- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅੱਜ ਦੀ ਰਾਤ ਬਰਸੇਗਾ ਅੰਮ੍ਰਿਤ! ਜਨਮ ਕੁੰਡਲੀ 'ਚੋਂ ਹਮੇਸ਼ਾ ਲਈ ਦੂਰ ਹੋ ਜਾਵੇਗਾ 'ਚੰਦਰ ਦੋਸ਼', ਰਾਸ਼ੀ ਅਨੁਸਾਰ ਕਰੋ ਇਹ 1 ਉਪਾਅ
Jyotish Shastra ਅਨੁਸਾਰ, ਇਸ ਪੂਰਨਿਮਾ ਦਾ ਵਿਸ਼ੇਸ਼ ਮਹੱਤਵ ਹੈ, ਕਿਉਂਕਿ ਚੰਦਰਮਾ ਨੂੰ ਮਨ, ਭਾਵਨਾਵਾਂ ਅਤੇ ਮਾਨਸਿਕ ਸ਼ਾਂਤੀ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਇਸ ਦਿਨ ਤੁਸੀਂ ਚੰਦਰ ਦੋਸ਼ ਤੋਂ ਮੁਕਤੀ ਲਈ ਵੀ ਕੁਝ ਆਸਾਨ ਉਪਾਅ ਅਜ਼ਮਾ ਸਕਦੇ ਹੋ। ਕੁੰਡਲੀ 'ਚ ਚੰਦਰ ਦੋਸ਼ ਹੋਣ ਕਾਰਨ ਵਿਅਕਤੀ ਨੂੰ ਮਾਨਸਿਕ ਤਣਾਅ ਅਤੇ ਭਾਵਨਾਤਮਕ ਉਤਰਾਅ-ਚੜ੍ਹਾਅ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
Posted By Seema Anand
Publish Date: Sun, 25 Oct 2026 01:47 PM (IST)
Updated Date: Sun, 25 Oct 2026 01:55 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਸ਼ਰਦ ਪੂਰਨਿਮਾ ਦੀ ਰਾਤ ਚੰਦਰਮਾ ਆਪਣੀਆਂ 16 ਕਲਾਵਾਂ ਨਾਲ ਸੰਪੂਰਨ ਹੋ ਕੇ ਅੰਮ੍ਰਿਤ ਦੀ ਵਰਖਾ ਕਰਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਚੰਦਰਮਾ ਦੀ ਰੌਸ਼ਨੀ 'ਚੋਂ ਅੰਮ੍ਰਿਤ ਵਰ੍ਹਦਾ ਹੈ ਅਤੇ ਚੰਦਰਮਾ ਦੀ ਰੌਸ਼ਨੀ 'ਚ ਰੱਖੀ ਜਾਣ ਵਾਲੀ ਖੀਰ 'ਤੇ ਵੀ ਇਸ ਅੰਮ੍ਰਿਤ ਦਾ ਪ੍ਰਭਾਵ ਹੁੰਦਾ ਹੈ। ਅਜਿਹੇ 'ਚ ਇਸ ਦਿਨ ਘਰ ਦੀ ਖ਼ੁਸ਼ਹਾਲੀ ਲਈ ਕੁਝ ਵਿਸ਼ੇਸ਼ ਉਪਾਅ ਕੀਤੇ ਜਾਂਦੇ ਹਨ।
