- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਘਰ ਦੇ ਮੰਦਰ 'ਚ ਭੁੱਲ ਕੇ ਵੀ ਨਾ ਵਿਛਾਓ ਇਸ ਰੰਗ ਦਾ ਆਸਣ! ਸੁੱਖ ਤੇ ਖੁਸ਼ਹਾਲੀ ਲਈ ਵਾਸਤੂ ਦੇ ਇਨ੍ਹਾਂ ਨਿਯਮਾਂ ਦੀ ਕਰੋ ਪਾਲਣਾ
ਮੰਦਰ 'ਚ ਵਿਛਾਏ ਜਾਣ ਵਾਲੇ ਕੱਪੜੇ ਨਾ ਸਿਰਫ਼ ਮੰਦਰ ਦੀ ਸਜਾਵਟ ਲਈ ਚੰਗੇ ਮੰਨੇ ਜਾਂਦੇ ਹਨ, ਸਗੋਂ ਭਗਤਾਂ ਦੇ ਮਨ ਨੂੰ ਪੂਜਾ ਵੱਲ ਆਕਰਸ਼ਿਤ ਕਰਨ 'ਚ ਵੀ ਮਦਦ ਕਰਦੇ ਹਨ। ਆਓ, ਤੁਹਾਨੂੰ ਦੱਸਦੇ ਹਾਂ ਕਿ ਮੰਦਰ 'ਚ ਕਿਹੜੇ ਰੰਗ ਦੇ ਕੱਪੜਿਆਂ ਦੀ ਵਰਤੋਂ ਕਰਨ ਤੋਂ ਭੁੱਲ ਕੇ ਵੀ ਬਚਣਾ ਚਾਹੀਦਾ ਹੈ ਅਤੇ ਕਿਹੜੇ ਰੰਗਾਂ ਨਾਲ ਸਕਾਰਾਤਮਕ ਊਰਜਾ ਵਧਾਉਣ 'ਚ ਮਦਦ ਮਿਲਦੀ ਹੈ।
Posted By Seema Anand
Publish Date: Wed, 14 Oct 2026 12:13 PM (IST)
Updated Date: Wed, 14 Oct 2026 12:18 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਘਰ 'ਚ ਰੱਖੀ ਹਰ ਚੀਜ਼ ਲਈ ਸਹੀ ਵਾਸਤੂ ਦਾ ਹੋਣਾ ਜ਼ਰੂਰੀ ਮੰਨਿਆ ਜਾਂਦਾ ਹੈ। ਖ਼ਾਸ ਤੌਰ 'ਤੇ ਜਦੋਂ ਅਸੀਂ ਘਰ ਦੇ ਮੰਦਰ 'ਚ ਕੁਝ ਚੀਜ਼ਾਂ ਰੱਖਦੇ ਹਾਂ ਤਾਂ ਉਨ੍ਹਾਂ ਦਾ ਵਾਸਤੂ ਨਿਯਮਾਂ ਦੇ ਅਨੁਸਾਰ ਹੋਣਾ ਜ਼ਰੂਰੀ ਹੈ ਤਾਂ ਜੋ ਦੈਵੀ ਕਿਰਪਾ ਬਣੀ ਰਹੇ। ਇਸੇ ਤਰ੍ਹਾਂ ਘਰ ਦੇ ਮੰਦਰ 'ਚ ਜਿਸ ਰੰਗ ਦਾ ਕੱਪੜਾ ਵਿਛਾਇਆ ਜਾਂਦਾ ਹੈ ਅਤੇ ਜਿਸ ਆਸਣ 'ਤੇ ਬੈਠ ਕੇ ਪੂਜਾ ਕੀਤੀ ਜਾਂਦੀ ਹੈ, ਉਸ ਲਈ ਵੀ ਸਹੀ ਰੰਗਾਂ ਦੀ ਵਰਤੋਂ ਕਰਨਾ ਜ਼ਰੂਰੀ ਮੰਨਿਆ ਜਾਂਦਾ ਹੈ।
