ਪੀਆਰਟੀਸੀ-ਪਨਬੱਸ ਕੱਚੇ ਕਾਮਿਆਂ ਵੱਲੋਂ ਸੂਬਾ ਪੱਧਰੀ ਹੜਤਾਲ

-- ਕਿਹਾ, ਜੇ ਮੰਗਾਂ ਨਾ ਮੰਨੀਆਂ ਤਾਂ ਚੰਡੀਗੜ੍ਹ ’ਚ ਘੇਰਾਂਗੇ ਵਿਧਾਨ ਸਭਾ ਸੈਸ਼ਨ ਯਾਦਵਿੰਦਰ ਸਿੰਘ ਭੁੱਲਰ, ਪੰਜਾਬੀ ਜਾਗਰਣ, ਬਰਨਾਲਾ : ਆਪਣੀਆਂ ਚਿਰਾਂ ਤੋਂ ਲਮਕਦੀਆਂ ਆਉਂਦੀਆਂ ਮੰਗਾਂ ਨੂੰ ਲੈ ਕੇ ਪੀਆਰਟੀਸੀ–ਪਨਬੱਸ ਕੱਚੇ ਕਾਮਿਆਂ ਨੇ ਸੋਮਵਾਰ ਤੋਂ ਸਾਰੇ ਸੂਬੇ ਚ ਹੜਤਾਲ ਵਿੱਢ ਦਿੱਤੀ ਹੈ। ਹੜਤਾਲ ਕਰਕੇ ਪੂਰੇ ਪੰਜਾਬ ਚ ਹੀ ਪਨਬੱਸਾਂ ਦਾ ਪਹੀਆ ਠੱਪ ਹੋ ਗਿਆ, ਜਿਸ ਕਰਕੇ ਰਾਹੀ-ਪਾਂਧੀਆਂ ਤੇ ਸਵਾਰੀਆਂ ਨੂੰ ਖੱਜਲ-ਖੁਆਰ ਹੋਣਾ ਪਿਆ। ਬਰਨਾਲੇ ਬੱਸ ਅੱਡੇ ਤੇ ਧਰਨਾ-ਮੁਜ਼ਾਹਰਾ ਕਰਦਿਆਂ ਯੂਨੀਅਨ ਆਗੂ ਗੁਰਪ੍ਰੀਤ ਸਿੰਘ, ਨਿਰਪਾਲ ਸਿੰਘ ਪੱਪੂ, ਸੁਖਪਾਲ ਸਿੰਘ ਪਾਲਾ ਤੇ ਪੀਆਰਟੀਸੀ ਦੀ ਆਜ਼ਾਦ ਜਥੇਬੰਦੀ ਦੇ ਆਗੂ ਪਵਨ ਕੁਮਾਰ ਨੇ ਆਖਿਆ ਕਿ ਕੱਚੇ ਮੁਲਾਜ਼ਮ ਬੜੇ ਸਾਲਾਂ ਤੋਂ ਨੌਕਰੀਆਂ ਪੱਕੀਆਂ ਕਰਾਉਣ, ਬਰਾਬਰ ਤਨਖਾਹਾਂ ਲੈਣ, ਸਮਾਜਿਕ ਸੁਰੱਖਿਆ ਤੇ ਹੋਰ ਹੱਕ-ਸੱਚ ਦੀਆਂ ਮੰਗਾਂ ਨੂੰ ਲੈ ਕੇ ਧਰਨੇ ਲਾਉਂਦੇ ਆ ਰਹੇ ਆ। ਸਰਕਾਰ ਨੇ ਬੜੀ ਵਾਰ ਲਾਰੇ-ਲੱਪੇ ਲਾਏ, ਪਰ ਅਜੇ ਤੱਕ ਕੋਈ ਠੋਸ ਹੱਲ ਨ੍ਹੀਂ ਕੱਢਿਆ। ਤਾਂਹੀਓਂ ਮਜਬੂਰ ਹੋ ਕੇ ਸਾਨੂੰ ਹੜਤਾਲ ਦਾ ਰਾਹ ਫੜਨਾ ਪਿਆ। ਆਗੂਆਂ ਨੇ ਚੇਤਾਵਨੀ ਦਿੱਤੀ ਕਿ ਜੇ ਸਰਕਾਰ ਨੇ ਹੁਣ ਵੀ ਉਨ੍ਹਾਂ ਦੀਆਂ ਮੰਗਾਂ ਵਲ ਧਿਆਨ ਨਾ ਧਰਿਆ, ਤਾਂ ਕੱਲ੍ਹ ਨੂੰ ਚੰਡੀਗੜ੍ਹ ਵਿਖੇ ਚੱਲ ਰਹੇ ਪੰਜਾਬ ਵਿਧਾਨ ਸਭਾ ਦੇ ਸੈਸ਼ਨ ਦਾ ਘਿਰਾਓ ਕੀਤਾ ਜਾਊਗਾ। ਉਨ੍ਹਾਂ ਕਿਹਾ ਕਿ ਕੱਚੇ ਕਾਮੇ ਆਪਣੀ ਆਵਾਜ਼ ਸਰਕਾਰ ਦੇ ਕੰਨਾਂ ਤੱਕ ਹਰ ਹੀਲੇ ਪਹੁੰਚਾ ਕੇ ਰਹਿਣਗੇ। --ਮੁੱਖ ਮੰਤਰੀ ਤੀਰਥ ਯਾਤਰਾ ਸਕੀਮ ’ਤੇ ਵੀ ਚੁੱਕੇ ਸਵਾਲ ਬਰਨਾਲਾ ਬੱਸ ਸਟੈਂਡ ਚ ਰੋਸ ਪ੍ਰਦਰਸ਼ਨ ਦੌਰਾਨ ਧਰਨੇ ਨੂੰ ਸੰਬੋਧਨ ਕਰਦਿਆਂ ਤੇ ਮੀਡੀਆ ਦੇ ਰੂਬਰੂ ਹੁੰਦਿਆਂ ਦੁਨੀਆਂ ਦੇ ਆਗੂਆਂ ਪੰਜਾਬ ਸਰਕਾਰ ਦੀ ਮੁੱਖ ਮੰਤਰੀ ਤੀਰਥ ਯਾਤਰਾ ਨੂੰ ਵੀ ਸਵਾਲਾਂ ਦੇ ਘੇਰੇ ਚ ਲਿਆਂਦਾ। ਉਨ੍ਹਾਂ ਕਿਹਾ ਕਿ ਇਸ ਸਕੀਮ ਹੇਠ ਪੰਜਾਬ ਦੀਆਂ ਬੱਸਾਂ ਚਲਾਉਣ ਦੀ ਥਾਂ ਦੂਜੇ ਸੂਬਿਆਂ ਦੀਆਂ ਬੱਸਾਂ ਚਲਾਈਆਂ ਜਾ ਰਹੀਆਂ ਹਨ। ਜੇਕਰ ਇਸ ਸਕੀਮ ਚ ਪੰਜਾਬ ਦੀਆਂ ਆਪਣੀਆਂ ਬੱਸਾਂ ਚਲਾਈਆਂ ਜਾਣ, ਤਾਂ ਸੂਬੇ ਨੂੰ ਟੈਕਸ ਦਾ ਲਾਹਾ ਮਿਲੂਗਾ ਤੇ ਆਪਣੇ ਸਥਾਨਕ ਗੱਭਰੂਆਂ ਨੂੰ ਰੋਜ਼ਗਾਰ ਮਿਲੂਗਾ। ਉਨ੍ਹਾਂ ਸਰਕਾਰ ਨੂੰ ਤਾੜਦਿਆਂ ਕਿਹਾ ਕਿ ਜੇ ਸਮਾਂ ਰਹਿੰਦੇ ਮੰਗਾਂ ਨਾ ਨਿਬੇੜੀਆਂ ਗਈਆਂ, ਤਾਂ ਆਉਂਦੀਆਂ ਵਿਧਾਨ ਸਭਾ ਚੋਣਾਂ ’ਚ ਸਰਕਾਰ ਨੂੰ ਇਸ ਦਾ ਸਿਆਸੀ ਖਾਮਿਆਜ਼ਾ ਭੁਗਤਣਾ ਪਊਗਾ। ਕੱਚੇ ਕਾਮੇ ਤੇ ਉਨ੍ਹਾਂ ਦੇ ਪਰਿਵਾਰ ਆਪਣਾ ਰੋਸ ਵੋਟ ਦੀ ਚੋਟ ਨਾਲ ਜ਼ਾਹਰ ਕਰਨਗੇ। ਯੂਨੀਅਨ ਨੇ ਸਾਫ਼-ਸਫ਼ਾਈ ਅਖਿਆ ਹੈ ਕਿ ਜਦੋਂ ਤੱਕ ਸਰਕਾਰ ਲਿਖਤੀ ’ਚ ਭਰੋਸਾ ਦੇ ਕੇ ਮੰਗਾਂ ਨਹੀਂ ਮੰਨਦੀ, ਉਦੋਂ ਤੱਕ ਹੜਤਾਲ ਉਵੇਂ ਹੀ ਜਾਰੀ ਰਹੇਗੀ।