ਅਗਸਤ 2026: ਹਰਿਆਲੀ ਤੀਜ, ਨਾਗ ਪੰਚਮੀ, ਰੱਖੜੀ ਤੇ ਕਜਰੀ ਤੀਜ ਸਮੇਤ ਜਾਣੋ ਸਾਰੇ ਪ੍ਰਮੁੱਖ ਤਿਉਹਾਰਾਂ ਦੀਆਂ ਤਰੀਕਾਂ

ਸਾਵਣ ਸ਼ਿਵਰਾਤਰੀ ਦੀ ਤਰੀਕ ਤੇ ਸਮਾਂ

ਸਾਵਣ ਸ਼ਿਵਰਾਤਰੀ ਦੀ ਤਰੀਕ: 11 ਅਗਸਤ 2026, ਮੰਗਲਵਾਰ

ਸ਼ੁੱਭ ਮਹੂਰਤ ਤੇ ਸਮਾਂ: ਸਾਵਣ ਸ਼ਿਵਰਾਤਰੀ 11 ਅਗਸਤ ਨੂੰ ਸਵੇਰੇ 4 ਵੱਜ ਕੇ 54 ਮਿੰਟ ’ਤੇ ਸ਼ੁਰੂ ਹੋਵੇਗੀ ਤੇ 12 ਅਗਸਤ ਨੂੰ ਦੇਰ ਰਾਤ 1 ਵੱਜ ਕੇ 52 ਮਿੰਟ ’ਤੇ ਸਮਾਪਤ ਹੋਵੇਗੀ।

ਸਾਵਣ ਸ਼ਿਵਰਾਤਰੀ ਨੂੰ ਬੇਹੱਦ ਪਵਿੱਤਰ ਦਿਨ ਮੰਨਿਆ ਜਾਂਦਾ ਹੈ। ਇਸ ਦਿਨ ਭਗਵਾਨ ਸ਼ਿਵ ਦੀ ਚਾਰ ਪਹਿਰਾਂ ਦੀ ਪੂਜਾ ਦਾ ਵਿਸ਼ੇਸ਼ ਮਹੱਤਵ ਦੱਸਿਆ ਗਿਆ ਹੈ।

ਸਾਵਣ ਸ਼ਿਵਰਾਤਰੀ ’ਤੇ ਚਾਰ ਪਹਿਰਾਂ ਦੀ ਪੂਜਾ ਦਾ ਸਮਾਂ

ਪਹਿਲੇ ਪਹਿਰ ਦੀ ਪੂਜਾ: ਸ਼ਾਮ 7 ਵੱਜ ਕੇ 4 ਮਿੰਟ ’ਤੇ ਸ਼ੁਰੂ ਕਰ ਕੇ ਰਾਤ 9 ਵੱਜ ਕੇ 45 ਮਿੰਟ ਤਕ ਕਰੋ।

ਦੂਜੇ ਪਹਿਰ ਦੀ ਪੂਜਾ: ਰਾਤ 9 ਵੱਜ ਕੇ 45 ਮਿੰਟ ’ਤੇ ਸ਼ੁਰੂ ਕਰੋ ਤੇ 12 ਅਗਸਤ ਨੂੰ ਦੇਰ ਰਾਤ 12 ਵੱਜ ਕੇ 45 ਮਿੰਟ ’ਤੇ ਸਮਾਪਤ ਕਰੋ।

ਤੀਜੇ ਪਹਿਰ ਦੀ ਪੂਜਾ: 12 ਅਗਸਤ ਨੂੰ ਰਾਤ 12 ਵੱਜ ਕੇ 45 ਮਿੰਟ ’ਤੇ ਸ਼ੁਰੂ ਕਰੋ ਤੇ ਸਵੇਰੇ 3 ਵੱਜ ਕੇ 7 ਮਿੰਟ ’ਤੇ ਸਮਾਪਤ ਕਰੋ।

