ਮੁਹਾਲੀ 'ਚ ਵੱਡਾ ਹਾਦਸਾ: ਪੰਜਾਬ ਰੋਡਵੇਜ਼ ਦੀ ਬੱਸ ਅਤੇ ਕਾਰ ਵਿਚਾਲੇ ਜ਼ਬਰਦਸਤ ਟੱਕਰ, 3 ਔਰਤਾਂ ਸਮੇਤ 6 ਵਿਅਕਤੀ ਗੰਭੀਰ ਜ਼ਖ਼ਮੀ

ਪੰਜਾਬ ਰੋਡਵੇਜ਼ ਦੇ ਬੱਸ ਚਾਲਕ ਗੁਰਸੇਵਕ ਸਿੰਘ ਨੇ ਦੱਸਿਆ ਕਿ ਉਹ ਬੱਸ ਨੂੰ ਨਾਰਮਲ ਸਪੀਡ 'ਤੇ ਲੈ ਕੇ ਜਾ ਰਹੇ ਸਨ। ਕਾਰ ਚਾਲਕ ਨੇ ਅਚਾਨਕ ਹਾਈਵੇ ਦੇ ਕੱਟ ਤੋਂ ਗੱਡੀ ਦੂਜੀ ਸਾਈਡ ਮੋੜ ਲਈ, ਜਿਸ ਕਾਰਨ ਉਸ ਨੂੰ ਸੰਭਲਣ ਦਾ ਮੌਕਾ ਨਹੀਂ ਮਿਲਿਆ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਥਾਣਾ ਸਿਟੀ ਖਰੜ ਤੋਂ ਤਫ਼ਤੀਸ਼ੀ ਅਫ਼ਸਰ ਲਖਵਿੰਦਰ ਪਾਲ ਸਿੰਘ ਪੁਲਿਸ ਟੀਮ ਨਾਲ ਮੌਕੇ 'ਤੇ ਪਹੁੰਚੇ। ਉਨ੍ਹਾਂ ਦੱਸਿਆ ਕਿ ਇਹ ਹਾਦਸਾ ਹਾਈਵੇ 'ਤੇ ਬਣੇ ਨਵੇਂ ਕੱਟ ਤੋਂ ਕਾਰ ਮੋੜਨ ਵੇਲੇ ਵਾਪਰਿਆ ਜਾਪਦਾ ਹੈ। ਨੁਕਸਾਨੀ ਗਈ ਕਾਰ ਦੇ ਪਿੱਛੇ ਆ ਰਹੀ ਇਕ ਹੋਰ ਕਾਰ, ਜਿਸ ਨੂੰ ਜੰਮੂ-ਕਸ਼ਮੀਰ ਵਾਸੀ ਰੌਸ਼ਨ ਸਿੰਘ ਚਲਾ ਰਿਹਾ ਸੀ ਵੀ ਇਸ ਟੱਕਰ ਦੀ ਲਪੇਟ ਵਿਚ ਆ ਗਈ, ਪਰ ਉਸ ਵਿਚ ਸਵਾਰ ਸਾਰੇ ਲੋਕ ਸੁਰੱਖਿਅਤ ਹਨ। ਪੁਲਿਸ ਨੇ ਹਾਦਸਾਗ੍ਰਸਤ ਵਾਹਨਾਂ ਨੂੰ ਕਬਜ਼ੇ ਵਿਚ ਲੈ ਕੇ ਅਗਲੇਰੀ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।