ਗੁਰਨਾਮ ਚੌਹਾਨ ਨੂੰ ਪ੍ਰਧਾਨ ਤੇ ਕੁਲਵੰਤ ਰਿਖੀ ਨੂੰ ਜਨਰਲ ਸਕੱਤਰ ਬਣੇ

ਭੁਪਿੰਦਰਜੀਤ ਮੌਲਵੀਵਾਲਾ, ਪੰਜਾਬੀ ਜਾਗਰਣ, ਪਾਤੜਾਂ : ਪੰਜਾਬੀ ਸਾਹਿਤ ਸਭਾ ਪਾਤੜਾਂ (ਰਾਜਿ) ਪੰਜਾਬ ਦਾ ਜਨਰਲ ਇਜਲਾਸ ਗੁਰਦੁਆਰਾ ਗੁਰੂ ਤੇਗ ਬਹਾਦਰ ਸਾਹਿਬ ਪਾਤੜਾਂ ਦੇ ਮੀਟਿੰਗ ਹਾਲ ਵਿਚ ਕੁਲਵੰਤ ਰਿਖੀ ਤੇ ਅਨੀਤਾ ਅਰੋੜਾ ਦੀ ਪ੍ਰਧਾਨਗੀ ਹੇਠ ਹੋਇਆ। ਮੀਟਿੰਗ ’ਚ ਸਮੁੱਚੇ ਹਾਊਸ ਦੀ ਪ੍ਰਵਾਨਗੀ ਨਾਲ ਸਭਾ ਦੀ ਪੰਜ ਮੈਂਬਰੀ ਕਮੇਟੀ ਰੱਦ ਕਰਕੇ ਸਰਬਸੰਮਤੀ ਨਵੀਂ ਚੋਣ ਕੀਤੀ ਗਈ। ਮੀਟਿੰਗ ਵਿਚ ਸਭਾ ਦੇ ਸਰਪਰਸਤ ਬਾਜ ਸਿੰਘ ਮਹਿਲੀਆ, ਮਾਸਟਰ ਸਲਾਹਕਾਰ ਹਰਦੇਵ ਸਿੰਘ ਪ੍ਰੀਤ, ਪ੍ਰਧਾਨ ਗੁਰਨਾਮ ਸਿੰਘ ਚੌਹਾਨ, ਸੀਨੀਅਰ ਮੀਤ ਪ੍ਰਧਾਨ ਪ੍ਰਿੰ ਗੁਰਨਾਮ ਸਿੰਘ ਜੱਜ, ਮੀਤ ਪ੍ਰਧਾਨ ਅਨੀਤਾ ਅਰੋੜਾ, ਜਨਰਲ ਸਕੱਤਰ ਕੁਲਵੰਤ ਰਿਖੀ, ਸਕੱਤਰ ਪ੍ਰੇਮ ਸਿੰਘ ਮੌਲਵੀਵਾਲਾ, ਖ਼ਜ਼ਾਨਚੀ ਜਤਿਨ ਬੱਤਰਾ, ਪ੍ਰੈਸ ਸਕੱਤਰ ਬ੍ਰਿਸ਼ਭਾਨ ਬੁਜਰਕ, ਕਾਰਜਕਾਰਨੀ ਮੈਂਬਰ ਕਿਰਨ ਸਿੰਗਲਾ, ਭਪਿੰਦਰਜੀਤ ਸਿੰਘ ਮੌਲਵੀਵਾਲਾ ਤੇ ਵਿਰਕ ਨੂਰਪੁਰੀ ਨੂੰ ਸਰਬਸੰਮਤੀ ਨਾਲ ਚੁਣਿਆ ਗਿਆ ਹੈ। ਇਸ ਉਪਰੰਤ ਪੰਜਾਬੀ ਦੇ ਉੱਘ ਖੱਬੇ ਪੱਖੀ ਆਗੂ, ਬੇਬਾਕ ਲੇਖਕ ਤੇ ਚਿੰਤਕ ਚੰਦ ਸਿੰਘ ਚੰਦ ਫਤਿਹਪੁਰੀ ਦੀ ਮੌਤ ਉੱਤੇ ਦੋ ਮਿੰਟ ਦਾ ਮੌਨ ਧਾਰਨ ਕਰਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਗਈ। ਉਪਰੰਤ ਰਚਨਾਵਾਂ ਦੇ ਦੌਰ ’ਚ ਸਾਹਿਤਕਾਰ ਸਟੇਟ ਐਵਾਰਡੀ ਬਾਜ ਸਿੰਘ ਮਹਿਲੀਆ ਤੇ ਮਾਸਟਰ ਹਰਦੇਵ ਸਿੰਘ ਨੇ ਮਿੰਨੀ ਕਹਾਣੀ ਪੇਸ਼ ਕੀਤੀ, ਸ਼੍ਰੀਮਤੀ ਕਿਰਨ ਸਿੰਗਲਾ ਨੇ ਬਾਜ ਸਿੰਘ ਮਹਿਲੀਆ ਨੂੰ ਸਨਮਾਨਿਤ ਕੀਤਾ ਤੇ ਉਨ੍ਹਾਂ ਤੇ ਕੁਝ ਲਾਈਨਾਂ ਪੇਸ਼ ਕੀਤੀਆਂ। ਸਭਾ ਵੱਲੋਂ ਉਨ੍ਹਾਂ ਨੂੰ ਗੁਰਨਮ ਸਿੰਘ ਚੌਹਾਨ ਦੀ ਲਿਖੀ ਪੁਸਤਕ ...ਤਬੈ ਰੋਸ ਜਾਗਿਓ ਨਾਲ ਸਨਮਾਨਿਤ ਕੀਤਾ। ਵਿਰਕ ਨੂਰਪੁਰੀ ਨੇ ਗੀਤ, ਕਰਨੈਲ ਸਿੰਘ ਜੋਗੀ, ਪ੍ਰੇਮ ਮੌਲਵੀਵਾਲਾ, ਜਤਿਨ ਬੱਤਰਾ, ਬਲਬੀਰ ਸਿੰਘ ਢਿੱਲੋਂ, ਹਰਪਾਲ ਸਨੇਹੀ ਘੱਗਾ, ਸ਼੍ਰੀਮਤੀ ਅਨੀਤਾ ਅਰੋੜਾ, ਗੁਰਮੀਤ ਬਾਂਸਲ ਅਤੇ ਵਿਨੋਦ ਜਿੰਦਲ ਨੇ ਕਵਿਤਾ ਪੇਸ਼ ਕੀਤੀ। ਕੁਲਵੰਤ ਰਿਖੀ ਨੇ ਗਜ਼ਲ ਪੜੀ, ਭੁਪਿੰਦਰਜੀਤ ਮੌਲਵੀਵਾਲਾ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਸਭਾ ਦੇ ਪ੍ਰਧਾਨ ਗੁਰਨਾਮ ਸਿੰਘ ਚੌਹਾਨ ਨੇ ਸਮੁੱਚੇ ਹਾਊਸ ਨੂੰ ਵਿਸ਼ਵਾਸ ਦਿਵਾਇਆ ਕਿ ਉਹ ਮੈਂਬਰਾਂ ਦੇ ਸਹਿਯੋਗ ਸਦਕਾ ਫੈਸਲੇ ਲੈਂਦੇ ਸਭਾ ਨੂੰ ਬੁਲੰਦੀਆਂ ਵੱਲ ਲੈ ਕੇ ਜਾਣ ਦੀਆਂ ਕੋਸ਼ਿਸ਼ਾਂ ਕਰਨਗੇ।