Ekadashi Remedies : ਇਕਾਦਸ਼ੀ ਦੀ ਰਾਤ ਕਰੋ ਇਹ ਗੁਪਤ ਉਪਾਅ, ਮਿਟ ਜਾਣਗੇ ਸਾਰੇ ਕਸ਼ਟ ਤੇ ਘਰ ਆਵੇਗਾ ਖੂਬ ਪੈਸਾ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਇਕਾਦਸ਼ੀ ਦੇ ਵਰਤ ਨੂੰ ਸਾਰੇ ਵਰਤਾਂ 'ਚ ਮਹੱਤਵਪੂਰਨ ਮੰਨਿਆ ਗਿਆ ਹੈ। ਇਹ ਪਾਵਨ ਤਿਥੀ ਭਗਵਾਨ ਵਿਸ਼ਨੂੰ ਤੇ ਮਾਤਾ ਲਕਸ਼ਮੀ ਨੂੰ ਬੇਹੱਦ ਪਿਆਰੀ ਹੈ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਇਕਾਦਸ਼ੀ ਦੇ ਦਿਨ ਕੀਤੇ ਗਏ ਜਪ, ਤਪ ਤੇ ਦਾਨ ਦਾ ਫਲ ਕਈ ਗੁਣਾ ਹੋ ਕੇ ਮਿਲਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਕਾਦਸ਼ੀ ਦੀ ਰਾਤ ਕੀਤੇ ਗਏ ਕੁਝ ਗੁਪਤ ਉਪਾਅ ਤੁਹਾਡੀ ਸੁੱਤੀ ਹੋਈ ਕਿਸਮਤ ਨੂੰ ਚਮਕਾ ਸਕਦੇ ਹਨ? ਜੇਕਰ ਤੁਸੀਂ ਲੰਬੇ ਸਮੇਂ ਤੋਂ ਆਰਥਿਕ ਤੰਗੀ, ਕਰਜ਼ੇ ਜਾਂ ਮਾਨਸਿਕ ਤਣਾਅ ਨਾਲ ਜੂਝ ਰਹੇ ਹੋ ਤਾਂ ਇਕਾਦਸ਼ੀ ਦੀ ਰਾਤ ਨੂੰ ਪੂਰੀ ਸ਼ਰਧਾ ਨਾਲ ਇਹ ਉਪਾਅ ਜ਼ਰੂਰ ਅਜ਼ਮਾਓ।

ਸਿੱਕੇ ਦਾ ਉਪਾਅ

ਇਕਾਦਸ਼ੀ ਦੀ ਰਾਤ ਪਵਿੱਤਰ ਵਸਤਰ ਪਹਿਨ ਕੇ ਭਗਵਾਨ ਵਿਸ਼ਨੂੰ ਤੇ ਮਾਤਾ ਲਕਸ਼ਮੀ ਦੇ ਸਾਹਮਣੇ ਬੈਠੋ। ਇਕ ਪੀਲੇ ਕੱਪੜੇ 'ਚ ਚਾਂਦੀ ਦਾ ਇਕ ਸਿੱਕਾ ਜਾਂ ਸਾਧਾਰਨ ਸਿੱਕਾ ਅਤੇ ਥੋੜ੍ਹੀਆਂ ਜਿਹੀਆਂ ਹਲਦੀ ਦੀਆਂ ਗੰਢਾਂ ਰੱਖੋ। ਇਸ ਤੋਂ ਬਾਅਦ 'ਓਮ ਨਮੋ ਭਗਵਤੇ ਵਾਸੁਦੇਵਾਏ' ਮੰਤਰ ਦਾ 108 ਵਾਰ ਜਾਪ ਕਰੋ। ਪੂਜਾ ਤੋਂ ਬਾਅਦ ਇਸ ਪੋਟਲੀ ਨੂੰ ਰਾਤ ਭਰ ਭਗਵਾਨ ਦੇ ਚਰਨਾਂ 'ਚ ਰਹਿਣ ਦਿਓ ਤੇ ਅਗਲੀ ਸਵੇਰ ਇਸਨੂੰ ਆਪਣੀ ਤਿਜੋਰੀ ਜਾਂ ਧਨ ਰੱਖਣ ਵਾਲੀ ਜਗ੍ਹਾ 'ਤੇ ਲੁਕਾ ਕੇ ਰੱਖ ਦਿਓ। ਇਹ ਉਪਾਅ ਧਨ ਨੂੰ ਆਕਰਸ਼ਿਤ ਕਰਦਾ ਹੈ।

