ਫੇਂਗਸ਼ੂਈ ਟਿਪਸ: ਭੁੱਲ ਕੇ ਵੀ ਕਿਸੇ ਨੂੰ ਤੋਹਫ਼ੇ 'ਚ ਨਾ ਦਿਓ ਇਹ 5 ਚੀਜ਼ਾਂ, ਦਾਅ 'ਤੇ ਲੱਗ ਸਕਦੀ ਹੈ ਤੁਹਾਡੀ ਕਿਸਮਤ!

ਧਰਮ ਡੈਸਕ, ਨਵੀਂ ਦਿੱਲੀ : ਅਕਸਰ ਅਸੀਂ ਆਪਣੇ ਪਿਆਰਿਆਂ ਨੂੰ ਖੁਸ਼ ਕਰਨ ਲਈ ਜਾਂ ਕਿਸੇ ਖਾਸ ਮੌਕੇ 'ਤੇ ਤੋਹਫ਼ੇ ਦਿੰਦੇ ਹਾਂ। ਫੇਂਗਸ਼ੂਈ ਅਨੁਸਾਰ, ਤੋਹਫ਼ਿਆਂ ਦਾ ਸਾਡੇ ਜੀਵਨ ਤੇ ਊਰਜਾ 'ਤੇ ਬਹੁਤ ਡੂੰਘਾ ਅਸਰ ਪੈਂਦਾ ਹੈ। ਉੱਥੇ ਹੀ ਜੇਕਰ ਤੁਸੀਂ ਫੇਂਗਸ਼ੂਈ ਅਨੁਸਾਰ, ਕੁਝ ਚੀਜ਼ਾਂ ਨੂੰ ਗਿਫਟ 'ਚ ਦਿੰਦੇ ਹੋ ਤਾਂ ਇਸ ਦਾ ਬੁਰਾ ਅਸਰ ਗਿਫਟ ਦੇਣ ਵਾਲੇ ਤੇ ਪਾਉਣ ਵਾਲੇ, ਦੋਵਾਂ ਦੇ ਜੀਵਨ 'ਤੇ ਬਰਾਬਰ ਰੂਪ 'ਚ ਪੈ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੀਆਂ ਚੀਜ਼ਾਂ ਨੂੰ ਤੋਹਫ਼ੇ 'ਚ ਦੇਣ ਤੋਂ ਬਚਣਾ ਚਾਹੀਦਾ ਹੈ।

ਗਿਫਟ 'ਚ ਇਹ ਚੀਜ਼ਾਂ ਨਾ ਦਿਉ

ਫੇਂਗਸ਼ੂਈ ਮੁਤਾਬਕ ਕਿਸੇ ਨੂੰ ਵੀ ਚਾਕੂ, ਕੈਂਚੀ, ਤਲਵਾਰ ਜਾਂ ਕਟਲਰੀ ਸੈੱਟ ਵਰਗੀਆਂ ਨੁਕੀਲੀਆਂ ਚੀਜ਼ਾਂ ਕਦੇ ਗਿਫਟ ਨਾ ਕਰੋ। ਇਹ ਚੀਜ਼ਾਂ ਨਕਾਰਾਤਮਕ ਊਰਜਾ ਨੂੰ ਆਕਰਸ਼ਿਤ ਕਰਦੀਆਂ ਹਨ ਜਿਸ ਨਾਲ ਰਿਸ਼ਤਿਆਂ 'ਤੇ ਇਸ ਦਾ ਨਕਾਰਾਤਮਕ ਪ੍ਰਭਾਵ ਪੈਂਦਾ ਹੈ।

ਰੁਮਾਲ ਨੂੰ ਫੇਂਗਸ਼ੂਈ 'ਚ ਹੰਝੂਆਂ, ਵਿਦਾਈ ਤੇ ਉਦਾਸੀ ਦਾ ਪ੍ਰਤੀਕ ਮੰਨਿਆ ਗਿਆ ਹੈ। ਕਿਸੇ ਨੂੰ ਰੁਮਾਲ ਭੇਂਟ ਕਰਨ ਨਾਲ ਆਪਸ ਵਿਚ ਦੂਰੀਆਂ ਆ ਸਕਦੀਆਂ ਹਨ।

ਇਨਡੋਰ ਵਾਟਰ ਫਾਊਂਟੇਨ ਜਾਂ ਐਕੁਏਰੀਅਮ ਵਰਗੀਆਂ ਚੀਜ਼ਾਂ ਫੇਂਗਸ਼ੂਈ 'ਚ ਧਨ ਤੇ ਚੰਗੀ ਕਿਸਮਤ ਦਾ ਪ੍ਰਤੀਕ ਹਨ। ਪਰ ਜੇਕਰ ਤੁਸੀਂ ਇਨ੍ਹਾਂ ਨੂੰ ਕਿਸੇ ਨੂੰ ਤੋਹਫ਼ੇ 'ਚ ਦਿੰਦੇ ਹੋ ਤਾਂ ਇਸ ਦਾ ਮਤਲਬ ਹੈ ਕਿ ਤੁਸੀਂ ਆਪਣੇ ਘਰ ਦੀ ਚੰਗੀ ਕਿਸਮਤ ਤੇ ਸਕਾਰਾਤਮਕ ਊਰਜਾ ਸਾਹਮਣੇ ਵਾਲੇ ਵਿਅਕਤੀ ਨੂੰ ਸੌਂਪ ਰਹੇ ਹੋ।

