ਬਿਜਲੀ ਖਪਤਕਾਰਾਂ ਲਈ ਰਾਹਤ ਭਰੀ ਖ਼ਬਰ : ਔਸਤ ਬਿੱਲਾਂ ਦੀ ਸਮੱਸਿਆ ਤੋਂ ਛੁਟਕਾਰਾ ਦਿਵਾਉਣ ਲਈ ਪਾਵਰਕਾਮ ਦਾ ਅਹਿਮ ਕਦਮ

ਇਸ ਤੋਂ ਬਾਅਦ ਅਸਲ ਖਪਤ ਦੇ ਆਧਾਰ ’ਤੇ ਬਿੱਲ ਜਾਰੀ ਹੋਣਗੇ ਅਤੇ ਔਸਤ ਬਿੱਲਾਂ ਦੀ ਲੋੜੀਂਦੀ ਐਡਜਸਟਮੈਂਟ ਵਿਭਾਗੀ ਨਿਯਮਾਂ ਮੁਤਾਬਕ ਆਪਣੇ ਆਪ ਹੋ ਜਾਵੇਗੀ। ਜਿਹੜੇ ਖਪਤਕਾਰ ਤੁਰੰਤ ਬਿੱਲ ਸੋਧਵਾਉਣਾ ਚਾਹੁੰਦੇ ਹਨ, ਉਹ ਮੀਟਰ ਦੀ ਕੇਡਬਲਯੂਐੱਚ/ਕੇਵੀਏਐੱਚ/ਐੱਮਡੀਆਈ ਰੀਡਿੰਗ ਦੀ ਸਾਫ਼ ਫੋਟੋ ਜਾਂ ਵੀਡੀਓ ਵਟਸਐਪ ਕਰ ਸਕਦੇ ਹਨ। ਢਕੌਲੀ, ਬਲਟਾਣਾ, ਗਾਜ਼ੀਪੁਰ, ਸਨੌਲੀ ਤੇ ਪੀਰਮੁਛੱਲਾ ਲਈ 9781171891 ਅਤੇ ਲੋਹਗੜ੍ਹ, ਰਾਮਗੜ੍ਹ ਭੁੱਡਾ, ਭਬਾਤ, ਦਿਆਲਪੁਰਾ ਤੇ ਛੱਤ ਲਈ 9466333233 ’ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। ਵਿਭਾਗ ਨੇ ਕਿਹਾ ਕਿ ਦਫ਼ਤਰ ਆਉਣ ਦੀ ਲੋੜ ਨਹੀਂ। ਬਕਾਇਆ ਬਿੱਲ ਤੁਰੰਤ ਜਮ੍ਹਾਂ ਕਰਵਾਉਣ ਦੀ ਅਪੀਲ ਕਰਦਿਆਂ ਚਿਤਾਵਨੀ ਵੀ ਦਿੱਤੀ ਗਈ ਹੈ ਕਿ ਭੁਗਤਾਨ ਨਾ ਹੋਣ ’ਤੇ ਕੁਨੈਕਸ਼ਨ ਕੱਟਿਆ ਜਾ ਸਕਦਾ ਹੈ।