ਮੁਹਾਲੀ ਦੇ ਵਿਗਿਆਨੀਆਂ ਦੀ ਵੱਡੀ ਪ੍ਰਾਪਤੀ: ਹਲਦੀ ਦੇ ਨੈਨੋ ਕਣਾਂ ਨਾਲ ਸਾਫ਼ ਹੋਵੇਗਾ ਸਨਅਤੀ ਗੰਦਾ ਪਾਣੀ

ਦਰਸ਼ਨ ਸਿੰਘ ਸੋਢੀ, ਪੰਜਾਬੀ ਜਾਗਰਣ, ਮੁਹਾਲੀ। ਕੱਪੜਾ ਉਦਯੋਗ ’ਚੋਂ ਨਿਕਲਣ ਵਾਲੇ ਰੰਗੀਨ ਅਤੇ ਰਸਾਇਣਕ ਪ੍ਰਦੂਸ਼ਕਾਂ ਨਾਲ ਭਰਪੂਰ ਗੰਦੇ ਪਾਣੀ ਦੇ ਇਲਾਜ ਲਈ ਮੁਹਾਲੀ ਦੇ ਵਿਗਿਆਨੀਆਂ ਨੇ ਵਾਤਾਵਰਣ ਅਨੁਕੂਲ ਨਵੀਂ ਤਕਨੀਕ ਵਿਕਸਿਤ ਕੀਤੀ ਹੈ। ਇਸ ਵਿੱਚ ਹਲਦੀ ਦੇ ਅਰਕ ਤੋਂ ਤਿਆਰ ਜ਼ਿੰਕ ਆਕਸਾਈਡ ਨੈਨੋ ਕਣਾਂ, ਰੋਸ਼ਨੀ, ਅਲਟ੍ਰਾਸੋਨਿਕ ਕੰਪਨਾਂ ਅਤੇ ਮਸ਼ੀਨ ਲਰਨਿੰਗ ਦੀ ਮਦਦ ਨਾਲ ਪਾਣੀ ਵਿੱਚ ਮੌਜੂਦ ਰੰਗਾਂ ਨੂੰ ਹਟਾਇਆ ਜਾਂਦਾ ਹੈ। ਖੋਜ ਮੁਤਾਬਕ 120 ਮਿੰਟਾਂ ਦੇ ਉਪਚਾਰ ਨਾਲ ਪਾਣੀ ਦੇ ਰੰਗ ਵਿੱਚ 96 ਤੋਂ 98.6 ਫ਼ੀਸਦੀ ਤੱਕ ਕਮੀ ਦਰਜ ਕੀਤੀ ਗਈ ਹੈ।