ਚੌਥੇ ਪਹਿਰ ਦੀ ਪੂਜਾ: ਸਵੇਰੇ 3 ਵੱਜ ਕੇ 7 ਮਿੰਟ ’ਤੇ ਸ਼ੁਰੂ ਕਰੋ ਅਤੇ ਸਵੇਰੇ 5 ਵੱਜ ਕੇ 49 ਮਿੰਟ ’ਤੇ ਸਮਾਪਤ ਕਰੋ।

ਸੂਰਜ ਗ੍ਰਹਿਣ ਦੀ ਤਰੀਕ ਤੇ ਸਮਾਂ

ਸੂਰਜ ਗ੍ਰਹਿਣ ਦੀ ਤਰੀਕ: 12 ਅਗਸਤ

ਸੂਰਜ ਗ੍ਰਹਿਣ ਦਾ ਸਮਾਂ: ਭਾਰਤੀ ਸਮੇਂ ਅਨੁਸਾਰ 12 ਅਗਸਤ ਨੂੰ ਰਾਤ 11 ਵੱਜ ਕੇ 17 ਮਿੰਟ ’ਤੇ ਸ਼ੁਰੂ ਹੋ ਕੇ 13 ਅਗਸਤ ਨੂੰ ਸਵੇਰੇ 4 ਵੱਜ ਕੇ 25 ਮਿੰਟ ’ਤੇ ਸਮਾਪਤ ਹੋਵੇਗਾ।

ਭਾਰਤ 'ਚ ਇਹ ਗ੍ਰਹਿਣ ਦਿਖਾਈ ਨਹੀਂ ਦੇਵੇਗਾ, ਇਸ ਲਈ ਇਸ ਦਾ ਸੂਤਕ ਕਾਲ ਵੀ ਨਹੀਂ ਲੱਗੇਗਾ। ਇਹ ਗ੍ਰਹਿਣ ਸਿਰਫ਼ ਗ੍ਰੀਨਲੈਂਡ, ਆਈਸਲੈਂਡ, ਸਪੇਨ ਤੇ ਉੱਤਰੀ ਰੂਸ ਵਿਚ ਦਿਖਾਈ ਦੇਵੇਗਾ।

ਹਰਿਆਲੀ ਤੀਜ ਦੀ ਤਰੀਕ ਤੇ ਸਮਾਂ

ਹਰਿਆਲੀ ਤੀਜ ਦੀ ਤਰੀਕ: 15 ਅਗਸਤ, ਸ਼ਨੀਵਾਰ

ਹਰਿਆਲੀ ਤੀਜ ਦਾ ਸਮਾਂ: 14 ਅਗਸਤ ਨੂੰ ਸ਼ਾਮ 6 ਵੱਜ ਕੇ 46 ਮਿੰਟ ’ਤੇ ਸ਼ੁਰੂ ਹੋ ਕੇ 15 ਅਗਸਤ ਨੂੰ ਸ਼ਾਮ 5 ਵੱਜ ਕੇ 28 ਮਿੰਟ ਤੱਕ ਰਹੇਗਾ।

ਪੂਜਾ ਅਤੇ ਵਰਤ ਦਾ ਸਮਾਂ: ਹਰਿਆਲੀ ਤੀਜ ਦੀ ਪੂਜਾ ਲਈ ਸਵੇਰੇ 5 ਵੱਜ ਕੇ 28 ਮਿੰਟ ਤੋਂ ਲੈ ਕੇ ਸ਼ਾਮ 6 ਵੱਜ ਕੇ 38 ਮਿੰਟ ਤਕ ਦਾ ਸਮਾਂ ਸ਼ੁੱਭ ਹੈ। ਵਰਤ ਦਾ ਪਾਰਣ ਪ੍ਰਦੋਸ਼ ਕਾਲ ਵਿੱਚ ਰਾਤ 8 ਵੱਜ ਕੇ 51 ਮਿੰਟ ਤੱਕ ਕੀਤਾ ਜਾ ਸਕਦਾ ਹੈ।