ਇਨ੍ਹਾਂ ਚੀਜ਼ਾਂ ਨਾਲ ਰੁਕ ਸਕਦੀ ਹੈ ਤਰੱਕੀ

ਅੱਜ-ਕੱਲ੍ਹ ਬਾਜ਼ਾਰਾਂ 'ਚ ਮਹਿੰਗੇ ਪਲਾਸਟਿਕ ਗਿਫਟਸ ਤੇ ਆਰਟੀਫੀਸ਼ੀਅਲ (ਨਕਲੀ) ਸ਼ੋਅ-ਪੀਸ ਦਾ ਚਲਨ ਕਾਫ਼ੀ ਵਧ ਗਿਆ ਹੈ। ਇਹ ਦੇਖਣ 'ਚ ਆਕਰਸ਼ਕ ਹੁੰਦੇ ਹਨ ਪਰ ਫੇਂਗਸ਼ੂਈ ਅਨੁਸਾਰ, ਇਹ ਨਕਲੀ ਚੀਜ਼ਾਂ ਘਰ ਵਿਚ ਮ੍ਰਿਤ ਊਰਜਾ (Dead Energy) ਲੈ ਕੇ ਆਉਂਦੀਆਂ ਹਨ, ਜੋ ਘਰ ਦੀ ਤਰੱਕੀ ਨੂੰ ਰੋਕਦੀਆਂ ਹਨ। ਇਸ ਦੀ ਥਾਂ ਤੁਹਾਨੂੰ ਹਮੇਸ਼ਾ ਲਾਈਵ ਫੇਂਗਸ਼ੂਈ ਪਲਾਂਟਸ ਨੂੰ ਤਰਜੀਹ ਦੇਣੀ ਚਾਹੀਦੀ ਹੈ। ਯਾਨੀ ਤੁਹਾਨੂੰ ਪਲਾਸਟਿਕ ਦਾ ਤੋਹਫ਼ਾ ਨਾ ਦੇ ਕੇ ਇਸ ਦੀ ਥਾਂ ਕਿਸੇ ਜੀਵਿਤ ਪੌਦੇ ਨੂੰ ਚੁਣਨਾ ਚਾਹੀਦਾ ਹੈ।

ਇਸ ਤਰ੍ਹਾਂ ਦੇ ਪੌਦੇ ਨਾ ਕਰੋ ਗਿਫਟ

ਉਂਝ ਤਾਂ ਕਿਸੇ ਨੂੰ ਪੌਦਾ ਗਿਫਟ ਕਰਨਾ ਬੇਹੱਦ ਸ਼ੁਭ ਮੰਨਿਆ ਜਾਂਦਾ ਹੈ, ਪਰ ਇਸ ਤਰ੍ਹਾਂ ਦੇ ਪੌਦੇ ਕਦੇ ਗਿਫਟ ਦੇ ਰੂਪ ਵਿੱਚ ਨਾ ਦਿਓ -

• ਫੇਂਗਸ਼ੂਈ ਅਨੁਸਾਰ, ਜਦੋਂ ਵੀ ਤੁਸੀਂ ਕਿਸੇ ਨੂੰ ਪੌਦਾ ਤੋਹਫ਼ੇ 'ਚ ਦਿਓ ਤਾਂ ਉਸ ਦੀ ਸਥਿਤੀ ਦਾ ਵਿਸ਼ੇਸ਼ ਤੌਰ 'ਤੇ ਧਿਆਨ ਰੱਖੋ।
• ਗਿਫਟ ਕੀਤਾ ਜਾਣ ਵਾਲਾ ਪੌਦਾ ਪੂਰੀ ਤਰ੍ਹਾਂ ਸਵਸਥ, ਹਰਾ-ਭਰਾ ਅਤੇ ਜੀਵੰਤ ਹੋਣਾ ਚਾਹੀਦਾ ਹੈ।
• ਪੌਦੇ ਦੀਆਂ ਪੱਤੀਆਂ ਕਿਤੋਂ ਵੀ ਸੁੱਕੀਆਂ, ਕਟੀਆਂ-ਫਟੀਆਂ ਜਾਂ ਪੀਲੀਆਂ ਨਹੀਂ ਹੋਣੀਆਂ ਚਾਹੀਦੀਆਂ। ਹਮੇਸ਼ਾ ਚਮਕਦਾਰ ਅਤੇ ਸਿਹਤਮੰਦ ਪੱਤੀਆਂ ਵਾਲਾ ਪੌਦਾ ਹੀ ਚੁਣੋ।
• ਇਸ ਗੱਲ ਦਾ ਵੀ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਤੁਹਾਡਾ ਗਿਫਟ ਈਕੋ-ਫ੍ਰੈਂਡਲੀ ਹੋਣਾ ਚਾਹੀਦਾ ਹੈ। ਅਜਿਹੇ 'ਚ ਬੀਜਾਂ ਵਾਲੇ ਪੇਪਰ, ਸਟੇਸ਼ਨਰੀ, ਬਾਂਸ ਤੋਂ ਬਣੇ ਉਤਪਾਦ ਆਦਿ ਗਿਫਟ ਦੇ ਤੌਰ 'ਤੇ ਦਿੱਤੇ ਜਾ ਸਕਦੇ ਹਨ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।