ਮੰਦਰ 'ਚ ਵਿਛਾਏ ਜਾਣ ਵਾਲੇ ਕੱਪੜੇ ਨਾ ਸਿਰਫ਼ ਮੰਦਰ ਦੀ ਸਜਾਵਟ ਲਈ ਚੰਗੇ ਮੰਨੇ ਜਾਂਦੇ ਹਨ, ਸਗੋਂ ਭਗਤਾਂ ਦੇ ਮਨ ਨੂੰ ਪੂਜਾ ਵੱਲ ਆਕਰਸ਼ਿਤ ਕਰਨ 'ਚ ਵੀ ਮਦਦ ਕਰਦੇ ਹਨ। ਆਓ, ਤੁਹਾਨੂੰ ਦੱਸਦੇ ਹਾਂ ਕਿ ਮੰਦਰ 'ਚ ਕਿਹੜੇ ਰੰਗ ਦੇ ਕੱਪੜਿਆਂ ਦੀ ਵਰਤੋਂ ਕਰਨ ਤੋਂ ਭੁੱਲ ਕੇ ਵੀ ਬਚਣਾ ਚਾਹੀਦਾ ਹੈ ਅਤੇ ਕਿਹੜੇ ਰੰਗਾਂ ਨਾਲ ਸਕਾਰਾਤਮਕ ਊਰਜਾ ਵਧਾਉਣ 'ਚ ਮਦਦ ਮਿਲਦੀ ਹੈ।
ਮੰਦਰ ਦੇ ਆਸਣ ਲਈ ਸ਼ੁੱਭ ਰੰਗ
ਘਰ ਦੇ ਮੰਦਰ 'ਚ ਕੁਝ ਸ਼ੁੱਭ ਰੰਗਾਂ ਦੀ ਵਰਤੋਂ ਕਰਨ ਨਾਲ ਸਕਾਰਾਤਮਕ ਊਰਜਾ ਬਣੀ ਰਹਿੰਦੀ ਹੈ ਅਤੇ ਘਰ ਦੇ ਮਾਹੌਲ 'ਤੇ ਵੀ ਇਸ ਦਾ ਚੰਗਾ ਪ੍ਰਭਾਵ ਪੈਂਦਾ ਹੈ। ਕੁਝ ਅਜਿਹੇ ਰੰਗ ਹਨ ਜਿਨ੍ਹਾਂ ਦੀ ਵਰਤੋਂ ਮੰਦਰ ਦੇ ਆਸਣ ਵਜੋਂ ਕਰਨਾ ਬਹੁਤ ਸ਼ੁੱਭ ਹੋ ਸਕਦਾ ਹੈ।
ਲਾਲ ਰੰਗ ਦੀ ਕਰੋ ਵਰਤੋਂ
ਜੇਕਰ ਤੁਸੀਂ ਮੰਦਰ 'ਚ ਦੇਵੀ-ਦੇਵਤਿਆਂ ਦੀਆਂ ਮੂਰਤੀਆਂ ਸਥਾਪਤ ਕਰਨ ਲਈ ਲਾਲ ਰੰਗ ਦੇ ਆਸਣ ਦੀ ਵਰਤੋਂ ਕਰਦੇ ਹੋ ਤਾਂ ਇਸ ਨੂੰ ਬਹੁਤ ਸ਼ੁੱਭ ਮੰਨਿਆ ਜਾਂਦਾ ਹੈ। ਇਸ ਰੰਗ ਨੂੰ ਮਾਤਾ ਦੁਰਗਾ, ਹਨੂੰਮਾਨ ਜੀ ਅਤੇ ਸਮੂਹ ਦੇਵੀਆਂ ਨਾਲ ਜੋੜਿਆ ਜਾਂਦਾ ਹੈ। ਜੇਕਰ ਤੁਸੀਂ ਪੂਜਾ ਲਈ ਆਸਣ ਵਜੋਂ ਵੀ ਇਸੇ ਰੰਗ ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਬਹੁਤ ਸ਼ੁੱਭ ਮੰਨਿਆ ਜਾਂਦਾ ਹੈ।
