ਕਾਹਲੀ ਤੇ ਸੰਤੁਲਨ ਵਿਗੜਨ ਕਾਰਨ ਛੱਪੜ 'ਚ ਡਿੱਗੀ ਕਾਰ, ਦਿੜ੍ਹਬਾ ਇਲਾਕੇ ਦੇ ਤਿੰਨ ਨੌਜਵਾਨਾਂ ਦੀ ਦਰਦਨਾਕ ਮੌਤ; ਵਿੱਤ ਮੰਤਰੀ ਚੀਮਾ ਨੇ ਜਤਾਇਆ ਡੂੰਘਾ ਦੁੱਖ

ਹਰਮੇਸ਼ ਸਿੰਘ ਮੇਸ਼ੀ, ਪੰਜਾਬੀ ਜਾਗਰਣ, ਦਿੜ੍ਹਬਾ - ਦਿੜ੍ਹਬਾ ਇਲਾਕੇ ਅੰਦਰ ਉਸ ਸਮੇਂ ਭਾਰੀ ਸੋਗ ਦੀ ਲਹਿਰ ਦੌੜ ਗਈ ਜਦੋਂ ਇਸ ਇਲਾਕੇ ਦੇ ਤਿੰਨ ਨੌਜਵਾਨਾਂ ਦੀ ਜਗਰਾਉਂ ਰਾਏਕੋਟ ਰੋਡ Dਤੇ ਇੱਕ ਛੱਪੜ ਵਿੱਚ ਕਾਰ ਡਿੱਗਣ ਨਾਲ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ ਦੋ ਨੌਜਵਾਨ ਦੀ ਜਾਨ ਬਚ ਗਈ। ਜਾਣਕਾਰੀ ਅਨੁਸਾਰ ਇਹ ਪੰਜ ਨੌਜਵਾਨ ਇੱਕ ਕਾਰ ਵਿੱਚ ਸਵਾਰ ਹੋ ਕੇ ਨਕੋਦਰ ਮੱਥਾ ਟੇਕਣ ਗਏ ਹੋਏ ਸਨ। ਰਾਤ ਨੂੰ ਵਾਪਸ ਆਉਣ ਸਮੇਂ ਜਗਰਾਓ ਰਾਏਕੋਟ ਰੋਡ ਉੱਤੇ ਅਚਾਨਕ ਬੈਲੈਂਸ ਵਿਗੜਣ ਨਾਲ ਕਾਰ ਛੱਪੜ ਵਿੱਚ ਜਾ ਡਿੱਗੀ। ਇਸ ਗੱਡੀ ਵਿੱਚ ਸਵਾਰ ਬਲਕਾਰ ਸਿੰਘ ਪਿੰਡ ਰੋਗਲਾ ਵਿਸ਼ਾਲ ਕਰਕ ਪਿੰਡ ਦਿੜਬਾ ਅਤੇ ਸੰਦੀਪ ਸਿੰਘ ਵਾਸੀ ਅਤਾਲਾਂ (ਪਾਤੜਾਂ) ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ। ਦੋ ਨੌਜਵਾਨ ਪੁਨੀਤ ਵਾਸੀ ਪਾਤੜਾ ਬਿਕਰਮ ਵਿੱਕੀ ਵਾਸੀ ਬੂਰਡ ਇਸ ਹਾਦਸੇ ਵਿੱਚ ਵਾਲ ਵਾਲ ਬਚ ਗਏ ਹਨ। ਇਸ ਹਾਦਸੇ ਮਰਨ ਵਾਲੇ ਬਲਕਾਰ ਸਿੰਘ ਪਿੰਡ ਦੇ ਪੰਚਾਇਤ ਮੈਂਬਰ ਸਨ ਅਤੇ ਆਮ ਆਦਮੀ ਪਾਰਟੀ ਦੇ ਐਸਸੀ ਵਿੰਗ ਦੇ ਬਲਾਕ ਕੋਆਰਡੀਨੇਟਰ ਅਤੇ ਹਲਕਾ ਲਹਿਰਾ ਦੇ ਸੈਕਟਰ ਇੰਚਾਰਜ ਸਨ। ਇਹ ਪੰਜਾਬ ਦੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਦੇ ਨਜ਼ਦੀਕੀ ਸਾਥੀਆਂ ਵਿੱਚੋਂ ਮੰਨੇ ਜਾਂਦੇ ਹਨ।