ਹਰਿਆਲੀ ਤੀਜ ’ਤੇ ਖ਼ਾਸ ਤੌਰ ’ਤੇ ਸੁਹਾਗਣ ਔਰਤਾਂ ਵਰਤ ਰੱਖਦੀਆਂ ਹਨ ਅਤੇ ਪਤੀ ਦੀ ਲੰਬੀ ਉਮਰ ਦੀ ਕਾਮਨਾ ਕਰਦੀਆਂ ਹਨ। ਇਹ ਵਰਤ ਅਖੰਡ ਸੌਭਾਗ ਲਈ ਰੱਖਿਆ ਜਾਂਦਾ ਹੈ।

ਨਾਗ ਪੰਚਮੀ ਦੀ ਤਰੀਕ ਤੇ ਸਮਾਂ

ਨਾਗ ਪੰਚਮੀ ਦੀ ਤਰੀਕ: 17 ਅਗਸਤ, ਸੋਮਵਾਰ

ਨਾਗ ਪੰਚਮੀ ਦਾ ਸਮਾਂ: 16 ਅਗਸਤ ਨੂੰ ਦੁਪਹਿਰ 4 ਵੱਜ ਕੇ 52 ਮਿੰਟ ’ਤੇ ਸ਼ੁਰੂ ਹੋ ਕੇ 17 ਅਗਸਤ ਨੂੰ ਸ਼ਾਮ 5 ਵਜੇ ਸਮਾਪਤ ਹੋਵੇਗਾ।

ਨਾਗ ਪੰਚਮੀ ਪੂਜਾ ਦਾ ਸ਼ੁੱਭ ਮਹੂਰਤ: ਸਵੇਰੇ 5 ਵੱਜ ਕੇ 51 ਮਿੰਟ ਤੋਂ ਸ਼ੁਰੂ ਹੋ ਕੇ ਸਵੇਰੇ 8 ਵੱਜ ਕੇ 29 ਮਿੰਟ ਤੱਕ ਕਿਸੇ ਵੀ ਸਮੇਂ ਪੂਜਾ ਕੀਤੀ ਜਾ ਸਕਦੀ ਹੈ।

ਨਾਗ ਪੰਚਮੀ ਦੇ ਦਿਨ ਭਗਵਾਨ ਸ਼ਿਵ ਦੇ ਵਿਸ਼ੇਸ਼ ਗਹਿਣੇ ਮੰਨੇ ਜਾਣ ਵਾਲੇ ਨਾਗਾਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਦਿਨ ਨਾਗ ਦੇਵਤਾ ਨੂੰ ਦੁੱਧ ਅਰਪਿਤ ਕਰਨ ਦਾ ਵਿਸ਼ੇਸ਼ ਮਹੱਤਵ ਦੱਸਿਆ ਗਿਆ ਹੈ।

ਮਿਲਾਦ-ਉਨ-ਨਬੀ ਦੀ ਤਰੀਕ ਤੇ ਸਮਾਂ

ਮਿਲਾਦ-ਉਨ-ਨਬੀ ਦੀ ਤਰੀਕ: 25 ਅਗਸਤ, ਮੰਗਲਵਾਰ

ਮਿਲਾਦ-ਉਨ-ਨਬੀ ਦਾ ਸਮਾਂ: ਪੂਰਾ ਦਿਨ ਰਹੇਗਾ।

ਇਸ ਦਿਨ ਪੈਗੰਬਰ ਹਜ਼ਰਤ ਮੁਹੰਮਦ ਸਾਹਿਬ ਦਾ ਜਨਮ ਦਿਹਾੜਾ ਹੁੰਦਾ ਹੈ। ਇਸ ਦਿਨ ਮਸਜਿਦਾਂ 'ਚ ਲੋਕ ਵਿਸ਼ੇਸ਼ ਪ੍ਰਾਰਥਨਾ ਕਰਦੇ ਹਨ ਅਤੇ ਘਰਾਂ ਵਿਚ ਇਸ ਖ਼ੁਸ਼ੀ ਨੂੰ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ।