ਜੋਤਿਸ਼ ਸ਼ਾਸਤਰ ਅਨੁਸਾਰ, ਇਸ ਪੂਰਨਿਮਾ ਦਾ ਵਿਸ਼ੇਸ਼ ਮਹੱਤਵ ਹੈ, ਕਿਉਂਕਿ ਚੰਦਰਮਾ ਨੂੰ ਮਨ, ਭਾਵਨਾਵਾਂ ਅਤੇ ਮਾਨਸਿਕ ਸ਼ਾਂਤੀ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਇਸ ਦਿਨ ਤੁਸੀਂ ਚੰਦਰ ਦੋਸ਼ ਤੋਂ ਮੁਕਤੀ ਲਈ ਵੀ ਕੁਝ ਆਸਾਨ ਉਪਾਅ ਅਜ਼ਮਾ ਸਕਦੇ ਹੋ। ਕੁੰਡਲੀ 'ਚ ਚੰਦਰ ਦੋਸ਼ ਹੋਣ ਕਾਰਨ ਵਿਅਕਤੀ ਨੂੰ ਮਾਨਸਿਕ ਤਣਾਅ ਅਤੇ ਭਾਵਨਾਤਮਕ ਉਤਰਾਅ-ਚੜ੍ਹਾਅ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਜੇਕਰ ਸ਼ਰਦ ਪੂਰਨਿਮਾ ਦੀ ਰਾਤ ਰਾਸ਼ੀ ਅਨੁਸਾਰ ਕੁਝ ਵਿਸ਼ੇਸ਼ ਉਪਾਅ ਕੀਤੇ ਜਾਣ, ਤਾਂ ਧਾਰਮਿਕ ਮਾਨਤਾਵਾਂ ਅਨੁਸਾਰ ਇਨ੍ਹਾਂ ਦੋਸ਼ਾਂ ਤੋਂ ਮੁਕਤੀ ਮਿਲ ਸਕਦੀ ਹੈ ਅਤੇ ਜੀਵਨ 'ਚ ਖ਼ੁਸ਼ਹਾਲੀ ਬਣੀ ਰਹਿ ਸਕਦੀ ਹੈ। ਇਸ ਸਾਲ ਸ਼ਰਦ ਪੂਰਨਿਮਾ ਦਾ ਚੰਦ 25 ਅਕਤੂਬਰ ਦੀ ਰਾਤ ਨੂੰ ਨਿਕਲੇਗਾ। ਆਓ, ਐਸਟ੍ਰੋਪਤਰੀ ਦੇ ਜੋਤਸ਼ੀ ਚੰਦਰੈਸ਼ ਸ਼ਰਮਾ ਤੋਂ ਜਾਣਦੇ ਹਾਂ ਕਿ ਮੇਖ ਤੋਂ ਲੈ ਕੇ ਮੀਨ ਰਾਸ਼ੀ ਤੱਕ ਦੇ ਲੋਕ ਇਸ ਪਵਿੱਤਰ ਰਾਤ ਨੂੰ ਚੰਦਰ ਦੋਸ਼ ਦੇ ਨਿਵਾਰਣ ਲਈ ਕਿਹੜਾ ਉਪਾਅ ਕਰ ਸਕਦੇ ਹਨ।
ਰਾਸ਼ੀ ਅਨੁਸਾਰ ਚੰਦਰ ਦੋਸ਼ ਨਿਵਾਰਣ ਦੇ ਅਚੂਕ ਉਪਾਅ
ਜੇਕਰ ਤੁਸੀਂ ਸ਼ਰਦ ਪੂਰਨਿਮਾ ਦੀ ਰਾਤ ਆਪਣੀ ਰਾਸ਼ੀ ਅਨੁਸਾਰ ਕੁਝ ਵਿਸ਼ੇਸ਼ ਉਪਾਅ ਕਰਦੇ ਹੋ ਤਾਂ ਧਾਰਮਿਕ ਮਾਨਤਾਵਾਂ ਅਨੁਸਾਰ ਤੁਹਾਡੀ ਕੁੰਡਲੀ 'ਚ ਮੌਜੂਦ ਚੰਦਰ ਦੋਸ਼ ਦੂਰ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਤੁਹਾਡੀ ਰਾਸ਼ੀ ਲਈ ਕਿਹੜੇ ਉਪਾਅ ਕਾਰਗਰ ਮੰਨੇ ਜਾਂਦੇ ਹਨ।
ਮੇਖ: ਰਾਤ ਨੂੰ ਤਾਂਬੇ ਜਾਂ ਚਾਂਦੀ ਦੇ ਭਾਂਡੇ ਨਾਲ ਚੰਦਰਮਾ ਨੂੰ ਦੁੱਧ ਤੇ ਜਲ ਦਾ ਅਰਘ ਦਿਓ ਅਤੇ 'ਓਮ ਸੋਮਾਯ ਨਮਹ' ਮੰਤਰ ਦਾ 108 ਵਾਰ ਜਾਪ ਕਰੋ।
ਬ੍ਰਿਖ: ਛੱਤ 'ਤੇ ਰੱਖੀ ਖੀਰ ਦਾ ਭੋਗ ਮਾਂ ਲਕਸ਼ਮੀ ਨੂੰ ਲਗਾਓ। ਮਾਨਤਾ ਹੈ ਕਿ ਇਸ ਨਾਲ ਚੰਦਰ ਦੋਸ਼ ਦੂਰ ਹੋ ਸਕਦਾ ਹੈ।
ਮਿਥੁਨ: ਚੰਦਰਮਾ ਨੂੰ ਦੁੱਧ, ਜਲ ਤੇ ਮਿਸ਼ਰੀ ਮਿਲਾ ਕੇ ਅਰਘ ਦਿਓ। ਅਰਘ ਦੇਣ ਤੋਂ ਬਾਅਦ 'ਓਮ ਨਮਹ ਸ਼ਿਵਾਯ' ਮੰਤਰ ਦਾ ਜਾਪ ਕਰੋ।