ਚੌਮੁਖੀ ਦੀਵਾ

ਤੁਲਸੀ ਮਾਤਾ ਨੂੰ ਸਾਕਸ਼ਾਤ ਲਕਸ਼ਮੀ ਦਾ ਰੂਪ ਮੰਨਿਆ ਜਾਂਦਾ ਹੈ। ਇਕਾਦਸ਼ੀ ਦੀ ਰਾਤ ਨੂੰ ਤੁਲਸੀ ਦੇ ਪੌਦੇ ਕੋਲ ਘਿਓ ਦਾ ਇਕ ਚੌਮੁਖੀ ਦੀਵਾ ਜਗਾਓ। ਦੀਵੇ ਵਿਚ ਥੋੜ੍ਹਾ ਜਿਹਾ ਕੁਮਕੁਮ ਤੇ ਇਕ ਚੁਟਕੀ ਅਕਸ਼ਤ ਪਾ ਦਿਓ। ਇਸ ਤੋਂ ਬਾਅਦ ਤੁਲਸੀ ਮਾਤਾ ਦੀ 11 ਵਾਰ ਪਰਿਕਰਮਾ ਕਰੋ ਤੇ ਆਪਣੇ ਕਸ਼ਟਾਂ ਨੂੰ ਦੂਰ ਕਰਨ ਦੀ ਪ੍ਰਾਰਥਨਾ ਕਰੋ। ਧਿਆਨ ਰੱਖੋ ਕਿ ਇਕਾਦਸ਼ੀ ਦੀ ਰਾਤ ਨੂੰ ਤੁਲਸੀ ਨੂੰ ਛੂਹਣਾ ਨਹੀਂ ਹੈ, ਕੇਵਲ ਦੂਰੋਂ ਪ੍ਰਣਾਮ ਕਰਨਾ ਹੈ। ਇਸ ਨਾਲ ਘਰ ਦਾ ਵਾਸਤੂ ਦੋਸ਼ ਮਿਟਦਾ ਹੈ ਅਤੇ ਸੁੱਖ-ਸ਼ਾਂਤੀ ਆਉਂਦੀ ਹੈ।

ਕਪੂਰ ਅਤੇ ਲੌਂਗ ਦਾ ਉਪਾਅ

ਘਰ 'ਚੋਂ ਨਕਾਰਾਤਮਕ ਊਰਜਾ ਤੇ ਕੰਗਾਲੀ ਨੂੰ ਭਜਾਉਣ ਲਈ ਇਕਾਦਸ਼ੀ ਦੀ ਰਾਤ ਨੂੰ ਚਾਂਦੀ ਜਾਂ ਮਿੱਟੀ ਦੇ ਬਰਤਨ 'ਚ ਥੋੜ੍ਹਾ ਜਿਹਾ ਕਪੂਰ ਤੇ 2 ਲੌਂਗ ਜਗਾਓ। ਇਸ ਦਾ ਧੂੰਆਂ ਪੂਰੇ ਘਰ ਵਿਚ ਦਿਖਾਓ ਤੇ ਅਖੀਰ 'ਚ ਇਸਨੂੰ ਆਪਣੇ ਘਰ ਦੇ ਮੁੱਖ ਦੁਆਰ ਦੇ ਬਾਹਰ ਰੱਖ ਦਿਓ। ਇਸ ਉਪਾਅ ਨਾਲ ਘਰ 'ਚ ਮੌਜੂਦ ਨਕਾਰਾਤਮਕ ਤਾਕਤਾਂ ਨਸ਼ਟ ਹੁੰਦੀਆਂ ਹਨ ਅਤੇ ਸਕਾਰਾਤਮਕ ਊਰਜਾ ਦੇ ਨਾਲ ਧਨ ਦੇ ਨਵੇਂ ਰਸਤੇ ਬਣਦੇ ਹਨ।