ਓਣਮ ਦੀ ਤਰੀਕ ਤੇ ਸਮਾਂ

ਓਣਮ ਦੀ ਤਰੀਕ: ਇਹ ਤਿਉਹਾਰ 17 ਅਗਸਤ, ਸੋਮਵਾਰ ਤੋਂ ਸ਼ੁਰੂ ਹੋ ਕੇ 26 ਅਗਸਤ, ਮੰਗਲਵਾਰ ਤਕ ਮਨਾਇਆ ਜਾਵੇਗਾ।

ਇਸ ਦਿਨ ਭਗਵਾਨ ਵਿਸ਼ਨੂੰ ਦੇ ਅਵਤਾਰ ਵਾਮਨ ਦੇਵ ਦਾ ਜਨਮ ਹੋਇਆ ਸੀ। ਦੱਖਣੀ ਭਾਰਤ 'ਚ ਉਨ੍ਹਾਂ ਦਾ ਜਨਮ ਉਤਸਵ ਬਹੁਤ ਹੀ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ।

ਰੱਖੜੀ ਦੀ ਤਰੀਕ ਤੇ ਸਮਾਂ

ਰੱਖੜੀ ਦੀ ਤਰੀਕ: 28 ਅਗਸਤ, ਸ਼ੁੱਕਰਵਾਰ

ਰੱਖੜੀ ਦਾ ਸਮਾਂ: 27 ਅਗਸਤ 2026 ਨੂੰ ਸਵੇਰੇ 9 ਵੱਜ ਕੇ 8 ਮਿੰਟ ’ਤੇ ਸ਼ੁਰੂ ਹੋ ਕੇ 28 ਅਗਸਤ 2026 ਨੂੰ ਸਵੇਰੇ 9 ਵੱਜ ਕੇ 48 ਮਿੰਟ ਤਕ ਰਹੇਗਾ।

ਰੱਖੜੀ ਬੰਨ੍ਹਣ ਦਾ ਸ਼ੁੱਭ ਮਹੂਰਤ: ਸਵੇਰੇ 5 ਵੱਜ ਕੇ 57 ਮਿੰਟ ਤੋਂ ਸ਼ੁਰੂ ਹੋ ਕੇ ਸਵੇਰੇ 9 ਵੱਜ ਕੇ 48 ਮਿੰਟ ਤੱਕ ਰੱਖੜੀ ਬੰਨ੍ਹੀ ਜਾ ਸਕਦੀ ਹੈ।

ਰੱਖੜੀ ਦੇ ਤਿਉਹਾਰ ’ਤੇ ਸਹੀ ਮਹੂਰਤ 'ਚ ਰੱਖੜੀ ਬੰਨ੍ਹਣ ਨਾਲ ਭਰਾ ਨੂੰ ਜੀਵਨ 'ਚ ਸਫਲਤਾ, ਚੰਗੀ ਸਿਹਤ ਤੇ ਸੁੱਖ-ਸਮ੍ਰਿੱਧੀ ਪ੍ਰਾਪਤ ਹੁੰਦੀ ਹੈ।

ਇਸ ਲਈ ਉੱਪਰ ਦੱਸੀਆਂ ਗਈਆਂ ਤਰੀਕਾਂ ਤੇ ਸ਼ੁੱਭ ਮਹੂਰਤ ਅਨੁਸਾਰ ਹੀ ਤੀਜ-ਤਿਉਹਾਰ ਮਨਾਓ।

ਡਿਸਕਲੇਮਰ :

ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗਾਂ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ/ਲੋਕ ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।