Ank Shastra : ਇਨ੍ਹਾਂ ਤਰੀਕਾਂ ਨੂੰ ਜਨਮੇ ਲੋਕ ਹੁੰਦੇ ਹਨ ਬੇਹੱਦ ਖਾਸ, ਚਲਾਕੀ ਤੋਂ ਦੂਰ... ਬੱਚਿਆਂ ਵਰਗਾ ਪਵਿੱਤਰ ਹੁੰਦਾ ਹੈ ਇਨ੍ਹਾਂ ਦਾ ਮਨ

ਧਰਮ ਡੈਸਕ, ਨਵੀਂ ਦਿੱਲੀ : ਹਰ ਇਨਸਾਨ ਦਾ ਸੁਭਾਅ ਉਸ ਦੀ ਜਨਮ ਤਰੀਕ ਨਾਲ ਕਾਫ਼ੀ ਹੱਦ ਤੱਕ ਜੁੜਿਆ ਹੁੰਦਾ ਹੈ। ਅੰਕ ਸ਼ਾਸਤਰ ਦੀ ਦੁਨੀਆ 'ਚ ਹਰ ਤਰੀਕ ਦਾ ਆਪਣਾ ਵੱਖਰਾ ਮਹੱਤਵ ਤੇ ਪ੍ਰਭਾਵ ਹੁੰਦਾ ਹੈ। ਕੁਝ ਤਰੀਕਾਂ 'ਤੇ ਜਨਮੇ ਲੋਕ ਬਹੁਤ ਸਾਹਸੀ ਮੰਨੇ ਜਾਂਦੇ ਹਨ ਤਾਂ ਕੁਝ ਆਪਣੀ ਤੇਜ਼ ਬੁੱਧੀ ਲਈ ਮਸ਼ਹੂਰ ਹੁੰਦੇ ਹਨ। ਪਰ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਖਾਸ ਤਰੀਕਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ 'ਤੇ ਜਨਮੇ ਲੋਕ ਆਪਣੇ 'ਗੋਲਡਨ ਹਾਰਟ' ਯਾਨੀ ਸਾਫ਼ ਦਿਲ ਲਈ ਜਾਣੇ ਜਾਂਦੇ ਹਨ।

ਅੰਕ ਜੋਤਿਸ਼ ਮੁਤਾਬਕ, ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 3, 12, 21 ਜਾਂ 30 ਤਰੀਕ ਨੂੰ ਹੁੰਦਾ ਹੈ, ਉਹ ਲੋਕ ਛਲ-ਕਪਟ, ਨਫ਼ਰਤ ਤੇ ਚਾਲਾਕੀ ਤੋਂ ਕੋਹਾਂ ਦੂਰ ਰਹਿੰਦੇ ਹਨ। ਦੁਨੀਆ ਦੀ ਭੀੜ-ਭਾੜ ਅਤੇ ਭੱਜ-ਦੌੜ 'ਚ ਵੀ ਇਨ੍ਹਾਂ ਦੇ ਅੰਦਰ ਇੱਕ ਛੋਟੇ ਬੱਚੇ ਵਰਗੀ ਮਾਸੂਮੀਅਤ ਹਮੇਸ਼ਾ ਜ਼ਿੰਦਾ ਰਹਿੰਦੀ ਹੈ।

ਦੇਵਤਿਆਂ ਦੇ ਗੁਰੂ ਬ੍ਰਹਿਸਪਤੀ ਦੀ ਰਹਿੰਦੀ ਹੈ ਕਿਰਪਾ

ਜਿਨ੍ਹਾਂ ਲੋਕਾਂ ਦੀ ਜਨਮ ਤਾਰੀਖ ਤਰੀਕ , 12, 21 ਜਾਂ 30 ਹੁੰਦੀ ਹੈ, ਉਨ੍ਹਾਂ 'ਤੇ ਦੇਵਤਿਆਂ ਦੇ ਗੁਰੂ ਮੰਨੇ ਜਾਣ ਵਾਲੇ ਬ੍ਰਹਿਸਪਤੀ ਗ੍ਰਹਿ ਦੀ ਵਿਸ਼ੇਸ਼ ਕਿਰਪਾ ਰਹਿੰਦੀ ਹੈ। ਗੁਰੂ ਦੇ ਪ੍ਰਭਾਵ ਕਾਰਨ ਹੀ ਇਨ੍ਹਾਂ ਦੇ ਅੰਦਰ ਇਕ ਵੱਖਰੀ ਹੀ ਸਾਤਵਿਕ ਤੇ ਪਵਿੱਤਰ ਊਰਜਾ ਦੇਖਣ ਨੂੰ ਮਿਲਦੀ ਹੈ। ਇਹ ਲੋਕ ਸੁਭਾਅ ਤੋਂ ਬਹੁਤ ਹੀ ਸਾਦੇ, ਸੱਚੇ ਅਤੇ ਭਾਵੁਕ ਹੁੰਦੇ ਹਨ।