ਲਾਲ ਰੰਗ ਨੂੰ ਮੰਗਲ ਗ੍ਰਹਿ ਨਾਲ ਜੋੜਿਆ ਜਾਂਦਾ ਹੈ। ਇਸ ਲਈ ਜਦੋਂ ਇਸ ਰੰਗ ਦੇ ਕੱਪੜੇ ਦੀ ਵਰਤੋਂ ਮੰਦਰ 'ਚ ਆਸਣ ਵਜੋਂ ਕੀਤੀ ਜਾਂਦੀ ਹੈ ਤਾਂ ਇਹ ਸਕਾਰਾਤਮਕ ਊਰਜਾ ਦਾ ਕਾਰਨ ਬਣਦਾ ਹੈ।
ਪੂਜਾ 'ਚ ਪੀਲੇ ਰੰਗ ਦੇ ਕੱਪੜਿਆਂ ਦਾ ਕਰੋ ਇਸਤੇਮਾਲ
ਪੀਲੇ ਰੰਗ ਨੂੰ ਭਗਵਾਨ ਵਿਸ਼ਨੂੰ ਦਾ ਪਸੰਦੀਦਾ ਰੰਗ ਮੰਨਿਆ ਜਾਂਦਾ ਹੈ। ਇਸ ਲਈ ਮੰਦਰ 'ਚ ਆਸਣ ਵਜੋਂ ਇਸੇ ਰੰਗ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਸ ਨਾਲ ਮੰਦਰ ਦਾ ਮਾਹੌਲ ਸ਼ੁੱਧ ਹੁੰਦਾ ਹੈ ਅਤੇ ਪੂਰੇ ਘਰ ਦਾ ਵਾਤਾਵਰਨ ਵੀ ਪਵਿੱਤਰ ਬਣਿਆ ਰਹਿੰਦਾ ਹੈ। ਇਸ ਦੀ ਬਜਾਏ ਤੁਸੀਂ ਘਰ ਦੇ ਮੰਦਰ 'ਚ ਸੰਤਰੀ, ਗੁਲਾਬੀ ਜਾਂ ਹਰੇ ਰੰਗ ਦੇ ਆਸਣਾਂ ਦੀ ਵਰਤੋਂ ਵੀ ਕਰ ਸਕਦੇ ਹੋ।
ਮੰਦਰ 'ਚ ਕਿਸ ਰੰਗ ਦਾ ਆਸਣ ਨਹੀਂ ਵਿਛਾਉਣਾ ਚਾਹੀਦਾ?
ਜਿਸ ਤਰ੍ਹਾਂ ਕੁਝ ਸ਼ੁਭ ਰੰਗ ਮੰਦਰ ਦੀ ਊਰਜਾ ਨੂੰ ਵਧਾਉਂਦੇ ਹਨ, ਉਸੇ ਤਰ੍ਹਾਂ ਮੰਦਰ 'ਚ ਆਸਣ ਵਜੋਂ ਕੁਝ ਖ਼ਾਸ ਰੰਗਾਂ ਦੀ ਵਰਤੋਂ ਕਰਨ ਤੋਂ ਮਨ੍ਹਾ ਕੀਤਾ ਜਾਂਦਾ ਹੈ।
ਕਾਲੇ ਰੰਗ ਦੀ ਨਾ ਕਰੋ ਵਰਤੋਂ
