ਪਟਿਆਲਾ ਸ਼ਹਿਰੀ ਨੇ ਖੋ-ਖੋ ’ਚ ਜਿੱਤੀ ਓਵਰਆਲ ਟਰਾਫੀ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਪਟਿਆਲਾ : ਮੁੱਖ ਮੰਤਰੀ ਪੰਜਾਬ ਭਗਵੰਤ ਸਿੰਘ ਮਾਨ ਦੀ ਯੋਗ ਅਗਵਾਈ ਹੇਠ ਤੇ ਪੰਜਾਬ ਸਰਕਾਰ ਦੇ ਯਤਨਾਂ ਨਾਲ ਤੇ ਜ਼ਿਲ੍ਹਾ ਖੇਡ ਅਫਸਰ ਨਵਜੋਤ ਸਿੰਘ ਧਾਲੀਵਾਲ ਦੇ ਤਾਲਮੇਲ ਨਾਲ ਖੇਡਾਂ ਵਤਨ ਪੰਜਾਬ ਦੀਆਂ ਸ਼ੀਜਨ-4 ਜ਼ਿਲ੍ਹਾ ਪੱਧਰੀ ਖੇਡਾਂ ਪੋਲੋ ਗਰਾਊਂਡ,ਪਟਿਆਲਾ ਵਿਖੇ ਕਰਵਾਈਆਂ ਗਈਆਂ। ਖੋ-ਖੋ ਟੂਰਨਾਮੈਂਟ ਕਨਵੀਨਰ ਕੋਚ ਸੁਖਦੀਪ ਸਿੰਘ ਨੇ ਦੱਸਿਆ ਕਿ ਅੱਜ ਮੁੱਖ ਮਹਿਮਾਨ ਦੇ ਤੌਰ ਤੇ ਉਪਕਾਰ ਸਿੰਘ ਵਿਰਕ ਸੈਕਟਰੀ ਕੇ.ਕੇ.ਐਫ.ਆਈ. ਡਾ.ਦਲਜੀਤ ਸਿੰਘ ਡੀਐਸਸੀ ਗੁਰਚੰਦ ਸਿੰਘ ਜੁਆਇੰਟ ਸੈਕਟਰੀ ਪੀ.ਕੇ.ਕੇ.ਏ. ਨੇ ਉਚੇਚੇ ਤੌਰ ਤੇ ਪਹੁੰਚ ਖਿਡਾਰੀਆਂ ਨੂੰ ਆਸ਼ੀਰਵਾਦ ਦਿੱਤਾ। ਅੱਜ ਦੇ ਹੋਏ ਅੰਡਰ-17 ਲੜਕੀਆਂ ਦੇ ਮੁਕਾਬਲਿਆਂ ਵਿਚ ਪਟਿਆਲਾ ਸ਼ਹਿਰੀ ਨੇ ਪਹਿਲਾ, ਪਾਤੜਾਂ ਨੇ ਦੂਜਾ, ਘਨੌਰ ਤੇ ਸਨੌਰ ਨੇ ਤੀਜਾ,ਅੰਡਰ-17 ਲੜਕਿਆਂ ਵਿਚ ਪਟਿਆਲਾ ਸ਼ਹਿਰੀ ਨੇ ਪਹਿਲਾ, ਘਨੌਰ ਨੇ ਦੂਜਾ, ਪਾਤੜਾਂ ਦੇ ਸਮਾਣਾ ਨੇ ਤੀਜਾ, ਅੰਡਰ-21 ਲੜਕਿਆਂ ਵਿਚ ਪਟਿਆਲਾ ਸ਼ਹਿਰੀ ਨੇ ਪਹਿਲਾ, ਸਨੌਰ ਨੇ ਦੂਜਾ, ਪਾਤੜਾਂ ਦੇ ਘਨੌਰ ਨੇ ਤੀਜਾ, ਅੰਡਰ-21 ਲੜਕੀਆਂ ਵਿਚ ਘਨੌਰ ਨੇ ਪਹਿਲਾ, ਪਟਿਆਲਾ ਸ਼ਹਿਰੀ ਨੇ ਦੂਜਾ, ਪਾਤੜਾਂ ਤੇ ਘਨੌਰ ਯੂਨੀਵਰਸਿਟੀ ਕਾਲਜ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਮੌਕੇ ਲੈਕ. ਵਿਨੋਦ ਕੁਮਾਰ, ਲੈਕ. ਸਰਬਜੀਤ ਸਿੰਘ, ਕਮਲਦੀਪ ਸਿੰਘ ਕੋਚ, ਸੁਖਵਿੰਦਰ ਕੌਰ ਕੋਚ, ਵੀਰਾਂ ਦੇਵੀ ਕੋਚ, ਜਰਨੈਲ ਸਿੰਘ, ਲੈਕ.ਸੁਖਵੰਤ ਸਿੰਘ, ਸੰਦੀਪ ਸਿੰਘ, ਨਿਧੀ ਸ਼ਰਮਾ, ਪ੍ਰੈਸ ਇੰਚਾਰਜ ਜਸਵਿੰਦਰ ਸਿੰਘ ਹਾਜ਼ਰ ਸਨ।