ਇਨ੍ਹਾਂ ਤਰੀਕਾਂ ਨੂੰ ਜਨਮੇ ਲੋਕਾਂ ਦੀਆਂ ਦਿਲਚਸਪ ਗੱਲਾਂ

• ਇਹ ਲੋਕ ਜ਼ਿੰਦਗੀ ਦੀ ਹਰ ਸਥਿਤੀ ਨੂੰ ਬੇਹੱਦ ਸਕਾਰਾਤਮਕ ਤਰੀਕੇ ਨਾਲ ਦੇਖਦੇ ਹਨ। ਮਾੜੀ ਸਥਿਤੀ 'ਚ ਵੀ ਇਹ ਕੁਝ ਨਾ ਕੁਝ ਚੰਗਾ ਲੱਭ ਲੈਂਦੇ ਹਨ।
• ਕਿਸੇ ਨਾਲ ਧੋਖਾ ਕਰਨਾ ਜਾਂ ਚਾਲਾਕੀ ਦਿਖਾਉਣਾ ਇਨ੍ਹਾਂ ਦੇ ਸੁਭਾਅ 'ਚ ਹੀ ਨਹੀਂ ਹੁੰਦਾ। ਇਹ ਆਪਣੇ ਮਨ 'ਚ ਕਿਸੇ ਲਈ ਨਫ਼ਰਤ ਜਾਂ ਵੈਰ-ਵਿਰੋਧ ਨਹੀਂ ਪਾਲਦੇ।
• ਜਿਸ ਤਰ੍ਹਾਂ ਇਕ ਛੋਟਾ ਜਿਹਾ ਬੱਚਾ ਹਰ ਨਵੀਂ ਚੀਜ਼ ਨੂੰ ਦੇਖ ਕੇ ਖੁਸ਼ ਹੋ ਜਾਂਦਾ ਹੈ, ਠੀਕ ਉਸੇ ਤਰ੍ਹਾਂ ਇਨ੍ਹਾਂ ਤਰੀਕਾਂ 'ਤੇ ਜਨਮੇ ਲੋਕ ਜ਼ਿੰਦਗੀ ਪ੍ਰਤੀ ਹਮੇਸ਼ਾ ਖਾਸ ਤਰ੍ਹਾਂ ਦੇ ਉਤਸ਼ਾਹ ਨਾਲ ਭਰੇ ਰਹਿੰਦੇ ਹਨ।
• ਇਨ੍ਹਾਂ ਦਾ ਸਿੱਧਾ ਜਿਹਾ ਅਸੂਲ ਹੈ ਕਿ 'ਜੋ ਦਿਲ 'ਚ ਹੈ, ਉਹੀ ਜ਼ੁਬਾਨ 'ਤੇ'। ਇਨ੍ਹਾਂ ਤਰੀਕਾਂ 'ਤੇ ਜਨਮੇ ਲੋਕ ਦਿਖਾਵਾ ਕਰਨ ਜਾਂ ਪਿੱਠ ਪਿੱਛੇ ਗੱਲਾਂ ਕਰਨ 'ਚ ਬਿਲਕੁਲ ਵੀ ਵਿਸ਼ਵਾਸ ਨਹੀਂ ਰੱਖਦੇ।
• ਇਨ੍ਹਾਂ ਦੀ ਇਕ ਹੋਰ ਵੱਡੀ ਖੂਬੀ ਇਹ ਹੈ ਕਿ ਇਹ ਨਿਸ਼ਕਾਮ ਭਾਵਨਾ ਨਾਲ ਦੂਜਿਆਂ ਦੀ ਮਦਦ ਲਈ ਹਮੇਸ਼ਾ ਤਿਆਰ ਰਹਿੰਦੇ ਹਨ।
• ਇਨ੍ਹਾਂ ਦੀ ਮਾਸੂਮੀਅਤ ਹੀ ਇਨ੍ਹਾਂ ਦਾ ਸਭ ਤੋਂ ਵੱਡਾ ਆਕਰਸ਼ਣ ਹੁੰਦੀ ਹੈ। ਇਸੇ ਕਾਰਨ ਲੋਕ ਬਹੁਤ ਜਲਦੀ ਇਨ੍ਹਾਂ ਦੇ ਮੁਰੀਦ ਹੋ ਜਾਂਦੇ ਹਨ।
• ਇਹ ਲੋਕ ਬੇਹੱਦ ਮਿਲਣਸਾਰ ਸੁਭਾਅ ਦੇ ਹੁੰਦੇ ਹਨ। ਜਿਨ੍ਹਾਂ ਨੂੰ ਇਹ ਨਹੀਂ ਜਾਣਦੇ, ਉਨ੍ਹਾਂ ਨੂੰ ਵੀ ਤੁਰੰਤ ਆਪਣਾ ਬਣਾ ਲੈਂਦੇ ਹਨ ਅਤੇ ਆਪਣੇ ਹਰ ਰਿਸ਼ਤੇ ਨੂੰ ਪੂਰੀ ਇਮਾਨਦਾਰੀ ਨਾਲ ਨਿਭਾਉਂਦੇ ਹਨ।

ਡਿਸਕਲੇਮਰ: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਫਾਇਦੇ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ/ਜੋਤਿਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।