ਤੁਹਾਨੂੰ ਮੰਦਰ 'ਚ ਦੇਵੀ-ਦੇਵਤਿਆਂ ਦੇ ਆਸਣ ਅਤੇ ਪੂਜਾ ਲਈ ਵਰਤੇ ਜਾਣ ਵਾਲੇ ਆਸਣ 'ਚ ਕਾਲੇ ਰੰਗ ਦੀ ਵਰਤੋਂ ਕਦੇ ਵੀ ਨਹੀਂ ਕਰਨੀ ਚਾਹੀਦੀ। ਕਾਲੇ ਰੰਗ ਨੂੰ ਨਕਾਰਾਤਮਕਤਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ ਅਤੇ ਇਸ ਨੂੰ ਰਾਹੂ ਤੇ ਸ਼ਨੀ ਦੀ ਊਰਜਾ ਵਧਾਉਣ ਵਾਲਾ ਮੰਨਿਆ ਜਾਂਦਾ ਹੈ। ਇਸ ਨਾਲ ਪੂਜਾ 'ਚ ਮਨ ਨਹੀਂ ਲੱਗਦਾ ਅਤੇ ਇਕਾਗਰਤਾ ਬਣਾਈ ਰੱਖਣ 'ਚ ਵੀ ਮੁਸ਼ਕਲ ਆਉਂਦੀ ਹੈ।
ਨੀਲੇ ਰੰਗ ਦੀ ਨਾ ਕਰੋ ਵਰਤੋਂ
ਤੁਹਾਨੂੰ ਮੰਦਰ ਦੇ ਆਸਣ ਵਜੋਂ ਨੀਲੇ ਰੰਗ ਦੀ ਵਰਤੋਂ ਕਰਨ ਤੋਂ ਵੀ ਬਚਣਾ ਚਾਹੀਦਾ ਹੈ। ਅਜਿਹਾ ਕਰਨ ਨਾਲ ਮੰਦਰ ਦੀ ਊਰਜਾ ਪ੍ਰਭਾਵਿਤ ਹੁੰਦੀ ਹੈ ਅਤੇ ਪੂਜਾ ਦਾ ਪੂਰਾ ਫਲ ਨਹੀਂ ਮਿਲਦਾ। ਇਸ ਰੰਗ ਨੂੰ ਵੀ ਸ਼ਨੀ ਦਾ ਰੰਗ ਮੰਨਿਆ ਜਾਂਦਾ ਹੈ, ਜਿਸ ਨਾਲ ਸ਼ਨੀ ਦੀ ਊਰਜਾ ਦਾ ਪ੍ਰਵਾਹ ਹੁੰਦਾ ਹੈ।
ਇਨ੍ਹਾਂ ਰੰਗਾਂ ਤੋਂ ਇਲਾਵਾ ਤੁਹਾਨੂੰ ਮੰਦਰ 'ਚ ਅਜਿਹੇ ਰੰਗਾਂ ਦੀ ਵਰਤੋਂ ਕਰਨ ਤੋਂ ਵੀ ਬਚਣਾ ਚਾਹੀਦਾ ਹੈ, ਜੋ ਬਹੁਤ ਜ਼ਿਆਦਾ ਚਮਕਦਾਰ ਜਾਂ ਭੜਕੀਲੇ ਹੋਣ। ਘਰ ਦੇ ਮੰਦਰ ਲਈ ਕਦੇ ਵੀ ਫਟੇ-ਪੁਰਾਣੇ ਆਸਣ ਦੀ ਵਰਤੋਂ ਨਾ ਕਰੋ। ਜੇਕਰ ਕਿਸੇ ਕਾਰਨ ਮੰਦਰ 'ਚ ਵਿਛਾਇਆ ਕੱਪੜਾ ਪੂਜਾ ਕਰਦੇ ਸਮੇਂ ਦੀਵੇ ਜਾਂ ਅਗਰਬੱਤੀ ਨਾਲ ਸੜ ਜਾਵੇ, ਤਾਂ ਉਸ ਨੂੰ ਵੀ ਤੁਰੰਤ ਬਦਲ ਦਿਓ। ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਕਰਕੇ ਤੁਸੀਂ ਘਰ ਦੇ ਮੰਦਰ 'ਚ ਪੂਜਾ ਦਾ ਪੂਰਾ ਫਲ ਪ੍ਰਾਪਤ ਕਰ ਸਕਦੇ ਹੋ।