋ।