ਤੋਲਾਵਾਲ 'ਚ ਮੰਤਰੀ ਅਮਨ ਅਰੋੜਾ ਦਾ ਘੇਰਾਓ, ਨੌਜਵਾਨਾਂ ਨੇ ਸਟੇਜ 'ਤੇ ਹੀ ਪੁੱਛੇ 'ਚਿੱਟੇ' ਨੂੰ ਲੈ ਕੇ ਤਿੱਖੇ ਸਵਾਲ; ਮਚਿਆ ਹੰਗਾਮਾ

ਨੌਜਵਾਨਾਂ ਦੇ ਇਸ ਸਖ਼ਤ ਰਵੱਈਏ ਕਾਰਨ ਮੰਤਰੀ ਕਾਫ਼ੀ ਪਰੇਸ਼ਾਨ ਨਜ਼ਰ ਆਏ ਅਤੇ ਉੱਥੇ ਮੌਜੂਦ ਪ੍ਰਸ਼ਾਸਨਿਕ ਅਮਲੇ ਵਿੱਚ ਵੀ ਚਿੰਤਾ ਦਾ ਆਲਮ ਦਿਖਾਈ ਦਿੱਤਾ। ਗੁਰਪ੍ਰੀਤ ਸਿੰਘ ਨਾਮ ਦੇ ਇੱਕ ਸਥਾਨਕ ਨੌਜਵਾਨ ਦੀ ਅਗਵਾਈ ਵਿੱਚ, ਨੌਜਵਾਨਾਂ ਦਾ ਇੱਕ ਸਮੂਹ ਅਚਾਨਕ ਮੰਚ ਕੋਲ ਪਹੁੰਚ ਗਿਆ ਅਤੇ ਮੌਜੂਦਾ ਹਾਲਾਤਾਂ ਬਾਰੇ ਸਿੱਧੇ ਸਵਾਲ ਪੁੱਛਣੇ ਸ਼ੁਰੂ ਕਰ ਦਿੱਤੇ। ਉਨ੍ਹਾਂ ਨੇ ਬਿਨਾਂ ਕਿਸੇ ਝਿਜਕ ਦੇ ਪੁੱਛਿਆ: "ਕੀ ਇਸ ਪਿੰਡ ਵਿੱਚ 'ਚਿੱਟਾ' ਵਿਕ ਰਿਹਾ ਹੈ ਜਾਂ ਨਹੀਂ? ਕੀ ਇੱਥੇ ਚੋਰੀਆਂ ਹੋ ਰਹੀਆਂ ਹਨ ਜਾਂ ਨਹੀਂ?" ਇਸ ਤੋਂ ਇਲਾਵਾ, ਨੇੜੇ ਖੜ੍ਹੇ ਪੁਲਿਸ ਅਧਿਕਾਰੀਆਂ ਅਤੇ ਸਰਪੰਚ ਵੱਲ ਇਸ਼ਾਰਾ ਕਰਦਿਆਂ ਉਨ੍ਹਾਂ ਕਿਹਾ, "ਲੋਕਾਂ ਦੀ ਗੱਲ ਸੁਣੋ ,ਇੱਥੇ ਸ਼ਰਾਬ ਵੀ ਵਿਕ ਰਹੀ ਹੈ।" ਸਾਰਿਆਂ ਦੇ ਸਾਹਮਣੇ ਪੁੱਛੇ ਗਏ ਇਨ੍ਹਾਂ ਤਿੱਖੇ ਸਵਾਲਾਂ ਨੇ ਮੰਤਰੀ ਅਮਨ ਅਰੋੜਾ ਅਤੇ ਪੁਲਿਸ ਅਧਿਕਾਰੀਆਂ ਨੂੰ ਮੁਸ਼ਕਲ ਸਥਿਤੀ ਵਿੱਚ ਪਾ ਦਿੱਤਾ। ਮੰਤਰੀ ਨੇ ਸ਼ਾਂਤੀ ਬਣਾਈ ਰੱਖਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਜਨਤਾ ਦੇ ਸਹਿਯੋਗ ਤੋਂ ਬਿਨਾਂ ਨਸ਼ਿਆਂ 'ਤੇ ਕਾਬੂ ਪਾਉਣਾ ਮੁਸ਼ਕਲ ਹੈ ?