ਤੀਆਂ ਦਾ ਤਿਉਹਾਰ ਮਨਾਇਆ, ਗਿੱਧੇ ਨਾਲ ਰੰਗ ਬੰਨਿਆਂ

ਸਟਾਫ ਰਿਪੋਰਟਰ, ਪੰਜਾਬੀ ਜਾਗਰਣ, ਸੰਗਰੂਰ : ਸਾਉਣ ਦੇ ਮਹੀਨੇ ਦੇ ਸ਼ੁਭ ਮੌਕੇ ਤੀਜ ਫੈਸਟੀਵਲ-2026, ਸਥਾਨਕ ਕੇਐੱਮਆਰ ਬਲੌਸਮਿੰਗ ਪੈਲੇਸ ਵਿਖੇ ਖੁਸ਼ੀ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਸ ਤੀਜ ਪ੍ਰੋਗਰਾਮ ਵਿੱਚ ਇਕੱਠੀਆਂ ਹੋਈਆਂ ਔਰਤਾਂ ਵੱਲੋਂ ਵੱਖ-ਵੱਖ ਤਰ੍ਹਾਂ ਦੇ ਪੰਜਾਬੀ ਸੱਭਿਆਚਾਰ ਦੀ ਬਹੁਤ ਵਧੀਆ ਝਲਕ ਪੇਸ਼ ਕੀਤੀ ਗਈ। ਉਨ੍ਹਾਂ ਪੰਜਾਬੀ ਬੋਲੀਆਂ, ਪੰਜਾਬੀ ਪਹਿਰਾਵਾ, ਗਿੱਧਾ ਅਤੇ ਤੀਜ ਗਾ ਕੇ ਪੰਜਾਬੀ ਸੱਭਿਆਚਾਰ ਤੇ ਅਪਣੱਤ ਤੀਜ ਉਤਸਵ ਮਨਾਇਆ ਗਿਆ ਅਤੇ ਇੱਕ ਦੂਜੇ ਨੂੰ ਤੀਜ ਦੀਆਂ ਮੁਬਾਰਕਾਂ ਦਿੱਤੀਆਂ। ਇਸ ਮੌਕੇ ਆਏ ਮਹਿਮਾਨਾਂ ਵੱਲੋਂ ਪੰਜਾਬੀ ਗੀਤਾਂ ਤੇ ਬੋਲੀਆਂ ਅਤੇ ਗਿੱਧਾ ਪਾ ਕੇ ਰੌਣਕ ਵਧਾਈ ਗਈ। ਪ੍ਰੋਗਰਾਮ ਵਿੱਚ ਵੱਖ-ਵੱਖ ਤਰ੍ਹਾਂ ਦੇ ਪਕਵਾਨ ਅਤੇ ਰਿਫਰੈਸ਼ਮੈਂਟ ਆਦਿ ਦਾ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ। ਇਸ ਪ੍ਰੋਗਰਾਮ ਵਿੱਚ ਪੰਜਾਬ ਦੀ ਸੱਭਿਆਚਾਰਕ, ਪੰਜਾਬੀ ਪਰੰਪਰਾਵਾਂ ਅਤੇ ਸਾਵਣ ਦੇ ਰੰਗਾਂ ਦੀ ਮਨਮੋਹਕ ਝਲਕ ਦੇਖਣ ਨੂੰ ਮਿਲੀ। ਪ੍ਰੋਗਰਾਮ ਦੇ ਅੰਤ ਵਿੱਚ ਆਏ ਮਹਿਮਾਨਾਂ ਨੇ ਸਾਰਿਆਂ ਨੂੰ ਤੀਜ ਦੇ ਸ਼ੁਭ ਅਵਸਰ ਦੀਆਂ ਮੁਬਾਰਕਾਂ ਦਿੱਤੀਆਂ ਅਤੇ ਪੰਜਾਬੀ ਸੱਭਿਆਚਾਰ ਤੇ ਸਾਂਝ ਨਾਲ ਜੁੜੇ ਰਹਿਣ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਵੰਸ਼ਾਲੀ ਬਾਂਸਲ, ਸੀਨੂੰ ਗਰਗ, ਪੂਰਨ ਬਾਂਸਲ, ਰਮਨੀਕ ਸਹੀ, ਪਿੰਕੀ ਰਾਣੀ, ਮੋਹਨ ਸਰੂ, ਜਸਪ੍ਰੀਤ ਕੌਰ, ਅਨੀਤਾ ਗੋਇਲ, ਰਾਜਿੰਦਰ ਕੌਰ, ਰੁਬੀਨਾ, ਰਜਿੰਦਰ ਕੌਰ, ਅਨੂਪ ਮੀਨਾਕਸ਼ੀ, ਗੀਤ, ਮੋਹਿਨੀ ਸ਼ਰਮਾ ਅਤੇ ਕੈਮਿਆ ਮੌਜੂਦ ਸਨ।