ਕਰਕ: ਚਾਂਦੀ ਦੇ ਭਾਂਡੇ 'ਚ ਖੀਰ ਬਣਾ ਕੇ ਚਾਂਦਨੀ 'ਚ ਰੱਖੋ ਤੇ ਅੱਧੀ ਰਾਤ ਨੂੰ ਭਗਵਾਨ ਸ਼ਿਵ ਦਾ ਦੁੱਧ ਨਾਲ ਅਭਿਸ਼ੇਕ ਕਰੋ।
ਸਿੰਘ: ਜਲ 'ਚ ਥੋੜ੍ਹਾ ਜਿਹਾ ਕੇਸਰ ਮਿਲਾ ਕੇ ਚੰਦਰਮਾ ਨੂੰ ਅਰਘ ਦਿਓ ਅਤੇ ਆਦਿੱਤਿਆ ਹਿਰਦੇ ਸਤੋਤਰ ਤੇ ਸ਼ਿਵ ਚਾਲੀਸਾ ਦਾ ਪਾਠ ਕਰੋ।
ਕੰਨਿਆ: ਜਲ 'ਚ ਦੁੱਧ ਤੇ ਚੌਲਾਂ ਦੇ ਕੁਝ ਦਾਣੇ ਮਿਲਾ ਕੇ ਚੰਦਰਮਾ ਨੂੰ ਅਰਘ ਦਿਓ। ਛੋਟੀਆਂ ਬੱਚੀਆਂ ਨੂੰ ਖੀਰ ਵੰਡੋ।
ਤੁਲਾ: ਚਿੱਟੇ ਕੱਪੜੇ ਪਹਿਨ ਕੇ ਚੰਦਰਮਾ ਦੀ ਰੌਸ਼ਨੀ 'ਚ ਬੈਠੋ ਤੇ 'ਓਮ ਨਮਹ ਸ਼ਿਵਾਯ' ਮੰਤਰ ਦਾ ਜਾਪ ਕਰੋ। ਆਪਣੇ ਕੋਲ ਚਾਂਦੀ ਦਾ ਸਿੱਕਾ ਰੱਖੋ।
ਬ੍ਰਿਸ਼ਚਕ: ਜਲ 'ਚ ਥੋੜ੍ਹਾ ਜਿਹਾ ਕੱਚਾ ਦੁੱਧ ਅਤੇ ਲਾਲ ਚੰਦਨ ਮਿਲਾ ਕੇ ਚੰਦਰਮਾ ਨੂੰ ਅਰਘ ਦਿਓ। ਚੰਦਰ ਦੇਵ ਦੇ ਨਾਲ-ਨਾਲ ਹਨੂੰਮਾਨ ਜੀ ਦਾ ਸਿਮਰਨ ਵੀ ਕਰੋ।
ਧਨੁ: ਜਲ 'ਚ ਦੁੱਧ ਤੇ ਇਕ ਚੁਟਕੀ ਹਲਦੀ ਮਿਲਾ ਕੇ ਚੰਦਰਮਾ ਨੂੰ ਅਰਘ ਦਿਓ। ਕਿਸੇ ਮੰਦਰ 'ਚ ਛੋਲਿਆਂ ਦੀ ਦਾਲ ਅਤੇ ਮਿਸ਼ਰੀ ਦਾ ਦਾਨ ਕਰੋ।
ਮਕਰ: ਜਲ 'ਚ ਚਿੱਟੇ ਤਿਲ ਅਤੇ ਦੁੱਧ ਮਿਲਾ ਕੇ ਚੰਦਰਮਾ ਨੂੰ ਅਰਘ ਦਿਓ ਅਤੇ ਸ਼ਿਵ ਪੰਚਾਕਸ਼ਰ ਸਤੋਤਰ ਦਾ ਪਾਠ ਕਰੋ।
ਕੁੰਭ: ਕਿਸੇ ਲੋੜਵੰਦ ਨੂੰ ਚੌਲ, ਖੰਡ ਜਾਂ ਚਿੱਟੇ ਕੱਪੜਿਆਂ ਦਾ ਦਾਨ ਕਰੋ ਤੇ ਰਾਤ ਨੂੰ ਚੰਦਰਮਾ ਦੇ ਦਰਸ਼ਨ ਕਰਦਿਆਂ ਧਿਆਨ ਲਗਾਓ।
ਮੀਨ: ਚੰਦਰਮਾ ਨੂੰ ਦੁੱਧ ਤੇ ਗੰਗਾ ਜਲ ਮਿਲਾ ਕੇ ਅਰਘ ਦਿਓ। 'ਓਮ ਨਮੋ ਭਗਵਤੇ ਵਾਸੁਦੇਵਾਯ' ਮੰਤਰ ਦਾ ਜਾਪ ਕਰਦਿਆਂ ਖੀਰ ਦਾ ਪ੍ਰਸਾਦ ਗ੍ਰਹਿਣ ਕਰੋ।
ਜੇਕਰ ਤੁਹਾਡੀ ਕੁੰਡਲੀ 'ਚ ਚੰਦਰ ਦੋਸ਼ ਹੈ, ਤਾਂ ਧਾਰਮਿਕ ਮਾਨਤਾਵਾਂ ਅਨੁਸਾਰ ਸ਼ਰਦ ਪੂਰਨਿਮਾ ਦੀ ਰਾਤ ਕੀਤਾ ਗਿਆ ਇਕ ਛੋਟਾ ਜਿਹਾ ਉਪਾਅ ਦੋਸ਼ ਨਿਵਾਰਣ ਅਤੇ ਜੀਵਨ 'ਚ ਸੁੱਖ-ਸਮ੍ਰਿੱਧੀ ਦੀ ਕਾਮਨਾ ਲਈ ਸ਼ੁਭ ਮੰਨਿਆ ਜਾਂਦਾ ਹੈ।